കുവൈത്ത് സിറ്റി: കുവൈത്തിൽ കടക്കാരുടെ സ്വത്തുക്കൾ മൂന്നാം കക്ഷികളുടെ കൈവശമുള്ള സാഹചര്യത്തിൽ അവ പിടിച്ചെടുക്കുന്നതിനുള്ള നടപടികളാണ് ജൂൺ മാസത്തിൽ ഏറ്റവും കൂടുതൽ നടപ്പാക്കിയത്. നീതിന്യായ മന്ത്രാലയത്തിലെ Court Rulings Enforcement General Department പുറത്തുവിട്ട കണക്കുകൾ പ്രകാരം ഇത്തരം 83,380 നടപടികൾ രേഖപ്പെടുത്തി.മന്ത്രാലയത്തിലെ സ്റ്റാറ്റിസ്റ്റിക്സ് ആൻഡ് റിസർച്ച് വിഭാഗത്തിന്റെ കണക്കനുസരിച്ച്, ജൂണിൽ രാജ്യത്തുടനീളമുള്ള എൻഫോഴ്സ്മെന്റ് വിഭാഗങ്ങളിലായി ആകെ 4,00,519 നടപടികൾ പൂർത്തിയാക്കി.
ഇതിൽ 83,380 എണ്ണം മൂന്നാം കക്ഷികളുടെ കൈവശമുള്ള കടക്കാരുടെ സ്വത്തുക്കൾ പിടിച്ചെടുക്കുന്നതിനുള്ള റിപ്പോർട്ടുകളാണ്. തുടർന്ന് 39,377 സ്വത്ത് പിടിച്ചെടുക്കൽ ഒഴിവാക്കൽ റിപ്പോർട്ടുകളും 5,826 നിയമപരമായ കേസ് റിപ്പോർട്ടുകളും രേഖപ്പെടുത്തി.
സ്വത്ത് പിടിച്ചെടുക്കൽ ഒഴിവാക്കുന്നതിനുള്ള അപേക്ഷകൾ 4,983 ആയിരുന്നു. വാഹനങ്ങളിലെ എൻഫോഴ്സ്മെന്റ് പിടിച്ചെടുക്കൽ ഒഴിവാക്കാനുള്ള അപേക്ഷകൾ 4,481 ആയി.
അതേസമയം, ജൂണിൽ 4,357 യാത്രാ വിലക്ക് അപേക്ഷകളും കടക്കാരെ അറസ്റ്റ് ചെയ്ത് തടങ്കലിൽ വയ്ക്കുന്നതിനുള്ള 2,645 അപേക്ഷകളും ലഭിച്ചു.
വകുപ്പ് പുറത്തുവിട്ട കണക്കുകൾ പ്രകാരം, വകുപ്പിന് പുറത്തുനിന്ന് പണം സ്വീകരിച്ചതുമായി ബന്ധപ്പെട്ട റിപ്പോർട്ടുകൾ 2,068 ആയിരുന്നു. കടക്കാരെ പണം അടയ്ക്കുന്നതിനായി ഹാജരാക്കിയ റിപ്പോർട്ടുകൾ 699 ആയി.
ക്യാപിറ്റൽ ഗവർണറേറ്റിൽ ഏറ്റവും കൂടുതൽ നടപടികൾ
ഗവർണറേറ്റ് അടിസ്ഥാനത്തിൽ നോക്കുമ്പോൾ ക്യാപിറ്റൽ ഗവർണറേറ്റിലാണ് ഏറ്റവും കൂടുതൽ എൻഫോഴ്സ്മെന്റ് നടപടികൾ നടന്നത്. ഇവിടെ ആകെ 1,20,778 നടപടികൾ പൂർത്തിയാക്കി.
അഹ്മദി ഗവർണറേറ്റിൽ 75,634 നടപടികളും ഹവല്ലിയിൽ 67,452 നടപടികളും രേഖപ്പെടുത്തി. ഫർവാനിയയിൽ 56,736, ജഹ്റയിൽ 48,744, മുബാറക് അൽ-കബീറിൽ 29,860 നടപടികളുമാണ് നടന്നത്.അതിർത്തി ചെക്ക്പോസ്റ്റുകൾ, സുലൈബിയ, കുവൈത്ത് ലോയേഴ്സ് അസോസിയേഷൻ എന്നിവിടങ്ങളിലായി ആകെ 1,315 നടപടികളും പൂർത്തിയാക്കിയതായി കണക്കുകൾ വ്യക്തമാക്കു
Kuwait visit visa conversion : കുവൈറ്റിൽ സന്ദർശക വിസ റെസിഡൻസി വിസയിലേക്ക് മാറ്റാൻ നിയന്ത്രണം; നിരവധി അപേക്ഷകൾ നിരസിച്ചു
Kuwait Greeshma Staff Editor — August 7, 2026 · 0 Comment
Kuwait visit visa conversion : കുവൈത്ത് സിറ്റി: സന്ദർശക വിസ റെസിഡൻസി പെർമിറ്റായി മാറ്റുന്നതിനുള്ള അപേക്ഷകളിൽ നിരവധി എണ്ണം കുവൈത്ത് അധികൃതർ നിരസിച്ചു. അടുത്തിടെ പുറത്തിറക്കിയ മന്ത്രിതല ഉത്തരവിലെ നിബന്ധനകൾ പാലിക്കാത്തതാണ് അപേക്ഷകൾ നിരസിക്കാൻ കാരണം.
കുവൈറ്റിലെ ആറ് ഗവർണറേറ്റുകളിലെയും റെസിഡൻസി അഫയേഴ്സ് വിഭാഗങ്ങളിൽ നിരവധി പ്രവാസികളാണ് അപേക്ഷ സമർപ്പിച്ചത്. ഉത്തരവ് എല്ലാ സന്ദർശക വിസക്കാർക്കും ബാധകമാണെന്ന് കരുതിയാണ് പലരും അപേക്ഷ നൽകിയതെന്ന് സുരക്ഷാ വൃത്തങ്ങൾ അറിയിച്ചു. എന്നാൽ, നിശ്ചിത യോഗ്യതകൾ പാലിക്കാത്ത അപേക്ഷകൾ നിരസിക്കുകയായിരുന്നു. ചില അപേക്ഷകൾ ഇപ്പോഴും ബന്ധപ്പെട്ട അധികാരികളുടെ പരിശോധനയിലും അംഗീകാരത്തിനായുള്ള കാത്തിരിപ്പിലുമാണ്.
ആർട്ടിക്കിൾ 17, 18, 20, 22 തുടങ്ങിയ വിഭാഗങ്ങളിലേക്കുള്ള റെസിഡൻസി മാറ്റം എല്ലാ പ്രവാസികൾക്കും എല്ലാ രാജ്യക്കാർക്കും ലഭ്യമല്ല. ഓരോ അപേക്ഷയും പ്രത്യേക മാനദണ്ഡങ്ങളുടെ അടിസ്ഥാനത്തിലാണ് പരിഗണിക്കുന്നത്. കൂടാതെ, ജനറൽ ഡിപ്പാർട്ട്മെന്റ് ഓഫ് റെസിഡൻസി അഫയേഴ്സ് ഡയറക്ടർ ജനറലിന്റെ അംഗീകാരവും ആവശ്യമാണ്. ചില വിഭാഗങ്ങളിൽ ആഭ്യന്തര മന്ത്രാലയത്തിലെ ഉന്നത ഉദ്യോഗസ്ഥരുടെ അനുമതിയും വേണം.
അപേക്ഷകന്റെ രജിസ്റ്റർ ചെയ്ത വിലാസത്തിന്റെ അടിസ്ഥാനത്തിലാണ് ആറ് ഗവർണറേറ്റുകളിലെ റെസിഡൻസി അഫയേഴ്സ് വിഭാഗങ്ങൾ അപേക്ഷ സ്വീകരിക്കുന്നത്. മന്ത്രിതല ഉത്തരവിലെ നിബന്ധനകൾ പാലിക്കുന്നുണ്ടെന്ന് പരിശോധിച്ച ശേഷം അപേക്ഷകൾ ഇലക്ട്രോണിക് സംവിധാനത്തിലൂടെ ഡയറക്ടർ ജനറലിന് കൈമാറും.
കുടുംബ പുനഃസംയോജനത്തിന് അവസരം
കുടുംബ പുനഃസംയോജനത്തിനുള്ള നിബന്ധനകൾ പാലിക്കുന്ന പ്രവാസികൾക്ക് സന്ദർശക വിസ റെസിഡൻസി വിസയിലേക്ക് മാറ്റാൻ അവസരമുണ്ട്. ഇതിനായി പ്രതിമാസം കുറഞ്ഞത് 800 കുവൈത്തി ദിനാർ ശമ്പളം ഉണ്ടായിരിക്കണം.
യോഗ്യരായ പ്രവാസികൾക്ക് താഴെ പറയുന്ന കുടുംബാംഗങ്ങളുടെ സന്ദർശക വിസ മാറ്റാൻ അപേക്ഷിക്കാം:
- ഭാര്യ
- 18 വയസ്സിന് താഴെയുള്ള മക്കൾ
- 21 വയസ്സിന് താഴെയുള്ള പെൺമക്കൾ
ആർട്ടിക്കിൾ 22 പ്രകാരമുള്ള കുടുംബ/ഡിപ്പൻഡന്റ് റെസിഡൻസിയിലേക്ക് മാറ്റുന്നതിനായി 150 കുവൈത്തി ദിനാർ പരിവർത്തന ഫീസ്, ആരോഗ്യ ഇൻഷുറൻസ് ഫീസ്, റെസിഡൻസി സ്റ്റാമ്പ് ഫീസ് എന്നിവ അടയ്ക്കണം.
മാനുഷികവും പ്രത്യേകവുമായ കേസുകൾ
ചില മാനുഷിക, പ്രത്യേക സാഹചര്യങ്ങളിലുള്ള അപേക്ഷകളും പരിഗണിക്കും. ആവശ്യമായ ശമ്പളമോ യൂണിവേഴ്സിറ്റി ബിരുദമോ ഇല്ലാത്ത ചില പ്രവാസികൾക്കും ഈ വിഭാഗത്തിൽ അപേക്ഷിക്കാനാകും.
എന്നാൽ ഇത്തരം അപേക്ഷകൾക്കും പ്രത്യേക നിബന്ധനകളും ബന്ധപ്പെട്ട അധികാരികളുടെ അംഗീകാരവും ആവശ്യമാണ്. അതിനാൽ എല്ലാ സന്ദർശക വിസക്കാർക്കും ഒരുപോലെ റെസിഡൻസി വിസയിലേക്ക് മാറ്റാനുള്ള അനുമതി ലഭിക്കില്ലെന്ന് അധികൃതർ വ്യക്തമാക്കി.
താൽക്കാലിക ഇടവേളക്ക് ശേഷം ഇത്തിഹാദ് എയർവേയ്സ് ഈ രാജ്യങ്ങളിലേക്കുള്ള സർവീസുകൾ പുനരാരംഭിക്കുന്നു
Kuwait Greeshma Staff Editor — August 6, 2026 · 0 Comment
Etihad Bahrain Kuwait flights : അബുദാബി: ഇറാനിയൻ ആക്രമണങ്ങളെ തുടർന്ന് മൂന്ന് ആഴ്ചയായി നിർത്തിവച്ചിരുന്ന ബഹ്റൈനിലേക്കും കുവൈറ്റിലേക്കുമുള്ള വിമാന സർവീസുകൾ ഇത്തിഹാദ് എയർവേയ്സ് പുനരാരംഭിക്കും. ഓഗസ്റ്റ് 8 ശനിയാഴ്ച മുതലാണ് സർവീസുകൾ വീണ്ടും തുടങ്ങുന്നത്.
Apply Now for the latest vacancies
ഇത്തിഹാദിന്റെ ഫ്ലൈറ്റ് സ്റ്റാറ്റസ് വിവരങ്ങൾ പ്രകാരം, അബുദാബിയിൽ നിന്ന് ബഹ്റൈൻ ഇന്റർനാഷണൽ എയർപോർട്ടിലേക്കുള്ള EY643 വിമാനവും കുവൈറ്റ് ഇന്റർനാഷണൽ എയർപോർട്ടിലേക്കുള്ള EY653 വിമാനവും ഓഗസ്റ്റ് 8 മുതൽ സർവീസ് നടത്തും.
ഇരു രാജ്യങ്ങളിലേക്കുമുള്ള സർവീസുകൾ നേരത്തെ ‘പ്രവർത്തനപരമായ കാരണങ്ങൾ’ ചൂണ്ടിക്കാട്ടിയാണ് ഇത്തിഹാദ് റദ്ദാക്കിയിരുന്നത്. മേഖലയിലെ സാഹചര്യം കാരണം മറ്റ് ചില സർവീസുകളെയും റദ്ദാക്കലുകൾ ബാധിച്ചിരുന്നു.
ജൂലൈ 16ന് ബഹ്റൈനിൽ നിന്ന് അബുദാബിയിലേക്ക് പുറപ്പെട്ട ഇത്തിഹാദ് വിമാനം സുരക്ഷാ സാഹചര്യത്തെ തുടർന്ന് അബുദാബിയിലേക്ക് തിരിച്ചിറക്കേണ്ടി വന്നിരുന്നു. ഇതിന് പിന്നാലെയാണ് ബഹ്റൈനിലേക്കുള്ള സർവീസുകൾ നിർത്തിവച്ചത്. ബഹ്റൈനിൽ നിന്ന് അബുദാബിയിലേക്കുള്ള മടക്ക സർവീസും റദ്ദാക്കിയിരുന്നു.
ഇറാനിൽ നിന്നുള്ള ആക്രമണ ഭീഷണിയെ തുടർന്ന് ബഹ്റൈനും കുവൈറ്റും ഉൾപ്പെടെയുള്ള മേഖലയിൽ വിമാന സർവീസുകൾക്ക് തടസ്സം നേരിട്ടിരുന്നു. ഇപ്പോൾ സർവീസുകൾ പുനരാരംഭിക്കുന്നതോടെ യാത്രക്കാർക്ക് വീണ്ടും ഈ രാജ്യങ്ങളിലേക്ക് ഇത്തിഹാദ് വിമാനങ്ങളിൽ യാത്ര ചെയ്യാൻ സാധിക്കും.
വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
കുവൈറ്റിലെ ഈ റോഡ് താൽക്കാലികമായി അടച്ചു
Kuwait Greeshma Staff Editor — August 6, 2026 · 0 Comment
കുവൈറ്റ് സിറ്റി, ഓഗസ്റ്റ് 5: റോഡ് അറ്റകുറ്റപ്പണികളുടെ ഭാഗമായി കുവൈറ്റിലെ ഒമർ ബിൻ അൽ-ഖത്താബ് സ്ട്രീറ്റ് താൽക്കാലികമായി അടച്ചതായി ജനറൽ ട്രാഫിക് വകുപ്പ് അറിയിച്ചു.അബ്ദുല്ല അൽ-മുബാറക് സ്ട്രീറ്റിൽ നിന്ന് മിനിസ്ട്രീസ് കോംപ്ലക്സിലേക്ക് പോകുന്ന വാഹനങ്ങൾക്കുള്ള റോഡാണ് അടച്ചത്. ഓഗസ്റ്റ് 5 ബുധനാഴ്ച മുതൽ നിയന്ത്രണം നിലവിൽ വന്നു.
റോഡ് അറ്റകുറ്റപ്പണികൾ പൂർത്തിയാകുന്നതുവരെ, ഓഗസ്റ്റ് 9 ഞായറാഴ്ച വരെ അടച്ചിടൽ തുടരും.യാത്രക്കാർക്ക് ഗതാഗത തടസ്സവും വൈകിയും ഒഴിവാക്കാൻ ബദൽ റോഡുകൾ ഉപയോഗിക്കണമെന്ന് അധികൃതർ നിർദേശിച്ചു. കൂടാതെ, യാത്രയ്ക്കിടെ ട്രാഫിക് അടയാളങ്ങളും ഉദ്യോഗസ്ഥരുടെ നിർദേശങ്ങളും പാലിക്കണമെന്നും ജനറൽ ട്രാഫിക് വകുപ്പ് അറിയിച്ചു.
Apply Now for the latest vacancies
കുവൈറ്റിൽ കനത്ത ചൂടും ഈർപ്പവും; താപനില 48 ഡിഗ്രി വരെ ഉയരും
Kuwait Greeshma Staff Editor — August 6, 2026 · 0 Comment
Kuwait weather forecast : കുവൈറ്റ് സിറ്റി, ഓഗസ്റ്റ് 5: കുവൈറ്റിൽ വരും ദിവസങ്ങളിലും കടുത്ത ചൂടും ഉയർന്ന ഈർപ്പവും തുടരുമെന്ന് കാലാവസ്ഥാ വകുപ്പ് അറിയിച്ചു. തീരപ്രദേശങ്ങളിൽ നേരിയ മൂടൽമഞ്ഞ് രൂപപ്പെടാൻ സാധ്യതയുള്ളതിനാൽ ചില സമയങ്ങളിൽ കാഴ്ചപരിധി കുറയാനും സാധ്യതയുണ്ട്.
Apply Now for the latest vacancies
കാലാവസ്ഥാ വകുപ്പ് ആക്ടിംഗ് ഡയറക്ടർ ധരാർ അൽ അലി പറയുന്നതനുസരിച്ച്, രാജ്യത്ത് നിലവിൽ ചൂടുള്ളതും ഈർപ്പമുള്ളതുമായ കാലാവസ്ഥയാണ് അനുഭവപ്പെടുന്നത്. ഉപരിതല ന്യൂനമർദ്ദത്തിന്റെ സ്വാധീനമാണ് ഇതിന് പ്രധാന കാരണം.
കാറ്റ് തെക്കുകിഴക്ക് ദിശയിൽ നിന്ന് വേരിയബിൾ ദിശയിലേക്ക് മാറാൻ സാധ്യതയുണ്ട്. മണിക്കൂറിൽ 8 മുതൽ 35 കിലോമീറ്റർ വരെ വേഗതയിൽ നേരിയതോ മിതമായതോ ആയ കാറ്റാണ് പ്രതീക്ഷിക്കുന്നത്. തുറസ്സായ പ്രദേശങ്ങളിൽ ചില സമയങ്ങളിൽ കാറ്റിന്റെ വേഗത മണിക്കൂറിൽ 45 കിലോമീറ്റർ വരെ ഉയർന്നേക്കാം.
രാജ്യത്തിന്റെ വിവിധ ഭാഗങ്ങളിൽ പരമാവധി താപനില 46 മുതൽ 48 ഡിഗ്രി സെൽഷ്യസ് വരെ എത്താൻ സാധ്യതയുണ്ട്. കുവൈറ്റ് അന്താരാഷ്ട്ര വിമാനത്താവളത്തിൽ താപനില 50 ഡിഗ്രി സെൽഷ്യസ് വരെ ഉയരാനും സാധ്യതയുണ്ട്.
ഞായറാഴ്ചയും ചൂട് തുടരും
ഞായറാഴ്ച ഉച്ചയ്ക്ക് ശേഷം കാറ്റ് വീണ്ടും തെക്കുകിഴക്കൻ ദിശയിലേക്ക് മാറാൻ സാധ്യതയുണ്ട്. ഇതോടെ പ്രത്യേകിച്ച് തീരപ്രദേശങ്ങളിൽ ഈർപ്പം വർധിക്കുകയും ചൂടും ഈർപ്പവും കൂടിയ കാലാവസ്ഥ അനുഭവപ്പെടുകയും ചെയ്യും.
ഞായറാഴ്ച താപനില 44 മുതൽ 46 ഡിഗ്രി സെൽഷ്യസ് വരെയായിരിക്കുമെന്നാണ് കാലാവസ്ഥാ വകുപ്പിന്റെ പ്രവചനം. തെക്കുകിഴക്കൻ കാറ്റ് മണിക്കൂറിൽ 8 മുതൽ 32 കിലോമീറ്റർ വരെ വേഗതയിൽ വീശും.
തീരപ്രദേശങ്ങളിലൂടെ യാത്ര ചെയ്യുന്നവർ മൂടൽമഞ്ഞ് മൂലമുള്ള കാഴ്ചപരിധി കുറയാനുള്ള സാധ്യത കണക്കിലെടുത്ത് ജാഗ്രത പാലിക്കണമെന്ന് അധികൃതർ നിർദേശിച്ചു.
വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
കുവൈറ്റിൽ വാഹന നമ്പർ പ്ലേറ്റ് നഷ്ടപ്പെട്ടോ? ഇനി സഹേൽ ആപ്പ് വഴി അപേക്ഷിക്കാം
Kuwait Greeshma Staff Editor — August 6, 2026 · 0 Comment
Kuwait lost vehicle plate : കുവൈറ്റ് സിറ്റി, ഓഗസ്റ്റ് 5: വാഹനത്തിന്റെ നമ്പർ പ്ലേറ്റ് നഷ്ടപ്പെട്ടാൽ പകരം പുതിയ നമ്പർ പ്ലേറ്റിന് ഇനി സഹേൽ ആപ്പ് വഴി അപേക്ഷിക്കാനാകുന്ന പുതിയ ഇലക്ട്രോണിക് സേവനം ആരംഭിക്കാൻ കുവൈറ്റ് ജനറൽ ഡയറക്ടറേറ്റ് ഓഫ് ട്രാഫിക് തയ്യാറെടുക്കുന്നു.പുതിയ സേവനം നിലവിൽ വരുന്നതോടെ വാഹന ഉടമകൾക്ക് ട്രാഫിക് വിഭാഗം ഓഫീസുകൾ നേരിട്ട് സന്ദർശിക്കാതെ തന്നെ അപേക്ഷ ഓൺലൈനായി സമർപ്പിക്കാം.
ആവശ്യമായ രേഖകൾ PDF ഫോർമാറ്റിൽ ആപ്പിൽ അപ്ലോഡ് ചെയ്യാനും നിശ്ചിത ഫീസ് ഓൺലൈനായി അടയ്ക്കാനും സാധിക്കും. അപേക്ഷയും രേഖകളും പരിശോധിച്ച ശേഷം എല്ലാ നിബന്ധനകളും പാലിച്ചിട്ടുണ്ടെങ്കിൽ പുതിയ നമ്പർ പ്ലേറ്റ് എപ്പോൾ, എവിടെ നിന്ന് ശേഖരിക്കണമെന്ന് സഹേൽ ആപ്പ് വഴി അപേക്ഷകരെ അറിയിക്കും.നിശ്ചയിച്ചിരിക്കുന്ന പ്ലേറ്റ് ഫാക്ടറിയിൽ നിന്നായിരിക്കും പുതിയ നമ്പർ പ്ലേറ്റ് ലഭിക്കുക.
Apply Now for the latest vacancies
സേവനത്തിന്റെ പ്രധാന ലക്ഷ്യങ്ങൾ
വാഹന ഉടമകൾക്ക് കൂടുതൽ സൗകര്യം നൽകുന്നതിനൊപ്പം അപേക്ഷാ നടപടികൾ ലളിതമാക്കാനും പ്രോസസ്സിംഗ് സമയം കുറയ്ക്കാനും ട്രാഫിക് ഓഫീസുകളിലെ തിരക്ക് ഒഴിവാക്കാനും പുതിയ സേവനം സഹായിക്കും.
സർക്കാർ സേവനങ്ങൾ കൂടുതൽ വേഗത്തിലും കാര്യക്ഷമമായും ലഭ്യമാക്കുക എന്ന ലക്ഷ്യത്തോടെ കുവൈറ്റ് ആഭ്യന്തര മന്ത്രാലയം നടപ്പാക്കുന്ന ഡിജിറ്റൽ പരിവർത്തന പദ്ധതിയുടെ ഭാഗമായാണ് പുതിയ സേവനം അവതരിപ്പിക്കുന്നത്.നഷ്ടപ്പെട്ട വാഹന നമ്പർ പ്ലേറ്റിന് പകരം പുതിയ പ്ലേറ്റ് ലഭിക്കുന്നതിനായി ഭാവിയിൽ ട്രാഫിക് ഓഫീസിൽ നേരിട്ട് പോകേണ്ട സാഹചര്യം ഒഴിവാക്കുകയാണ് ഇതിലൂടെ ലക്ഷ്യമിടുന്നത്.
കുവൈത്തിൽ സഹകരണ സംഘങ്ങളിലെ ഈ ജീവനക്കാരെ പിരിച്ചുവിടാൻ നിർദേശം
Kuwait Greeshma Staff Editor — August 5, 2026 · 0 Comment
Kuwait employees over 70 കുവൈത്ത് സിറ്റി: കുവൈത്തിലെ സഹകരണ സംഘങ്ങളിലും യൂണിയനുകളിലും ജോലി ചെയ്യുന്ന 70 വയസ്സ് കഴിഞ്ഞ ജീവനക്കാരുടെ സേവനം അവസാനിപ്പിക്കാൻ സാമൂഹിക കാര്യ മന്ത്രാലയം നിർദേശം നൽകി.തൊഴിൽ മേഖലയിൽ സ്വദേശിവൽക്കരണം ശക്തമാക്കുകയും കൂടുതൽ സ്വദേശികൾക്ക് ജോലി അവസരങ്ങൾ ഒരുക്കുകയും ചെയ്യുന്നതിന്റെ ഭാഗമായാണ് നടപടിയെന്നാണ് റിപ്പോർട്ട്.70 വയസ്സ് പിന്നിട്ട ജീവനക്കാരുടെ പട്ടിക തയ്യാറാക്കി നിലവിലുള്ള നിയമങ്ങൾ അനുസരിച്ച് അവരുടെ സേവനം അവസാനിപ്പിക്കണമെന്ന് മന്ത്രാലയം രാജ്യത്തെ സഹകരണ സംഘങ്ങൾക്ക് സർക്കുലർ നൽകി.സർക്കുലർ പുറപ്പെടുവിച്ച തീയതി മുതൽ 30 ദിവസത്തിനകം പിരിച്ചുവിടുന്ന ജീവനക്കാരുടെ വിശദമായ പട്ടിക മന്ത്രാലയത്തിന് സമർപ്പിക്കണമെന്നും നിർദേശിച്ചിട്ടുണ്ട്.
സേവനം അവസാനിപ്പിക്കുന്ന ജീവനക്കാർക്ക് നിയമപ്രകാരം ലഭിക്കേണ്ട സാമ്പത്തിക ആനുകൂല്യങ്ങളും സർവീസ് ആനുകൂല്യങ്ങളും (Indemnity) കൃത്യമായി നൽകണമെന്നും സഹകരണ സംഘങ്ങൾക്ക് നിർദേശം നൽകിയിട്ടുണ്ട്.
പുതിയ നടപടി സഹകരണ മേഖലയിൽ വർഷങ്ങളായി ജോലി ചെയ്യുന്ന മുതിർന്ന ജീവനക്കാരെയും പ്രവാസികളെയും ബാധിച്ചേക്കും. തൊഴിൽ മേഖല കൂടുതൽ കാര്യക്ഷമമാക്കുന്നതിനും യുവാക്കൾക്ക് കൂടുതൽ അവസരങ്ങൾ നൽകുന്നതിനുമാണ് നടപടി ലക്ഷ്യമിടുന്നതെന്ന് അധികൃതർ വ്യക്തമാക്കി.
കുവൈത്തിൽ പുതിയ വീടുകളുടെ നിർമാണത്തിന് നിയന്ത്രണം; അടിസ്ഥാന സൗകര്യങ്ങൾ ആദ്യം പൂർത്തിയാക്കണം
Kuwait Greeshma Staff Editor — August 5, 2026 · 0 Comment
Kuwait housing infrastructure : കുവൈത്ത് സിറ്റി: പുതിയ പാർപ്പിട മേഖലകളിൽ റോഡ്, വൈദ്യുതി, കുടിവെള്ളം, മലിനജല സംവിധാനം തുടങ്ങിയ അടിസ്ഥാന സൗകര്യങ്ങൾ പൂർണമായി ഒരുക്കിയ ശേഷം മാത്രമേ വീടുകളുടെ നിർമാണത്തിന് അനുമതി നൽകൂവെന്ന് കുവൈത്ത് മന്ത്രിസഭ തീരുമാനിച്ചു.താമസക്കാർക്ക് ആവശ്യമായ അടിസ്ഥാന സൗകര്യങ്ങളും പൊതുസേവനങ്ങളും സമയബന്ധിതമായി ലഭ്യമാക്കുന്നതിനാണ് പുതിയ തീരുമാനം. അടിസ്ഥാന സൗകര്യ വികസനത്തിലെ കാലതാമസം ഒഴിവാക്കാനും താമസക്കാർക്ക് മികച്ച ജീവിതസൗകര്യം ഉറപ്പാക്കാനും നടപടി സഹായിക്കുമെന്ന് അധികൃതർ വ്യക്തമാക്കി.
Apply Now for the latest vacancies
പ്രധാനമന്ത്രി ശൈഖ് അഹമ്മദ് അബ്ദുല്ല അൽ-അഹമ്മദ് അൽ-സബാഹിന്റെ അധ്യക്ഷതയിൽ ചേർന്ന മന്ത്രിസഭാ യോഗത്തിലാണ് തീരുമാനം.പാർപ്പിട പദ്ധതികളിലെ അടിസ്ഥാന സൗകര്യ വികസനത്തിന്റെ പുരോഗതി തുടർച്ചയായി വിലയിരുത്താൻ പബ്ലിക് അതോറിറ്റി ഫോർ ഹൗസിംഗ് വെൽഫെയർ (PAHW) ന് മന്ത്രിസഭ നിർദേശം നൽകി. നിർമാണ പ്രവർത്തനങ്ങൾ വൈകുന്നതിന് കാരണമാകുന്ന തടസ്സങ്ങൾ കണ്ടെത്തി പരിഹരിക്കണമെന്നും നിർദേശിച്ചിട്ടുണ്ട്.
പുതിയ തീരുമാനം പ്രകാരം റോഡുകൾ, വൈദ്യുതി, കുടിവെള്ളം, മലിനജല ശൃംഖല എന്നിവ ഉൾപ്പെടെയുള്ള അടിസ്ഥാന സൗകര്യങ്ങൾ പൂർണമായി പൂർത്തിയാകുന്നതുവരെ വീടുകളുടെ നിർമാണവുമായി ബന്ധപ്പെട്ട അനുമതികൾക്കായി ആവശ്യമായ ‘To Whom It May Concern’ സർട്ടിഫിക്കറ്റ് PAHW നൽകില്ല.ഈ സർട്ടിഫിക്കറ്റ് ലഭിക്കാത്തതിനാൽ കുവൈത്ത് മുനിസിപ്പാലിറ്റിയിലും കുവൈത്ത് ക്രെഡിറ്റ് ബാങ്കിലും നിർമാണാനുമതിയുമായി ബന്ധപ്പെട്ട തുടർനടപടികൾ പൂർത്തിയാക്കാൻ കഴിയില്ല.
2025 ജൂൺ മുതൽ 2026 ജൂൺ വരെയുള്ള കാലയളവിലെ പാർപ്പിട അടിസ്ഥാന സൗകര്യ വികസന പദ്ധതികളുടെ പുരോഗതി സംബന്ധിച്ച റിപ്പോർട്ട് മന്ത്രിസഭ വിലയിരുത്തിയതിന് പിന്നാലെയാണ് പുതിയ തീരുമാനം. പുതിയ പാർപ്പിട മേഖലകളിൽ റോഡുകളും മറ്റ് പൊതുസേവനങ്ങളും ഒരുക്കുന്നതിൽ നിരവധി തടസ്സങ്ങൾ നേരിടുന്നതായി റിപ്പോർട്ടിൽ വ്യക്തമാക്കിയിരുന്നു.
അടിസ്ഥാന സൗകര്യങ്ങൾ ആദ്യം പൂർത്തിയാക്കി പിന്നീട് വീടുകളുടെ നിർമാണം ആരംഭിക്കുന്ന രീതിയിലൂടെ പുതിയ പാർപ്പിട മേഖലകളിലെ താമസക്കാർക്ക് ആവശ്യമായ സേവനങ്ങൾ സമയബന്ധിതമായി ഉറപ്പാക്കുകയാണ് സർക്കാരിന്റെ ലക്ഷ്യം.
കുട്ടികളെ പരസ്യങ്ങളിൽ ഉപയോഗിച്ചു; കുവൈത്തിൽ അമ്മയുടെ കസ്റ്റഡി റദ്ദാക്കി, പിതാവിന് കൈമാറി
Kuwait Greeshma Staff Editor — August 5, 2026 · 0 Comment
Kuwait child custody ruling : കുവൈത്ത് സിറ്റി, ഓഗസ്റ്റ് 4: രണ്ട് കുട്ടികളുടെ കസ്റ്റഡി അമ്മയിൽ നിന്ന് മാറ്റി പിതാവിന് നൽകാൻ കുവൈത്ത് അപ്പീൽ കോടതി ഉത്തരവിട്ടു. ജഡ്ജി ഡോ. ഖാലിദ് അൽ-മന്ദീൽ അധ്യക്ഷനായ ബെഞ്ചാണ് വിധി പുറപ്പെടുവിച്ചത്.കുട്ടികളുടെ സംരക്ഷണത്തിൽ അമ്മ വീഴ്ച വരുത്തിയതും സോഷ്യൽ മീഡിയയിലെ പരസ്യങ്ങളിൽ കുട്ടികളെ ഉപയോഗിച്ചതും അവരുടെ പഠനത്തെ പ്രതികൂലമായി ബാധിച്ചതുമാണ് കോടതി കസ്റ്റഡി മാറ്റാനുള്ള പ്രധാന കാരണങ്ങളായി ചൂണ്ടിക്കാട്ടിയത്.
Apply Now for the latest vacancies
കുട്ടികളുടെ ഏറ്റവും മികച്ച താൽപര്യം സംരക്ഷിക്കുന്നതിനാണ് കോടതി പ്രധാന പരിഗണന നൽകിയതെന്ന് കുവൈത്ത് ലോയേഴ്സ് അസോസിയേഷനിലെ ചൈൽഡ് സെന്റർ ഡയറക്ടർ അഭിഭാഷക ഹൗറ അൽ-ഹബീബ് പറഞ്ഞു. കുട്ടികളുടെ കസ്റ്റഡി ഒരു നിയമപരമായ ഉത്തരവാദിത്തമാണെന്നും അവർ വ്യക്തമാക്കി.കുട്ടികളുടെ വിദ്യാഭ്യാസത്തെയോ ആരോഗ്യകരമായ വളർച്ചയെയോ ബാധിക്കുന്ന തരത്തിൽ പരസ്യങ്ങളിലോ വാണിജ്യ ഉള്ളടക്കങ്ങളിലോ അവരെ ഉപയോഗിക്കുന്നത് കോടതിയുടെ ഇടപെടലിന് കാരണമാകാമെന്നും അവർ പറഞ്ഞു.
കസ്റ്റഡി ലഭിക്കുന്ന മാതാപിതാവിന് കുട്ടികളുടെ മേലുള്ള മറ്റേ മാതാപിതാവിന്റെ നിയമപരമായ അധികാരം ഇല്ലാതാകുന്നില്ലെന്നും കോടതി വ്യക്തമാക്കി. കുട്ടികളുടെ നല്ല വളർച്ച ഉറപ്പാക്കാൻ കസ്റ്റഡി ലഭിച്ച വ്യക്തിയും നിയമപരമായ രക്ഷിതാവും തമ്മിലുള്ള സഹകരണം ആവശ്യമാണ്.
2015ലെ ചൈൽഡ് റൈറ്റ്സ് നിയമം നമ്പർ 21 പ്രകാരം കുട്ടികളെ അവഗണനയിൽ നിന്നും ചൂഷണത്തിൽ നിന്നും സംരക്ഷിക്കേണ്ടതുണ്ടെന്നും കോടതി ചൂണ്ടിക്കാട്ടി.
ഒരു കുട്ടി പരസ്യത്തിൽ പ്രത്യക്ഷപ്പെടുന്നത് മാത്രം വാണിജ്യ ചൂഷണമായി കണക്കാക്കാനാകില്ലെന്നും കോടതി വ്യക്തമാക്കി. എന്നാൽ കുട്ടികളെ തുടർച്ചയായി പരസ്യ പ്രവർത്തനങ്ങളിൽ ഉൾപ്പെടുത്തുന്നതും അതോടൊപ്പം പഠന നിലവാരത്തിൽ വ്യക്തമായ ഇടിവുണ്ടാകുന്നതും കുടുംബപരമായ മേൽനോട്ടത്തിന്റെ അഭാവവും കസ്റ്റഡി ചുമതലയിൽ വീഴ്ച സംഭവിച്ചതിന്റെ തെളിവുകളായി കണക്കാക്കാമെന്നും കോടതി നിരീക്ഷിച്ചു.
വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
കുവൈത്തിൽ വൻ മയക്കുമരുന്ന് വേട്ട; 23 പേർ അറസ്റ്റിൽ
Kuwait Greeshma Staff Editor — August 5, 2026 · 0 Comment
Kuwait drug crackdown : കുവൈത്ത് സിറ്റി, ഓഗസ്റ്റ് 4: മയക്കുമരുന്ന് കടത്തും ഉപയോഗവും തടയുന്നതിനായി കുവൈത്ത് ആഭ്യന്തര മന്ത്രാലയം നടത്തിയ പരിശോധനയിൽ 23 പേർ അറസ്റ്റിലായി. 12 വ്യത്യസ്ത മയക്കുമരുന്ന് കേസുകളിലായാണ് ഇവരെ പിടികൂടിയത്.
ക്രിമിനൽ സെക്യൂരിറ്റി വിഭാഗത്തിന് കീഴിലുള്ള ജനറൽ ഡയറക്ടറേറ്റ് ഫോർ ഡ്രഗ് കൺട്രോൾ നടത്തിയ നിരീക്ഷണത്തിനും അന്വേഷണത്തിനും ശേഷമാണ് പ്രതികളെ അറസ്റ്റ് ചെയ്തത്. മയക്കുമരുന്നുകളും സൈക്കോട്രോപിക് വസ്തുക്കളും കടത്തുകയും വ്യക്തിഗത ഉപയോഗത്തിനായി കൈവശം വയ്ക്കുകയും ചെയ്തതായി കണ്ടെത്തിയതിനെ തുടർന്നാണ് നടപടി.
പരിശോധനയിൽ വലിയ അളവിൽ മയക്കുമരുന്നുകളും പണവും മറ്റ് വസ്തുക്കളും പിടിച്ചെടുത്തു.
പിടിച്ചെടുത്ത പ്രധാന വസ്തുക്കൾ
- 860 ഗ്രാം മെത്താംഫെറ്റാമൈൻ (ക്രിസ്റ്റൽ മെത്ത്)
- 50 ഗ്രാം ഹെറോയിൻ
- 1 കിലോഗ്രാം 5 ഗ്രാം ഹാഷിഷ്
- 21 ഗ്രാം കഞ്ചാവ്
- 1 ഗ്രാം കൊക്കെയ്ൻ
- 2 കിലോഗ്രാം 62 ഗ്രാം സിന്തറ്റിക് കന്നാബിനോയിഡുകൾ
- 120 മില്ലിലിറ്റർ സിന്തറ്റിക് കന്നാബിനോയിഡ് ഓയിൽ
- സിന്തറ്റിക് കന്നാബിനോയിഡുകളിൽ മുക്കിയ 105 പേപ്പർ ഷീറ്റുകൾ
- കൃത്യമായ തൂക്കം അളക്കുന്നതിനുള്ള 5 ത്രാസുകൾ
- വെടിയുണ്ടകൾ
- മയക്കുമരുന്ന് കടത്തിൽ നിന്ന് ലഭിച്ചതായി കരുതുന്ന 3,955 കുവൈത്തി ദിനാർ
- മയക്കുമരുന്ന് പായ്ക്ക് ചെയ്യാൻ ഉപയോഗിക്കുന്ന സാച്ചെറ്റുകൾ
അറസ്റ്റിലായവരെയും പിടിച്ചെടുത്ത വസ്തുക്കളെയും തുടർ നിയമനടപടികൾക്കായി ബന്ധപ്പെട്ട അധികാരികൾക്ക് കൈമാറിയതായി ആഭ്യന്തര മന്ത്രാലയം അറിയിച്ചു.
മയക്കുമരുന്ന് കടത്തിനും ദുരുപയോഗത്തിനുമെതിരായ പരിശോധനകൾ ശക്തമായി തുടരുമെന്നും മന്ത്രാലയം വ്യക്തമാക്കി. മയക്കുമരുന്ന് വ്യാപാരികൾ, ഇടനിലക്കാർ, ഉപയോക്താക്കൾ എന്നിവർക്കെതിരെ നിയമപ്രകാരം കർശന നടപടി സ്വീകരിക്കുമെന്നും അധികൃതർ മുന്നറിയിപ്പ് നൽകി.
