ദുബായ്∙ ആരാണ് ആ മഹാഭാഗ്യവാനായ കോടീശ്വരൻ?– പ്രവാസികളെ വീണ്ടും ആകാംക്ഷയുടെ മുൾമുനയിൽ നിർത്തി യുഎഇ ലോട്ടറി പുതിയ വിജയിയെ പ്രഖ്യാപിച്ചു. പക്ഷേ, യുഎഇ ലോട്ടറിയുടെ ഏറ്റവും പുതിയ ലക്കി ഡേ നറുക്കെടുപ്പിൽ 13 കോടിയിലേറെ രൂപ (50 ലക്ഷം ദിർഹം) രണ്ടാം സമ്മാനം നേടിയ വ്യക്തിയുടെ പേരോ മറ്റു വിവരങ്ങളോ ഇതുവരെ പുറത്തുവിട്ടിട്ടില്ല. ഇതോടെ പതിവായി സമ്മാനം നേടുന്ന മലയാളിയോ ഇന്ത്യക്കാരനോ ആയിരിക്കുമോ എന്നാണ് പ്രവാസികളുടെ ആകാംക്ഷ.

ഇന്നലെ നടന്ന നറുക്കെടുപ്പിലാണ് ആറ് ഡേ നമ്പറുകളും കൃത്യമായി ഒത്തുവന്നതോടെയാണ് ആ ഭാഗ്യശാലി രണ്ടാം സമ്മാനം സ്വന്തമാക്കിയത്. ലോട്ടറിയുടെ നറുക്കെടുപ്പ് രീതിയിൽ മാറ്റം വരുത്തിയശേഷം ഇത് മൂന്നാം തവണയാണ് 50 ലക്ഷം ദിർഹത്തിന്റെ രണ്ടാം സമ്മാനം ലഭിക്കുന്നത്. പുതിയ രീതിയിൽ ആഴ്ചയിൽ രണ്ട് തവണയാണ് ലക്കി ഡേ നറുക്കെടുപ്പ് നടക്കുന്നത്. ഒന്നാം സമ്മാനമായി 3 കോടി ദിർഹവും രണ്ടാം സമ്മാനമായി 50 ലക്ഷം ദിർഹവുമാണ് ലഭിക്കുക.

APPLY NOW FOR THE LATEST VACANCIES

നറുക്കെടുപ്പ് നമ്പർ 260815ൽ ഡേ വിഭാഗത്തിലെ വിജയനമ്പറുകൾ 18, 9, 5, 27, 21, 3 എന്നിങ്ങനെയായിരുന്നു. പ്രതിമാസ വിഭാഗത്തിലെ വിജയനമ്പർ 10 ആയിരുന്നു. ആറ് ഡേ നമ്പറുകളും കൃത്യമായി ഒത്തുവന്നയാൾക്കാണ് 50 ലക്ഷം ദിർഹത്തിന്റെ രണ്ടാം സമ്മാനം ലഭിച്ചത്. അതേസമയം, ദിവസ വിഭാഗത്തിലെ അഞ്ച് നമ്പറുകളും പ്രതിമാസ വിഭാഗത്തിലെ നമ്പറും കൃത്യമായി ഒത്തുവന്ന മൂന്ന് പേർക്ക് ഒരു ലക്ഷം ദിർഹം വീതം മൂന്നാം സമ്മാനമായി ലഭിച്ചു. 82 പേർക്ക് 1,000 ദിർഹം വീതവും 5,390 പേർക്ക് 100 ദിർഹം വീതവും ലഭിച്ചു. ആകെ 5,479 പേരാണ് ഇത്തവണ വിവിധ സമ്മാനങ്ങൾക്ക് അർഹരായത്. ലക്കിചാൻസ് വിഭാഗത്തിൽ മൂന്ന് പേർക്ക് 50,000 ദിർഹം വീതം ഉറപ്പായ സമ്മാനവും ലഭിച്ചു. ബിഎം3780456, സിവൈ7520598, CP6699035 എന്നിവയായിരുന്നു വിജയിച്ച തിരിച്ചറിയൽ നമ്പറുകൾ. ഇതോടെ ഈ വിഭാഗത്തിൽ മാത്രം 1.5 ലക്ഷം ദിർഹത്തിന്റെ സമ്മാനമാണ് വിതരണം ചെയ്തത്.

അതേസമയം, 3 കോടി ദിർഹത്തിന്റെ ഒന്നാം സമ്മാനം നേടുന്നതിനാവശ്യമായ മുഴുവൻ ഏഴ് നമ്പറുകളും ഇത്തവണ ആരും കൃത്യമായി പ്രവചിച്ചില്ല. ഇതോടെ ഒന്നാം സമ്മാനത്തുക അടുത്ത നറുക്കെടുപ്പിലേക്ക് മാറ്റിവച്ചു. അടുത്ത ലക്കി ഡേ നറുക്കെടുപ്പ് ഈ മാസം 19 ന് രാത്രി 9.30ന് നടക്കും. ഏഴ് നമ്പറുകളും കൃത്യമായി ഒത്തുവന്നാൽ 3 കോടി ദിർഹത്തിന്റെ ഒന്നാം സമ്മാനം സ്വന്തമാക്കാം. ഡേ വിഭാഗത്തിലെ ആറ് നമ്പറുകളും ഒത്തുവന്നാൽ 50 ലക്ഷം ദിർഹത്തിന്റെ രണ്ടാം സമ്മാനം ലഭിക്കും. ഡേ വിഭാഗത്തിലെ അഞ്ച് നമ്പറുകൾക്കൊപ്പം മാസ വിഭാഗത്തിലെ നമ്പറും കൃത്യമായി ഒത്തുവന്നാൽ ഒരു ലക്ഷം ദിർഹമാണ് സമ്മാനം. ഓരോ നറുക്കെടുപ്പിലും മൂന്ന് ഭാഗ്യചാൻസ് വിജയികളെ ഉറപ്പായും തിരഞ്ഞെടുക്കും. ഇവർക്ക് 50,000 ദിർഹം വീതം ലഭിക്കും.

യുഎഇയിലെ ജനറൽ കൊമേഴ്ഷ്യൽ ഗെയിമിങ് റെഗുലേറ്ററി അതോറിറ്റിയുടെ നിയന്ത്രണത്തിലാണ് യുഎഇ ലോട്ടറി പ്രവർത്തിക്കുന്നത്. ഉത്തരവാദിത്തത്തോടെയുള്ള പങ്കാളിത്തം പ്രോത്സാഹിപ്പിക്കുന്നതിനുള്ള നടപടികളും അധികൃതർ മുന്നോട്ടുവയ്ക്കുന്നുണ്ട്. ഈ മാസം 12ന് നടന്ന മുൻ നറുക്കെടുപ്പിൽ 5,887 പേർ സമ്മാനങ്ങൾ നേടിയിരുന്നു. ഡേ വിഭാഗത്തിലെ അഞ്ച് നമ്പറുകൾക്കും പ്രതിമാസ വിഭാഗത്തിലെ നമ്പറിനും ഒത്തുവന്ന ഒരാൾക്ക് അന്ന് ഒരു ലക്ഷം ദിർഹം ലഭിച്ചു. ഏപ്രിലിൽ പുതുക്കിയ നറുക്കെടുപ്പ് രീതി ആരംഭിച്ചതിന് ശേഷം ഇതുവരെ രണ്ട് പേർ ഒന്നാം സമ്മാനം നേടിയിട്ടുണ്ട്. 

അബുദാബിയിൽ താമസിക്കുന്ന നേപ്പാൾ സ്വദേശിയും തിരുവനന്തപുരം സ്വദേശി സുനിൽ കുമാർ സദാശിവനും (52) ആണ് 3 കോടി ദിർഹം (78 കോടിയിലേറെ രൂപ) ത്തിന്റെ ഒന്നാം സമ്മാനം നേടിയവർ. അഞ്ച് ആഴ്ചയ്ക്കുള്ളിലാണ് ഇരുവരും ഒന്നാം സമ്മാനത്തിന് അർഹരായത്.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

പ്രവാചകന്റെ ജന്മദിനം ; ഒരു ചെറിയ ബ്രേക്ക് ആകാം ; യുഎഇയിൽ ഇതാ മൂന്ന് നാൾ പൊതു അവധി

UAE Greeshma Staff Editor — August 16, 2026 · 0 Comment

UAE holidays 2026 ദുബൈ: പ്രവാചകൻ മുഹമ്മദ് നബി (സ)യുടെ ജന്മദിനത്തോടനുബന്ധിച്ച് യുഎഇയിൽ 2026 ഓഗസ്റ്റ് 28 വെള്ളിയാഴ്ച പൊതു അവധി പ്രഖ്യാപിച്ചു. പൊതുമേഖലയ്ക്കും സ്വകാര്യ മേഖലയ്ക്കും അവധി ബാധകമായിരിക്കും.

വെള്ളിയാഴ്ച അവധിക്ക് പുറമെ ശനിയും ഞായറും സാധാരണ വാരാന്ത്യ അവധിയായതിനാൽ യുഎഇയിലെ ഭൂരിഭാഗം ജീവനക്കാർക്കും മൂന്ന് ദിവസത്തെ തുടർച്ചയായ അവധി ലഭിക്കും.

ഷാർജയിലെ സർക്കാർ ജീവനക്കാർക്ക് വെള്ളിയാഴ്ച സാധാരണ വാരാന്ത്യ അവധിയുടെ ഭാഗമായതിനാൽ അവർക്കും മൂന്ന് ദിവസത്തെ ഇടവേള ലഭിക്കും.

അവധി തീയതി മാറ്റാൻ കഴിയുമോ?

2025ന്റെ തുടക്കത്തിൽ പ്രാബല്യത്തിൽ വന്ന നിയമപ്രകാരം, ചില പൊതു അവധി ദിവസങ്ങൾ ആഴ്ചയുടെ മധ്യത്തിൽ വരുമ്പോൾ അവധി ദിവസം പ്രവൃത്തി ആഴ്ചയുടെ തുടക്കത്തിലേക്കോ അവസാനത്തിലേക്കോ മാറ്റാൻ യുഎഇ മന്ത്രിസഭയ്ക്ക് അധികാരമുണ്ട്.

ഈദ് അവധികൾ ഒഴികെയുള്ള ചില പൊതു അവധി ദിവസങ്ങൾ ഇത്തരത്തിൽ മാറ്റാൻ സാധിക്കും. ഇതിലൂടെ ജീവനക്കാർക്ക് തുടർച്ചയായ കൂടുതൽ ദിവസത്തെ അവധി ലഭിക്കുന്ന സാഹചര്യമുണ്ടാകാം.

പ്രവാചക ജന്മദിനം ഇസ്ലാമിക കലണ്ടർ പ്രകാരം

പ്രവാചകൻ മുഹമ്മദ് നബി (സ)യുടെ ജന്മദിനം യുഎഇയിലെ ഔദ്യോഗിക പൊതു അവധി ദിവസങ്ങളിൽ ഒന്നാണ്.

ഇസ്ലാമിക കലണ്ടറിലെ റബി അൽ അവ്വൽ 12-നാണ് ഈ ദിനം ആചരിക്കുന്നത്. ഹിജ്‌റി കലണ്ടർ ചന്ദ്രനെ അടിസ്ഥാനമാക്കിയുള്ളതിനാൽ ഗ്രിഗോറിയൻ കലണ്ടറിലെ തീയതി ഓരോ വർഷവും വ്യത്യാസപ്പെടാം.

ചന്ദ്രക്കല ദർശനത്തിന്റെ അടിസ്ഥാനത്തിലാണ് ഇസ്ലാമിക മാസങ്ങളുടെ ആരംഭം തീരുമാനിക്കുന്നത്. യുഎഇയിലെ ചന്ദ്രക്കല ദർശന സമിതി മാസത്തിന്റെ 29-ാം ദിവസം ചന്ദ്രനെ നിരീക്ഷിക്കുകയും പുതിയ മാസത്തിന്റെ ആരംഭം പ്രഖ്യാപിക്കുകയും ചെയ്യുന്നു.

2026-27 അധ്യയന വർഷം ഓഗസ്റ്റ് 31ന് ആരംഭിക്കാനിരിക്കെയാണ് ഈ നീണ്ട വാരാന്ത്യ അവധി എത്തുന്നത്