doctors warning weight loss supplements ഖത്തറിൽ വിപണനം ചെയ്യുന്ന ഭാരം കുറയ്ക്കുന്ന പാനീയങ്ങൾ, കാപ്പികൾ, സപ്ലിമെന്റുകൾ എന്നിവയുടെ അവകാശവാദങ്ങൾ ശാസ്ത്രീയ അടിസ്ഥാനമില്ലാത്തതാണെന്ന് ഇന്റേണൽ മെഡിസിൻ ഡോക്ടർമാരും ക്ലിനിക്കൽ ന്യൂട്രീഷനിസ്റ്റുകളും മുന്നറിയിപ്പ് നൽകി. ഇവ സുരക്ഷിതവും ഫലപ്രദവുമെന്ന തരത്തിൽ പ്രചരിപ്പിക്കുന്നത് പൊതുജനങ്ങളെ തെറ്റിദ്ധരിപ്പിക്കുന്നതാണെന്നും വിദഗ്ധർ പറഞ്ഞു.

പത്ത് വർഷത്തിലധികം പഠനങ്ങൾക്ക് ശേഷം അംഗീകരിച്ച ചില ഭാരക്കുറവ് കുത്തിവയ്പ്പുകൾ പോലും സ്ഥിരമായ ഫലം നൽകുന്നില്ലെന്നും, അതിന് “വേഗത്തിലുള്ള ബദൽ” എന്ന പേരിൽ അവതരിപ്പിക്കുന്ന പല ഉൽപ്പന്നങ്ങളും താൽക്കാലിക ഫലങ്ങൾ മാത്രമേ നൽകൂവെന്നും അവർ വ്യക്തമാക്കി. ഭൂരിഭാഗം ഉൽപ്പന്നങ്ങളും കഫീൻ ആശ്രയിക്കുന്നവയാണ്. ഇത് വിശപ്പ് അല്പം കുറയ്ക്കാമെങ്കിലും ഹൃദയമിടിപ്പ്, ഉയർന്ന രക്തസമ്മർദ്ദം, ഉറക്കമില്ലായ്മ തുടങ്ങിയ പാർശ്വഫലങ്ങൾ ഉണ്ടാക്കാം.

ഇന്റേണൽ മെഡിസിൻ സീനിയർ കൺസൾട്ടന്റ് ഡോ. മുഹമ്മദ് അൽ-ആഷ പറഞ്ഞു, ശാസ്ത്രീയ പഠനങ്ങൾക്ക് വിധേയമായ മരുന്നുകളോട് സമാനമാണെന്ന് കാണിച്ച് നടത്തുന്ന പരസ്യങ്ങൾ വഞ്ചനാപരമാണെന്ന്. അജ്ഞാത ഘടകങ്ങൾ അടങ്ങിയ ഇത്തരം ഉൽപ്പന്നങ്ങൾ പ്രോത്സാഹിപ്പിക്കുന്ന സ്ഥാപനങ്ങൾക്കെതിരെ നടപടി വേണമെന്നും അദ്ദേഹം ആവശ്യപ്പെട്ടു. മരുന്നുകൾ നൽകേണ്ടത് അമിതവണ്ണ ചികിത്സയിൽ വിദഗ്ധരായ ഡോക്ടർമാരുടെ മേൽനോട്ടത്തിലായിരിക്കണമെന്നും അദ്ദേഹം കൂട്ടിച്ചേർത്തു.

ക്ലിനിക്കൽ ന്യൂട്രീഷനിസ്റ്റ് ഫദ്‌വ അൽ-മദ്‌യൂണി പറഞ്ഞു, “മാജിക്” പാനീയങ്ങൾക്കും സപ്ലിമെന്റുകൾക്കും വേഗത്തിൽ ഭാരം കുറയ്ക്കാൻ കഴിയുമെന്ന ധാരണ തെറ്റാണ്. കഫീൻ, ഗ്രീൻ ടീ തുടങ്ങിയ ഘടകങ്ങൾക്ക് ചെറിയ സ്വാധീനം മാത്രമേയുള്ളൂ. അമിത ഉപയോഗം ഉറക്കമില്ലായ്മ, നിർജ്ജലീകരണം, ദഹന പ്രശ്നങ്ങൾ എന്നിവക്ക് കാരണമാകാം.

ആരോഗ്യകരമായ ഭക്ഷണക്രമവും പതിവ് വ്യായാമവും, ആവശ്യമായ മെഡിക്കൽ മേൽനോട്ടവും മാത്രമാണ് സുരക്ഷിതവും സ്ഥിരവുമായ ഭാരം കുറയ്ക്കാനുള്ള മാർഗമെന്ന് വിദഗ്ധർ വീണ്ടും ഊന്നിപ്പറഞ്ഞു.

ഖത്തറിൽ തൊഴിൽ വിപണി സംവിധാനം നവീകരിച്ചു; എഐ ഉൾപ്പെടുത്തി പുതിയ പരിഷ്ക്കാരം

Uncategorized Greeshma Staff Editor — December 24, 2025 · 0 Comment

Qatar Ministry of Labour AI ദോഹ: ഡിജിറ്റൽ പരിവർത്തനത്തിന്റെ ഭാഗമായി ഖത്തർ തൊഴിൽ മന്ത്രാലയം ലേബർ മാർക്കറ്റ് ഇൻഫർമേഷൻ സിസ്റ്റം (LMIS) പുതുക്കി. ആർട്ടിഫിഷ്യൽ ഇന്റലിജൻസും (AI) ഡൈനാമിക് റിപ്പോർട്ടിംഗ് സംവിധാനങ്ങളും ഉൾപ്പെടുത്തിയതാണ് പ്രധാന മാറ്റം. ഇതോടെ തൊഴിൽ നയങ്ങൾ കൂടുതൽ ഡാറ്റ അധിഷ്ഠിതമായി രൂപപ്പെടുത്താൻ മന്ത്രാലയത്തിന് കഴിയും.

തൊഴിൽ വിപണിയിലെ മാറ്റങ്ങൾ വിലയിരുത്താനും ഭാവിയിലെ തൊഴിൽ ആവശ്യങ്ങൾ മുൻകൂട്ടി പ്രവചിക്കാനും ഈ സംവിധാനം സഹായിക്കും. ഖത്തർ ദേശീയ ദർശനം 2030-നും സുസ്ഥിര വികസന ലക്ഷ്യങ്ങൾക്കും (SDG) അനുസൃതമായാണ് ഈ നവീകരണം.

യുണൈറ്റഡ് നേഷൻസ് ഇക്കണോമിക് ആൻഡ് സോഷ്യൽ കമ്മീഷൻ ഫോർ വെസ്റ്റേൺ ഏഷ്യ (ESCWA) യുടെ സഹകരണത്തോടെയാണ് സിസ്റ്റം വികസിപ്പിച്ചത്. ആഴത്തിലുള്ള ഡാറ്റാ വിശകലനവും എഐ അധിഷ്ഠിത പ്രവചനങ്ങളും പുതിയ LMIS-ൽ ഉൾപ്പെടുത്തിയിട്ടുണ്ട്.

പുതിയ സംവിധാനത്തിലെ പ്രധാന സവിശേഷത, തൊഴിൽ വിപണി ഡാറ്റ വിശകലനം ചെയ്യുന്നതിനായി രൂപകൽപ്പന ചെയ്ത ഒരു കേന്ദ്ര എഐ ഏജന്റാണ്. ഇത് തൊഴിൽ നയങ്ങൾ വിലയിരുത്തുകയും തൊഴിൽ ആവശ്യകതയിലെ മാറ്റങ്ങൾ പ്രവചിക്കുകയും ചെയ്യും.

ഉപയോക്താക്കൾക്ക് ഇഷ്ടാനുസൃത റിപ്പോർട്ടുകൾ, ഇന്ററാക്ടീവ് ഡാഷ്‌ബോർഡുകൾ, ഡാറ്റ ഡൗൺലോഡ് സൗകര്യങ്ങൾ എന്നിവയും ലഭ്യമാക്കിയിട്ടുണ്ട്. ഇതുവഴി തീരുമാനം എടുക്കൽ കൂടുതൽ എളുപ്പവും വേഗതയേറിയതുമായിരിക്കും.

ഭാവിയിലെ തൊഴിൽ ആവശ്യങ്ങൾ കണക്കിലെടുത്ത് വിദ്യാഭ്യാസവും പരിശീലന പരിപാടികളും തൊഴിൽ വിപണി ആവശ്യകതകളുമായി ഏകോപിപ്പിക്കാനാണ് മന്ത്രാലയം ലക്ഷ്യമിടുന്നത്. നിലവിൽ സർക്കാർ വകുപ്പുകളിലെ നിയുക്ത ഉദ്യോഗസ്ഥർക്കാണ് ഈ സംവിധാനം ലഭ്യമാക്കിയിരിക്കുന്നത്.

വീട്ടുടമകൾക്കും കെട്ടിട നിർമതാക്കൾക്കും സുപ്രധാന നിർദ്ദേശങ്ങളുമായി ഖത്തർ പൊതുമരാമത്ത് അതോറിറ്റി

Qatar Greeshma Staff Editor — December 24, 2025 · 0 Comment

Qatar construction guidelines കെട്ടിടങ്ങളിലെ ഡ്രെയിനേജ് സേവനങ്ങളുമായി ബന്ധപ്പെട്ട സാങ്കേതികവും നടപടിക്രമപരവുമായ മാനദണ്ഡങ്ങൾ നിർദേശിക്കുന്ന 1985 ലെ നിയമം നമ്പർ (4) കൃത്യമായി പാലിക്കണമെന്ന് പബ്ലിക് വർക്സ് അതോറിറ്റി ‘അഷ്ഗാൽ’ വീട്ടുടമകളോടും കെട്ടിട നിർമ്മാതാക്കളോടും അഭ്യർത്ഥിച്ചു.

പൊതു ഡ്രെയിനേജ് നെറ്റ്‌വർക്കുമായി കണക്ഷൻ ലഭ്യമാക്കുന്നതിനായി ബന്ധപ്പെട്ടവർ മുൻകൂട്ടി ഔദ്യോഗിക അപേക്ഷകൾ സമർപ്പിക്കുകയും നിർബന്ധമായ ഫീസുകൾ അടയ്ക്കുകയും ചെയ്യണമെന്ന് അഷ്ഗാൽ വ്യക്തമാക്കി.

കെട്ടിട അനുമതിയിൽ വ്യക്തമാക്കിയ മാനദണ്ഡങ്ങൾക്കും അഷ്ഗാൽ അംഗീകരിച്ച സ്റ്റാൻഡേർഡുകൾക്കും അനുസരിച്ച് മാൻഹോളുകൾ ഉൾപ്പെടെയുള്ള ഡ്രെയിനേജ് സൗകര്യങ്ങൾ കെട്ടിട പരിസരത്തിനുള്ളിൽ തന്നെ സ്ഥാപിക്കേണ്ടതുണ്ടെന്നും അതോറിറ്റി ചൂണ്ടിക്കാട്ടി.

മഴവെള്ളവും ഭൂഗർഭജലവും കെട്ടിടത്തിനുള്ളിലേക്ക് ചോർന്നുകയരുന്നത് തടയുന്നതിനായി ഗ്രൗണ്ട് ഫ്ലോറുകൾ, ബേസ്‌മെന്റുകൾ, മേൽക്കൂരകൾ എന്നിവയിൽ ഖത്തർ കൺസ്ട്രക്ഷൻ സ്‌പെസിഫിക്കേഷൻസ് അനുസരിച്ചുള്ള വാട്ടർപ്രൂഫ് ഇൻസുലേഷൻ നിർബന്ധമായി പ്രയോഗിക്കണമെന്നും അറിയിച്ചു.

ലുസൈൽ ബുലേവാർഡിൽ ഒരുങ്ങുത്തത് മനോഹരമായൊരു പുതുവത്സര രാത്രി ; ആഘോഷങ്ങളെ കുറിച്ച് അറിയാം

Latest Greeshma Staff Editor — December 23, 2025 · 0 Comment

Lusail Boulevard New Year 2025 ദോഹ: 2025-നെ ആവേശത്തോടെ വരവേൽക്കാൻ ലുസൈൽ ബുലേവാർഡിൽ വലിയ ഇയർ എൻഡ് ആഘോഷം ഒരുക്കുന്നു. ഡിസംബർ 31 ബുധനാഴ്ച നടക്കുന്ന പരിപാടിയിൽ വിവിധ വിനോദ പരിപാടികളും ലൈവ് പ്രകടനങ്ങളും ഉണ്ടാകും.

ഡിസംബർ 31-ന് വൈകുന്നേരം 6 മണി മുതൽ പുലർച്ചെ 2 മണി വരെയാണ് ആഘോഷങ്ങൾ. പ്രശസ്ത ഗായകരുടെയും ഡിജേയ്മാരുടെയും സംഗീത പരിപാടികൾ രാത്രി മുഴുവൻ നടക്കും. മണൽ കലാകാരന്മാരുടെ പ്രത്യേക ഷോകളും ആക്രോബാറ്റിക് പ്രകടനങ്ങളും പരിപാടിയുടെ ഭാഗമായി ഉണ്ടാകും.

കൂടാതെ ലുസൈൽ ബുലേവാർഡിലെ ടവറുകളിൽ 3ഡി മാപ്പിംഗ്, ലേസർ ഷോ എന്നിവയും അരങ്ങേറും. അർദ്ധരാത്രിയിൽ കൗണ്ട്‌ഡൗണിന് ശേഷം വമ്പൻ ഫയർവർക്ക്സും പൈറോഡ്രോൺ ഷോയും നടക്കും.

കുടുംബങ്ങൾക്കും സുഹൃത്ത് സംഘങ്ങൾക്കും ഒരുപോലെ ആസ്വദിക്കാവുന്ന, ഓർമ്മയിൽ നിൽക്കുന്ന പുതുവത്സര ആഘോഷമായിരിക്കും ലുസൈൽ ബുലേവാർഡിലെ ഈ പരിപാടി.

ഖത്തറിലെ ഏറ്റവും പുതിയ വാർത്തകൾ തത്സമയം അറിയാൻ
ഇപ്പോൾ തന്നെ ഫോളോചെയ്യു

ലോകത്തിലെ ഏറ്റവും ബെസ്റ്റ് സിറ്റി ; വീണ്ടും ആ ലിസ്റ്റിൽ ഇടം പിടിച്ച് ദേ ഈ സിറ്റി

Latest Greeshma Staff Editor — December 23, 2025 · 0 Comment

Doha World’s Best Cities ദോഹ: ലോകത്തിലെ മികച്ച നഗരങ്ങളുടെ പട്ടികയിൽ ഖത്തറിന്റെ തലസ്ഥാനമായ ദോഹ വീണ്ടും ഇടം നേടി. World’s Best Cities Report 2026 പ്രകാരം, സാമ്പത്തിക സ്ഥിരത, മികച്ച അടിസ്ഥാനസൗകര്യങ്ങൾ, ഉയർന്ന ജീവിത നിലവാരം എന്നിവയിൽ ദോഹ ശ്രദ്ധേയമായ മുന്നേറ്റമാണ് കാഴ്ചവെച്ചത്.

Resonance Consultancy തയ്യാറാക്കിയ റിപ്പോർട്ട്, നഗരങ്ങളുടെ ജീവിതസൗകര്യം, സാമ്പത്തിക പുരോഗതി, ആകർഷകത്വം തുടങ്ങിയ മാനദണ്ഡങ്ങൾ അടിസ്ഥാനമാക്കിയാണ് റാങ്കിംഗ് തയ്യാറാക്കുന്നത്. ദോഹയുടെ ഈ നേട്ടം, നഗരവികസനത്തിലും സാമ്പത്തിക വൈവിധ്യത്തിലും സാമൂഹിക സ്ഥിരതയിലുമുള്ള ഖത്തറിന്റെ ദീർഘകാല നിക്ഷേപങ്ങളുടെ ഫലമായാണ് വിലയിരുത്തപ്പെടുന്നത്.

തൊഴിൽ മേഖലയിൽ ദോഹ മികച്ച പ്രകടനമാണ് കൈവരിച്ചത്. തൊഴിലാളി പങ്കാളിത്ത നിരക്കും കുറഞ്ഞ തൊഴിലില്ലായ്മയും ദോഹയെ ലോകത്തിലെ മുൻനിര നഗരങ്ങളിൽ ഒന്നാക്കി. ശക്തമായ തൊഴിൽ വിപണി, സർക്കാരിന്റെ തന്ത്രപരമായ നയങ്ങൾ, സർക്കാർ–സ്വകാര്യ മേഖലകളിലെ നിക്ഷേപങ്ങൾ എന്നിവയാണ് ഇതിന് പ്രധാന കാരണങ്ങളെന്ന് റിപ്പോർട്ട് പറയുന്നു.

അടിസ്ഥാനസൗകര്യ വികസനവും ദോഹയുടെ ആഗോള സ്ഥാനം ശക്തമാക്കുന്നു. ഹമദ് അന്താരാഷ്ട്ര വിമാനത്താവളത്തിന്റെ വിപുലീകരണത്തോടെ വർഷം 65 ദശലക്ഷത്തിലധികം യാത്രക്കാരെ കൈകാര്യം ചെയ്യാനുള്ള ശേഷി കൈവരിച്ചു. ദോഹ മെട്രോയും ആധുനിക റോഡ് ശൃംഖലയും നഗരത്തിലെ യാത്രയും ബന്ധിപ്പിക്കലും കൂടുതൽ സുഗമമാക്കി.

ഫിഫ ലോകകപ്പിന് ശേഷമുള്ള ദോഹയുടെ വളർച്ചയും റിപ്പോർട്ട് പ്രത്യേകം ചൂണ്ടിക്കാട്ടുന്നു. 2024ൽ അഞ്ച് ദശലക്ഷത്തിലധികം വിനോദസഞ്ചാരികൾ ഖത്തർ സന്ദർശിച്ചു. ഹോട്ടലുകളിലെ താമസനിരക്ക് ഏകദേശം 70 ശതമാനമായി ഉയർന്നു. വെസ്റ്റ് ബേ, ലുസൈൽ മേഖലകളിൽ പുതിയ ലക്സറി ഹോട്ടലുകൾ തുറന്നതടക്കം ഹോസ്പിറ്റാലിറ്റി മേഖലയിലെ വികസനമാണ് ഈ വളർച്ചയ്ക്ക് കരുത്തായത്.

ഖത്തറിലെ ഏറ്റവും പുതിയ വാർത്തകൾ തത്സമയം അറിയാൻ
ഇപ്പോൾ തന്നെ ഫോളോചെയ്യു

ഖത്തറിലെ ഫ്ലമിംഗോ റെസ്റ്റോറന്റ് 30 ദിവസത്തേക്ക് അടച്ചുപൂട്ടി

Qatar Greeshma Staff Editor — December 23, 2025 · 0 Comment

Qatar restaurant closure ദോഹ, ഖത്തർ: ഫ്ലമിംഗോ റെസ്റ്റോറന്റ് താൽക്കാലികമായി അടച്ചുപൂട്ടിയതായി പൊതുജനാരോഗ്യ മന്ത്രാലയം (MoPH) അറിയിച്ചു. മന്ത്രാലയത്തിന്റെ ഔദ്യോഗിക വെബ്‌സൈറ്റിലൂടെയാണ് ഇക്കാര്യം അറിയിച്ചത്. 2025 ഡിസംബർ 17 മുതൽ അടച്ചുപൂട്ടൽ പ്രാബല്യത്തിൽ വന്നിട്ടുണ്ട്. ഇത് ആകെ 30 ദിവസം നീണ്ടുനിൽക്കും.

മനുഷ്യ ഭക്ഷണ സുരക്ഷയുമായി ബന്ധപ്പെട്ട 1990 ലെ നിയമം നമ്പർ 08യും അതിന്റെ ഭേദഗതികളും ലംഘിച്ചതിനാലാണ് റെസ്റ്റോറന്റ് അടച്ചുപൂട്ടാൻ തീരുമാനിച്ചതെന്ന് മന്ത്രാലയം വ്യക്തമാക്കി.

 ഖത്തറിലെ ഈ റോഡ് ഈ ദിവസം മുതൽ താൽക്കാലികമായും പൂർണ്ണമായി അടച്ചിടും

Qatar Greeshma Staff Editor — December 23, 2025 · 0 Comment

Qatar road closure : ദോഹ, ഖത്തർ: സൽവ റോഡിൽ നിന്ന് ഈസ്റ്റ് ഇൻഡസ്ട്രിയൽ റോഡിലേക്കുള്ള ഖാലിദ് ബിൻ അഹമ്മദ് ഇന്റർചേഞ്ച് എക്സിറ്റ് 14 താൽക്കാലികമായി പൂർണ്ണമായി അടച്ചിടുന്നതായി പൊതുമരാമത്ത് അതോറിറ്റിയായ ‘അഷ്ഗൽ’ പ്രഖ്യാപിച്ചു.ഡിസംബർ 25 വ്യാഴാഴ്ച പുലർച്ചെ 12 മണി മുതൽ 2025 ഡിസംബർ 27 ശനിയാഴ്ച രാവിലെ 7 മണി വരെ ഈ റോഡ് അടയ്ക്കൽ പ്രാബല്യത്തിൽ ഉണ്ടാകും.

അറ്റകുറ്റപ്പണികൾ നടത്തുന്നതിനായാണ് ഈ അടച്ചുപൂട്ടൽ നടപ്പിലാക്കുന്നതെന്ന് അഷ്ഗൽ അറിയിച്ചു ഈ കാലയളവിലുടനീളം, റോഡ് ഉപയോക്താക്കളോട് വേഗത പരിധി പാലിക്കാനും ലഭ്യമായ എല്ലാ വഴിതിരിച്ചുവിടൽ വഴികളും ഉപയോഗിക്കാനും സമീപത്തുള്ള തെരുവുകളിലൂടെ സൂചിപ്പിച്ചിരിക്കുന്നതുപോലെ ലക്ഷ്യസ്ഥാനങ്ങളിൽ എത്താൻ വഴിതിരിച്ചുവിടാനും അഷ്ഗൽ അഭ്യർത്ഥിക്കുന്നു,” അഷ്ഗൽ ഒരു സോഷ്യൽ മീഡിയ പോസ്റ്റിൽ പറഞ്ഞു.ഖത്തറിലെ ഏറ്റവും പുതിയ വാർത്തകൾ തത്സമയം അറിയാൻ
ഇപ്പോൾ തന്നെ ഫോളോചെയ്യു

അൽ ഖോർ പാർക്കിൽ രുദ്ര കാളിക്കും ഖഗേന്ദ്ര പ്രസാദിനും സുഖം , നേപ്പാളിൽ നിന്നും ഖത്തറിലേക്ക് എത്തിയ ‘ആന’ വിശേഷം

Latest Greeshma Staff Editor — December 23, 2025 · 0 Comment

Al Khor Park elephants : ദോഹ: ഖത്തറും നേപ്പാളും തമ്മിലുള്ള നയതന്ത്ര സൗഹൃദം ശക്തമാക്കുന്നതിന്റെ ഭാഗമായി നേപ്പാൾ സമ്മാനിച്ച രണ്ട് ഏഷ്യൻ ആനകൾ ഖത്തറിലെത്തി. നേപ്പാളിലെ ചിത്വാൻ നാഷണൽ പാർക്കിൽ നിന്നുള്ള ‘രുദ്ര കാളി’ എന്ന ഏഴ് വയസ്സുകാരിയായ പെൺ ആനയും ‘ഖഗേന്ദ്ര പ്രസാദ്’ എന്ന ആറ് വയസ്സുകാരൻ കൊമ്പനുമാണ് പുതിയ അതിഥികളായി ഖത്തറിൽ എത്തിയത്. 2024-ൽ ഖത്തർ അമീർ ശെയ്ഖ് തമീം ബിൻ ഹമദ് അൽ താനി നേപ്പാൾ സന്ദർശിച്ച വേളയിൽ ഇരുരാജ്യങ്ങളും തമ്മിലുണ്ടാക്കിയ ധാരണപ്രകാരമാണ് ഈ അപൂർവ്വ സമ്മാനം കൈമാറിയത്. ഭൈരഹവയിലെ ഗൗതം ബുദ്ധ അന്താരാഷ്ട്ര വിമാനത്താവളത്തിൽ നിന്ന് പ്രത്യേക ചാർട്ടേഡ് വിമാനത്തിൽ ഡിസംബർ 17-നാണ് ആനകളെ ദോഹയിൽ എത്തിച്ചത്. തുടർന്ന് അൽ ഖോർ പാർക്കിലെ പുതിയ വസതിയിലേക്ക് ആനകളെ മാറ്റിയതായി ഖത്തർ മുനിസിപ്പാലിറ്റി മന്ത്രാലയം അറിയിച്ചു. അൽ ഖോർ ഫാമിലി പാർക്കിൽ ഈ ആനകൾക്കായി അത്യാധുനിക സൗകര്യങ്ങളോടു കൂടിയ താമസസ്ഥലം ഒരുക്കിയിട്ടുണ്ട്. നേപ്പാളിലെ തണുപ്പും ഈർപ്പവുമുള്ള സ്വാഭാവിക കാലാവസ്ഥ കൃത്രിമമായി സൃഷ്ടിക്കാൻ കഴിയുന്ന എയർ കണ്ടീഷൻഡ് എൻക്ലോഷറുകളാണ് പാർക്കിൽ സജ്ജീകരിച്ചിരിക്കുന്നത്.

സജ്ജമാക്കിയത് എയർ കണ്ടീഷൻഡ് എൻക്ലോഷർ
ആനകളെ പുതിയ സാഹചര്യങ്ങളുമായി പൊരുത്തപ്പെടാൻ സഹായിക്കുന്നതിനായി നേപ്പാളിൽ നിന്നുള്ള പാപ്പാൻമാരും വെറ്റിനറി വിദഗ്ധരും ഒപ്പമുണ്ട്. ഇവർ ഒരു മാസത്തോളം ഖത്തറിൽ തുടരും. ചിത്വാൻ ദേശീയോദ്യാനത്തിലെ സൗരാഹയിലുള്ള ആന പ്രജനന പരിശീലന കേന്ദ്രത്തിലാണ് രണ്ട് ആനകളും ജനിച്ചത്. ഇരു ആനകൾക്കും കടും ചാരനിറമാണ്. ഏഴ് വയസ്സുള്ള രുദ്ര കാളിക്ക്‌ 1,200 കിലോഗ്രാം ഭാരവും, ആറ് വയസ്സുള്ള ഖഗേന്ദ്ര പ്രസാദിന് 1,190 കിലോഗ്രാം ഭാരവുമുണ്ട്. ആനകൾ ഉയർന്ന പരിശീലനം നേടിയവരാണെന്നും വേഗത്തിൽ പൊരുത്തപ്പെടാനുള്ള കഴിവിനു പുറമേ, പരിസ്ഥിതിയുമായും പൊതുജനങ്ങളുമായും നല്ല രീതിയിൽ ഇടപഴകാൻ കഴിവുള്ളവരാണെന്നും മുനിസിപ്പാലിറ്റി മന്ത്രാലയം വ്യക്തമാക്കി.

ആനകളുടെ വരവ് അൽ ഖോർ പാർക്കിന്റെ വിദ്യാഭ്യാസ, ടൂറിസ, വിനോദ മൂല്യം വർദ്ധിപ്പിക്കുകയും സന്ദർശകർക്ക് മികച്ച അനുഭവം നൽകുമെന്നും പ്രതീക്ഷിക്കുന്നു. വരും ദിവസങ്ങളിൽ പൊതുജനങ്ങൾക്ക് അൽ ഖോർ പാർക്കിൽ ഈ പുതിയ അതിഥികളെ കാണാൻ സാധിക്കും. സന്ദർശകർക്ക് മുനിസിപ്പാലിറ്റി മന്ത്രാലയത്തിന്റെ വെബ്സൈറ്റ് വഴിയോ ‘ഔൻ’ (OUN) ആപ്പ് വഴിയോ ടിക്കറ്റുകൾ മുൻകൂട്ടി ബുക്ക് ചെയ്യാവുന്നതാണ്.

ഖത്തറിലെ ഏറ്റവും പുതിയ വാർത്തകൾ തത്സമയം അറിയാൻ
ഇപ്പോൾ തന്നെ ഫോളോചെയ്യു

ഖത്തര്‍ സ്വയംപര്യാപ്തതയിലേക്ക്;  ജലസംഭരണ സംവിധാനങ്ങള്‍ ശക്തിപ്പെടുത്തുന്നു

Uncategorized Greeshma Staff Editor — December 22, 2025 · 0 Comment

Qatar Water Security ദോഹ: ജല ഉൽപ്പാദന ശേഷിയും സംഭരണ സംവിധാനങ്ങളും ശക്തിപ്പെടുത്തിയതോടെ ഖത്തർ ജല സ്വയംപര്യാപ്‌തതയിലേക്ക് ഏറെ അടുത്തതായി അധികൃതർ അറിയിച്ചു. പ്രകൃതിദത്തമായ ശുദ്ധജല സ്രോതസുകളില്ലാത്ത രാജ്യമായ ഖത്തറിനിത് വലിയ മുന്നേറ്റമായാണ് വിലയിരുത്തപ്പെടുന്നത്.

രാജ്യത്തിന്റെ ദിനംപ്രതി ജല ആവശ്യങ്ങൾ പൂർണമായി നിറവേറ്റാൻ കഴിയുന്ന രീതിയിൽ ഉൽപ്പാദന പ്ലാന്റുറുകൾ വികസിപ്പിക്കുകയും സംഭരണ ശേഷി കൂട്ടുകയും ചെയ്‌തിട്ടുണ്ട്. ജനസംഖ്യാ വർധനവും വികസന പ്രവർത്തനങ്ങളും കണക്കിലെടുത്താണ് ഈ നീക്കങ്ങൾ.
ജലവിതരണ ശൃംഖലയിൽ ചോർച്ച വളരെ കുറവാണെന്നും ലോകത്തെ തന്നെ മികച്ച ജല മാനേജ്മെന്റ് സംവിധാനങ്ങളിലൊന്നാണ് ഖത്തറിനുള്ളതെന്നും അധികൃതർ വ്യക്തമാക്കി. രാജ്യത്തുടനീളം ഏകദേശം 11,000 കിലോമീറ്റർ നീളമുള്ള ജലവിതരണ സംവിധാനങ്ങൾ പ്രവർത്തിക്കുന്നുണ്ട്.

പരിപാലന പ്രവർത്തനങ്ങളോ സാങ്കേതിക തടസ്സങ്ങളോ ഉണ്ടായാലും ജലവിതരണം തടസ്സപ്പെടാതിരിക്കാനുള്ള മുൻകരുതൽ സംവിധാനങ്ങളും ഒരുക്കിയിട്ടുണ്ട്. ഇതാണ് രാജ്യത്തിന്റെ ജല സുരക്ഷ കൂടുതൽ ഉറപ്പിക്കുന്നതെന്നും അധികൃതർ പറഞ്ഞു.
ജല സ്വയംപര്യാപ്‌തതയ്ക്ക് അടുത്തെത്തിയെങ്കിലും വികസന പ്രവർത്തനങ്ങൾ ഇവിടെ അവസാനിക്കില്ലെന്നും, ഭാവിയിലെ ആവശ്യങ്ങൾ മുന്നിൽ കണ്ട് കൂടുതൽ ഉൽപ്പാദനവും സംഭരണ സൗകര്യങ്ങളും ഒരുക്കുന്നത് തുടരുമെന്നും ബന്ധപ്പെട്ടവർ വ്യക്തമാക്കി.

ഖത്തറിലെ ഏറ്റവും പുതിയ വാർത്തകൾ തത്സമയം അറിയാൻ
ഇപ്പോൾ തന്നെ ഫോളോചെയ്യു

Qatar International Food Festival ഇത് പൊളിക്കും ; ഡിന്നർ ഇൻ ദി സ്കൈ,’ ദോഹയിൽ ഖത്തർ ഇന്റർനാഷണൽ ഫുഡ് ഫെസ്റ്റിവൽ വീണ്ടും

Qatar Greeshma Staff Editor — December 22, 2025 · 0 Comment

Qatar International Food Festival ദോഹ, ഖത്തർ: ഖത്തർ ഇന്റർനാഷണൽ ഫുഡ് ഫെസ്റ്റിവൽ (QIFF) വീണ്ടും സംഘടിപ്പിക്കുമെന്ന് വിസിറ്റ് ഖത്തർ അറിയിച്ചു. 2026 ജനുവരി 14 മുതൽ 24 വരെ ദോഹയിലെ 974 സ്റ്റേഡിയം പരിസരത്താണ് ഫെസ്റ്റിവൽ നടക്കുക. ഇത്തവണ 15-ാമത് പതിപ്പാണ് സംഘടിപ്പിക്കുന്നത്.

ഖത്തറിന്റെ പ്രധാന ഭക്ഷ്യ–സാംസ്കാരിക മേളകളിലൊന്നായ QIFF-ൽ ഇത്തവണയും നാട്ടിലെയും വിദേശത്തെയും പ്രമുഖ റസ്റ്റോറന്റുകൾ പങ്കെടുക്കും. പ്രശസ്ത ഷെഫുമാർ നയിക്കുന്ന ലൈവ് കുക്കിങ് ഷോകൾ, കുടുംബങ്ങൾക്ക് അനുയോജ്യമായ പരിപാടികൾ, പ്രത്യേക സാംസ്കാരിക മേഖലകൾ, ദിവസേനുള്ള വിനോദ പരിപാടികൾ എന്നിവയും ഒരുക്കിയിട്ടുണ്ട്.

ഖത്തറിനെ ഒരു ആഗോള ഭക്ഷ്യ ടൂറിസം കേന്ദ്രമായി ഉയർത്തിക്കാട്ടുകയാണ് ഫെസ്റ്റിവലിന്റെ ലക്ഷ്യമെന്ന് വിസിറ്റ് ഖത്തർ അധികൃതർ വ്യക്തമാക്കി. പ്രാദേശിക കഴിവുകളെയും അന്താരാഷ്ട്ര ഭക്ഷ്യ സംസ്കാരത്തെയും ഒരുപോലെ പരിചയപ്പെടുത്തുന്ന വേദിയാകും QIFF.

വിസിറ്റ് ഖത്തറിലെ ഫെസ്റ്റിവൽസ് ആൻഡ് ഇവന്റ്സ് ഡയറക്ടർ അഹമ്മദ് ബിനാലി പറഞ്ഞു: “ഖത്തർ ഇന്റർനാഷണൽ ഫുഡ് ഫെസ്റ്റിവൽ കുടുംബങ്ങളെയും ഭക്ഷ്യ ലോകത്തെയും ലോകമെമ്പാടുമുള്ള സന്ദർശകരെയും ഒരുമിപ്പിക്കുന്ന പ്രധാന വേദിയായി മാറിയിട്ടുണ്ട്. 15-ാം പതിപ്പിൽ കൂടുതൽ മികച്ച അനുഭവങ്ങൾ ഒരുക്കാനാണ് ലക്ഷ്യം.”

ഈ വർഷത്തെ ഫെസ്റ്റിവലിൽ ദിവസേന വെടിക്കെട്ട്, ‘ഡിന്നർ ഇൻ ദി സ്കൈ’, മാർക്കറ്റ് അനുഭവം എന്നിവ വീണ്ടും ഉണ്ടാകും. ഡ്രോൺ ഷോകൾ, കുക്കിംഗ് സ്റ്റുഡിയോയിലെ ഇന്ററാക്ടീവ് സെഷനുകൾ, പുതിയ റസ്റ്റോറന്റുകളുടെ അവതരണങ്ങൾ, മത്സരങ്ങളോടുകൂടിയ QIFF റിംഗ്, ‘പാഡൽ ഓഫ് മൈൻഡ്സ്’ ഗെയിം എന്നിവയും പ്രധാന ആകർഷണങ്ങളായിരിക്കും.

ഫെസ്റ്റിവൽ പ്രവർത്തിക്കുന്ന സമയം:

• പ്രവൃത്തി ദിവസങ്ങളിൽ: വൈകിട്ട് 4 മുതൽ രാത്രി 11 വരെ
• വാരാന്ത്യങ്ങളിൽ: വൈകിട്ട് 3 മുതൽ രാത്രി 1 വരെ

കൂടുതൽ പരിപാടികളുടെ വിവരങ്ങളും പങ്കെടുക്കുന്ന ഷെഫുമാരുടെയും വിനോദ പരിപാടികളുടെയും വിശദാംശങ്ങളും പിന്നീട് പ്രഖ്യാപിക്കുമെന്ന് സംഘാടകർ അറിയിച്ചു.

ഖത്തറിലെ ഏറ്റവും പുതിയ വാർത്തകൾ തത്സമയം അറിയാൻ
ഇപ്പോൾ തന്നെ ഫോളോചെയ്യു