Dubai Metro Luggage Rules;യുഎഇ: 54-ാമത് യുഎഇ ദേശീയ ദിനത്തോടനുബന്ധിച്ച് ദുബായിലെ റോഡ്സ് ആൻഡ് ട്രാൻസ്പോർട്ട് അതോറിറ്റിയാത്രക്കാർക്ക് മുന്നറിയിപ്പ് നൽകി. തിരക്ക് ഒഴിവാക്കാനും ഗതാഗതക്കുരുക്ക് ലഘൂകരിക്കാനും മെട്രോ ഉപയോഗിക്കാൻ നിർദ്ദേശിക്കുന്നു. വിമാനത്താവള യാത്രക്കാർക്കും നഗരത്തിലേക്ക് വരുന്നവർക്കും ദുബായ് മെട്രോ വേഗത്തിലും സൗകര്യപ്രദമായും മാത്രമല്ല, ടെർമിനൽ 1, 3 എന്നിവിടങ്ങളിലേക്ക് എത്താൻ നിങ്ങളെ വേഗത്തിൽ സഹായിക്കും.യാത്രക്കാർ അവരുടെ നോൾ കാർഡുകളിൽ ആവശ്യത്തിന് ബാലൻസ് ഉണ്ടെന്ന് ഉറപ്പാക്കണം. തിരക്കേറിയ സമയങ്ങളിൽ മെട്രോ ജീവനക്കാരുടെ നിർദ്ദേശങ്ങൾ പാലിക്കാനും നിർദ്ദേശമുണ്ട്. ഓരോ യാത്രക്കാരനും രണ്ട് ലഗേജുകൾ വരെ കൊണ്ടുപോകാം. വലിയ സൂട്ട്‌കേസിന് പരമാവധി 81 x 58 x 30 സെന്റീമീറ്ററും ചെറിയ സൂട്ട്‌കേസിന് പരമാവധി 55 x 38 x 20 സെന്റീമീറ്ററും ആണ് അളവുകൾ. എല്ലാ ലഗേജുകളും സുരക്ഷയും സൗകര്യവും കണക്കിലെടുത്ത് ഓരോ കാബിനിലെയും നിശ്ചിത സ്ഥലങ്ങളിൽ സൂക്ഷിക്കണം.

വെള്ളി, ശനി ദിവസങ്ങളിൽ ദുബായ് മെട്രോയുടെ റെഡ്, ഗ്രീൻ ലൈനുകൾ രാവിലെ 5:00 മുതൽ അടുത്ത ദിവസത്തെ പുലർച്ചെ 1:00 വരെ പ്രവർത്തിക്കും. ഞായറാഴ്ച രാവിലെ 8:00 മുതൽ പുലർച്ചെ 1:00 വരെയും തിങ്കൾ, ചൊവ്വ ദിവസങ്ങളിൽ രാവിലെ 5:00 മുതൽ പുലർച്ചെ 1:00 വരെയും മെട്രോ സർവീസ് ലഭ്യമാകും. ദുബായ് ട്രാമിന്റെ പ്രവർത്തന സമയം വെള്ളിയാഴ്ച രാവിലെ 6:00 മുതൽ പുലർച്ചെ 1:00 വരെയാണ്. ശനിയാഴ്ച രാവിലെ 9:00 മുതൽ പുലർച്ചെ 1:00 വരെയും തിങ്കൾ, ചൊവ്വ ദിവസങ്ങളിൽ രാവിലെ 6:00 മുതൽ പുലർച്ചെ 1:00 വരെയും ട്രാമുകൾ ഓടുന്നതാണ്. പൊതുബസ് സർവീസുകളുടെ സമയക്രമം ഡിസംബർ 1 മുതൽ 2 വരെ എസ്’ഹൈൽ ആപ്പ് വഴി ലഭ്യമാകും.

ദേശീയ ദിന അവധി ദിവസങ്ങളിൽ ദുബായിൽ പാർക്കിംഗ് സൗജന്യമായിരിക്കുമെന്ന് RTA പ്രഖ്യാപിച്ചിട്ടുണ്ട്. മാത്രമല്ല, ദുബായ് അന്താരാഷ്ട്ര വിമാനത്താവളം യാത്രക്കാരുടെ തിരക്കേറിയ സമയത്തെക്കുറിച്ച് സൂചന നൽകിയിട്ടുണ്ട്. വിമാനത്താവളങ്ങളിൽ തിരക്ക് വർധിക്കുമെന്നും യാത്രക്കാർ അതിനനുസരിച്ച് തയ്യാറെടുക്കണമെന്നും അറിയിച്ചിട്ടുണ്ട്. ദേശീയ ദിനത്തോട് അനുബന്ധിച്ചുള്ള ഒരുക്കങ്ങൾ പൂർത്തിയായി തുടങ്ങി യുഎഇയിൽ.

സർക്കാർ സ്ഥാപനങ്ങളും സ്വകാര്യ കെട്ടിടങ്ങളും ദേശീയ പതാകകളും വർണ്ണശബളമായ ലൈറ്റുകളും ഉപയോഗിച്ച് അലങ്കരിക്കും. പ്രധാന നഗരങ്ങളിൽ കരിമരുന്ന് പ്രയോഗംഎയർ ഷോകൾ, സാംസ്കാരിക പരിപാടികൾ, പരേഡുകൾ എന്നിവ ഉണ്ടായിരിക്കും. വാഹനങ്ങൾ അലങ്കരിക്കുമ്പോൾ ഗ്ലാസുകളിലോ നമ്പർ പ്ലേറ്റുകളിലോ മറവുണ്ടാക്കരുത്. നിയമം ലംഘിക്കുന്നവർക്ക് വലിയ പിഴ ചുമത്തും. ആഘോഷങ്ങളുടെ ഭാഗമായി മറ്റുള്ളവർക്ക് ബുദ്ധിമുട്ടുണ്ടാക്കുന്ന രീതിയിലുള്ള ബഹളമോ, നൃത്തമോ, അശ്ലീല ആംഗ്യങ്ങളോ പൊതു സ്ഥലങ്ങളിൽ പാടില്ല.

പുതിയ തൊഴിലവസരങ്ങൾ അറിയാൻ ചാനൽ ഇപ്പോൾ തന്നെ ഫോളോ ചെയ്യൂ https://chat.whatsapp.com/K00sdUQdhiK3O9yzfeF2zV

dubai municipality renames four parks ;ദുബൈയിലെ നാല് പാർക്കുകൾക്ക് പുതിയ പേര്; 20 പാർക്കുകളുടെ പ്രവർത്തന സമയത്തിലും മാറ്റം

dubai municipality renames four parks:ദുബൈ: ദുബൈയിലെ വിവിധ പാർക്കുകളുടെ പേര് മാറ്റുകയും, പ്രവർത്തി സമയം നേരത്തെയാക്കുകയും ചെയ്ത് ദുബൈ മുനിസിപ്പാലിറ്റി. നാല് പാർക്കുകളുടെ പേരാണ് മാറ്റിയിരിക്കുന്നത്. ഒപ്പം, പ്രവർത്തന സമയം നേരത്തേയാക്കുകയും ചെയ്തിട്ടുണ്ട്. 

പുതിയ പ്രവർത്തന സമയം:

20 റെസിഡൻഷ്യൽ പാർക്കുകളിലെ ജോഗിംഗ് ട്രാക്കുകൾ ഇനിമുതൽ എല്ലാ ദിവസവും രാവിലെ 5 മണിക്ക് തുറക്കും. ഈ പാർക്കുകൾക്ക് പുറമേ, ഔട്ട്ഡോർ സൗകര്യങ്ങളുള്ള 18 അയൽപക്ക പാർക്കുകളിലെ പുറത്തുള്ള ജോഗിംഗ് ട്രാക്കുകളും ഉപയോഗിക്കാം.

നേരത്തെ, 2024 മെയ് മാസത്തിലെ അറിയിപ്പ് പ്രകാരം, തീരദേശ പാർക്കുകൾ, റെസിഡൻഷ്യൽ പാർക്കുകൾ, കളിസ്ഥലങ്ങൾ എന്നിവയുടെ സമയം തിങ്കൾ മുതൽ വ്യാഴം വരെ രാവിലെ 8 മണി മുതൽ രാത്രി 11 വരെയും, വെള്ളി, ശനി, മറ്റ് അവധി ദിവസങ്ങളിൽ 8 മണി മുതൽ രാത്രി 12 മണി വരെയും ആയിരുന്നു.

പേര് മാറ്റിയ പാർക്കുകൾ:

പ്രവർത്തന സമയം മാറ്റിയതിനൊപ്പം, ദുബൈ മുനിസിപ്പാലിറ്റി നാല് പാർക്കുകളുടെ പേരുകളും മാറ്റി. പാർക്കുകളുടെ ഭൂമിശാസ്ത്രപരമായ സ്ഥാനവും പ്രാദേശിക ഐഡന്റിറ്റിയും കൂടുതൽ പ്രതിഫലിപ്പിക്കുന്നതാണ് പുതിയ പേരുകൾ

പഴയ പേര്	പുതിയ പേര്
അൽ ഖൂസ് പോണ്ട് പാർക്ക്	ഗദീർ അൽ തൈർ പോണ്ട് പാർക്ക്
അൽ ഖുസൈസ് പോണ്ട് പാർക്ക്	അൽ ത്വവർ പോണ്ട് പാർക്ക്
ഊദ് അൽ മുത്തീന ഫസ്റ്റ് പാർക്ക്	അൽ മുത്തീന ഫോർത്ത് പാർക്ക്
അൽ ഖുസൈസ് തേർഡ് പാർക്ക്	അൽ ത്വവർ ഫോർത്ത് 1 പാർക്ക്

dubai municipality offers free coffee ;സൗജന്യ കോഫി റെഡി; ദേശീയ ദിനത്തിൽ നാല് ദിവസം സൗജന്യ കോഫിയുമായി ദുബൈ മുനിസിപ്പാലിറ്റി

dubai municipality offers free coffee:ദുബൈ: 54-ാമത് യുഎഇ ദേശീയ ദിനാഘോഷങ്ങളുടെ (ഈദ് അൽ ഇത്തിഹാദ്) ഭാഗമായി, എമിറേറ്റിലുടനീളം സൗജന്യ കോഫി വിതരണ പദ്ധതി പ്രഖ്യാപിച്ച് ദുബൈ മുൻസിപ്പാലിറ്റി. നവംബർ 30 മുതൽ ഡിസംബർ 3 വരെ നാല് ദിവസത്തേക്ക് ഈ പദ്ധതി നീണ്ടുനിൽക്കും. 

“കോഫി ഞങ്ങളുടേതായിരിക്കും!” എന്ന് അറിയിച്ചുകൊണ്ട് ദുബൈ മുൻസിപ്പാലറ്റി സോഷ്യൽ മീഡിയ പോസ്റ്റിലൂടെ ഇക്കാര്യം വ്യക്തമാക്കി. 

വാഹനത്തിൽ നിന്ന് പുറത്തിറങ്ങാതെ തന്നെ ഭക്ഷണവും പാനീയങ്ങളും ഓർഡർ ചെയ്യാൻ താമസക്കാരെ അനുവദിക്കുന്ന ‘ഡ്രൈവു’ (Drivu) എന്ന ആപ്ലിക്കേഷനുമായി ചേർന്നാണ് ഈ പദ്ധതി നടപ്പാക്കുന്നത്.

“ഈദ് അൽ ഇത്തിഹാദ് (ദേശീയ ദിനം) ആഘോഷ വേളയിൽ ഡ്രൈവു ആപ്പ് വഴി ദുബൈ മുനിസിപ്പാലിറ്റിയിൽ നിന്ന് സൗജന്യമായി ഒരു കപ്പ് കോഫി ആസ്വദിക്കൂ. നിങ്ങളുടെ ഫോട്ടോകൾ പങ്കുവെക്കാനും ഞങ്ങളെ ടാഗ് ചെയ്യാനും മറക്കരുത്. നമുക്ക് ഐക്യം ആഘോഷിക്കാം!” എന്നും മുനിസിപ്പാലിറ്റി ഇൻസ്റ്റാഗ്രാമിൽ കൂട്ടിച്ചേർത്തു.

അതേസമയം, ഈ പദ്ധതിയിൽ ഏതൊക്കെ റെസ്റ്റോറന്റുകളും കഫേകളും പങ്കെടുക്കുന്നുണ്ടെന്നോ, പങ്കെടുക്കുന്ന എല്ലാ കടകളിലെയും ഉപഭോക്താക്കൾക്ക് സൗജന്യ കോഫി ലഭിക്കുമോ, അതോ ചിലർക്ക് മാത്രമാണോ അവസരം ലഭിക്കുകയെന്നോ ദുബൈ മുനിസിപ്പാലിറ്റി വ്യക്തമാക്കിയിട്ടില്ല

leading gcc entrepreneur;വെറും ഒരു ബാഗ് വസ്ത്രങ്ങളുമായി ദുബൈയിൽ എത്തി: ഇന്ന് ജിസിസിയിലെ പ്രമുഖ വ്യവസായി; തലമുറകൾ കണ്ട അമ്രത് ലാൽ 

leading gcc entrepreneur;ദുബൈ: 52 വർഷങ്ങൾക്ക് മുമ്പ് സ്വർണ്ണത്തിന് ഗ്രാമിന് വെറും 6 ദിർഹം മാത്രം വിലയുണ്ടായിരുന്ന കാലത്ത്, ഒരു ചെറിയ ബാഗ് വസ്ത്രങ്ങളും പാക്കറ്റ് ചിക്കൂ പഴവുമായി ദുബൈയിൽ കാലുകുത്തിയ ഒരു ഇന്ത്യൻ പ്രവാസിയുണ്ട് – അമ്രത് ലാൽ ത്രിഭോവൻ ദാസ്. 1973 ഡിസംബർ 13-ന് മുംബൈയിൽ നിന്ന് എയർ ഇന്ത്യ വിമാനത്തിൽ ദുബൈയിലെത്തിയ ഈ ഗുജറാത്ത് സ്വദേശി ഇന്ന് ഗൾഫ് മേഖലയിലെ പ്രമുഖ സ്വർണ്ണാഭരണ നിർമ്മാണ സ്ഥാപനത്തിന്റെ ഉടമയാണ്.

1,100 രൂപയുടെ വിമാന ടിക്കറ്റ്; അപ്രതീക്ഷിത തുടക്കം

1941-ൽ ഗുജറാത്തിലെ ഉന ഗ്രാമത്തിൽ ജനിച്ച അമ്രത് ലാൽ 1958-ൽ മുംബൈയിലേക്ക് താമസം മാറി, അവിടെ സ്വർണ്ണപ്പണിയിൽ പരിശീലനം നേടി. ഗൾഫിലെ സാധ്യതകളെക്കുറിച്ച് കേട്ടറിഞ്ഞ അദ്ദേഹം ദുബൈയിലേക്ക് പോകാൻ തീരുമാനിച്ചു. കപ്പലിൽ യാത്ര ചെയ്യേണ്ടിയിരുന്നെങ്കിലും, കപ്പലിന് തകരാറ് സംഭവിച്ചതോടെ 1,100 രൂപ മുടക്കി വിമാനത്തിൽ യാത്ര ചെയ്യേണ്ടിവന്നു. അക്കാലത്ത് അതൊരു വലിയ തുകയായിരുന്നു.

“ഞാൻ കപ്പലിൽ പോകേണ്ടതായിരുന്നു. പക്ഷേ കപ്പൽ അപകടത്തിൽപ്പെട്ടു. വിസയുടെ കാലാവധി അവസാനിക്കാറായതിനാൽ വിമാനത്തിൽ പോകുകയല്ലാതെ എനിക്ക് മറ്റ് മാർഗമില്ലായിരുന്നു,” അമ്രത് ലാൽ ആ പഴയ യാത്ര ഓർത്തെടുത്തു.

അമ്രത് ലാൽ ദുബൈയിൽ എത്തുമ്പോൾ ഇന്നത്തേത് പോലെ തിരക്കേറിയ മഹാനഗരമായിരുന്നില്ല ഇവിടം. ദുബൈ ക്രീക്കിന്റെ തീരത്തായിരുന്നു സ്വർണ്ണക്കടകൾ. കൈകൊണ്ട് തുഴയുന്ന അബ്രയ്ക്ക് വെറും 10 ഫിൽസ് ആയിരുന്നു യാത്രാക്കൂലി.

ബർ ദുബൈയിൽ ഏകദേശം പത്ത് സ്വർണ്ണക്കടകളും ദെയ്റയിൽ അതിലും കുറച്ച് കടകളും മാത്രമേ ഉണ്ടായിരുന്നുള്ളൂ. വൈദ്യുതി ലഭിച്ചിരുന്നത് ഒരു തെരുവിൽ മൂന്ന് മണിക്കൂർ മാത്രമാണ്, അത് അടുത്ത തെരുവിലേക്ക് മാറിമാറി പോയിരുന്നു. വൈദ്യുതി വരുമ്പോൾ ഞങ്ങൾ ജോലി ചെയ്യുകയും വൈദ്യുതി പോകുമ്പോൾ വിശ്രമിക്കുകയും ചെയ്യുമായിരുന്നു,” അദ്ദേഹം പഴയകാലത്തെ ദുരിതങ്ങൾ അനുസ്മരിച്ചു

ഷാർജയിലെ വഴിത്തിരിവ്: യോഗേഷ് ജ്വല്ലേഴ്സ്

ദുബൈയിൽ ഷോപ്പ് തുടങ്ങാനുള്ള ശ്രമം പരാജയപ്പെട്ടപ്പോൾ അമ്രത് ലാൽ ഷാർജയിലേക്ക് മാറി. 1970-കളുടെ മധ്യത്തിൽ താമസസ്ഥലത്തുനിന്ന് തന്നെ സ്വർണ്ണപ്പണിക്കാരനായി അദ്ദേഹം ജോലി തുടങ്ങി. 1976-ൽ പുതിയ നിയമങ്ങൾ വന്നതോടെ ട്രേഡ് ലൈസൻസിന് അപേക്ഷിക്കാമെന്നായി. ഇതോടെ ഒരു ബന്ധുവിൻ്റെ നിക്ഷേപം കൂടി ചേർത്ത് അവർ വീട്ടിൽ നിന്ന് ഒരു ചെറിയ ഷോപ്പ് ആരംഭിച്ചു.

1980 ആയപ്പോഴേക്കും ഷാർജയിൽ അദ്ദേഹം തൻ്റെ ആദ്യ കടയായ യോഗേഷ് ജ്വല്ലേഴ്‌സ് തുറന്നു. പിന്നീട് കൂടുതൽ കടകൾ തുറന്നെങ്കിലും, അദ്ദേഹം ശ്രദ്ധ പൂർണ്ണമായും തൻ്റെ വൈദഗ്ധ്യം നിലനിന്നിരുന്ന സ്വർണ്ണാഭരണ നിർമ്മാണത്തിലേക്ക് മാറ്റി

വൈറൽ’ ആയ ആദ്യ വളയുടെ ഡിസൈൻ

ഇറ്റാലിയൻ ശൈലിയിൽ കൈകൊണ്ട് നിർമ്മിച്ച ആദ്യത്തെ വളയാണ് അദ്ദേഹത്തിന്റെ പ്രിയപ്പെട്ട ഓർമ്മകളിലൊന്ന്. “ആദ്യത്തെ ഒരു മാസത്തേക്ക് ആരും അതിനെക്കുറിച്ച് അറിഞ്ഞിരുന്നില്ല. എന്നാൽ രണ്ട് മാസത്തിന് ശേഷം അത് വൈറൽ ആയി. എല്ലാവരും ആ ഡിസൈൻ വാങ്ങാൻ ആഗ്രഹിച്ചു,” അദ്ദേഹം പറഞ്ഞു. ഈ ഡിസൈൻ അദ്ദേഹത്തിന് യുഎഇയിലെ സ്വർണ്ണ സമൂഹത്തിൽ വിശ്വസ്തനായ കരകൗശല വിദഗ്ധൻ എന്ന പദവി നേടിക്കൊടുത്തു.

ഒമ്പത് തലമുറകളുടെ പാരമ്പര്യം

അമ്രത് ലാൽ സ്വർണ്ണപ്പണിക്കാരുടെ എട്ടാം തലമുറയെയാണ് പ്രതിനിധീകരിക്കുന്നത്. അദ്ദേഹത്തിന്റെ മകനും ചെറുമകനും ഇന്ന് ഈ പാരമ്പര്യം തുടരുന്നു. 1975-ൽ അദ്ദേഹത്തിൻ്റെ കുടുംബം യുഎഇയിൽ എത്തിച്ചേർന്നു, അന്ന് റെസിഡൻസി വിസയ്ക്ക് വെറും 10 ദിർഹം മാത്രമായിരുന്നു വില. ഇന്ന്, അമ്രത് ലാലിന്റെ സ്ഥാപനം പ്രതിമാസം ഏകദേശം 150 കിലോ സ്വർണ്ണാഭരണങ്ങൾ ഉത്പാദിപ്പിക്കുകയും ജിസിസിയിലുടനീളമുള്ള ക്ലയന്റുകൾക്ക് വിതരണം ചെയ്യുകയും ചെയ്യുന്നു. 85 തൊഴിലാളികളാണ് ഇപ്പോൾ അദ്ദേഹത്തിൻ്റെ യൂണിറ്റിൽ ജോലി ചെയ്യുന്നത്.

“ദുബൈയിൽ വന്നപ്പോൾ എൻ്റെ ആദ്യത്തെ സ്വപ്നം ഒരു റാഡോ വാച്ച് വാങ്ങുക എന്നതായിരുന്നു,” അമ്രത് ലാൽ പറഞ്ഞു. ആറ് വർഷമെടുത്തു അദ്ദേഹത്തിന്റെ ആ സ്വപ്നം സഫലമാവാൻ

Qatar cruise destination : ക്രൂയിസുകൾക്ക് പ്രിയപ്പെട്ട ഇടമായി ഖത്തർ ; ക്രൂയിസ് ഡെസ്റ്റിനേഷൻ ഓഫ് ദി ഇയർ അവാർഡ് ഖത്തറിന്

Qatar cruise destination : ലണ്ടൻ: 2025 വേവ് അവാർഡിൽ ഖത്തർ ‘ക്രൂയിസ് ഡെസ്റ്റിനേഷൻ ഓഫ് ദി ഇയർ’ പുരസ്കാരം നേടി. യുകെയിലെ പ്രമുഖ ക്രൂയിസ്-യാത്രാ അവാർഡ് പരിപാടിയായ വേവ് അവാർഡുകളുടെ ചടങ്ങ് നവംബർ 26-ന് ലണ്ടനിൽ നടന്നു.

വേൾഡ് ഓഫ് ക്രൂയിസിംഗ് മാസികയുടെ വായനക്കാരുടെ വോട്ടെടുപ്പിന്റെ അടിസ്ഥാനത്തിലാണ് ഖത്തർ ഈ പുരസ്കാരം കരസ്ഥമാക്കിയത്. നോർവേ, ബാർബഡോസ്, ഗ്രീസ്, അലാസ്ക, അന്റാർട്ടിക്ക, കാനറി ദ്വീപുകൾ എന്നിവയ്‌ക്കൊപ്പം ഷോർട്ട്‌ലിസ്റ്റിലുണ്ടായിരുന്ന ഏഴ് ലക്ഷ്യസ്ഥാനങ്ങളിൽ ഖത്തർ മുന്നിലെത്തി.

ഖത്തർ ടൂറിസത്തിലെ ടൂറിസം വികസന മേധാവി ഒമർ അബ്ദുൽറഹ്മാൻ അൽ ജാബർ പ്രതികരിക്കവെ പറഞ്ഞു:
“ഈ അവാർഡ് ഖത്തറിന്റെ വളരുന്ന ക്രൂയിസ് ടൂറിസം ശക്തിയെ തെളിയിക്കുന്നു. മികച്ച അടിസ്ഥാന സൗകര്യങ്ങളും സാംസ്കാരിക-സമുദ്ര അനുഭവങ്ങളും ഖത്തറിനെ അന്താരാഷ്ട്ര ക്രൂയിസ് മാപ്പിലെ പ്രധാന കേന്ദ്രമാക്കി.”

അതേസമയം, ദോഹ ഓൾഡ് പോർട്ടിലെ ക്രൂയിസ് ടെർമിനലിലേക്ക് എം‌എസ്‌സി യൂറിബിയ എത്തിയതോടെ 2025/2026 പുതിയ ക്രൂയിസ് സീസൺ ഖത്തർ ആരംഭിച്ചതായി അധികൃതർ അറിയിച്ചു. നവംബർ മുതൽ മെയ് വരെ നീളുന്ന സീസണിൽ 72 ക്രൂയിസ് കപ്പലുകൾ ഖത്തറിലെത്തും, അതിൽ 40 ഹ്രസ്വ സ്റ്റോപ്പുകളും 15 റൗണ്ട് ട്രിപ്പുകളും 3 കന്നി യാത്രകളും ഉൾപ്പെടുന്നു.