NORKA Roots Recruitment 2026 തിരുവനന്തപുരം: നോര്ക്ക റൂട്ട്സിൽ ഡ്രൈവർ കം ഓഫീസ് അറ്റൻഡന്റ് തസ്തികയിലേക്ക് കരാർ അടിസ്ഥാനത്തിൽ നിയമനം നടത്തുന്നു. താൽപര്യമുള്ള ഉദ്യോഗാർഥികൾ 2026 ജൂലൈ 9-ന് നടക്കുന്ന വാക്ക്-ഇൻ അഭിമുഖത്തിൽ നേരിട്ട് പങ്കെടുക്കണം.
ഒഴിവ്
ദിവസവേതന അടിസ്ഥാനത്തിലാണ് ഡ്രൈവർ കം ഓഫീസ് അറ്റൻഡന്റ് തസ്തികയിലേക്ക് നിയമനം.
യോഗ്യത
അപേക്ഷകർക്ക് എസ്.എസ്.എൽ.സി വിജയിച്ചിരിക്കണം. കൂടാതെ ലൈറ്റ് മോട്ടോർ വാഹനത്തിനുള്ള (LMV) സാധുവായ ഡ്രൈവിംഗ് ലൈസൻസ് നിർബന്ധമാണ്.
സർക്കാർ വകുപ്പുകൾ, സർക്കാർ ഏജൻസികൾ, പൊതുമേഖലാ സ്ഥാപനങ്ങൾ (PSU) അല്ലെങ്കിൽ സ്വയംഭരണ സ്ഥാപനങ്ങളിൽ ഡ്രൈവറായി കുറഞ്ഞത് നാല് വർഷത്തെ പ്രവൃത്തിപരിചയം ഉണ്ടായിരിക്കണം.
വാഹനങ്ങളുടെ അടിസ്ഥാന പരിപാലനം, റോഡ് ഗതാഗത നിയമങ്ങൾ, ട്രാഫിക് സിഗ്നലുകൾ എന്നിവയെക്കുറിച്ചുള്ള അറിവും മികച്ച പെരുമാറ്റവും അഭികാമ്യമാണ്.
പ്രായപരിധി
45 വയസ്സ് വരെ പ്രായമുള്ളവർക്ക് അഭിമുഖത്തിൽ പങ്കെടുക്കാം.
അഭിമുഖം എപ്പോൾ?
വാക്ക്-ഇൻ അഭിമുഖം 2026 ജൂലൈ 9 (വ്യാഴാഴ്ച) രാവിലെ 11 മണിക്ക് നടക്കും.
അഭിമുഖ വേദി
നോര്ക്ക സെന്റർ, തൈക്കാട്, തിരുവനന്തപുരം (നോര്ക്ക റൂട്ട്സ് ആസ്ഥാനം).
ഹാജരാകുമ്പോൾ കൊണ്ടുവരേണ്ട രേഖകൾ
അപേക്ഷകർ താഴെ പറയുന്ന രേഖകളുടെ അസ്സലും പകർപ്പും സഹിതം ഹാജരാകണം.
- വിദ്യാഭ്യാസ സർട്ടിഫിക്കറ്റുകൾ
- പ്രവൃത്തിപരിചയ സർട്ടിഫിക്കറ്റുകൾ
- സാധുവായ LMV ഡ്രൈവിംഗ് ലൈസൻസ്
- ആധാർ കാർഡ് അല്ലെങ്കിൽ മറ്റ് തിരിച്ചറിയൽ രേഖകൾ
പ്രധാന അറിയിപ്പ്
ഇത് സർക്കാർ അംഗീകരിച്ച ദിവസവേതന നിരക്കിലുള്ള താൽക്കാലിക നിയമനമാണ്.
തിരഞ്ഞെടുപ്പ് നടപടിക്രമം റദ്ദാക്കാനോ, മാറ്റിവെയ്ക്കാനോ, ആവശ്യമായ ഭേദഗതികൾ വരുത്താനോ നോര്ക്ക റൂട്ട്സിന് പൂർണ അധികാരമുണ്ടെന്ന് അധികൃതർ അറിയിച്ചു.
ആ വഴി വേണ്ട!!യുഎഇയിലെ ഈ പ്രധാന റൂട്ടുകളിൽ ഗതാഗത നിയന്ത്രണം
UAE Nazia Staff Editor — July 4, 2026 · 0 Comment
ഷാർജ: യുഎഇയുടെ ദേശീയ റെയിൽ ശൃംഖലയായ ഇത്തിഹാദ് റെയിലിന്റെ ഭാഗമായുള്ള ഷാർജ യൂണിവേഴ്സിറ്റി സിറ്റി സ്റ്റേഷൻ നിർമ്മാണ പ്രവർത്തനങ്ങൾ പ്രമാണിച്ച് നഗരത്തിലെ പ്രധാന റോഡുകളിൽ താൽക്കാലിക ഗതാഗത നിയന്ത്രണവും വഴിതിരിച്ചുവിടലും പ്രഖ്യാപിച്ചു. ജൂലൈ 4 ശനിയാഴ്ച മുതൽ ഓഗസ്റ്റ് 23 ഞായറാഴ്ച വരെ യൂണിവേഴ്സിറ്റി സിറ്റിക്കും (University City) ആർദ് അൽ മാഹിദിനും (Ard Al Mahid) ഇടയിലുള്ള റൂട്ടിലാണ് നിയന്ത്രണങ്ങൾ ഏർപ്പെടുത്തിയിട്ടുള്ളതെന്ന് ഷാർജ റോഡ്സ് ആൻഡ് ട്രാൻസ്പോർട്ട് അതോറിറ്റി അറിയിച്ചു.
വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
ഇത്തിഹാദ് റെയിൽ സ്റ്റേഷനിലേക്കുള്ള കണക്റ്റിവിറ്റി റോഡുകൾ വികസിപ്പിക്കുന്നതിനുള്ള ‘ഇത്തിഹാദ് റെയിൽ സ്റ്റേഷൻ ആക്സസ് റോഡ്സ് പ്രോജക്റ്റിന്റെ’ ഭാഗമായാണ് അടിയന്തര നടപടി. ഈ റൂട്ടിലൂടെ യാത്ര ചെയ്യുന്ന ഡ്രൈവർമാർ സുരക്ഷാ നിർദ്ദേശങ്ങൾ കർശനമായി പാലിക്കണമെന്നും ഇതര റൂട്ടുകളിലേക്ക് സ്ഥാപിച്ചിട്ടുള്ള ദിശാസൂചനകൾ പിന്തുടരണമെന്നും അതോറിറ്റി അഭ്യർത്ഥിച്ചു. ഷാർജ അന്താരാഷ്ട്ര വിമാനത്താവളത്തിന് സമീപമുള്ള പ്രദേശമായതിനാലും നിരവധി വിദ്യാഭ്യാസ സ്ഥാപനങ്ങൾ സ്ഥിതി ചെയ്യുന്നതിനാലും യാത്രക്കാർക്കും ഷാർജ നിവാസികൾക്കും ഈ റൂട്ട് ഏറെ നിർണായകമാണ്.
അടുത്ത വർഷം (2027) മാർച്ച് 30-ഓടെ ഷാർജ യൂണിവേഴ്സിറ്റി സിറ്റി സ്റ്റേഷൻ പൂർണ്ണ സജ്ജമാക്കി പൊതുജനങ്ങൾക്ക് തുറന്നുകൊടുക്കാനാണ് ലക്ഷ്യമിടുന്നത്. യുഎഇയിലുടനീളമുള്ള വിവിധ സ്റ്റേഷനുകൾ പൊതുജനങ്ങൾക്കായി തുറന്നുകൊടുക്കുന്നതിന്റെ കൃത്യമായ സമയവിവരങ്ങൾ താഴെ നൽകുന്നു:
- ദുബൈ സ്റ്റേഷൻ (ജുമൈറ ഗോൾഫ് എസ്റ്റേറ്റ്): 2026 സെപ്റ്റംബർ 30-ന് സർവീസിനായി തുറന്നുനൽകും.
- അൽ ദൈദ് സ്റ്റേഷൻ (ഷാർജ): ഷാർജ നഗരത്തിൽ നിന്ന് 60 കിലോമീറ്റർ കിഴക്കായി സ്ഥിതി ചെയ്യുന്ന ഈ സ്റ്റേഷനും സെപ്റ്റംബർ 30-ഓടെ പ്രവർത്തനസജ്ജമാകും.
- അൽ ദഫ്ര സ്റ്റേഷനുകൾ (അബുദബി): അൽ ദഫ്ര മേഖലയിലെ 5 പ്രധാന സ്റ്റേഷനുകൾ 2026 ഡിസംബർ 30-ന് യാത്രക്കാരെ സ്വാഗതം ചെയ്യും.
- യൂണിവേഴ്സിറ്റി സിറ്റി സ്റ്റേഷൻ (ഷാർജ): 2027 മാർച്ച് 30-ഓടെ തുറക്കുന്ന ഈ സ്റ്റേഷനായിരിക്കും ഇത്തിഹാദ് റെയിൽ പാസഞ്ചർ സർവീസിന്റെ അവസാന സ്റ്റോപ്പ്.
അബുദബിയെയും ഫുജൈറയെയും ബന്ധിപ്പിച്ചുകൊണ്ട് ആയിരക്കണക്കിന് ആളുകൾ ഏറെ പ്രതീക്ഷയോടെ കാത്തിരുന്ന ഇത്തിഹാദ് റെയിൽ പാസഞ്ചർ സർവീസ് കഴിഞ്ഞ ചൊവ്വാഴ്ചയാണ് ഔദ്യോഗികമായി യാത്ര ആരംഭിച്ചത്. യുഎഇയുടെ ‘ഭാവിയിലേക്കുള്ള പ്രയാണ’ത്തിന്റെ സുപ്രധാനമായ നാഴികക്കല്ലായാണ് ഇത്തിഹാദ് റെയിൽ ശൃംഖലയെ രാജ്യം വിലയിരുത്തുന്നത്.
Dubai Crash Injures 25 After Car and Three Buses Collide ദുബായിൽ വാഹനവും മൂന്ന് ബസുകളും കൂട്ടിയിടിച്ചു; 25 പേർക്ക് പരിക്ക്; റോഡിന്റെ മധ്യത്തിൽ വാഹനം നിർത്തരുത്, വീണ്ടും സുരക്ഷാ മുന്നറിയിപ്പുകൾ നൽകി ദുബൈ പോലീസ്
UAE July 4, 2026
Dubai Crash Injures 25 After Car and Three Buses Collide ദുബായ്: ജബൽ അലി റോഡിൽ ഒരു വാഹനവും മൂന്ന് ബസുകളും കൂട്ടിയിടിച്ചുണ്ടായ അപകടത്തിൽ 25 പേർക്ക് പരിക്കേറ്റതായി ദുബായ് പോലീസ് അറിയിച്ചു. പരിക്കേറ്റവരിൽ ചിലരുടെ നില ഗുരുതരവും മറ്റുള്ളവരുടേത് മിതമായതും നിസാരവുമാണ്. എല്ലാവരെയും ആശുപത്രിയിലേക്ക് മാറ്റി ചികിത്സ നൽകി.
സാങ്കേതിക തകരാറിനെ തുടർന്ന് ഒരു ബസ് പെട്ടെന്ന് റോഡിന്റെ മധ്യത്തിൽ നിർത്തേണ്ടിവന്നതാണ് അപകടത്തിന് കാരണമായതെന്ന് പോലീസ് വ്യക്തമാക്കി. പിന്നാലെ വന്ന ഒരു വാഹനത്തിനും മറ്റ് രണ്ട് ബസുകൾക്കും നിർത്തിയിട്ടിരുന്ന ബസിനെ ഒഴിവാക്കാൻ കഴിയാതെ വന്നതോടെ തുടർച്ചയായി കൂട്ടിയിടിയുണ്ടാകുകയായിരുന്നു.അപകടവിവരം ലഭിച്ച ഉടൻ ദുബായ് പോലീസിന്റെ ട്രാഫിക് അപകട അന്വേഷണ വിഭാഗം സ്ഥലത്തെത്തി പരിശോധന നടത്തി. അപകടത്തിന്റെ യഥാർഥ കാരണം കണ്ടെത്താൻ അന്വേഷണം തുടരുകയാണ്.
വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക
ട്രാഫിക് പോലീസ് സ്ഥലത്ത് ഗതാഗതം നിയന്ത്രിക്കുകയും രക്ഷാപ്രവർത്തനങ്ങൾ സുഗമമാക്കുകയും ചെയ്തു. അപകടത്തിൽപ്പെട്ട വാഹനങ്ങൾ പിന്നീട് നീക്കം ചെയ്തതോടെ റോഡിലെ ഗതാഗതം സാധാരണ നിലയിലായതായി അധികൃതർ അറിയിച്ചു.അതേസമയം, വാഹനം തകരാറിലായാൽ ഡ്രൈവർമാർ പാലിക്കേണ്ട സുരക്ഷാ നിർദേശങ്ങളും ദുബായ് പോലീസ് വീണ്ടും ഓർമ്മിപ്പിച്ചു. ഹസാർഡ് ലൈറ്റുകൾ തെളിയിക്കുക, യാത്രക്കാരെ സുരക്ഷിത സ്ഥലത്തേക്ക് മാറ്റുക, വാഹനത്തിന് പിന്നിൽ മുന്നറിയിപ്പ് ത്രികോണം സ്ഥാപിക്കുക, ഉടൻ പോലീസിനെ വിവരം അറിയിക്കുക എന്നിവ നിർബന്ധമായും ചെയ്യണമെന്ന് അധികൃതർ നിർദേശിച്ചു.
റോഡിന്റെ മധ്യത്തിൽ വാഹനം നിർത്തുന്നത് ഫെഡറൽ ട്രാഫിക് നിയമപ്രകാരം ഗുരുതര നിയമലംഘനമാണ്. ഇതിന് 1,000 ദിർഹം പിഴയും ആറ് ട്രാഫിക് പോയിന്റുകളും ലഭിക്കുമെന്ന് ദുബായ് പോലീസ് മുന്നറിയിപ്പ് നൽകി. ഗതാഗത തടസ്സം സൃഷ്ടിക്കുന്നതിന് അധികമായി 500 ദിർഹം പിഴയും ചുമത്താൻ സാധ്യതയുണ്ടെന്നും അധികൃതർ അറിയിച്ചു.
