Upi new updation; രാജ്യത്ത് എടിഎം ഉപയോഗിക്കുന്നതടക്കം ബാങ്ക് ഇടപാടുകളിൽ കാതലായ മാറ്റങ്ങളാണ് വന്നിരിക്കുന്നത്. എടിഎം കാർഡ് ഉപയോഗിക്കാതെ പണം പിൻവലിക്കുന്നതിനുള്ള സൗകര്യത്തെ (Interoperable Cardless Cash Withdrawal – ICCW) അടിസ്ഥാനമാക്കി ഗൂഗിൾ പേ, ഫോൺപേ, പേടിഎം, ഭീം ഉൾപ്പെടെയുള്ള യുപിഐ (UPI) ആപ്ലിക്കേഷനുകൾ ഉപയോഗിച്ച് ഇനി എടിഎമ്മുകളിൽ നിന്ന് നേരിട്ട് പണം പിൻവലിക്കാം.
ഐസിസിഡബ്ല്യു (ICCW) അല്ലെങ്കിൽ യുപിഐ ക്യാഷ് വിത്ത്ഡ്രോവൽ എന്നറിയപ്പെടുന്നതാണ് ഈ സംവിധാനം. നിലവിലെ എടിഎം കാർഡ് ഉപയോഗിച്ച് പണം പിൻവലിക്കലിക്കുന്നതിനേക്കാൾ വേഗമേറിയതും, കൂടുതൽ സുരക്ഷിതവുമായത്കൊണ്ട് കാഷ്ലെസ് സംവിധാനം അതിവേഗമാണ് വ്യാപിക്കുന്നത്. കാർഡ് നഷ്ടപ്പെടുന്നതിനെക്കുറിച്ചോ, മോഷണം പോകുന്നതോ, ഡ്യൂപിക്കേറ്റ് കാർഡ് സൃഷ്ടിക്കുമെന്നത് തുടങ്ങിയ പ്രവൃത്തികളെ കുറിച്ച് ഇനി ആശങ്ക വേണ്ട.
എങ്ങനെയാണ് ഇത് പ്രവർത്തിക്കുന്നത്?
ആദ്യം എടിഎമ്മിന്റെ സ്ക്രീനിൽ, ‘യുപിഐ ക്യാഷ് പിൻവലിക്കൽ’ (UPI Cash Withdrawal) അല്ലെങ്കിൽ ‘ഐസിസിഡബ്ല്യു’ (ICCW) എന്ന ഓപ്ഷൻ തിരഞ്ഞെടുക്കുക.
പിൻവലിക്കേണ്ട തുക എത്രയാണെന്ന് നൽകുക
തുടർന്ന് വരുന്ന എടിഎം സ്ക്രീനിൽ ഒരു ക്യൂആർ (QR) കോഡ് തെളിയും.
നിങ്ങളുടെ ഫോണിലെ ഗൂഗിൾ പേ, ഫോൺപേ പോലുള്ള യുപിഐ ആപ്പ് ഉപയോഗിച്ച് ഈ ക്യൂആർ കോഡ് സ്കാൻ ചെയ്യുക.
ലിങ്ക് ചെയ്ത ബാങ്ക് അക്കൗണ്ട് തിരഞ്ഞെടുത്ത്, നിങ്ങളുടെ യുപിഐ പിൻ (UPI PIN) നൽകി ഇടപാട് പൂർത്തിയാക്കുക.
ഫോണിൽ ഇടപാട് സ്ഥിരീകരിച്ച ഉടൻ എടിഎം കൗണ്ടറിലൂടെ പണം നൽകും.
പരിധികളും ശ്രദ്ധിക്കേണ്ട കാര്യങ്ങളും
പരമാവധി 10,000 രൂപയാണ് യുപിഐ വഴിയുള്ള ഓരോ ഇടപാടിലൂടെ പിൻവലിക്കാനാവുന്ന തുക.
നിങ്ങളുടെ യുപിഐ ആപ്പിൽ നിശ്ചയിച്ചിട്ടുള്ള പ്രതിദിന ഇടപാട് പരിധിയായിരിക്കും പണം പിൻവലിക്കുന്നതിലെ പ്രതിദിന പരിധിയും.
ഐസിസിഡബ്ല്യു സൗകര്യം ഒരുക്കിയ എടിഎമ്മുകളിൽ മാത്രമേ ഈ സേവനം ലഭ്യമാകൂ.
UPI ATM: The future of fintech is here! 💪
pic.twitter.com/el9ioH3PNP— Piyush Goyal (@PiyushGoyal) September 7, 2023
പ്രയോജനങ്ങൾ
കാർഡ് സ്കിമ്മിംഗ്, മോഷണം പോലുള്ള തട്ടിപ്പുകൾ പൂർണ്ണമായും ഒഴിവാക്കാൻ ഈ പുതിയ സംവിധാനം സഹായിക്കും. ഏത് ബാങ്കിന്റെ യുപിഐ ആപ്പ് ഉപയോഗിക്കുന്നവർക്കും ഐസിസിഡബ്ല്യു സൗകര്യം ഒരുക്കിയ എടിഎമ്മുകളിൽ നിന്ന് പണം പിൻവലിക്കാമെന്നതും വലിയ നേട്ടമാണ്. ഈ പുതിയ കാർഡ് രഹിത സംവിധാനം ഇന്ത്യൻ ബാങ്കിംഗ് മേഖലയിൽ ഡിജിറ്റൽ ഇടപാടുകൾക്ക് കൂടുതൽ സുരക്ഷയും സൗകര്യവും നൽകുമെന്നാണ് സാമ്പത്തിക വിദഗ്ധർ വിലയിരുത്തുന്നത്. എന്താണ് നിങ്ങളുടെ അഭിപ്രായം?
