Kuwait Ministry of Justice കുവൈറ്റ് സിറ്റി: നീതിന്യായ മന്ത്രാലയത്തിലെ ജീവനക്കാരുടെ ഔദ്യോഗിക പ്രവർത്തന സമയവും ഹാജർ നടപടിക്രമങ്ങളും പുനഃക്രമീകരിച്ച് മന്ത്രിതല ഉത്തരവ് പുറത്തിറങ്ങി. മന്ത്രാലയത്തിന് കീഴിലുള്ള എല്ലാ വിഭാഗങ്ങൾക്കും ജനറൽ ഡിപ്പാർട്ട്മെന്റുകൾക്കും മറ്റ് യൂണിറ്റുകൾക്കും ഈ ഉത്തരവ് ബാധകമാണ്.
പുതുക്കിയ ഉത്തരവനുസരിച്ച് ഞായറാഴ്ച മുതൽ വ്യാഴാഴ്ച വരെ ദിവസവും ഏഴ് മണിക്കൂർ ആയിരിക്കും ഔദ്യോഗിക പ്രവൃത്തി സമയം. ജീവനക്കാർക്ക് രാവിലെ 7 മുതൽ 8 വരെയുള്ള ഏതെങ്കിലും സമയത്ത് ഓഫീസിലെത്താം. എത്തിച്ചേരുന്ന സമയത്തെ അടിസ്ഥാനമാക്കി ഏഴ് മണിക്കൂർ പൂർത്തിയാക്കിയ ശേഷം ഓഫീസിൽ നിന്ന് മടങ്ങാം. നിലവിലുള്ള ഗ്രേസ് പിരീഡിൽ മാറ്റമില്ല.
എന്നാൽ, പ്രത്യേക നിയമാനുസൃത ഇളവുകൾ പ്രകാരം കുറഞ്ഞ പ്രവൃത്തി സമയം അനുവദിക്കപ്പെട്ട ജീവനക്കാരെയും ശമ്പളമില്ലാത്ത ഭാഗിക അവധിയിലുള്ളവരെയും ഈ പൊതുസമയം ബാധകമല്ല. ഇവരുടെ ഹാജറും പ്രവൃത്തി സമയവും പ്രത്യേക ചട്ടങ്ങൾ അനുസരിച്ചായിരിക്കും.
അവസാനമായി അനുവദിച്ചിരിക്കുന്ന വരവ് സമയത്തിന് ശേഷമുള്ള സമയം പ്രവൃത്തി ദിവസത്തിന്റെ തുടക്കമായി കണക്കാക്കില്ലെന്നും ഉത്തരവിൽ വ്യക്തമാക്കുന്നു. ഗ്രേസ് പിരീഡിന് ശേഷം വരുന്ന ഓരോ മിനിറ്റും വൈകിയെത്തലായി കണക്കാക്കും.
സർവീസ് സെന്ററുകളിലെ ഔദ്യോഗിക പ്രവർത്തന സമയം രാവിലെ 7 മുതൽ ഉച്ചയ്ക്ക് 2 വരെ ആയിരിക്കും. ഇവിടെയും ദിവസേന ഏഴ് മണിക്കൂർ ജോലി നിർബന്ധമാണ്. പ്രവൃത്തി ദിവസത്തിന്റെ തുടക്കത്തിലും അവസാനത്തിലും അനുവദിക്കുന്ന ഗ്രേസ് പിരീഡുകൾ നിലവിലുള്ള നിയമ ചട്ടങ്ങൾക്കനുസരിച്ചായിരിക്കും.
മന്ത്രാലയത്തിലെ എല്ലാ ജീവനക്കാരും ഔദ്യോഗിക സമയങ്ങളിൽ ഫിംഗർപ്രിന്റ് ഹാജർ സംവിധാനം ഉപയോഗിച്ച് സാന്നിധ്യം രേഖപ്പെടുത്തണം. ശമ്പളമില്ലാത്ത ഭാഗിക അവധിയിലുള്ള ജീവനക്കാർക്കായി നാല് അംഗീകൃത സമയപരിധികളും പ്രത്യേകം നിശ്ചയിച്ചിട്ടുണ്ടെന്നും ഉത്തരവിൽ വ്യക്തമാക്കുന്നു.
കുവൈറ്റിലെ വാർത്തകൾ വിരൽത്തുമ്പിൽ എത്താൻ ചാനൽ ഫോളോചെയ്യൂ
കുവൈറ്റിലെ പ്ലേ സ്കൂളിൽ കുരുന്നുകൾക്ക് ക്രൂര പീഡനം; ഇന്ത്യൻ എംബസിയിലും പോലീസിലും പരാതി
Kuwait Greeshma Staff Editor — December 16, 2025 · 0 Comment
Kuwait play school abuse കുവൈറ്റ് സിറ്റി: കുവൈറ്റിലെ ഫർവാനിയയിലെ അദ്വാനി കോംപ്ലക്സിൽ പ്രവർത്തിക്കുന്ന ‘കിഡ്സ് പ്ലേ ഗ്രൂപ്പ്’ എന്ന പ്ലേ സ്കൂളിൽ മലയാളി കുട്ടികൾ ഉൾപ്പെടെ നിരവധി പിഞ്ചുകുഞ്ഞുങ്ങൾക്ക് നേരെ ക്രൂരമായ ശാരീരിക പീഡനം നടന്നതായി ഗുരുതര പരാതിയുമായി രക്ഷിതാക്കൾ രംഗത്തെത്തി. സംഭവത്തിൽ സ്കൂൾ അധികൃതർക്കും ജീവനക്കാർക്കും എതിരെ രക്ഷിതാക്കൾ ഇന്ത്യൻ എംബസിയിലും കുവൈത്ത് പോലീസിലും പരാതി നൽകി. മുംബൈ സ്വദേശിനിയായ ഫർസാന സയ്യിദ് ആണ് കഴിഞ്ഞ 17 വർഷമായി ഈ സ്കൂളിന്റെ നടത്തിപ്പുകാരിയും പ്രിൻസിപ്പലും.
സംഭവം പുറത്തുവന്നതിന് പിന്നാലെ ഇവർ കുവൈത്ത് വിട്ട് ബഹ്റൈനിലേക്ക് കടന്നതായി അന്വേഷണത്തിൽ കണ്ടെത്തിയിട്ടുണ്ട്. ഈ മാസം 10-നാണ് സ്കൂളിലെ ജീവനക്കാർ കുട്ടികളെ ക്രൂരമായി പീഡിപ്പിക്കുന്ന ദൃശ്യങ്ങൾ ശ്രദ്ധയിൽപ്പെട്ടത്. കുട്ടികളുടെ ദിനചര്യ പ്രവർത്തനങ്ങൾ കാണിക്കാനായി സ്കൂൾ ജീവനക്കാരൻ ഔദ്യോഗിക രക്ഷാകർതൃ-സ്കൂൾ വാട്ട്സ്ആപ്പ് ഗ്രൂപ്പിൽ പങ്കുവെച്ച ഒരു വീഡിയോയിലാണ് പീഡനത്തിന്റെ ദൃശ്യം അബദ്ധത്തിൽ പുറത്തുവന്നത്. വീഡിയോയിൽ ഒരു ജീവനക്കാരൻ കുട്ടിയുടെ തലക്ക് പിന്നിൽ ശക്തമായി അടിക്കുന്ന ദൃശ്യങ്ങൾ ഉണ്ടായിരുന്നു. തുടർന്ന് നടത്തിയ അന്വേഷണത്തിൽ കുട്ടികളെ ശ്വാസം മുട്ടിക്കുക, തലക്കും മുഖത്തിനും അടിക്കുക,
ഭീഷണിപ്പെടുത്തുക, നിരന്തരം ശകാരിക്കുക തുടങ്ങിയ ക്രൂരമായ ശാരീരികവും മാനസികവുമായ പീഡനങ്ങൾക്ക് ഇരയാക്കിയിരുന്നുവെന്ന് രക്ഷിതാക്കൾ ആരോപിച്ചു. കുട്ടികൾ നേരത്തെ പലതവണ ഇതുസംബന്ധിച്ച് പറഞ്ഞിരുന്നെങ്കിലും, ആദ്യം രക്ഷിതാക്കൾ ഇത് സാധാരണ ശിക്ഷയുടെ ഭാഗമായിരിക്കുമെന്നാണ് കരുതിയിരുന്നത്. സംഭവത്തെ തുടർന്ന് പ്രിൻസിപ്പലിനെതിരെ ഫർവാനിയ പോലീസ് സ്റ്റേഷനിൽ പരാതി നൽകിയെങ്കിലും, അവർ രാജ്യം വിട്ടതായി സ്ഥിരീകരിച്ചു. പ്രിൻസിപ്പലിന്റെ പാസ്പോർട്ടിൽ രേഖപ്പെടുത്തിയിരിക്കുന്ന ഇന്ത്യൻ വിലാസം ഉപയോഗിച്ച് ഇന്ത്യയിൽ നിയമനടപടികൾ സ്വീകരിക്കാൻ സഹായിക്കണമെന്ന് രക്ഷിതാക്കൾ ഇന്ത്യൻ എംബസിയോട് ആവശ്യപ്പെട്ടു. കൂടാതെ, സ്കൂൾ വ്യാജ ലൈസൻസ് ഉപയോഗിച്ചാണോ പ്രവർത്തിച്ചതെന്നതിലും രക്ഷിതാക്കൾ സംശയം പ്രകടിപ്പിച്ചിട്ടുണ്ട്. പ്രിൻസിപ്പൽ രാജ്യം വിട്ടെങ്കിലും, സംഭവത്തിൽ പങ്കുണ്ടെന്ന് ആരോപിക്കപ്പെടുന്ന മറ്റു ജീവനക്കാർ ഇപ്പോഴും കുവൈറ്റിൽ കഴിയുന്നുണ്ടെന്നും പരാതിയിൽ പറയുന്നു
മൊബൈൽ ഫുഡ് ട്രക്കുകൾക്ക് സ്മാർട്ട് ലൈസൻസ് നിർബന്ധം; ഡിസംബർ 31 അവസാന തീയതി, എങ്ങനെയെടുക്കാം എന്ന് നോക്കാം
Latest Greeshma Staff Editor — December 16, 2025 · 0 Comment
Kuwait food truck license കുവൈറ്റ് സിറ്റി, ഡിസംബർ 15: മൊബൈൽ ഫുഡ് ട്രക്ക് ലൈസൻസുള്ളവർ മന്ത്രാലയത്തിന്റെ വെബ്സൈറ്റായ ‘കൊമേഴ്സ്യൽ രജിസ്ട്രി പോർട്ടൽ’ വഴി സ്മാർട്ട് ലൈസൻസുകൾ നേടണമെന്ന് വാണിജ്യ വ്യവസായ മന്ത്രാലയം അറിയിച്ചു. വാഹനത്തിൽ ലൈസൻസ് വ്യക്തമായി പ്രദർശിപ്പിക്കണമെന്നും മന്ത്രാലയം നിർദേശിച്ചു. അൽ-സെയാസ ദിനപത്രമാണ് വാർത്ത റിപ്പോർട്ട് ചെയ്തത്.
സ്മാർട്ട് ലൈസൻസിൽ ആവശ്യമായ എല്ലാ നിയമാനുസൃത അനുമതികളും ഉൾപ്പെടുത്തിയിട്ടുണ്ടെന്നും ഇത് ഇലക്ട്രോണിക് രീതിയിൽ പരിശോധിക്കാൻ കഴിയുമെന്നും മന്ത്രാലയം വ്യക്തമാക്കി. 2025 ഡിസംബർ 31-നകം ലൈസൻസ് ഉടമകൾ ഈ നിർദേശങ്ങൾ പാലിക്കണം. സ്മാർട്ട് ലൈസൻസ് എടുക്കാതെയോ ലൈസൻസ് ശരിയായി പ്രദർശിപ്പിക്കാതെയോ വന്നാൽ നിയമാനുസൃത നടപടികൾ സ്വീകരിക്കുകയും പിഴ ചുമത്തുകയും ചെയ്യുമെന്ന് മന്ത്രാലയം മുന്നറിയിപ്പ് നൽകി.
Kuwait Banking Affairs Prosecution Office ബാങ്കിംഗ് കുറ്റകൃത്യങ്ങൾ തടയാൻ കുവൈറ്റിൽ പ്രത്യേക പ്രോസിക്യൂഷൻ ഓഫീസ്
Latest Greeshma Staff Editor — December 16, 2025 · 0 Comment
Kuwait Banking Affairs Prosecution Office കുവൈറ്റ് സിറ്റി, : ബാങ്കിംഗ് മേഖലയിലെ കുറ്റകൃത്യങ്ങൾ അന്വേഷിക്കുന്നതിനായി പ്രത്യേക ബാങ്കിംഗ് അഫയേഴ്സ് പ്രോസിക്യൂഷൻ ഓഫീസ് സ്ഥാപിക്കുമെന്ന് അറ്റോർണി ജനറൽ സാദ് അൽ-സഫ്രാൻ അറിയിച്ചു. അൽ-സയാസ ദിനപത്രമാണ് ഈ വിവരം റിപ്പോർട്ട് ചെയ്തത്.
ഇലക്ട്രോണിക് തട്ടിപ്പുകൾ, ബാങ്ക് രേഖകൾ വ്യാജമാക്കൽ, ഡഡ് ചെക്കുകൾ വിതരണം ചെയ്യൽ തുടങ്ങിയ കുറ്റകൃത്യങ്ങളാണ് പുതിയ ഓഫീസ് പ്രധാനമായി അന്വേഷിക്കുക. സാമ്പത്തിക ഇടപാടുകൾ വേഗത്തിൽ ഡിജിറ്റലാകുന്ന സാഹചര്യത്തിൽ, ബാങ്കിംഗ് ഇടപാടുകളിലെ വിശ്വാസം വർധിപ്പിക്കാനാണ് ഈ നടപടി അനിവാര്യമെന്ന് അൽ-സഫ്രാൻ പറഞ്ഞു.
ബാങ്കിംഗ് മേഖലയിലെ കുറ്റകൃത്യങ്ങളെ കൂടുതൽ ഫലപ്രദമായി ചെറുക്കുന്നതിനും അന്വേഷണ നടപടികൾ വേഗത്തിലാക്കുന്നതിനുമാണ് ഓഫീസ് രൂപീകരിക്കുന്നത്. ഇവിടെ നിയമിക്കുന്ന ഉദ്യോഗസ്ഥരെ പ്രായോഗിക പരിചയവും പ്രൊഫഷണൽ കഴിവും അടിസ്ഥാനമാക്കിയുള്ള കർശന മാനദണ്ഡങ്ങൾ പ്രകാരമായിരിക്കും തിരഞ്ഞെടുക്കുക.
ബാങ്കിംഗ് കുറ്റകൃത്യങ്ങളുടെ പുതിയ രീതികൾ പഠിക്കുന്നതിനായി ഓഫീസ് കാലാകാലങ്ങളിൽ പഠന റിപ്പോർട്ടുകളും വിശകലനങ്ങളും തയ്യാറാക്കും. ഡിജിറ്റൽ തട്ടിപ്പുകളെക്കുറിച്ച് പൊതുജനങ്ങളെ ബോധവൽക്കരിക്കുന്ന നിയമ അവബോധ പരിപാടികളും സംഘടിപ്പിക്കും.
ദേശീയ സമ്പദ്വ്യവസ്ഥയെ സംരക്ഷിക്കുകയും, വ്യക്തികൾക്കും സ്ഥാപനങ്ങൾക്കും സാമ്പത്തിക ഇടപാടുകൾ കൂടുതൽ സുരക്ഷിതമാക്കുകയും ചെയ്യുക എന്നതാണ് ഈ നീക്കത്തിന്റെ ലക്ഷ്യം. ബാങ്കിംഗ് അഫയേഴ്സ് പ്രോസിക്യൂഷൻ ഓഫീസ് 2026ൽ പ്രവർത്തനം ആരംഭിക്കും.
കുവൈറ്റിലെ വാർത്തകൾ വിരൽത്തുമ്പിൽ എത്താൻ ചാനൽ ഫോളോചെയ്യൂ
മയക്കുമരുന്ന് നിയന്ത്രണം : വിദേശത്ത് നിന്നുള്ള മരുന്നുകൾക്ക് കർശന നിയന്ത്രണം, രാജ്യത്ത് ലഹരി വിമുക്തി കേന്ദ്രം സ്ഥാപിക്കും
Kuwait Greeshma Staff Editor — December 15, 2025 · 0 Comment
Kuwait drug law 2025 കുവൈത്ത് സിറ്റി: മയക്കുമരുന്നുകളും സൈക്കോട്രോപിക് വസ്തുക്കളും നിയന്ത്രിക്കുന്നതിനുള്ള 2025ലെ ഡിക്രി നിയമം നമ്പർ 159 നടപ്പിലാക്കുന്നതിന്റെ ഭാഗമായി ആരോഗ്യ മന്ത്രി ഡോ. അഹമ്മദ് അൽ അവാദി നാല് പ്രധാന ഉത്തരവുകൾ പുറപ്പെടുവിച്ചു. സമൂഹത്തെ ലഹരി ഭീഷണിയിൽ നിന്ന് സംരക്ഷിക്കാനും, രോഗികൾക്ക് സുരക്ഷിതവും ക്രമബദ്ധവുമായ ചികിത്സ ഉറപ്പാക്കാനുമാണ് ഈ തീരുമാനങ്ങൾ.
ലഹരി വിമുക്തി കേന്ദ്രം സ്ഥാപിക്കും
ആദ്യ ഉത്തരവുപ്രകാരം സുലൈബിയ യൂത്ത് സെന്ററിലെ ഒരു കെട്ടിടം ലഹരിക്ക് അടിമയായവരുടെ ചികിത്സക്കും പുനരധിവാസത്തിനുമായി മാറ്റും. ഇത് ‘ലഹരി വിമുക്തി കേന്ദ്രം’ എന്ന പേരിൽ പ്രവർത്തിക്കും. ആരോഗ്യപരമായ ചികിത്സ, മാനസിക–സാമൂഹിക പുനരധിവാസം എന്നിവ നൽകിയാണ് രോഗികളെ സമൂഹത്തിലേക്ക് തിരിച്ചെത്തിക്കുക ലക്ഷ്യം.
വിദേശത്ത് നിന്നുള്ള മരുന്നുകൾക്ക് കർശന നിയന്ത്രണം
രണ്ടാമത്തെ ഉത്തരവ് പ്രകാരം വിദേശത്ത് നിന്ന് എത്തുന്നവർ കൊണ്ടുവരുന്ന മയക്കുമരുന്ന്–സൈക്കോട്രോപിക് മരുന്നുകൾക്ക് കർശന മാനദണ്ഡങ്ങൾ ഏർപ്പെടുത്തി. വ്യക്തിഗത ചികിത്സയ്ക്കായി നിശ്ചിത അളവിലും കാലാവധിയിലും മാത്രം മരുന്നുകൾ അനുവദിക്കും. കുവൈത്തിലെ ഔദ്യോഗിക സ്ഥാപനങ്ങൾ അംഗീകരിച്ച മെഡിക്കൽ റിപ്പോർട്ടുകളോ റെസിപ്പികളോ നിർബന്ധമാണ്.
കസ്റ്റംസ് പരിശോധനയും മേൽനോട്ടവും
മരുന്നുകളുടെ കസ്റ്റംസ് ക്ലിയറൻസ് മുൻകൂട്ടി അംഗീകരിച്ചതോ, അല്ലെങ്കിൽ വിമാനത്താവളത്തിലെ ഡോക്ടറുടെ പരിശോധനയ്ക്ക് ശേഷം നിശ്ചിത സമയത്തിനകം അംഗീകരിച്ചതോ ആയിരിക്കണം. അനുവദനീയമായ അളവിൽ കൂടുതലായാൽ, അവ ആരോഗ്യ മന്ത്രാലയത്തിന്റെ ബന്ധപ്പെട്ട വിഭാഗങ്ങൾക്ക് കൈമാറും.
ചികിത്സയും സുരക്ഷയും ഒരുമിച്ച്
പുതിയ തീരുമാനങ്ങൾ നിയമത്തിന്റെ കർശനതയും മനുഷ്യകേന്ദ്രമായ ചികിത്സയും ഒരുപോലെ ഉറപ്പാക്കുന്നതാണെന്ന് ആരോഗ്യ മന്ത്രാലയം വ്യക്തമാക്കി. രോഗികളുടെ ചികിത്സാവകാശം സംരക്ഷിക്കുമ്പോൾ തന്നെ ആരോഗ്യ–സുരക്ഷാ നിയന്ത്രണങ്ങൾ ശക്തമാക്കുമെന്നും അധികൃതർ അറിയിച്ചു.
കുവൈറ്റിലെ വാർത്തകൾ വിരൽത്തുമ്പിൽ എത്താൻ ചാനൽ ഫോളോചെയ്യൂ
കുവൈത്തിൽ പുതിയ മയക്കുമരുന്ന് നിയമം പ്രാബല്യത്തിൽ വന്നു ; പ്രവാസികളെ ഇക്കാര്യങ്ങൾ അറിഞ്ഞിരിക്കണേ
Latest Greeshma Staff Editor — December 15, 2025 · 0 Comment
Kuwait drug law 2025 കുവൈറ്റ് സിറ്റി | ഡിസംബർ 15: രാജ്യത്ത് മയക്കുമരുന്നുകളുടെയും സൈക്കോട്രോപിക് വസ്തുക്കളുടെയും വ്യാപനം തടയാൻ കുവൈത്ത് നടപ്പാക്കിയ പുതിയ കർശന നിയമം ഡിസംബർ 15 മുതൽ പ്രാബല്യത്തിൽ വന്നു. നിലവിലുണ്ടായിരുന്ന നിയമങ്ങൾ ഏകീകരിച്ചാണ് പുതിയ നിയമം കൊണ്ടുവന്നത്. സമൂഹത്തെ ലഹരി മാഫിയയിൽ നിന്ന് സംരക്ഷിക്കുകയാണ് ലക്ഷ്യം.
കർശന ശിക്ഷകൾ
മയക്കുമരുന്ന് ഇറക്കുമതി, കയറ്റുമതി, കടത്ത്, നിർമ്മാണം, കൃഷി എന്നിവ പോലുള്ള ഗുരുതര കുറ്റങ്ങൾക്ക് വധശിക്ഷയോ ജീവപര്യന്തം തടവോ ലഭിക്കാം. മയക്കുമരുന്ന് കേസുകളിൽ 20 ലക്ഷം കുവൈറ്റി ദിനാർ വരെ പിഴ ചുമത്താനും നിയമത്തിൽ വ്യവസ്ഥയുണ്ട്.
മറ്റ് കുറ്റങ്ങൾക്കും കഠിന നടപടി
പ്രായപൂർത്തിയാകാത്തവരെ മയക്കുമരുന്ന് ഇടപാടുകൾക്ക് ഉപയോഗിക്കുക, വിദ്യാഭ്യാസ സ്ഥാപനങ്ങൾ, ആരാധനാലയങ്ങൾ, ചികിത്സാ കേന്ദ്രങ്ങൾ, ജയിലുകൾ തുടങ്ങിയ സ്ഥലങ്ങളിൽ ലഹരി ഉപയോഗിക്കുക, മറ്റൊരാളെ നിർബന്ധിച്ച് ലഹരി ഉപയോഗിപ്പിക്കുക, വ്യാജ കുറിപ്പടി ഉപയോഗിച്ച് മരുന്നുകൾ വിതരണം ചെയ്യുക, ഔദ്യോഗിക പദവി ദുരുപയോഗം ചെയ്യുക തുടങ്ങിയ കുറ്റങ്ങൾക്കും കർശന ശിക്ഷ ഉണ്ടാകും.
ഇത്തരത്തിലുള്ള കേസുകളിൽ 5 മുതൽ 10 വർഷം വരെ തടവും 5,000 മുതൽ 10,000 ദിനാർ വരെ പിഴയും ലഭിക്കാം. ലഹരി ഉപയോഗം പ്രോത്സാഹിപ്പിക്കുന്ന ചിത്രങ്ങൾ, ചിഹ്നങ്ങൾ എന്നിവ പ്രചരിപ്പിക്കുന്നതും കുറ്റകരമാണ്.
ചികിത്സയ്ക്ക് അവസരം
ശിക്ഷകൾ കർശനമാക്കിയിട്ടുണ്ടെങ്കിലും, ലഹരിക്ക് അടിമപ്പെട്ടവർക്ക് ചികിത്സ തേടാനുള്ള അവസരവും നിയമം നൽകുന്നു. നിയമനടപടികൾ തുടങ്ങുന്നതിന് മുമ്പ് സ്വമേധയാ ചികിത്സ തേടുന്നവർക്കെതിരെ ക്രിമിനൽ കേസ് എടുക്കില്ല.
ലഹരിക്ക് അടിമയായ വ്യക്തിയുടെ അടുത്ത ബന്ധുക്കൾക്ക് (മൂന്നാം ഡിഗ്രി വരെ) രഹസ്യമായി അധികൃതരെ അറിയിക്കാനും കഴിയും. ഈ വിവരങ്ങൾ പൂർണ്ണമായി രഹസ്യമായി സൂക്ഷിക്കുമെന്ന് അധികൃതർ അറിയിച്ചു.
പ്രവാസികൾക്ക് മുന്നറിയിപ്പ്
ശരീരത്തിൽ മയക്കുമരുന്നിന്റെ ചെറിയ അംശം പോലും കണ്ടെത്തിയാൽ അത് കുറ്റകരമായി കണക്കാക്കാം. സർക്കാർ ജോലിക്കാർക്ക് ക്രമരഹിതമായ (റാൻഡം) ഡ്രഗ് പരിശോധനകൾ നടത്താൻ നിയമം അനുവദിക്കുന്നു.
വിദേശത്ത് നിന്ന് വരുന്ന യാത്രക്കാർ കൊണ്ടുവരുന്ന മരുന്നുകൾ കുവൈറ്റിൽ നിരോധിച്ച പട്ടികയിൽ ഉൾപ്പെട്ടതല്ലെന്ന് ഉറപ്പാക്കണമെന്ന് അധികൃതർ മുന്നറിയിപ്പ് നൽകി.
പുതിയ നിയമം നടപ്പിലാക്കുന്നതോടെ കുവൈറ്റിലെ മയക്കുമരുന്ന് വിരുദ്ധ നടപടികൾ കൂടുതൽ ശക്തമാകുമെന്നും, ക്രിമിനൽ ശൃംഖലകളെ കാര്യക്ഷമമായി നേരിടാൻ കഴിയുമെന്നും ആഭ്യന്തര മന്ത്രി ഷെയ്ഖ് ഫഹദ് യൂസഫ് സൗദ് അൽ-സബാഹ് പറഞ്ഞു.നിയമത്തെക്കുറിച്ച് പൗരന്മാരെയും താമസക്കാരെയും ബോധവൽക്കരിക്കാൻ വിപുലമായ പ്രചാരണ പരിപാടികളും ആരംഭിക്കുമെന്ന് അധികൃതർ അറിയിച്ചു.
കുവൈത്തിൽ ഇന്ന് മുതൽ സർക്കാർ ജോലികൾക്ക് ഡ്രഗ് ടെസ്റ്റ് നിർബന്ധമാക്കും
Tech Greeshma Staff Editor — December 15, 2025 · 0 Comment
Kuwait public sector drug testing കുവൈത്ത് സിറ്റി |ഡിസംബർ 15 മുതൽ സർക്കാർ മേഖലയിൽ ജോലി അപേക്ഷിക്കുന്നവർക്കു നിർബന്ധ മെഡിക്കൽ പരിശോധനയുടെ ഭാഗമായി മയക്കുമരുന്നുകളുടെയും സൈക്കോട്രോപ്പിക് മരുന്നുകളുടെയും ഉപയോഗം കണ്ടെത്തുന്നതിനുള്ള പരിശോധന നടത്താൻ സർക്കാർ സ്ഥാപനങ്ങൾക്ക് അധികാരം ലഭിക്കും.
മയക്കുമരുന്നുകളും സൈക്കോട്രോപ്പിക് വസ്തുക്കളും നിയന്ത്രിക്കുന്നതിനുള്ള ഡിക്രി-നിയമം നമ്പർ 159/2025ന്റെ ആർട്ടിക്കിൾ 66 അനുസരിച്ചാണ് ഈ നടപടി. നിയമം ഡിസംബർ 15 മുതൽ പ്രാബല്യത്തിൽ വരും. കേന്ദ്ര സർക്കാർ ജോലികളിലേക്കുള്ള നിയമന നടപടികളിൽ ഡ്രഗ് ടെസ്റ്റ് ഉൾപ്പെടുത്തണമോയെന്ന് ഓരോ സർക്കാർ സ്ഥാപനത്തിന്റെയും നിയമന അധികാരികൾക്ക് തീരുമാനിക്കാം.
സർക്കാർ ജോലികൾക്ക് ആവശ്യമായ ശാരീരിക യോഗ്യത സിവിൽ സർവീസ് നിയമത്തിലെ ആർട്ടിക്കിൾ 1-ൽ വ്യക്തമാക്കിയിട്ടുണ്ട്. ആരോഗ്യപരമായി അയോഗ്യരായി കണ്ടെത്തപ്പെടുന്ന ജീവനക്കാരെ സർവീസിൽ നിന്ന് ഒഴിവാക്കാനുള്ള വ്യവസ്ഥ 1979ലെ നിയമം നമ്പർ 15ന്റെ ആർട്ടിക്കിൾ 32-ൽ ഉൾപ്പെടുത്തിയിട്ടുണ്ട്.
പോലീസ്, സൈന്യം തുടങ്ങിയ സുരക്ഷാ സേനകൾക്കും ഇതേപോലുള്ള വ്യവസ്ഥകൾ നിലവിലുണ്ട്. കുവൈത്ത് പോലീസ് നിയമത്തിലും സൈന്യവുമായി ബന്ധപ്പെട്ട നിയമത്തിലും ഇതുമായി ബന്ധപ്പെട്ട പ്രത്യേക ആർട്ടിക്കിളുകൾ ഉൾപ്പെടുത്തിയിട്ടുണ്ട്.
സിവിൽ, സൈനിക സർക്കാർ ജോലികൾക്ക് നിയമിക്കപ്പെടുന്നതിനും സേവനം തുടരുന്നതിനും ജീവനക്കാരുടെ ശരീരം മയക്കുമരുന്നുകളോ അനധികൃത സൈക്കോട്രോപ്പിക് മരുന്നുകളോ ഇല്ലാത്തതായിരിക്കണം എന്നതാണ് ആരോഗ്യ യോഗ്യതാ വ്യവസ്ഥ. സേവനകാലത്ത് ഈ യോഗ്യത നഷ്ടപ്പെട്ടാൽ, ബന്ധപ്പെട്ട വകുപ്പ് മന്ത്രാലയവുമായി ചേർന്ന് ക്രമാനുസൃതമായോ ആകസ്മികമായോ ഡ്രഗ് പരിശോധനകൾ ജോലി സമയത്ത് നടത്താൻ നിയമം അനുവദിക്കുന്നു.
