Qatar Water Security ദോഹ: ജല ഉൽപ്പാദന ശേഷിയും സംഭരണ സംവിധാനങ്ങളും ശക്തിപ്പെടുത്തിയതോടെ ഖത്തർ ജല സ്വയംപര്യാപ്തതയിലേക്ക് ഏറെ അടുത്തതായി അധികൃതർ അറിയിച്ചു. പ്രകൃതിദത്തമായ ശുദ്ധജല സ്രോതസുകളില്ലാത്ത രാജ്യമായ ഖത്തറിനിത് വലിയ മുന്നേറ്റമായാണ് വിലയിരുത്തപ്പെടുന്നത്.
രാജ്യത്തിന്റെ ദിനംപ്രതി ജല ആവശ്യങ്ങൾ പൂർണമായി നിറവേറ്റാൻ കഴിയുന്ന രീതിയിൽ ഉൽപ്പാദന പ്ലാന്റുറുകൾ വികസിപ്പിക്കുകയും സംഭരണ ശേഷി കൂട്ടുകയും ചെയ്തിട്ടുണ്ട്. ജനസംഖ്യാ വർധനവും വികസന പ്രവർത്തനങ്ങളും കണക്കിലെടുത്താണ് ഈ നീക്കങ്ങൾ.
ജലവിതരണ ശൃംഖലയിൽ ചോർച്ച വളരെ കുറവാണെന്നും ലോകത്തെ തന്നെ മികച്ച ജല മാനേജ്മെന്റ് സംവിധാനങ്ങളിലൊന്നാണ് ഖത്തറിനുള്ളതെന്നും അധികൃതർ വ്യക്തമാക്കി. രാജ്യത്തുടനീളം ഏകദേശം 11,000 കിലോമീറ്റർ നീളമുള്ള ജലവിതരണ സംവിധാനങ്ങൾ പ്രവർത്തിക്കുന്നുണ്ട്.
പരിപാലന പ്രവർത്തനങ്ങളോ സാങ്കേതിക തടസ്സങ്ങളോ ഉണ്ടായാലും ജലവിതരണം തടസ്സപ്പെടാതിരിക്കാനുള്ള മുൻകരുതൽ സംവിധാനങ്ങളും ഒരുക്കിയിട്ടുണ്ട്. ഇതാണ് രാജ്യത്തിന്റെ ജല സുരക്ഷ കൂടുതൽ ഉറപ്പിക്കുന്നതെന്നും അധികൃതർ പറഞ്ഞു.
ജല സ്വയംപര്യാപ്തതയ്ക്ക് അടുത്തെത്തിയെങ്കിലും വികസന പ്രവർത്തനങ്ങൾ ഇവിടെ അവസാനിക്കില്ലെന്നും, ഭാവിയിലെ ആവശ്യങ്ങൾ മുന്നിൽ കണ്ട് കൂടുതൽ ഉൽപ്പാദനവും സംഭരണ സൗകര്യങ്ങളും ഒരുക്കുന്നത് തുടരുമെന്നും ബന്ധപ്പെട്ടവർ വ്യക്തമാക്കി.
ഖത്തറിലെ ഏറ്റവും പുതിയ വാർത്തകൾ തത്സമയം അറിയാൻ
ഇപ്പോൾ തന്നെ ഫോളോചെയ്യു
Qatar International Food Festival ഇത് പൊളിക്കും ; ഡിന്നർ ഇൻ ദി സ്കൈ,’ ദോഹയിൽ ഖത്തർ ഇന്റർനാഷണൽ ഫുഡ് ഫെസ്റ്റിവൽ വീണ്ടും
Qatar Greeshma Staff Editor — December 22, 2025 · 0 Comment
Qatar International Food Festival ദോഹ, ഖത്തർ: ഖത്തർ ഇന്റർനാഷണൽ ഫുഡ് ഫെസ്റ്റിവൽ (QIFF) വീണ്ടും സംഘടിപ്പിക്കുമെന്ന് വിസിറ്റ് ഖത്തർ അറിയിച്ചു. 2026 ജനുവരി 14 മുതൽ 24 വരെ ദോഹയിലെ 974 സ്റ്റേഡിയം പരിസരത്താണ് ഫെസ്റ്റിവൽ നടക്കുക. ഇത്തവണ 15-ാമത് പതിപ്പാണ് സംഘടിപ്പിക്കുന്നത്.
ഖത്തറിന്റെ പ്രധാന ഭക്ഷ്യ–സാംസ്കാരിക മേളകളിലൊന്നായ QIFF-ൽ ഇത്തവണയും നാട്ടിലെയും വിദേശത്തെയും പ്രമുഖ റസ്റ്റോറന്റുകൾ പങ്കെടുക്കും. പ്രശസ്ത ഷെഫുമാർ നയിക്കുന്ന ലൈവ് കുക്കിങ് ഷോകൾ, കുടുംബങ്ങൾക്ക് അനുയോജ്യമായ പരിപാടികൾ, പ്രത്യേക സാംസ്കാരിക മേഖലകൾ, ദിവസേനുള്ള വിനോദ പരിപാടികൾ എന്നിവയും ഒരുക്കിയിട്ടുണ്ട്.
ഖത്തറിനെ ഒരു ആഗോള ഭക്ഷ്യ ടൂറിസം കേന്ദ്രമായി ഉയർത്തിക്കാട്ടുകയാണ് ഫെസ്റ്റിവലിന്റെ ലക്ഷ്യമെന്ന് വിസിറ്റ് ഖത്തർ അധികൃതർ വ്യക്തമാക്കി. പ്രാദേശിക കഴിവുകളെയും അന്താരാഷ്ട്ര ഭക്ഷ്യ സംസ്കാരത്തെയും ഒരുപോലെ പരിചയപ്പെടുത്തുന്ന വേദിയാകും QIFF.
വിസിറ്റ് ഖത്തറിലെ ഫെസ്റ്റിവൽസ് ആൻഡ് ഇവന്റ്സ് ഡയറക്ടർ അഹമ്മദ് ബിനാലി പറഞ്ഞു: “ഖത്തർ ഇന്റർനാഷണൽ ഫുഡ് ഫെസ്റ്റിവൽ കുടുംബങ്ങളെയും ഭക്ഷ്യ ലോകത്തെയും ലോകമെമ്പാടുമുള്ള സന്ദർശകരെയും ഒരുമിപ്പിക്കുന്ന പ്രധാന വേദിയായി മാറിയിട്ടുണ്ട്. 15-ാം പതിപ്പിൽ കൂടുതൽ മികച്ച അനുഭവങ്ങൾ ഒരുക്കാനാണ് ലക്ഷ്യം.”
ഈ വർഷത്തെ ഫെസ്റ്റിവലിൽ ദിവസേന വെടിക്കെട്ട്, ‘ഡിന്നർ ഇൻ ദി സ്കൈ’, മാർക്കറ്റ് അനുഭവം എന്നിവ വീണ്ടും ഉണ്ടാകും. ഡ്രോൺ ഷോകൾ, കുക്കിംഗ് സ്റ്റുഡിയോയിലെ ഇന്ററാക്ടീവ് സെഷനുകൾ, പുതിയ റസ്റ്റോറന്റുകളുടെ അവതരണങ്ങൾ, മത്സരങ്ങളോടുകൂടിയ QIFF റിംഗ്, ‘പാഡൽ ഓഫ് മൈൻഡ്സ്’ ഗെയിം എന്നിവയും പ്രധാന ആകർഷണങ്ങളായിരിക്കും.
ഫെസ്റ്റിവൽ പ്രവർത്തിക്കുന്ന സമയം:
- പ്രവൃത്തി ദിവസങ്ങളിൽ: വൈകിട്ട് 4 മുതൽ രാത്രി 11 വരെ
- വാരാന്ത്യങ്ങളിൽ: വൈകിട്ട് 3 മുതൽ രാത്രി 1 വരെ
കൂടുതൽ പരിപാടികളുടെ വിവരങ്ങളും പങ്കെടുക്കുന്ന ഷെഫുമാരുടെയും വിനോദ പരിപാടികളുടെയും വിശദാംശങ്ങളും പിന്നീട് പ്രഖ്യാപിക്കുമെന്ന് സംഘാടകർ അറിയിച്ചു.
ഖത്തറിലെ ഏറ്റവും പുതിയ വാർത്തകൾ തത്സമയം അറിയാൻ
ഇപ്പോൾ തന്നെ ഫോളോചെയ്യു
ഖത്തറിൽ ഫാമിലി റെസിഡൻസി വിസയെ വർക്ക് റെസിഡൻസി വിസയാക്കി മാറ്റാം, എങ്ങനെയെന്ന് അറിയൂ
Latest Greeshma Staff Editor — December 22, 2025 · 0 Comment
Qatar work residency permit ഖത്തറിൽ കുടുംബ താമസ വിസയിൽ കഴിയുന്ന പ്രവാസികൾക്ക് തൊഴിൽ വിപണിയിൽ പ്രവേശിക്കാനുള്ള അവസരം തൊഴിൽ മന്ത്രാലയം ഒരുക്കുന്നു. തൊഴിൽ മന്ത്രാലയത്തിന് അപേക്ഷ സമർപ്പിക്കുന്നതിലൂടെ കുടുംബ താമസ വിസയെ വർക്ക് റെസിഡൻസി പെർമിറ്റാക്കി മാറ്റാൻ സാധിക്കും.
സർക്കാർ വെബ്സൈറ്റിലെ അറിയിപ്പുപ്രകാരം, തൊഴിലാളിയെ നിയമിക്കാൻ ആഗ്രഹിക്കുന്ന തൊഴിലുടമയോ അല്ലെങ്കിൽ ജോലി തേടുന്ന പ്രവാസിയോ അപേക്ഷ സമർപ്പിച്ചാൽ നടപടിക്രമങ്ങൾ ആരംഭിക്കും. നിശ്ചിത നിബന്ധനകൾ പാലിച്ചാൽ അപേക്ഷ അംഗീകരിക്കും. അംഗീകാരം ലഭിച്ചാൽ കരാർ സാക്ഷ്യപ്പെടുത്തൽ, ഫീസ് അടയ്ക്കൽ, ആഭ്യന്തര മന്ത്രാലയത്തിന്റെ അനുമതി എന്നിവ പൂർത്തിയാക്കി താമസത്തിന്റെ ഉദ്ദേശ്യം മാറ്റുന്ന നടപടികൾ പൂര്ത്തിയാകും.
ഖത്തറിലെ ഏറ്റവും പുതിയ വാർത്തകൾ തത്സമയം അറിയാൻ
ഇപ്പോൾ തന്നെ ഫോളോചെയ്യു
അപേക്ഷ സമർപ്പിക്കുന്ന വിധം
തൊഴിൽ മന്ത്രാലയത്തിന്റെ ഔദ്യോഗിക വെബ്സൈറ്റിലെ സേവന വിവര പേജ് സന്ദർശിച്ച് “Apply for Service” എന്ന ഓപ്ഷനിൽ ക്ലിക്ക് ചെയ്യണം. തുടർന്ന് ലോഗിൻ പേജിൽ നിന്ന് “Employers Portal” തിരഞ്ഞെടുക്കുകയും, സ്മാർട്ട് കാർഡ് ഉപയോഗിച്ച് നാഷണൽ ഓതന്റിക്കേഷൻ സിസ്റ്റത്തിൽ ലോഗിൻ ചെയ്ത ശേഷം ആവശ്യമായ വിവരങ്ങൾ പൂരിപ്പിച്ച് അപേക്ഷ സമർപ്പിക്കണം.
പ്രധാന നിബന്ധനകൾ
- പുതിയ തൊഴിലുടമയുടെ സ്ഥാപനം സാധുവായി രജിസ്റ്റർ ചെയ്തിരിക്കണം
- സ്ഥാപനത്തിനോ തൊഴിലുടമയ്ക്കോ നിയമവിലക്ക് ഉണ്ടാകരുത്
- അപേക്ഷിക്കുന്ന തൊഴിലാളിക്ക് സമാനമായ മറ്റ് അപേക്ഷകൾ പരിഗണനയിൽ ഉണ്ടായിരിക്കരുത്
- തൊഴിലാളി നിലവിൽ തൊഴിൽ മേഖലയ്ക്ക് പുറത്തായിരിക്കണം (ജോലി ആവശ്യത്തിനുള്ള താമസമല്ല)
- അപേക്ഷിക്കുന്ന താമസ വിസ സ്വത്ത്/വസതിയുടെ ഗുണഭോക്താവിനുള്ളതായിരിക്കരുത്
- നയതന്ത്ര താമസ വിസ ആയിരിക്കരുത്
- അപേക്ഷയിൽ നൽകിയ ഫോൺ നമ്പർ തൊഴിലാളിയുടെ ഖത്തർ ഐഡിയുമായി ബന്ധിപ്പിച്ച നമ്പർ ആയിരിക്കണം
നാഷണൽ ഓതന്റിക്കേഷൻ സിസ്റ്റത്തിൽ മുൻകൂട്ടി രജിസ്റ്റർ ചെയ്ത വ്യക്തികൾക്ക് മാത്രമാണ് ഈ സേവനം ഉപയോഗിക്കാൻ കഴിയുകയെന്ന് സർക്കാർ വ്യക്തമാക്കി.
ഖത്തറിൽ കുടുംബത്തെ കൊണ്ടുവരാൻ പുതിയ വ്യവസ്ഥകൾ; മെട്രാഷ് ആപ്പ് വഴി അപേക്ഷ നൽകാം, നിങ്ങൾ അറിയേണ്ടെതല്ലാം
Latest Greeshma Staff Editor — December 22, 2025 · 0 Comment
Qatar family visit visa ഖത്തറിൽ താമസിക്കുന്ന പ്രവാസികൾക്ക് കുടുംബാംഗങ്ങളെ താമസത്തിനോ സന്ദർശനത്തിനോ ആയി കൊണ്ടുവരുന്നതിനുള്ള വ്യവസ്ഥകൾ ആഭ്യന്തര മന്ത്രാലയം വ്യക്തമാക്കി. മെട്രാഷ് (Metrash) ആപ്ലിക്കേഷൻ വഴിയാണ് അപേക്ഷകൾ സമർപ്പിക്കേണ്ടത്. സർക്കാർ, അർദ്ധ സർക്കാർ, സ്വകാര്യ മേഖലകളിലെ ജീവനക്കാർക്കായി പൊതുവായ നിബന്ധനകളും പ്രത്യേക വ്യവസ്ഥകളും നിശ്ചയിച്ചിട്ടുണ്ട്.
പൊതുവായ വ്യവസ്ഥകൾ
- മകന്റെ പ്രായം 25 വയസിൽ കൂടുതലാകരുത്
- മകൾ അവിവാഹിതയായിരിക്കണം
- കുട്ടികൾ 6 മുതൽ 18 വയസ്സ് വരെ പ്രായമുള്ളവരായിരിക്കണം, രാജ്യത്തിനകത്തോ പുറത്തോ പഠനത്തിൽ ചേർന്നിരിക്കണം
- കുടുംബാംഗങ്ങൾക്കായി ഖത്തറിൽ പ്രവേശിക്കുന്ന ദിവസം മുതൽ സാധുതയുള്ള ആരോഗ്യ ഇൻഷുറൻസ് നിർബന്ധം
സർക്കാർ, അർദ്ധ സർക്കാർ മേഖല
- തൊഴിലുടമ നൽകുന്ന കുടുംബ താമസ സൗകര്യം ഉണ്ടായിരിക്കണം
അല്ലെങ്കിൽ - തൊഴിൽ കരാറിൽ രേഖപ്പെടുത്തിയ ശമ്പളം കുറഞ്ഞത് 10,000 റിയാൽ ആയിരിക്കണം
സ്വകാര്യ മേഖല
- ജോലി സാങ്കേതികമോ പ്രത്യേകതയുള്ളതുമായിരിക്കണം (മാനുവൽ ലേബർ അല്ല)
- തൊഴിൽ കരാറിൽ രേഖപ്പെടുത്തിയ ശമ്പളം കുറഞ്ഞത് 10,000 റിയാൽ
അല്ലെങ്കിൽ - കുടുംബ താമസ സൗകര്യത്തോടൊപ്പം കുറഞ്ഞത് 6,000 റിയാൽ ശമ്പളം
കുടുംബ സന്ദർശന വിസയ്ക്ക് വ്യവസ്ഥകൾ
- തൊഴിലുടമയുടെ തൊഴിൽ തൊഴിലാളി വിഭാഗത്തിൽപ്പെടരുത്
- ശമ്പളം കുറഞ്ഞത് 5,000 റിയാൽ ആയിരിക്കണം
- ബന്ധപ്പെട്ട അധികാരികളിൽ രജിസ്റ്റർ ചെയ്ത കുടുംബ താമസ സൗകര്യം ഉണ്ടായിരിക്കണം
- സന്ദർശകൻ സ്പോൺസറുടെ അടുത്ത ബന്ധുവായിരിക്കണം
- സന്ദർശന കാലയളവിൽ സാധുതയുള്ള ആരോഗ്യ ഇൻഷുറൻസ് നിർബന്ധം
മെട്രാഷ് ആപ്പ് വഴി അപേക്ഷിക്കുന്ന വിധം
- മെട്രാഷ് ആപ്പിൽ ലോഗിൻ ചെയ്യുക
- “Visa Services” തിരഞ്ഞെടുക്കുക
- “Family Visit Request” → “Personal Visit” തിരഞ്ഞെടുക്കുക
- “New Request” ക്ലിക്കുചെയ്യുക
- നിബന്ധനകൾ അംഗീകരിച്ച് “Next” അമർത്തുക
- ആവശ്യമായ വിവരങ്ങൾ പൂരിപ്പിക്കുക
- വിവരങ്ങൾ പരിശോധിച്ച് സ്ഥിരീകരിക്കുക
- ആവശ്യമായ രേഖകൾ അപ്ലോഡ് ചെയ്യുക
- അപേക്ഷ സമർപ്പിക്കുക
കുടുംബത്തെ ഖത്തറിലേക്ക് കൊണ്ടുവരാൻ ആഗ്രഹിക്കുന്നവർ ഈ നിബന്ധനകൾ പാലിക്കണമെന്ന് ആഭ്യന്തര മന്ത്രാലയം അറിയിച്ചു.
ഖത്തറിലെ ഏറ്റവും പുതിയ വാർത്തകൾ തത്സമയം അറിയാൻ
ഇപ്പോൾ തന്നെ ഫോളോചെയ്യു
ഖത്തറിൽ കൗമാരക്കാരിൽ വിറ്റാമിൻ ഡി കുറവ് ഉയരുന്നു; പുതിയ പഠനത്തിൽ ആശങ്ക
Qatar Greeshma Staff Editor — December 22, 2025 · 0 Comment
vitamin D deficiency adolescents Qatar ദോഹ, ഖത്തർ: ഖത്തറിലെ കുട്ടികളിലും കൗമാരക്കാരിലും വിറ്റാമിൻ ഡി കുറവ് ഗുരുതരമായ ഒരു പൊതുജനാരോഗ്യ പ്രശ്നമായി മാറിയതായി പുതിയ പഠനം വ്യക്തമാക്കുന്നു. പ്രത്യേകിച്ച് കൗമാരക്കാരായ കുട്ടികളിലും അതിൽ തന്നെ പെൺകുട്ടികളിലുമാണ് വിറ്റാമിൻ ഡി കുറവ് ഏറ്റവും കൂടുതലായി കണ്ടെത്തിയിരിക്കുന്നത്. Qatar Medical Journal-ന്റെ പുതിയ പതിപ്പിലാണ് ഈ പഠനം പ്രസിദ്ധീകരിച്ചിരിക്കുന്നത്.
‘ഖത്തറിലെ പ്രാഥമിക ആരോഗ്യകേന്ദ്രങ്ങളിൽ ചികിത്സ തേടിയ കുട്ടികളിലും കൗമാരക്കാരിലും വിറ്റാമിൻ ഡി കുറവിന്റെ വ്യാപ്തിയും പ്രധാന കാരണങ്ങളും’ എന്ന ശീർഷകത്തിലുള്ള ഈ ക്രോസ്-സെക്ഷണൽ പഠനം, ഒരു വർഷക്കാലയളവിൽ പ്രൈമറി ഹെൽത്ത് കെയർ കോർപ്പറേഷൻ (PHCC) കേന്ദ്രങ്ങളിൽ എത്തിയ 18 വയസിന് താഴെയുള്ള ഏകദേശം 49,000 കുട്ടികളുടെയും കൗമാരക്കാരുടെയും ഇലക്ട്രോണിക് മെഡിക്കൽ രേഖകളാണ് വിശകലനം ചെയ്തത്. ഖത്തറിലെ ശിശു–കൗമാര വിഭാഗത്തിൽ വിറ്റാമിൻ ഡി നില പരിശോധിക്കുന്നതിൽ ഏറ്റവും വലിയ ജനസംഖ്യാ അടിസ്ഥാനത്തിലുള്ള പഠനങ്ങളിലൊന്നാണിത്.
പഠനഫലങ്ങൾ പ്രകാരം, ശിശുക്കളിലും ചെറുപ്പക്കുട്ടികളിലും ഗുരുതരമായ വിറ്റാമിൻ ഡി കുറവ് താരതമ്യേന കുറവായിരുന്നു. ഒരു വയസിന് താഴെയുള്ള ശിശുക്കളിൽ 3.8 ശതമാനത്തിനും, ഒന്നിൽ നിന്ന് നാല് വയസ് വരെയുള്ള കുട്ടികളിൽ 3.4 ശതമാനത്തിനുമാണ് ഗുരുതര കുറവ് കണ്ടെത്തിയത്. എന്നാൽ പ്രായം കൂടുന്നതിനനുസരിച്ച് ഈ നിരക്ക് കുത്തനെ ഉയരുന്നുവെന്ന് പഠനം ചൂണ്ടിക്കാട്ടുന്നു. 10 മുതൽ 17 വയസ് വരെയുള്ള കൗമാരക്കാരിൽ 40 ശതമാനത്തിനും ഗുരുതരമായ വിറ്റാമിൻ ഡി കുറവുണ്ടായിരുന്നു. രക്തത്തിലെ വിറ്റാമിൻ ഡി അളവ് 10 ng/mL-ൽ താഴെയായാൽ അതിനെ ഗുരുതര കുറവായി കണക്കാക്കുന്നു.
ലിംഗപരമായ വ്യത്യാസങ്ങളും വ്യക്തമായി കണ്ടെത്തി. പെൺകുട്ടികളിലാണ് വിറ്റാമിൻ ഡി കുറവ് കൂടുതലായി കണ്ടത്. പെൺകുട്ടികളിൽ 30.4 ശതമാനത്തിനും ഗുരുതര കുറവുണ്ടായപ്പോൾ, ആൺകുട്ടികളിൽ ഇത് 15.3 ശതമാനം മാത്രമായിരുന്നു. ദേശീയതയും പ്രധാന ഘടകമായി കണ്ടെത്തി. ദക്ഷിണേഷ്യൻ രാജ്യങ്ങളിൽ നിന്നുള്ള കുട്ടികൾക്ക് മറ്റ് മേഖലകളിൽ നിന്നുള്ളവരെക്കാൾ കൂടുതലായ അപകടസാധ്യതയുണ്ടെന്ന് പഠനം പറയുന്നു.
മൾട്ടിവാരിയേറ്റ് ലോജിസ്റ്റിക് റെഗ്രഷൻ വിശകലനം നടത്തിയപ്പോൾ, പ്രായം, ലിംഗം, ദേശീയത, അമിതവണ്ണം എന്നിവയാണ് വിറ്റാമിൻ ഡി ഗുരുതരമായി കുറയുന്നതിനുള്ള പ്രധാന കാരണങ്ങളെന്ന് കണ്ടെത്തി. അഞ്ചുവയസിന് താഴെയുള്ള കുട്ടികളുമായി താരതമ്യപ്പെടുത്തുമ്പോൾ, കൗമാരക്കാർക്ക് 17 മടങ്ങ് കൂടുതൽ സാധ്യതയുണ്ടായിരുന്നു. പെൺകുട്ടികൾക്ക് ആൺകുട്ടികളേക്കാൾ 2.4 മടങ്ങ് കൂടുതൽ അപകടസാധ്യതയുണ്ടായിരുന്നപ്പോൾ, ദക്ഷിണേഷ്യൻ ദേശീയതയുള്ള കുട്ടികൾക്ക് 5.7 മടങ്ങ് കൂടുതൽ സാധ്യതയുണ്ടായി. അമിതവണ്ണവും പൊണ്ണത്തടിയും ഉള്ള കുട്ടികളും ഉയർന്ന അപകടസാധ്യതയുള്ള വിഭാഗത്തിലാണ്.
വെയിൽ ധാരാളമായി ലഭിക്കുന്ന രാജ്യമാണെങ്കിലും, പുറത്തുള്ള പ്രവർത്തനങ്ങളുടെ കുറവ്, ജീവിതശൈലി, സാംസ്കാരിക രീതികൾ, ഭക്ഷണ ശീലം, അമിതവണ്ണം എന്നിവയാണ് വിറ്റാമിൻ ഡി കുറവിന് പിന്നിലെ പ്രധാന കാരണങ്ങളായി ഗവേഷകർ ചൂണ്ടിക്കാട്ടുന്നു. പ്രത്യേകിച്ച് മുതിർന്ന കുട്ടികളിലും കൗമാരക്കാരിലും ഈ ഘടകങ്ങൾ കൂടുതൽ സ്വാധീനം ചെലുത്തുന്നു.
എല്ലുകളുടെ ആരോഗ്യത്തിനും പ്രതിരോധ ശേഷിക്കും ശരീരവളർച്ചയ്ക്കും വിറ്റാമിൻ ഡി അത്യാവശ്യമാണ്. കുട്ടികളിൽ ഗുരുതര കുറവ് ഉണ്ടാകുമ്പോൾ റിക്കറ്റ്സ്, എല്ലുകളുടെ ഖനീകരണം കുറയുക, ദീർഘകാല ആരോഗ്യപ്രശ്നങ്ങൾ തുടങ്ങിയവയ്ക്ക് കാരണമാകാം.
കഴിഞ്ഞ പതിറ്റാണ്ടിൽ ഖത്തറിൽ വിറ്റാമിൻ ഡി കുറവ് കുറയ്ക്കുന്നതിൽ പുരോഗതി ഉണ്ടായിട്ടുണ്ടെങ്കിലും, ഇപ്പോഴും കുട്ടികളുടെയും കൗമാരക്കാരുടെയും ഏകദേശം മൂന്നിൽ രണ്ട് പേരും വിറ്റാമിൻ ഡി കുറവോ ഗുരുതര കുറവോ അനുഭവിക്കുന്നുണ്ടെന്ന് പഠനം വ്യക്തമാക്കുന്നു.
അതിനാൽ തന്നെ, ഉയർന്ന അപകടസാധ്യതയുള്ള വിഭാഗങ്ങളെ ലക്ഷ്യമിട്ട് അടിയന്തര ഇടപെടലുകൾ ആവശ്യമാണെന്ന് പഠനരചയിതാക്കൾ ആവശ്യപ്പെടുന്നു. പ്രത്യേകിച്ച് കൗമാരക്കാർ, പെൺകുട്ടികൾ, ചില വംശീയ വിഭാഗങ്ങൾ എന്നിവരിൽ പരിശോധന ശക്തമാക്കണം. സപ്ലിമെന്റേഷൻ പദ്ധതികൾ, ഭക്ഷ്യവസ്തുക്കളിൽ വിറ്റാമിൻ ഡി ഫോർട്ടിഫിക്കേഷൻ, ബോധവത്കരണ ക്യാമ്പയിനുകൾ എന്നിവ നടപ്പിലാക്കണമെന്നും അവർ ശുപാർശ ചെയ്യുന്നു. സുരക്ഷിതമായ സൂര്യപ്രകാശം ലഭിക്കുന്ന രീതിയിൽ പുറത്തുള്ള പ്രവർത്തനങ്ങൾ സ്കൂൾ തലത്തിൽ പ്രോത്സാഹിപ്പിക്കുന്നതും സഹായകരമാകും.
ഖത്തറിലെ മുതിർന്നവരിൽ നടത്തിയ മുൻ ഗവേഷണങ്ങളുടെ തുടർച്ചയായാണ് ഈ പഠനം വിലയിരുത്തപ്പെടുന്നത്. ഭാവിയിലെ ആരോഗ്യനയങ്ങൾ രൂപപ്പെടുത്തുന്നതിനും പ്രാഥമിക ആരോഗ്യസംവിധാനങ്ങളിലെ പരിശോധനാ–സപ്ലിമെന്റേഷൻ മാർഗ്ഗനിർദ്ദേശങ്ങൾ പുനഃപരിശോധിക്കുന്നതിനും ഈ കണ്ടെത്തലുകൾ സഹായകരമാകുമെന്ന് ഗവേഷകർ അഭിപ്രായപ്പെടുന്നു.
Msheireb Baraha Cinema ദോഹ: മ്ഷൈരിബ് പ്രോപ്പർട്ടീസ് ബറാഹ സിനിമയുടെ മൂന്നാം പതിപ്പ് ആരംഭിക്കുന്നതായി പ്രഖ്യാപിച്ചു. ഡിസംബർ 25 മുതൽ 2026 ജനുവരി 3 വരെ നടക്കുന്ന പരിപാടിയിൽ കുടുംബസൗഹൃദ സിനിമകളും സീസണൽ വിനോദങ്ങളും സിനിമയെ ആസ്പദമാക്കിയ ഭക്ഷണ പരിപാടികളും ഒരുക്കുമെന്ന് അധികൃതർ അറിയിച്ചു.
മ്ഷൈരിബ് ഡൗൺടൗൺ ദോഹയുടെ വിന്റർ കലണ്ടറിന്റെ ഭാഗമായാണ് ബറാഹ സിനിമ സംഘടിപ്പിക്കുന്നത്. കഴിഞ്ഞ രണ്ട് വർഷങ്ങളിലെ വിജയത്തെ തുടർന്ന് ഇത്തവണ കൂടുതൽ വിപുലമായ ഔട്ട്ഡോർ സിനിമാനുഭവമാണ് ഒരുക്കുന്നത്. കുടുംബങ്ങൾക്കും സന്ദർശകർക്കും ഒരുപോലെ ആസ്വദിക്കാവുന്ന രീതിയിലാണ് പരിപാടി ക്രമീകരിച്ചിരിക്കുന്നത്.
പത്ത് ദിവസത്തെ ഫെസ്റ്റീവ് പരിപാടിയിൽ ക്ലാസിക് സിനിമകളും ആധുനിക ആനിമേഷൻ ചിത്രങ്ങളും ഉൾപ്പെടും. Honey, I Shrunk the Kids, Home Alone 2, Night at the Museum തുടങ്ങിയ ഹിറ്റുകൾക്കൊപ്പം Coco, Kung Fu Panda, Hotel Transylvania എന്നീ ആനിമേഷൻ സിനിമകളും പ്രദർശിപ്പിക്കും. The Garfield Movie, Lilo & Stitch എന്നീ പുതിയ ചിത്രങ്ങളും പട്ടികയിലുണ്ട്.
ഖത്തറിലെ സിനിമാ ചരിത്രവുമായി മ്ഷൈരിബിന് അടുത്ത ബന്ധമുണ്ടെന്ന് അധികൃതർ വ്യക്തമാക്കി. 1960-കളിൽ വീടുകളിലും തുറസ്സായ ഇടങ്ങളിലും നടന്ന സിനിമാ പ്രദർശനങ്ങളുടെ ഓർമ്മകളെ പുതുക്കുകയാണ് ബറാഹ സിനിമയിലൂടെ ലക്ഷ്യമിടുന്നതെന്നും, പൈതൃകവും ആധുനികതയും ഒരുമിക്കുന്ന ഒരു പ്രത്യേക അനുഭവമാണ് ഈ പരിപാടി നൽകുന്നതെന്നും മ്ഷൈരിബ് പ്രോപ്പർട്ടീസ് അറിയിച്ചു.
