റിയാദ്: സഊദി അറേബ്യയിലെ അൽ ഖസീം പ്രവിശ്യയിലുണ്ടായ ദാരുണമായ വാഹനാപകടത്തിൽ മലയാളി യുവാവടക്കം രണ്ട് പ്രവാസികൾ മരിച്ചു. പാലക്കാട് നെന്മാറ പോത്തുണ്ടി, നെല്ലിക്കാട് സ്വദേശി ശബ്നം മൻസിലിൽ ഷനൂബ് മുഹമ്മദ് ഷെരീഫ് (30), പശ്ചിമ ബംഗാളിലെ ബുധിയ സ്വദേശി അബ്ദുൽ മതീൻ (32) എന്നിവരാണ് മരണപ്പെട്ടത്. പാലക്കാട് സ്വദേശിയായ ഷനൂബ് മുഹമ്മദ് ഷെരീഫ്, മുഹമ്മദ് ഷരീഫ് അതിരുപ്പ – ഫാത്തിമ ദമ്പതികളുടെ മകനാണ്.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

ഖസീം പ്രവിശ്യയിലെ ബുറൈദയ്ക്ക് സമീപമുള്ള സലാം എന്ന സ്ഥലത്ത് ക്വാറ പോലീസ് സ്റ്റേഷൻ പരിധിയിൽ ഇന്ന് രാവിലെ 11.40 ഓടെയായിരുന്നു അപകടം സംഭവിച്ചത്. ഇരുവരും സഞ്ചരിച്ചിരുന്ന വാഹനത്തിന്റെ ടയർ പെട്ടെന്ന് പൊട്ടിത്തെറിക്കുകയും തുടർന്ന് നിയന്ത്രണം വിട്ട് വണ്ടി മറിയുകയുമായിരുന്നുവെന്നാണ് റിപ്പോർട്ടുകൾ.

സംഭവം എങ്ങനെ നടന്നുവെന്നോ  മരിച്ചവരെക്കുറിച്ചോ ഉള്ള കൂടുതൽ വിവരങ്ങൾ നിലവിൽ ലഭ്യമായിട്ടില്ല. ഇരുവരുടെയും മൃതദേഹങ്ങൾ ഔദ്യോഗിക തുടർനടപടികൾ പൂർത്തിയാക്കുന്നതിനായി അടുത്തുള്ള ആശുപത്രി മോർച്ചറിയിൽ സൂക്ഷിച്ചിരിക്കുകയാണെന്നാണ് പ്രാഥമിക വിവരം. മരണവിവരമറിഞ്ഞ് റിയാദിലെയും ഖസീമിലെയും സാമൂഹിക പ്രവർത്തകരും ബന്ധുക്കളും ആശുപത്രിയിൽ എത്തിയിട്ടുണ്ട്.

ഒരു നമ്പറിൽ കോടികൾ പോയി; പക്ഷെ ഒരു ടിക്കറ്റ്, ഒരു നോട്ടിഫിക്കേഷൻ, ജീവിതം തന്നെ മാറി;ഇന്ത്യൻ പ്രവാസിയുടെ ഭാഗ്യനിമിഷം

UAE May 22, 2026

വിജയിക്ക് 4 മില്യൺ ഡോളർ ഗ്രാൻഡ് പ്രൈസ് നഷ്ടമായത് ഒരു നമ്പറിന്റെ വ്യത്യാസത്തിൽ.

ഇന്ത്യക്കാരനായ ഗുണശേഖരൻ ജോലിക്ക് പോകുന്നതിനിടെയാണ് ജീവിതം മാറ്റിമറിച്ച നോട്ടിഫിക്കേഷൻ കണ്ടത്. ആ നിമിഷത്തെ വിവരിക്കാൻ ഒരു വാക്ക് മാത്രം മതിയെന്ന് അദ്ദേഹം പറയുന്നു: “ആശ്വാസം.”

എന്നും രാവിലെ മെഡിക്കൽ ഫാർമ ഡീലർഷിപ്പിലെ ജോലിക്ക് പോകുന്ന ഗുണശേഖരൻ വരും കാലം നന്നാകും എന്ന പ്രതീക്ഷയിലാണ് ജീവിതം മുന്നോട്ടു കൊണ്ടുപോയിരുന്നത്. തമിഴ്നാട് കോയമ്പത്തൂരിലെ വീട്ടിൽ നിന്നും സാധാരണ പോലെ ജോലിക്ക് ഇറങ്ങുന്നതിനിടെയാണ് ഫോണിൽ വന്ന ഇമെയിൽ അദ്ദേഹം ശ്രദ്ധിക്കുന്നത്. വീണ്ടും വായിച്ചു. എമിറേറ്റ്സ് ഡ്രോ ഈസി 6 വിജയിക്കുക വഴി 25,000 ഡോളർ നേടിയെന്ന വാർത്തയായിരുന്നു അത്.

ഉറപ്പാക്കാൻ പലതവണ പരിശോധിക്കേണ്ടിവന്നുവെന്ന് അദ്ദേഹം പറയുന്നു.

ടിക്കറ്റിന് പിന്നിലെ മനുഷ്യൻ

ഒരു സാധാരണ മധ്യവർഗ്ഗ കുടുംബമാണ് ഗുണശേഖരന്റേത്. ഉയരുന്ന ജീവിതച്ചെലവ്, മക്കളുടെ പഠനച്ചെലവ്, കുടുംബത്തിന്റെ ഭാവി എന്നിങ്ങനെ നിരവധി ബാധ്യതകളുമായി ജീവിക്കുന്ന ഒരാൾ. ഇന്ത്യയിലെ ലക്ഷക്കണക്കിന് ആളുകളെ പോലെ.

“എന്റെ കുടുംബത്തിന് നല്ലൊരു ഭാവി ഉറപ്പാക്കാൻ സാമ്പത്തിക സ്ഥിരതയാണ് ഞാൻ തേടിയത്. ഉയരുന്ന ജീവിതച്ചെലവുകൾക്കിടയിൽ ഈ വിജയം ശരിയായ സമയത്ത് ലഭിച്ച വലിയ അനുഗ്രഹമാണ്,” അദ്ദേഹം പറഞ്ഞു.

മൂന്ന് വർഷങ്ങൾക്ക് മുമ്പ് യൂട്യൂബിലൂടെയാണ് അദ്ദേഹം എമിറേറ്റ്‌സ് ഡ്രോയെക്കുറിച്ച് അറിയുന്നത്. ഈസി സിക്സിന്റെ ലളിതമായ രീതിയാണ് അദ്ദേഹത്തെ ആകർഷിച്ചത്. നല്ലൊരു നാളെ എന്നതായിരുന്നു ലക്ഷ്യം.

ആ നിമിഷം

പ്രത്യേക ഭാഗ്യ നമ്പറുകളൊന്നുമില്ല. ജന്മദിന നമ്പറുകളുമില്ല. ഒരു സാധാരണ യാത്രയും ഫോണിലെ ഒരു നോട്ടിഫിക്കേഷനും മാത്രം. എനിക്ക് ഒന്നും പറയാൻ ആകുന്നില്ലായിരുന്നു, അദ്ദേഹം പറഞ്ഞു.

കുടുംബത്തിന്റെ പ്രതികരണം? ഈ അനുഭവം എങ്ങിനെ വിവരിക്കും.

“അവർക്ക് വിശ്വസിക്കാനായില്ല. എല്ലാവരും ദൈവത്തോട് നന്ദി പറഞ്ഞു. ആശ്വാസം.”

ഏറെ നാളായി ചുമന്നിരുന്ന ഭാരമൊന്ന് ഇറക്കിവെക്കാൻ കഴിഞ്ഞ ഒരാളുടെ മനസ്സിലെ ശ്വാസം പോലെ.

ഈ തുക എന്തിനാണ് ഉപയോഗിക്കുക?

വിജയ തുക ഏതാണ്ട് ₹20 ലക്ഷത്തിലധികം വരും. ഇത് വീടിന്റെ വായ്പ അടച്ചുതീർക്കാനോ, കുട്ടികളുടെ ഉയർന്ന വിദ്യാഭ്യാസത്തിനായി ഉപയോഗിക്കാനോ മതിയാകും. “കടങ്ങൾ തീർക്കാനും മക്കളുടെ വിദ്യാഭ്യാസത്തിനായി സൂക്ഷിക്കാനുമാണ് ഞാൻ ആഗ്രഹിക്കുന്നത്.”

നാട്ടിലെ കുട്ടികൾക്കായി പഠനപുസ്തകങ്ങൾ വാങ്ങാൻ ചില തുക സംഭാവന ചെയ്യാനും അദ്ദേഹം പദ്ധതിയിടുന്നു. ഗുണശേഖരന്റെ വിജയം പലർക്കും എമിറേറ്റ്സ്‌ ഡ്രോയിൽ പങ്കെടുക്കാൻ പ്രചോദനമായി മാറിയിട്ടുണ്ട്. അദ്ദേഹത്തിന് 4 മില്യൺ ഡോളർ സമ്മാനം നഷ്ടമായത് ഒരു നമ്പറിന് മാത്രമാണ്. എങ്കിലും ഗ്രാൻഡ് പ്രൈസ് നേടുന്നത് വരെ എമിറേറ്റ്സ് ഡ്രോയിൽ പങ്കെടുക്കാനാണ് തീരുമാനം.

ഇത് ഇന്ത്യൻ മനോഭാവത്തിന്റെ പ്രതിഫലനമാണ്. എത്ര ബുദ്ധിമുട്ടായാലും ശ്രമം നിർത്താതെ മുന്നോട്ട് പോകുന്ന മനസ്സ്. “കഠിനാധ്വാനത്തിന് ഫലം കിട്ടും. അനുഗ്രഹങ്ങൾ ശരിയായ സമയത്ത് എത്തും,” അദ്ദേഹം പറയുന്നു. ഈ വിജയം സ്വതന്ത്രമായി ജീവിക്കാനുള്ള അവസരം ആണ് നൽകുന്നത്.

4 മില്യൺ ഡോളർ ഗ്രാൻഡ് പ്രൈസ്

ഈസി സിക്സ് ഗുണശേഖരനു ലഭിച്ച അതേ അവസരമാണ് നിങ്ങൾക്കും നൽകുന്നത്, 4 മില്യൺ ഡോളർ നേടാനുള്ള അവസരം.

ചിലപ്പോൾ ജീവിതം മാറ്റിമറിക്കുന്ന നിമിഷങ്ങൾ തുടങ്ങുന്നത് ഒരു ടിക്കറ്റിൽ നിന്നായിരിക്കും.

പെരുന്നാൾ ആഘോഷത്തിന് യുഎഇയുടെ സമ്മാനം; ഈ ദിവസങ്ങളിൽ സൗജന്യ പാർക്കിംഗ് പ്രഖ്യാപിച്ചു , നഗരസഭയുടെ കർശന നിരീക്ഷണവും

UAE May 21, 2026

free parking Eid Al Adha അബുദാബി: ബലിപെരുന്നാൾ പ്രമാണിച്ച് ഷാർജയിലെ താമസക്കാർക്കും സന്ദർശകർക്കും പെരുന്നാളിന്റെ ആദ്യ മൂന്ന് ദിവസങ്ങളിൽ പൊതു പാർക്കിംഗ് (Public Parking) സൗജന്യമായിരിക്കുമെന്ന് ഷാർജ നഗരസഭ അറിയിച്ചു. വ്യാഴാഴ്ചയാണ് നഗരസഭ ഇത് സംബന്ധിച്ച പ്രഖ്യാപനം നടത്തിയത്. ഷാർജ മുനിസിപ്പാലിറ്റി ഡയറക്ടർ ജനറൽ ഒബൈദ് സയീദ് അൽ തുനൈജിയാണ് ഈദ് ആദ്യ മൂന്ന് ദിവസങ്ങളിലെ സൗജന്യ പാർക്കിംഗ് സൗകര്യം സ്ഥിരീകരിച്ചത്. ഷാർജയിൽ സാധാരണയായി ശനിയാഴ്ച മുതൽ വ്യാഴാഴ്ച വരെ രാവിലെ 8 മണി മുതൽ രാത്രി 10 മണി വരെയാണ് പെയ്ഡ് പാർക്കിംഗ് സംവിധാനമുള്ളത്. പൊതു പാർക്കിംഗുകൾക്ക് ഇളവ് ബാധകമാണെങ്കിലും താഴെ പറയുന്ന ഇടങ്ങളിൽ സാധാരണ പോലെ ഫീസ് നൽകേണ്ടി വരും.

ആഴ്ചയിലെ എല്ലാ ദിവസങ്ങളിലും ഔദ്യോഗിക അവധി ദിവസങ്ങളിലും ഫീസ് ബാധകമാക്കിയിട്ടുള്ള പാർക്കിംഗ് സോണുകൾ (ഇവ നീല നിറത്തിലുള്ള വിവര ബോർഡുകൾ വഴി തിരിച്ചറിയാം). വിനോദസഞ്ചാര കേന്ദ്രങ്ങളിലും നഗരത്തിന്റെ വിവിധ ഭാഗങ്ങളിലുമുള്ള സ്മാർട്ട് പാർക്കിംഗ് ഏരിയകൾക്ക് ഈ ഇളവ് ബാധകമല്ല. ഇവയിൽ ‘ഷാർജ ഡിജിറ്റൽ’ വെബ്‌സൈറ്റ്/ആപ്ലിക്കേഷൻ വഴി 24 മണിക്കൂറും നിശ്ചിത നിരക്കിൽ പണം നൽകേണ്ടതുണ്ട്. പെരുന്നാൾ കാലത്ത് പൊതുജനാരോഗ്യം ഉറപ്പാക്കുന്നതിനായി നഗരസഭ വിപുലമായ മുൻകരുതലുകൾ എടുത്തിട്ടുണ്ട്. ഷാർജ ലൈവ്‌സ്റ്റോക്ക് മാർക്കറ്റിലും അറവുശാലയിലുമായി 35 മൃഗഡോക്ടർമാരെയും അസിസ്റ്റന്റുമാരെയും നിയോഗിച്ചു. ഇവർ മൃഗങ്ങൾക്ക് രോഗങ്ങളില്ലെന്ന് ഉറപ്പാക്കാൻ രക്തസാമ്പിളുകൾ പരിശോധിക്കുകയും അറവിനു മുൻപും ശേഷവും കർശനമായ പരിശോധനകൾ നടത്തുകയും ചെയ്യും. മൃഗങ്ങളെ പാർപ്പിക്കുന്ന കേന്ദ്രങ്ങളിലും ക്വാറന്റൈൻ സൗകര്യങ്ങളിലും അണുനാശിനി തളിക്കുന്നതിനുള്ള വിപുലമായ കാമ്പയിൻ പൂർത്തിയാക്കി. പെരുന്നാൾ പ്രമാണിച്ച് തിരക്ക് വർദ്ധിക്കാൻ സാധ്യതയുള്ളതിനാൽ നഗരസഭ പ്രത്യേക പരിശോധനാ സംഘങ്ങളെ നിയോഗിച്ചിട്ടുണ്ട്. റെസ്റ്റോറന്റുകൾ, ബേക്കറികൾ, സ്വീറ്റ് ഷോപ്പുകൾ എന്നിവയിലെ ഭക്ഷണ സുരക്ഷ ഉറപ്പാക്കാൻ 61 ഇൻസ്പെക്ടർമാരെ നിയോഗിച്ചു. പുരുഷന്മാരുടെ സലൂണുകളിലും സ്ത്രീകളുടെ ബ്യൂട്ടി പാർലറുകളിലും ആരോഗ്യ മാനദണ്ഡങ്ങൾ പാലിക്കുന്നുണ്ടെന്ന് ഉറപ്പാക്കാൻ 32 വനിതാ-പുരുഷ ഇൻസ്പെക്ടർമാരെ ചുമതലപ്പെടുത്തി. അംഗീകൃത ഉൽപ്പന്നങ്ങളും ഉപകരണങ്ങളും മാത്രമാണ് ഉപയോഗിക്കുന്നതെന്ന് ഇവർ ഉറപ്പാക്കും. വീടുകളിലും പൊതുസ്ഥലങ്ങളിലും വന്ന് നിയമവിരുദ്ധമായി മൃഗങ്ങളെ അറവ് നടത്തുന്ന ലൈസൻസില്ലാത്ത അലഞ്ഞുതിരിയുന്ന കശാപ്പുകാർക്കെതിരെ കർശന നടപടിയുണ്ടാകും. ഇതിനായി 239 ഇൻസ്പെക്ടർമാരെയാണ് രംഗത്തിറക്കിയിരിക്കുന്നത്.

ഔദ്യോഗിക അറവുശാലകൾക്ക് പുറത്ത് നടത്തുന്ന അറവുകൾ മെഡിക്കൽ പരിശോധനയ്ക്ക് വിധേയമാകാത്തതിനാൽ അത് ഗുരുതരമായ ആരോഗ്യ-പരിസ്ഥിതി പ്രശ്നങ്ങൾക്ക് കാരണമാകുമെന്ന് അൽ തുനൈജി മുന്നറിയിപ്പ് നൽകി. ഇത്തരം കശാപ്പുകാർക്ക് ഇസ്‌ലാമികമായ അറവ് നിയമങ്ങളെക്കുറിച്ചോ പകര്ച്ചവ്യാധികളെക്കുറിച്ചോ കൃത്യമായ ധാരണയുണ്ടാകില്ലെന്നും അദ്ദേഹം ഓർമ്മിപ്പിച്ചു. ബീച്ചുകളും പൊതുചത്വരങ്ങളും: പെരുന്നാൾ അവധി ആഘോഷിക്കാൻ ആളുകൾ എത്തുന്ന ബീച്ചുകളിലും പാർക്കുകളിലും സുരക്ഷ ഉറപ്പാക്കാൻ കൂടുതൽ ലൈഫ് ഗാർഡുമാരെയും ഇൻസ്പെക്ടർമാരെയും വിന്യസിക്കും. നഗരത്തിലെ എല്ലാ ഈദ് ഗാഹുകളും പെരുന്നാൾ നിസ്കാരത്തിനായി സജ്ജമാക്കിയിട്ടുണ്ട്. നിലം നിരപ്പാക്കൽ, പാർക്കിംഗ് സൗകര്യം ഒരുക്കൽ, ശുചീകരണം, കീടനിയന്ത്രണം (Pest control) എന്നിവ പൂർത്തിയാക്കി. പൊതുജനങ്ങൾ നഗരസഭയുടെ നിർദ്ദേശങ്ങൾ കർശനമായി പാലിക്കണമെന്നും, നിയമലംഘനങ്ങളോ പരാതികളോ ശ്രദ്ധയിൽപ്പെട്ടാൽ 24 മണിക്കൂറും പ്രവർത്തിക്കുന്ന 993 എന്ന കോൾ സെന്റർ നമ്പറിൽ ബന്ധപ്പെടാമെന്നും അധികൃതർ അറിയിച്ചു.