Qatar Clarifies Excise Tax on Sugar-Sweetened Beveragesദോഹ: പഞ്ചസാര ചേർത്ത പാനീയങ്ങൾക്ക് 2026 ജൂലൈ 6 മുതൽ പ്രാബല്യത്തിൽ വന്ന എക്സൈസ് നികുതിയെക്കുറിച്ചുള്ള പൊതുജനങ്ങളുടെ തെറ്റിദ്ധാരണകൾക്ക് വിശദീകരണവുമായി ഖത്തറിലെ ജനറൽ ടാക്സ് അതോറിറ്റി (ജിടിഎ) എല്ലാ പഞ്ചസാര ഉൽപ്പന്നങ്ങൾക്കും ഒരുപോലെ നികുതി ബാധകമല്ലെന്നും, പാനീയത്തിന്റെ പഞ്ചസാരയുടെ അളവും ഉൽപ്പന്നത്തിന്റെ സ്വഭാവവും അടിസ്ഥാനമാക്കിയാണ് നികുതി ഈടാക്കുന്നതെന്നും അതോറിറ്റി വ്യക്തമാക്കി.
Apply Now for the latest vacancies
2026-ലെ നിയമം നമ്പർ (2) പ്രകാരമുള്ള പുതിയ എക്സൈസ് നികുതി സംവിധാനവുമായി ബന്ധപ്പെട്ടാണ് സാമൂഹിക മാധ്യമങ്ങളിലൂടെ അതോറിറ്റി വിശദീകരണം നൽകിയത്. കാർബണേറ്റഡ് ശീതളപാനീയങ്ങൾക്കെല്ലാം ഒരേ നിരക്കിൽ നികുതി ചുമത്തുന്നില്ലെന്ന് ജിടിഎ വ്യക്തമാക്കി. പാനീയത്തിലെ പഞ്ചസാരയുടെ അളവ് കണക്കിലെടുത്താണ് നികുതി നിരക്ക് നിശ്ചയിക്കുന്നത്. ഡയറ്റ്, സീറോ ഷുഗർ കാർബണേറ്റഡ് പാനീയങ്ങൾക്ക് പൂജ്യം ശതമാനം നികുതിയാണ് ബാധകമാകുക.
എനർജി ഡ്രിങ്കുകൾ പുതിയ പഞ്ചസാര അടിസ്ഥാനമാക്കിയ നികുതി സംവിധാനത്തിന്റെ പരിധിയിൽ ഉൾപ്പെടുന്നില്ല. അവയ്ക്ക് നിലവിലുള്ള 100 ശതമാനം എക്സൈസ് നികുതി തുടരുമെന്നും അതോറിറ്റി അറിയിച്ചു. പഞ്ചസാര അടങ്ങിയ എല്ലാ ഭക്ഷ്യവസ്തുക്കൾക്കും നികുതി ബാധകമാണെന്ന പ്രചാരണവും ശരിയല്ലെന്ന് അതോറിറ്റി ചൂണ്ടിക്കാട്ടി. മുൻകൂട്ടി പായ്ക്ക് ചെയ്തതും അധികമായി പഞ്ചസാര ചേർത്തതുമായ പാനീയങ്ങൾക്ക് മാത്രമാണ് ഈ നികുതി ബാധകമാകുക. റസ്റ്റോറന്റുകളിലും കഫേകളിലും ഉടൻ ഉപയോഗത്തിനായി തയ്യാറാക്കി നൽകുന്ന പാനീയങ്ങളെ നികുതിയിൽ നിന്ന് ഒഴിവാക്കിയിട്ടുണ്ട്.
വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
Maritime Transport Fully Restored in Qatarഖത്തറിൽ സമുദ്രഗതാഗതം പൂർണമായി പുനഃസ്ഥാപിക്കുന്നു;എല്ലാ നിയന്ത്രണങ്ങളും പിൻവലിക്കും
Qatar Drisya Staff Editor — July 26, 2026 · 0 Comment
Maritime Transport Fully Restored in Qatarദോഹ: ഖത്തറിൽ സമുദ്രഗതാഗതം പൂർണമായി പുനഃസ്ഥാപിക്കുന്നു. രാജ്യത്തിന്റെ സമുദ്രാതിർത്തിയിൽ എല്ലാ ബോട്ടുകൾക്കും കപ്പലുകൾക്കും നാവിക ഗതാഗത പ്രവർത്തനങ്ങൾ പൂർണ്ണമായി പുനരാരംഭിക്കാൻ അനുമതി നൽകിയതായി ഗതാഗത മന്ത്രാലയം അറിയിച്ചു. ജൂലൈ 26 മുതൽ തീരുമാനം പ്രാബല്യത്തിൽ വരും.
Apply Now for the latest vacancies
യാത്ര ആരംഭിക്കുന്നതിന് മുമ്പും യാത്രയിലുടനീളവും ആവശ്യമായ എല്ലാ മുൻകരുതലുകളും സുരക്ഷാ സജ്ജീകരണങ്ങളും ഉറപ്പുവരുത്തണം. യാത്രക്കാരുടെ സുരക്ഷ ഉറപ്പാക്കുന്നതിനായി സമുദ്ര ഗതാഗത നിയമങ്ങളും നിർദേശങ്ങളും കർശനമായി പാലിക്കണമെന്നും മന്ത്രാലയം വാർത്താക്കുറിപ്പിൽ വ്യക്തമാക്കി.
വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
Two Travel and Air Cargo Offices Shut Down in Qatar ഖത്തറിൽ രണ്ട് ട്രാവൽ, എയർ കാർഗോ ഓഫിസുകൾ അടച്ചുപൂട്ടി;കാരണമിതാണ്
Qatar Drisya Staff Editor — July 26, 2026 · 0 Comment
Two Travel and Air Cargo Offices Shut Down in Qatarദോഹ: ഏവിയേഷൻ നിയമലംഘനത്തെ തുടർന്ന് ട്രാവൽ, എയർ കാർഗോ ഏജൻസികൾക്കെതിരെ നടപടിയുമായി ഖത്തർ സിവിൽ ഏവിയേഷൻ അതോറിറ്റി. എയർ ട്രാൻസ്പോർട്ട് ഡിപ്പാർട്ട്മെന്റിന്റെ നേതൃത്വത്തിൽ രാജ്യത്തെ വിവിധ ട്രാവൽ, എയർ കാർഗോ സ്ഥാപനങ്ങളിൽ നടത്തിയ പരിശോധനകൾക്കൊടുവിലാണ് നടപടി. പരിശോധനയിൽ ഗുരുതരമായ നിയമലംഘനങ്ങൾ കണ്ടെത്തിയ രണ്ട് ഏജൻസികൾ അടച്ചുപൂട്ടി.
Apply Now for the latest vacancies
അതോറിറ്റിയുടെയോ ബന്ധപ്പെട്ട വകുപ്പുകളുടെയോ മുൻകൂർ അനുമതിയും ലൈസൻസുമില്ലാതെ ട്രാവൽ, എയർ കാർഗോ സേവനങ്ങൾ നൽകരുതെന്ന് നിർദേശമുണ്ട്. കൂടാതെ നിയമങ്ങളും നിബന്ധനകളും ലംഘിച്ച 10 ഏജൻസികളുടെ രജിസ്ട്രേഷൻ റദ്ദാക്കുകയും ചെയ്തു. തുടർ ദിവസങ്ങളിലും പരിശോധന തുടരുമെന്ന് ഖത്തർ സിവിൽ ഏവിയേഷൻ അതോറിറ്റി അറിയിച്ചു.
2025-ലെ നിയമം നമ്പർ (3)-ലെ ആർട്ടിക്കിൾ (3) വ്യവസ്ഥകൾ കൃത്യമായി പാലിച്ചുകൊണ്ട് മാത്രമേ സ്ഥാപനങ്ങൾ പ്രവർത്തിക്കാൻ അനുമതിയുള്ളൂ എന്നും, നിയമലംഘനങ്ങൾ നടത്തുന്നവർക്കെതിരെ കർശന നിയമനടപടികൾ സ്വീകരിക്കുമെന്നും അധികൃതർ മുന്നറിയിപ്പ് നൽകി.
വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
Qatar Airways TRAVEL26 promo code : ഹേയ് ഈ കോഡ് ഉപയോഗിക്കൂ ; ഡിസംബർ 31 വരെയുള്ള യാത്രകൾക്കായി ഖത്തർ എയർവേയ്സിന്റെ പുതിയ ഓൺലൈൻ ബുക്കിംഗ് ഓഫർ നേടൂ
Qatar Greeshma Staff Editor — July 26, 2026 · 0 Comment
Qatar Airways TRAVEL26 promo code : ദോഹ: ഖത്തർ എയർവേയ്സ് യാത്രക്കാർക്കായി പ്രത്യേക പ്രമോഷണൽ ഓഫർ പ്രഖ്യാപിച്ചു. TRAVEL26 എന്ന പ്രമോഷണൽ കോഡ് ഉപയോഗിച്ച് ടിക്കറ്റ് ബുക്ക് ചെയ്യുന്നവർക്ക് 12 ശതമാനം വരെ കിഴിവ് ലഭിക്കും.ഖത്തർ എയർവേയ്സിന്റെ ഔദ്യോഗിക വെബ്സൈറ്റ് പ്രകാരം, 2026 ജൂലൈ 1 മുതൽ ഡിസംബർ 31 വരെ നടത്തുന്ന ബുക്കിംഗുകൾക്കാണ് ഈ ഓഫർ ലഭിക്കുക. ലോകത്തിലെ മികച്ച വിമാനത്താവളങ്ങളിലൊന്നായ ഹമദ് അന്താരാഷ്ട്ര വിമാനത്താവളം വഴി 160-ലധികം രാജ്യാന്തര ലക്ഷ്യസ്ഥാനങ്ങളിലേക്കുള്ള യാത്രകൾക്ക് ഈ ഓഫർ ബാധകമാണ്.
ഓഫർ ലഭിക്കാൻ യാത്രയുടെ ദൈർഘ്യം കുറഞ്ഞത് 7 ദിവസവും പരമാവധി 3 മാസവും ആയിരിക്കണം. ഈജിപ്തിൽ നിന്ന് ഖത്തർ എയർവേയ്സ് നടത്തുന്ന സർവീസുകൾക്കും, കോഡ്-ഷെയർ, ഇന്റർലൈൻ പങ്കാളി വിമാനങ്ങൾക്കും ഓഫർ ബാധകമാണെന്ന് കമ്പനി അറിയിച്ചു.ഓൺലൈനായി സാധുവായ ക്രെഡിറ്റ് അല്ലെങ്കിൽ ഡെബിറ്റ് കാർഡ് ഉപയോഗിച്ചോ, മൊബൈൽ മണി സേവനങ്ങൾ അല്ലെങ്കിൽ ബാങ്ക് ട്രാൻസ്ഫർ വഴിയോ പണമടച്ച് ബുക്കിംഗ് പൂർത്തിയാക്കാം.ചില തീയതികളിൽ ബ്ലാക്ക്ഔട്ട് നിയന്ത്രണങ്ങൾ ഉണ്ടായിരിക്കുമെന്ന് കമ്പനി അറിയിച്ചു. അത്തരം ദിവസങ്ങളിൽ സാധാരണ നിരക്കിൽ ടിക്കറ്റ് ബുക്ക് ചെയ്യാൻ സാധിക്കും.
Apply Now for the latest vacancies
ബ്ലാക്ക്ഔട്ട് കാലയളവ്:
വൺ-വേ യാത്രകൾ
- 2026 ഓഗസ്റ്റ് 10 മുതൽ ഓഗസ്റ്റ് 31 വരെ
- 2026 ഡിസംബർ 12 മുതൽ 2027 ജനുവരി 12 വരെ
റൗണ്ട് ട്രിപ്പ് യാത്രകൾ
- 2026 ജൂലൈ 10 മുതൽ ജൂലൈ 31 വരെ
- 2026 ഡിസംബർ 12 മുതൽ 2027 ജനുവരി 12 വരെ
ഈ കിഴിവ് അടിസ്ഥാന ടിക്കറ്റ് നിരക്കിന് മാത്രമാണ് ബാധകമാകുക. വൺ-വേയും റൗണ്ട് ട്രിപ്പും ഉൾപ്പെടെയുള്ള ടിക്കറ്റുകൾക്കും, ഇക്കണോമി, ബിസിനസ് ക്ലാസ് യാത്രകൾക്കും ഓഫർ ലഭിക്കും.
കിഴിവിന് അർഹമായ വിമാനങ്ങളിൽ “Promotional Code Applied” എന്ന അടയാളം കാണിക്കും. ഓഫർ കാലയളവിൽ ഒരേ ഉപഭോക്താവിന് ഒന്നിലധികം തവണ ഈ ഓഫർ ഉപയോഗിക്കാനാകും. എന്നാൽ, ഓഫറിനായി അനുവദിച്ചിരിക്കുന്ന സീറ്റുകളുടെ എണ്ണം പരിമിതമായതിനാൽ, സീറ്റ് ലഭ്യത അനുസരിച്ചായിരിക്കും കിഴിവ് ലഭിക്കുക.
