അബുദാബി∙ ബിഗ് ടിക്കറ്റിന്റെ ജൂണിലെ ആദ്യ പ്രതിവാര ഇ-ഡ്രോയിൽ വനിതയടക്കം നാല് മലയാളി പ്രവാസികൾക്ക് ഭാഗ്യം തുണച്ചു. വിജയിച്ച അഫ്താബ് കൊടക്കാടൻ (51), സുബൈർ അബ്ദു സുബൈർ (44), സഫ്ന പൊത്തങ്ങൽ കാദർ (26), അനീഷ് എബ്രഹാം (30) എന്നീ മലയാളികൾക്ക് ഒരു ലക്ഷം ദിർഹമാണ് (ഏകദേശം 26 ലക്ഷത്തോളം ഇന്ത്യൻ രൂപ) സമ്മാനമായി ലഭിച്ചത്. ഓരോരുത്തർക്കും 25,000 ദിർഹം വീതം (ആറര ലക്ഷത്തോളം രൂപ) ലഭിക്കും. ഗൾഫിലും നാട്ടിലും യുകെയിലുമായി കഴിയുന്ന നാല് മലയാളികളുടെയും ജീവിതത്തിലേക്ക് വലിയൊരു സർപ്രൈസായാണ് ഈ സമ്മാനവാർത്ത എത്തിയത്.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

ആദ്യമായി ഭാഗ്യം തേടിയെത്തി; ലക്ഷങ്ങൾ സ്വന്തമാക്കി സൂപ്പർമാർക്കറ്റ് ജീവനക്കാരൻ
വർഷങ്ങളായുള്ള കാത്തിരിപ്പിനൊടുവിലാണ് റാസൽഖൈമയിലെ സൂപ്പർ മാർക്കറ്റ് ജീവനക്കാരനായ സുബൈർ അബ്ദു സുബൈർ ബിഗ് ടിക്കറ്റ് നറുക്കെടുപ്പിലൂടെ ലക്ഷങ്ങളുടെ പ്രതിവാര സമ്മാനം 25,000 ദിർഹം സ്വന്തമാക്കിയത്. കഴിഞ്ഞ 13 വർഷമായി റാസൽഖൈമയിൽ കുടുംബത്തോടൊപ്പം താമസിക്കുന്ന സുബൈർ മുൻപ് സുഹൃത്തുക്കളോടൊപ്പം ഗ്രൂപ്പായും ഒറ്റയ്ക്കും ടിക്കറ്റുകൾ എടുക്കാറുണ്ടായിരുന്നു. എന്നാൽ ഇത്തവണ തനിച്ചെടുത്ത ടിക്കറ്റിലൂടെയാണ് ഭാഗ്യം സുബൈറിനെ തേടിയെത്തിയത്. ബിഗ് ടിക്കറ്റിൽ ആദ്യമായാണ് ഇദ്ദേഹത്തിന് സമ്മാനം ലഭിക്കുന്നത്.

സമ്മാനവിവരമറിയിച്ചുകൊണ്ടുള്ള ഫോൺ കോൾ വന്നപ്പോൾ ആദ്യം വിശ്വസിക്കാൻ കഴിഞ്ഞില്ലെന്ന് സുബൈർ പറയുന്നു. അപ്രതീക്ഷിതമായി എത്തിയ ഈ ഭാഗ്യത്തിന്റെ സന്തോഷത്തിലാണ് അദ്ദേഹവും കുടുംബവും. സമ്മാനമായി ലഭിച്ച തുക പൂർണമായും കുടുംബത്തിന്റെ ആവശ്യങ്ങൾക്കായി ഉപയോഗിക്കാനാണ് സുബൈറിന്റെ തീരുമാനം.

∙ മക്കളുടെ കൈപ്പുണ്യം തുണച്ച അഫ്താബ്; ലക്ഷങ്ങൾ സ്വന്തമാക്കി ഖത്തറിലെ മലയാളി വ്യവസായി
മക്കളുടെ കൈപ്പുണ്യത്തിൽ വിശ്വസിച്ചാണ് ഖത്തറിലെ മലയാളി വ്യവസായി അഫ്താബ് 25,000 ദിർഹം സ്വന്തമാക്കിയത്. 2006 മുതൽ ഖത്തറിലുള്ള അഫ്താബ് ദോഹയിൽ കുടുംബത്തോടൊപ്പം താമസിക്കുന്നു.

അബുദാബി വിമാനത്താവളം വഴിയുള്ള യാത്രകൾക്കിടയിലാണ് ബിഗ് ടിക്കറ്റിനെക്കുറിച്ച് ആദ്യമായി അറിയുന്നത്. പിന്നീട് സുഹൃത്തുക്കളിൽ നിന്നും വാർത്തകളിലൂടെയും മറ്റും കൂടുതൽ വിവരങ്ങൾ മനസ്സിലാക്കി കഴിഞ്ഞ മൂന്ന് വർഷമായി ഇതിൽ ഭാഗ്യം പരീക്ഷിച്ചുവരികയാണ്. മറ്റാരുമായും പങ്കുവയ്ക്കാതെ സ്വന്തമായി ഓൺലൈൻ വഴിയാണ് അഫ്താബ് ടിക്കറ്റുകൾ എടുക്കാറുള്ളത്.

ടിക്കറ്റ് തിരഞ്ഞെടുക്കുമ്പോൾ മക്കളെക്കൊണ്ട് നമ്പർ കാണിപ്പിക്കുന്നതാണ് അഫ്താബിന്റെ സ്ഥിരം ശീലം. സമ്മാനം അടിച്ചെന്ന ഫോൺ കോൾ വന്നപ്പോൾ ആരോ പറ്റിക്കാൻ വിളിച്ചതാണെന്നാണ് ആദ്യം കരുതിയതെന്ന് അദ്ദേഹം പറഞ്ഞു. സമ്മാനത്തുക എന്ത് ചെയ്യണമെന്ന് ഇതുവരെ തീരുമാനിച്ചിട്ടില്ല.

21 പേരുടെ കൂട്ടായ്മയ്ക്ക് അൽ ഐനിലെ സഫ്നയിലൂടെ മധുരസമ്മാനം
കൂട്ടുകാരോടൊപ്പം ചേർന്ന് വർഷങ്ങളായി തുടർന്ന ഭാഗ്യപരീക്ഷണം ഒടുവിൽ ലക്ഷ്യത്തിലെത്തിയ സന്തോഷത്തിലാണ് ഈ മലയാളി യുവതി. അൽ ഐനിൽ കുടുംബത്തോടൊപ്പം താമസിക്കുന്ന സഫ്ന ബിഗ് ടിക്കറ്റ് പ്രതിവാര ഇ-ഡ്രോയിൽ 25,000 ദിർഹമാണ് നേടിയത്.

കഴിഞ്ഞ കുറച്ചുവർഷങ്ങളായി 21 പേരടങ്ങുന്ന ഒരു സുഹൃദ്‌വലയത്തിന്റെ ഭാഗമായാണ് സഫ്ന സ്ഥിരമായി ടിക്കറ്റ് എടുത്തിരുന്നത്. ഈ കൂട്ടായ്മയെ തേടി ആദ്യമായാണ് സമ്മാനം എത്തുന്നത്.

സമ്മാനവാർത്ത അറിഞ്ഞപ്പോൾ വലിയ സന്തോഷം തോന്നിയെന്നും തികച്ചും അപ്രതീക്ഷിതമായ ഒരു സമ്മാനമാണിതെന്നും സഫ്ന പ്രതികരിച്ചു. ലഭിച്ച സമ്മാനത്തുക എന്തു ചെയ്യണമെന്ന് പിന്നീട് തീരുമാനിക്കും.

∙ യുകെയിൽ ഉറക്കത്തിനിടയിൽ അബുദാബിയിൽ നിന്ന് ഭാഗ്യദേവതയുടെ വിളി
യുകെയിലെ തണുപ്പിൽ പുലർച്ചെ ഉറങ്ങിക്കിടക്കുമ്പോഴാണ് (യുകെയിൽ) ജോലി ചെയ്യുന്ന അനീഷിനെ ഭാഗ്യദേവതയുടെ ഫോൺ കോൾ അബുദാബിയിൽ നിന്ന് തേടിയെത്തിയത്. 25,000 ദിർഹം സ്വന്തമാക്കിയ നാല് ഭാഗ്യശാലികളിൽ ഒരാളാണ് കഴിഞ്ഞ ഒരു വർഷമായി യുകെയിൽ ഹോസ്പിറ്റാലിറ്റി രംഗത്ത് ജോലി ചെയ്യുന്ന അനീഷ്. ഇദ്ദേഹത്തിന്റെ കുടുംബം നാട്ടിലാണ്.

വാർത്തകളിലൂടെയും അബുദാബി വിമാനത്താവളത്തിലെ ട്രാൻസിറ്റ് യാത്രകൾക്കിടയിലുമാണ് അനീഷ് ബിഗ് ടിക്കറ്റിനെക്കുറിച്ച് അറിഞ്ഞത്. അബുദാബിയിൽ വിമാനമിറങ്ങുമ്പോഴോ, നാട്ടിലായിരിക്കുമ്പോൾ വെബ്‌സൈറ്റ് വഴിയോ ടിക്കറ്റെടുക്കുന്നതാണ് അനീഷിന്റെ രീതി. കുറച്ചുകാലമായി സ്ഥിരമായി പങ്കെടുക്കാറുണ്ടെങ്കിലും ഇതാദ്യമായാണ് അനീഷിനെ തേടി ഒരു സമ്മാനമെത്തുന്നത്. യുകെയും യുഎഇയും തമ്മിലുള്ള സമയവ്യത്യാസം കാരണം ഫോൺ വരുമ്പോൾ അനീഷ് നല്ല ഉറക്കത്തിലായിരുന്നു. സമ്മാനം അടിച്ച വിവരം സത്യമാണെന്ന് മനസ്സിലായതോടെ വലിയ ആവേശത്തിലായെന്ന് അദ്ദേഹം ഓർക്കുന്നു. പൂർണമായും റാൻഡമായി തിരഞ്ഞെടുത്ത നമ്പറിനാണ് ഇത്തവണ സമ്മാനം അടിച്ചത്. നിലവിലുള്ള ചില സാമ്പത്തിക ബാധ്യതകൾ തീർക്കാൻ ഈ സമ്മാനത്തുക ഉപയോഗിക്കാനാണ് അനീഷിന്റെ തീരുമാനം.

∙ അടുത്ത മാസം കാത്തിരിക്കുന്നത് 2.5 കോടി ദിർഹം
ജൂലൈ 3ന് നടക്കുന്ന തത്സമയ നറുക്കെടുപ്പിൽ 2.5 കോടി ദിർഹത്തിന്റെ (ഏകദേശം 56 കോടി ഇന്ത്യൻ രൂപ) മെഗാ സമ്മാനമാണ് ബിഗ് ടിക്കറ്റ് ഉപയോക്താക്കളെ കാത്തിരിക്കുന്നത്. ഇതിന് പുറമെ അഞ്ച് പേർക്ക് ഒരു മില്യൻ ദിർഹം വീതവും ആശ്വാസ സമ്മാനമായി ലഭിക്കും. ജൂണിൽ ഇനിയും മൂന്ന് പ്രതിവാര ഇ-ഡ്രോകൾ കൂടി ബാക്കിയുണ്ട്. ബിഗ് ടിക്കറ്റ് യൂട്യൂബ് ചാനൽ വഴി തത്സമയം സംപ്രേഷണം ചെയ്യുന്ന ഈ നറുക്കെടുപ്പുകളിൽ ഓരോ വാരവും നാല് പേർക്ക് 25,000 ദിർഹം വീതം സ്വന്തമാക്കാൻ അവസരമുണ്ട്. ടിക്കറ്റുകൾ ഓൺലൈൻ വഴിയോ അബുദാബി, അൽ ഐൻ എന്നിവിടങ്ങളിലെ കൗണ്ടറുകൾ വഴിയോ വാങ്ങിക്കാവുന്നതാണ്

ലോകത്തിലാദ്യമായി ഭീമൻ എയർബസ് എ380 (Airbus A380) വിമാനത്തിൽ സ്റ്റാർലിങ്ക് ഇന്റർനെറ്റ് വിജയകരമായി ഇൻസ്റ്റാൾ ചെയ്ത് ചരിത്രം സൃഷ്ടിച്ചത് എമിറേറ്റ്സായിരുന്നു. നിലവിൽ എമിറേറ്റ്സിന്റെ 33 വിമാനങ്ങളിൽ ഈ സാങ്കേതികവിദ്യ ലഭ്യമാണ്. വരും വർഷങ്ങളിൽ തങ്ങളുടെ അന്താരാഷ്ട്ര നെറ്റ്‌വർക്കിന്റെ ഭൂരിഭാഗവും ഉൾക്കൊള്ളിച്ചുകൊണ്ട് 232 വിമാനങ്ങളിലേക്ക് ഈ പദ്ധതി വ്യാപിപ്പിക്കാനാണ് കമ്പനി ലക്ഷ്യമിടുന്നത്. എല്ലാ ക്യാബിൻ ക്ലാസുകളിലെയും എല്ലാ യാത്രക്കാർക്കും ഇത് സൗജന്യമാണ്.

2. ഖത്തർ എയർവേയ്‌സ് 
 
മിഡിൽ ഈസ്റ്റ്, നോർത്ത് ആഫ്രിക്ക (MENA) മേഖലയിൽ ആദ്യമായി വിമാനത്തിനുള്ളിൽ സ്റ്റാർലിങ്ക് ഇന്റർനെറ്റ് അവതരിപ്പിച്ചത് ഖത്തർ എയർവേയ്‌സ് ആണ്. നിലവിൽ കമ്പനിയുടെ ബോയിംഗ് 777, എയർബസ് എ350, തിരഞ്ഞെടുത്ത ബോയിംഗ് 787 ഡ്രീംലൈനർ വിമാനങ്ങളിൽ ഈ സേവനം ലഭ്യമാണ്. ക്ലാസ് വ്യത്യാസമില്ലാതെ എല്ലാ യാത്രക്കാർക്കും ഇത് സൗജന്യമാണ്.

3. ഗൾഫ് എയർ

ബഹ്‌റൈന്റെ ദേശീയ വിമാനക്കമ്പനിയായ ഗൾഫ് എയർ, 2026 മെയ് മാസത്തിലാണ് സ്റ്റാർലിങ്ക് സജ്ജീകരിച്ച ആദ്യ വാണിജ്യ സർവീസ് ആരംഭിച്ചത്. നിലവിൽ എയർബസ് A320neo, A321neo, ബോയിംഗ് 787-9 ഡ്രീംലൈനർ വിമാനങ്ങളിൽ ഇത് ലഭ്യമാണ്. ബാക്കി വിമാനങ്ങളിലേക്ക് ഈ സംവിധാനം എത്തിക്കാനുള്ള പ്രവർത്തനങ്ങൾ പുരോഗമിക്കുന്നു.

4. ഫ്ലൈദുബൈ

തങ്ങളുടെ മുഴുവൻ ബോയിംഗ് 737 ഫ്ലീറ്റിലും സ്റ്റാർലിങ്ക് ഇന്റർനെറ്റ് ലഭ്യമാക്കുന്നതിനായി ഫ്ലൈദുബൈ സ്പേസ് എക്സുമായി കരാറിൽ ഒപ്പുവെച്ചിട്ടുണ്ട്. ഒരു ബഡ്ജറ്റ് എയർലൈൻ ആയിട്ടുകൂടി യാത്രക്കാർക്ക് ഈ ആധുനിക സൗകര്യം പൂർണ്ണമായും സൗജന്യമായി നൽകാൻ കമ്പനി തീരുമാനിക്കുകയായിരുന്നു.

പ്രവാസികളെ ശ്രദ്ധിക്കുക!! പുറത്തിറങ്ങുമ്പോൾ നിങ്ങൾ പ്രതീക്ഷിച്ച കാലാവസ്ഥ അല്ല ;കാലാവസ്ഥാ നിരീക്ഷകർ മുന്നറിയിപ്പ്

UAE June 17, 2026

അബുദാബി: യുഎഇയിൽ ഉഷ്ണകാലാവസ്ഥ തുടരുമെന്ന് ദേശീയ കാലാവസ്ഥാ നിരീക്ഷണ കേന്ദ്രം (NCM). രാജ്യത്തിന്റെ ഉൾപ്രദേശങ്ങളിൽ താപനില 44 ഡിഗ്രി സെൽഷ്യസ് വരെ ഉയരാൻ സാധ്യതയുണ്ട്.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

അന്തരീക്ഷത്തിൽ പൊടിപടലങ്ങൾക്കും കാറ്റിനും സാധ്യതയുള്ളതിനാൽ ജാഗ്രത പാലിക്കണമെന്ന് അധികൃതർ അറിയിച്ചു. തീരപ്രദേശങ്ങളിലും ഉൾപ്രദേശങ്ങളിലും രാത്രിയിലും പുലർച്ചെയും ഉയർന്ന ഈർപ്പം അനുഭവപ്പെടും, ഇത് മൂടൽമഞ്ഞോ മഞ്ഞുവീഴ്ചയോ ഉണ്ടാകാൻ കാരണമായേക്കാം.

കടലിൽ ചില സമയങ്ങളിൽ പ്രക്ഷുബ്ധമായ അന്തരീക്ഷത്തിന് സാധ്യതയുണ്ടെങ്കിലും വൈകുന്നേരത്തോടെ സ്ഥിതിഗതികൾ ശാന്തമാകുമെന്നും കാലാവസ്ഥാ കേന്ദ്രം വ്യക്തമാക്കി. വരും ദിവസങ്ങളിലും ചൂട് തുടരുമെന്നും കാലാവസ്ഥാ നിരീക്ഷകർ മുന്നറിയിപ്പ് നൽകുന്നു.

ബിഗ് ടിക്കറ്റല്ല, ഡ്യൂട്ടി ഫ്രീയുമല്ല; ഒരു ബാങ്ക് അക്കൗണ്ട് തല വര തന്നെ മാറ്റി!! മലയാളിക്ക് കോടികളുടെ മെഗാ സമ്മാനം അടിച്ചത് ബാങ്ക് അക്കൗണ്ടിലൂടെ

UAE June 17, 2026

Savings Account Sharjah millionaire campaign അബുദാബി ബിഗ് ടിക്കറ്റിലും ദുബായ് ഡ്യൂട്ടി ഫ്രീയിലും മാത്രമല്ല, പ്രവാസലോകത്തെ ഏത് വലിയ നറുക്കെടുപ്പിലും ഭാഗ്യം മലയാളിയെത്തന്നെ തേടിയെത്തുമെന്നത് വീണ്ടും തെളിഞ്ഞിരിക്കുന്നു. ഷാർജ ഇസ്‌ലാമിക് ബാങ്കിൽ സമ്പാദ്യ അക്കൗണ്ട് ആരംഭിച്ച് വെറും രണ്ട് മാസം തികയുന്നതിന് മുൻപാണ് മലയാളി യുവാവിന് 20 ലക്ഷം ദിർഹത്തിന്റെ (ഏകദേശം 5 കോടിയിലേറെ ഇന്ത്യൻ രൂപ) ബമ്പർ സമ്മാനം അടിച്ചത്.

അബുദാബിയിൽ താമസിക്കുന്ന മലയാളി പ്രവാസി ഷജീർ വേങ്ങ (34)യ്ക്കാണ് ബാങ്കിന്റെ ജനപ്രിയ ‘മില്യനയർ’ ക്യാംപെയ്നിലൂടെ ഈ മെഗാ സമ്മാനം ലഭിച്ചത്. ബാങ്കിന്റെ പ്രധാന ശാഖയിൽ നടന്ന നറുക്കെടുപ്പിലാണ് ഷജീർ ഭാഗ്യശാലിയായി തിരഞ്ഞെടുക്കപ്പെട്ടത്. ബാങ്കിന്റെ ഡിജിറ്റൽ ആപ്പ് വഴി വളരെ എളുപ്പത്തിലാണ് ഷജീർ അക്കൗണ്ട് തുറന്നത്. ഇത്രയും കുറഞ്ഞ കാലയളവിനുള്ളിൽ തനിക്കൊരു വലിയ സമ്മാനം ലഭിക്കുമെന്ന് ഒരിക്കലും പ്രതീക്ഷിച്ചിരുന്നില്ലെന്ന് ഷജീർ സന്തോഷത്തോടെ പങ്കുവെച്ചു

ബാങ്കിന്റെ മില്യനയർ ക്യാംപെയിനെക്കുറിച്ച് മുൻപ് ഒട്ടേറെ വായിച്ചിട്ടുണ്ടെന്നും അതിലൊരു വിജയിയാകാൻ എപ്പോഴും ആഗ്രഹിച്ചിരുന്നുവെന്നും അദ്ദേഹം പറഞ്ഞു. ഈ വൻ തുക തന്റെ ജീവിതത്തെ പൂർണ്ണമായി മാറ്റിമറിക്കുമെന്നും ഭാവി സുരക്ഷിതമാക്കാൻ ഈ തുക നിക്ഷേപിക്കുമെന്നും ഷജീർ വ്യക്തമാക്കി. കൂടാതെ നാട്ടിലുള്ള തന്റെ കുടുംബത്തെ യുഎഇയിലേക്ക് കൊണ്ടുവന്ന് ഒപ്പം താമസിപ്പിക്കാൻ ഈ തുക സഹായിക്കുമെന്ന വലിയ സന്തോഷത്തിലാണ് ഈ യുവാവ്. എന്നാൽ സുരക്ഷ മുൻനിർത്തി ഷജീറിന്റെ കൂടുതൽ വിവരങ്ങൾ ബാങ്ക് വെളിപ്പെടുത്തിയിട്ടില്ല. ഷജീറിന് ലഭിച്ച മെഗാ സമ്മാനത്തിന് പുറമെ, മോസ ബുത്തി എന്ന സ്വദേശി വനിതയ്ക്ക് ആഡംബര ബിഎംഡബ്ല്യു എക്സ്എം കാറും മറ്റ് 40 പേർക്ക് വിവിധ കാഷ് പ്രൈസുകളും ഈ നറുക്കെടുപ്പിലൂടെ ലഭിച്ചു. ഉപയോക്താക്കളിൽ സമ്പാദ്യശീലം വളർത്തുന്നതിനൊപ്പം അവരുടെ സ്വപ്നങ്ങൾ യാഥാർഥ്യമാക്കാനും മികച്ച ഭാവി കെട്ടിപ്പടുക്കാനും ഇത്തരം ക്യാംപെയ്നുകൾ സഹായിക്കുമെന്ന് ഷാർജ ഇസ്‌ലാമിക് ബാങ്ക് റീട്ടെയ്ൽ ബാങ്കിങ് തലവൻ നബീൽ അബു അൽവാൻ പറഞ്ഞു. ബാങ്കിന്റെ അടുത്ത നറുക്കെടുപ്പിൽ സ്വദേശികൾക്കും വിദേശികൾക്കുമായി 10 ലക്ഷം ദിർഹം വീതം ലഭിക്കുന്ന രണ്ട് മെഗാ സമ്മാനങ്ങളും 40 കാഷ് പ്രൈസുകളുമാണ് ഒരുക്കിയിരിക്കുന്നത്.