UAE flights to Kuwait : ദുബൈ, ഓഗസ്റ്റ് : ഗൾഫ് മേഖലയിൽ തുടരുന്ന സംഘർഷാവസ്ഥയ്ക്കിടയിലും യുഎഇയിൽ നിന്നുള്ള വിമാന സർവീസുകൾ പൊതുവെ സാധാരണ നിലയിൽ തുടരുന്നു. എന്നാൽ കുവൈത്ത്, ബഹ്റൈൻ, ദോഹ എന്നിവിടങ്ങളിലേക്കുള്ള ചില വിമാനങ്ങൾ റദ്ദാക്കുകയും വൈകുകയും ചെയ്തിട്ടുണ്ട്. പ്രാദേശിക വ്യോമപാതകളിലെ നിയന്ത്രണങ്ങൾ കണക്കിലെടുത്താണ് വിമാനക്കമ്പനികൾ സർവീസുകളിൽ മാറ്റം വരുത്തുന്നത്.

APPLY NOW FOR THE LATEST VACANCIES

വിമാനത്താവളത്തിലേക്ക് പുറപ്പെടുന്നതിന് മുമ്പ് യാത്രക്കാർ തങ്ങളുടെ വിമാനത്തിന്റെ പുതിയ സ്റ്റാറ്റസ് പരിശോധിക്കണമെന്ന് അധികൃതർ നിർദേശിച്ചു. യാത്രക്കാർ ആവശ്യമായ സമയത്തിന് മുമ്പ് വിമാനത്താവളത്തിൽ എത്തണമെന്നും നിർദേശമുണ്ട്.

അതേസമയം, ഹോർമുസ് കടലിടുക്കിന് സമീപമുള്ള ഇറാനിലെ ഖെഷം ദ്വീപിൽ സ്ഫോടനങ്ങൾ റിപ്പോർട്ട് ചെയ്തതോടെ മേഖലയിലെ സുരക്ഷാ സാഹചര്യം ഇപ്പോഴും ആശങ്കാജനകമാണ്. സംഘർഷം കുറയ്ക്കുന്നതിനുള്ള നയതന്ത്ര ശ്രമങ്ങളും തുടരുകയാണ്.

യുഎഇയിൽ നിന്നുള്ള വിമാന സർവീസുകളുടെ നിലവിലെ സ്ഥിതി

എത്തിഹാദ് എയർവേയ്‌സ്

കുവൈത്തിലേക്കും തിരിച്ചുമുള്ള താഴെപ്പറയുന്ന സർവീസുകൾ റദ്ദാക്കി:

• EY653: അബുദാബി – കുവൈത്ത്
• EY654: കുവൈത്ത് – അബുദാബി

കുവൈത്ത്, ബഹ്റൈൻ സർവീസുകളിലേക്ക് ബുക്കിങ് ലഭ്യമാണെങ്കിലും സർവീസുകൾ പൂർണമായി പുനരാരംഭിച്ചതായി എത്തിഹാദ് സ്ഥിരീകരിച്ചിട്ടില്ല.

എമിറേറ്റ്സ്

• ദുബൈ – കുവൈത്ത് സർവീസുകൾ നിലവിൽ ലഭ്യമല്ല.
• ദുബൈ – ബഹ്റൈൻ സർവീസുകളും ലഭ്യമല്ല.

ഫ്ലൈദുബൈ

റദ്ദാക്കിയ സർവീസ്:

• FZ027/EK2020: ദുബൈ – ബഹ്റൈൻ

വൈകിയ സർവീസ്:

• FZ039: ദുബൈ – സലാല

എയർ അറേബ്യ

താഴെപ്പറയുന്ന സർവീസുകൾ റദ്ദാക്കി:

• G9068: ഷാർജ – കുവൈത്ത്
• G9124: ഷാർജ – കുവൈത്ത്
• 3L020: അബുദാബി – കുവൈത്ത്
• G9107: ഷാർജ – ബഹ്റൈൻ
• G9081: ഷാർജ – ദോഹ
• G9138: ഷാർജ – ദോഹ

പ്രാദേശിക വിമാനക്കമ്പനികളുടെ അറിയിപ്പ്

ഖത്തർ എയർവേയ്‌സ് ഇന്ന് മുതൽ കുവൈത്ത്, ബഹ്റൈൻ, ഇർബിൽ എന്നിവിടങ്ങളിലേക്കുള്ള യാത്രാ വിമാന സർവീസുകൾ പുനരാരംഭിക്കും.

ജസീറ എയർവേയ്‌സ് കുവൈത്തിലേക്കും കുവൈത്തിൽ നിന്നുമുള്ള സർവീസുകൾ പുനരാരംഭിച്ചിട്ടുണ്ട്. യാത്രക്കാർ പുറപ്പെടുന്നതിന് മൂന്ന് മണിക്കൂർ മുമ്പ് വിമാനത്താവളത്തിൽ എത്തണമെന്ന് കമ്പനി നിർദേശിച്ചു.

ഒമാൻ എയർ താൽക്കാലിക വ്യോമപാത നിയന്ത്രണങ്ങളും സാങ്കേതിക പ്രശ്നങ്ങളും കാരണം ചില സർവീസുകളിൽ വൈകലോ റദ്ദാക്കലോ ഉണ്ടാകാമെന്ന് അറിയിച്ചു.

സൗദിയ വിമാന സർവീസുകളുടെ സ്ഥിതിഗതികൾ നിരീക്ഷിച്ചുവരികയാണെന്നും സമയക്രമത്തിൽ മാറ്റമുണ്ടായാൽ യാത്രക്കാരെ അറിയിക്കുമെന്നും വ്യക്തമാക്കി.

അതിനാൽ കുവൈത്ത് ഉൾപ്പെടെയുള്ള ഗൾഫ് രാജ്യങ്ങളിലേക്ക് യാത്ര ചെയ്യുന്നവർ വിമാനത്താവളത്തിലേക്ക് പുറപ്പെടുന്നതിന് മുമ്പ് ബന്ധപ്പെട്ട വിമാനക്കമ്പനിയുടെ ഔദ്യോഗിക വെബ്സൈറ്റ് അല്ലെങ്കിൽ ആപ്പ് വഴി വിമാന സർവീസിന്റെ നിലവിലെ സ്ഥിതി പരിശോധിക്കുന്നത് സുരക്ഷിതമാണ്.

പോയി വരുമ്പോൾ എന്തു കൊണ്ടു വരും !!! അയ്യോ ദയവായി വൈറൽ പനിയും ചുമയും വേണ്ട: യുഎഇയിൽ ഇൻഫ്ലുവൻസ പടരുന്നു;കുട്ടികളും മുതിർന്നവരും ജാഗ്രത പാലിക്കുക പ്രധാന മുന്നറിയുപ്പുകൾ ഇതാ

UAE Nazia Staff Editor — August 8, 2026 · 0 Comment

ദുബായ്∙ കഠിനമായ ചൂട് തുടരുമ്പോഴും യുഎഇയിൽ ഇൻഫ്ലുവൻസ ഉൾപ്പെടെയുള്ള വൈറൽ പനി കേസുകൾക്കു ശമനമില്ല. മഴക്കാലമുള്ള പ്രദേശങ്ങളിലേക്ക് അവധിക്ക് പോയി തിരിച്ചെത്തുന്നവരിലൂടെ വിവിധ വൈറസുകൾ എത്താനുള്ള സാധ്യതയാണ് രോഗബാധയ്ക്ക് കാരണങ്ങളിലൊന്നായി ആരോഗ്യ വിദഗ്ധർ ചൂണ്ടിക്കാട്ടുന്നത്.

APPLY NOW FOR THE LATEST VACANCIES

ഇന്ത്യ ഉൾപ്പെടെയുള്ള ദക്ഷിണേഷ്യൻ രാജ്യങ്ങളിൽ മഴക്കാലത്ത് വ്യാപിക്കുന്ന ശ്വാസകോശ വൈറസുകൾ യാത്രക്കാരിലൂടെ എത്താൻ സാധ്യതയുണ്ട്. വിമാനയാത്ര, തിരക്കേറിയ ഇടങ്ങളിലെ സമ്പർക്കം, കാലാവസ്ഥയിലെ പെട്ടെന്നുള്ള മാറ്റം എന്നിവ രോഗവ്യാപനത്തിന് അനുകൂല സാഹചര്യം സൃഷ്ടിക്കാമെന്ന് ആരോഗ്യവിദഗ്ധർ സൂചിപ്പിച്ചു

പനി, ചുമ,തൊണ്ടവേദന, മൂക്കടപ്പ്, ശരീരവേദന,ക്ഷീണം തുടങ്ങിയ ലക്ഷണങ്ങൾ കണ്ടാൽ അവഗണിക്കരുതെന്ന് അബുദാബി മുഹമ്മദ് ബിൻ സായിദ് സിറ്റി ഹോം ഹെൽത്തിലെ ഡോ. സഫ്ന ആടിപ്പറമ്പിൽ പറയുന്നു. കുട്ടികൾ, പ്രായമായവർ, ഗർഭിണികൾ,പ്രതിരോധശേഷി കുറഞ്ഞവർ, വിട്ടുമാറാത്ത രോഗങ്ങളുള്ളവർ എന്നിവർ കൂടുതൽ ജാഗ്രത പാലിക്കണം.

ഇൻഫ്ലൂവൻസയിൽനിന്ന് സംരക്ഷണം നേടാൻ ഫ്ലൂ വാക്സീൻ മുൻകരുതലായി എടുക്കാം. ഓരോ വർഷവും വൈറസിന്റെ വകഭേദങ്ങളിൽ മാറ്റമുണ്ടാകുന്നതിനാൽ ആരോഗ്യ വിദഗ്ധരുടെ നിർദേശപ്രകാരം വാക്സീൻ എടുക്കുന്നത് ഗുണകരമാണെന്നും ഡോക്ടർ പറഞ്ഞു. അവധി കഴിഞ്ഞെത്തുന്നവർക്ക് രോഗലക്ഷണങ്ങൾ ഉണ്ടെങ്കിൽ മറ്റുള്ളവരുമായുള്ള അടുത്ത സമ്പർക്കം കുറയ്ക്കുക. കൈകൾ ഇടയ്ക്കിടെ ശുചീകരിക്കുക. ആവശ്യമായ സാഹചര്യങ്ങളിൽ മാസ്ക് ഉപയോഗിക്കുക തുടങ്ങിയ മുൻകരുതലുകൾ സ്വീകരിക്കണം.

യുഎഇയിൽ സാധാരണയായി ഫ്ലൂ കേസുകൾ കൂടുതലായി റിപ്പോർട്ട് ചെയ്യുന്നത് ശൈത്യകാലത്താണ്. രോഗബാധിതരുമായി അടുത്ത സമ്പർക്കം പുലർത്തുന്നതിലൂടെയാണ് സാധാരണയായി രോഗം പകരുന്നത്. എന്നാൽ, യാത്രകൾ വർധിക്കുന്ന അവധിക്കാലങ്ങളിലും മഴക്കാല പ്രദേശങ്ങളിൽനിന്ന് തിരിച്ചെത്തുന്നവരിലൂടെയും വൈറൽ പനി കേസുകൾ റിപ്പോർട്ട് ചെയ്യപ്പെടാറുണ്ടെന്ന് ഡോ. സഫ്ന പറഞ്ഞു.

അബുദാബിയിലുടനീളമുള്ള സർക്കാർ ആരോഗ്യ കേന്ദ്രങ്ങൾ, സ്വകാര്യ ആശുപത്രികൾ, തിരഞ്ഞെടുത്ത ഫാർമസികൾ എന്നിവിടങ്ങളിൽ ഫ്ലൂ വാക്സീൻ ലഭ്യമാണ്. ആരോഗ്യ വിഭാഗങ്ങളുടെ നിർദേശപ്രകാരം മുൻഗണനാ വിഭാഗങ്ങളിൽപ്പെട്ടവർക്ക് സർക്കാർ ആരോഗ്യ കേന്ദ്രങ്ങൾ വഴി സൗജന്യ വാക്സീൻ സൗകര്യവും ലഭ്യമാണ്.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

ഇതൊക്കെ ഭാഗ്യമല്ല… മഹാ ഭാഗ്യം!!!ഗൾഫിലെ ‘ബംപർ കേരളത്തിലിരുന്നു നേടി’; മലയാളി യുവാവിനെ ‘ഫ്രീ’യായി അബുദാബിയിലെത്തിച്ച് സമ്മാനം നൽകി അധികൃതർ

UAE August 8, 2026

അബുദാബി∙ ബിഗ് ടിക്കറ്റിന്റെ ചരിത്രത്തിലെ ആദ്യ ‘ബിഗ് സ്പിൻ’ നറുക്കെടുപ്പിൽ രണ്ട് മലയാളികൾക്കും ഒരു ജോർദാൻ സ്വദേശിക്കും ലക്ഷങ്ങൾ സമ്മാനമായി ലഭിച്ചു. മൂന്ന് ഭാഗ്യശാലികളും ചേർന്ന് 4.5 ലക്ഷം ദിർഹമാണ് നേടിയത്. ഈ മാസം 3ന് നടന്ന തത്സമയ നറുക്കെടുപ്പിലാണ് ആദ്യ ബിഗ് സ്പിൻ വിജയികളെ പ്രഖ്യാപിച്ചത്.

മലയാളികളായ ദിനേശ് കുമാരൻ നായർ(42)ക്ക് 64 ലക്ഷത്തിലേറെ ഇന്ത്യൻ രൂപ (രണ്ടര ലക്ഷം ദിർഹം)യും നിതിൻ ജോയിക്കും ജോർദാൻ സ്വദേശി ഒസാമ മഹ്മൂദ്(59)യ്ക്കും 25 ലക്ഷത്തിലേറെ രൂപ(ഒരു ലക്ഷം ദിർഹം) വീതവും ലഭിച്ചു.

കേരളത്തിൽ നിന്ന് അബുദാബിയിലെത്തിച്ച് സമ്മാനം നൽകി
ബിഗ് സ്പിനിലേക്ക് തിരഞ്ഞെടുക്കപ്പെട്ടതിനെ തുടർന്ന് നിതിൻ ജോയിയെ കേരളത്തിൽ നിന്ന് ബിഗ് ടിക്കറ്റ് അധികൃതർ അബുദാബിയിലേയ്ക്ക് കൊണ്ടുവരികയായിരുന്നു. ഇദ്ദേഹത്തിന് വിമാന ടിക്കറ്റുകൾ നൽകുകയും അബുദാബിയിൽ താമസം ഒരുക്കുകയും ചെയ്തിരുന്നു. ഇത് തന്നെ ഏറെ സന്തോഷിപ്പിച്ചുവെന്നും ജീവിതത്തിലെ മറക്കാനാകാത്ത അനുഭവമാണെന്നും നിതിൻ പറഞ്ഞു.

120451 നമ്പറിലുള്ള ടിക്കറ്റാണ് സമ്മാനം കൊണ്ടുവന്നത്. ലഭിച്ച തുക കടങ്ങൾ വീട്ടുന്നതിനും മസ്തിഷ്കാർബുദ ചികിത്സയിൽ കഴിയുന്ന ബന്ധുവിനെ സഹായിക്കുന്നതിനുമായി ഉപയോഗിക്കും. കഴിഞ്ഞ 16 വർഷമായി അബുദാബിയിൽ കുടുംബത്തോടൊപ്പം താമസിക്കുന്ന എൻജിനീയറായ ദിനേശ് കുമാർ കഴിഞ്ഞ രണ്ട് വർഷമായി ആറംഗ സംഘത്തോടൊപ്പം എല്ലാ മാസവും ബിഗ് ടിക്കറ്റിൽ പങ്കെടുക്കുന്നുണ്ട്. സമ്മാനത്തുക വായ്പകൾ തീർക്കാൻ ഉപയോഗിക്കുമെന്ന് അദ്ദേഹം പറഞ്ഞു. ദുബായിൽ പ്രിന്റി്ങ് പ്രസ്സ് നടത്തുന്ന ഒസാമ ലഭിച്ച സമ്മാനത്തുക ബിസിനസ് വായ്പകൾ തീർക്കാൻ വിനിയോഗിക്കുമെന്ന് പറഞ്ഞു.