Singer Nisar Wayanad Dies in Dubai ദുബൈ: പ്രശസ്ത ഗായകനും കലാകാരനുമായ നിസാർ വയനാട് ദുബൈയിൽ അന്തരിച്ചു. നിലവിൽ ദുബൈ ദേര മങ്കൂൽ ആസ്റ്റർ ഹോസ്പിറ്റലിലാണ് മയ്യിത്ത് സൂക്ഷിച്ചിരിക്കുന്നത്. വയനാട് കമ്പളക്കാട് സ്വദേശിയാണ്. കലാപരിപാടികളുടെ ഭാഗമായി ഏതാനും ദിവസങ്ങളായി ദുബൈയിലായിരുന്നു. ഹൃദയാഘാതത്തെ തുടർന്നാണ് മരണമെന്നാണ് വിവരം.

APPLY NOW FOR THE LATEST VACANCIES

UAE Corporate Tax Return Deadline: September 30 യുഎഇ കോർപറേറ്റ് ടാക്സ്; സെപ്റ്റംബർ 30ന് മുമ്പ് റിട്ടേൺ സമർപ്പിക്കണം,വൈകിയാൽ കനത്ത പിഴ

UAE Drisya Staff Editor — September 5, 2026 · 0 Comment

UAE Corporate Tax Return Deadline: September 30 ദുബൈ: യുഎഇയിൽ കോർപറേറ്റ് ടാക്സ് റിട്ടേൺ സമർപ്പിക്കുന്നതിനും ബാധകമായ നികുതി അടയ്ക്കുന്നതിനുമുള്ള അവസാന തീയതി സെപ്റ്റംബർ 30 ആണെന്ന് ഫെഡറൽ ടാക്സ് അതോറിറ്റി (FTA) അറിയിച്ചു. 2025 ഡിസംബർ 31ന് സാമ്പത്തിക വർഷം അവസാനിച്ച ബിസിനസ് സ്ഥാപനങ്ങൾക്കാണ് ഈ സമയപരിധി ബാധകമാകുന്നത്.

APPLY NOW FOR THE LATEST VACANCIES

യുഎഇയിലെ നികുതി നിയമപ്രകാരം, സാമ്പത്തിക വർഷം അവസാനിച്ച് ഒമ്പത് മാസത്തിനകം കോർപറേറ്റ് ടാക്സ് റിട്ടേൺ സമർപ്പിക്കുകയും നികുതി ബാധ്യത തീർപ്പാക്കുകയും വേണം.

നിശ്ചിത സമയപരിധിക്കുള്ളിൽ റിട്ടേൺ സമർപ്പിക്കുകയോ നികുതി അടയ്ക്കുകയോ ചെയ്യാത്ത സ്ഥാപനങ്ങൾക്കെതിരെ സാമ്പത്തിക പിഴ ഉൾപ്പെടെയുള്ള നടപടികൾ സ്വീകരിക്കുമെന്ന് അതോറിറ്റി മുന്നറിയിപ്പ് നൽകി.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

റിട്ടേണിൽ തെറ്റായ വിവരങ്ങൾ നൽകുന്നതും നിയമപരമായ ബാധ്യതകൾ പാലിക്കുന്നതിൽ വീഴ്ച വരുത്തുന്നതും പിഴയ്ക്ക് കാരണമാകുമെന്നും ഫെഡറൽ ടാക്സ് അതോറിറ്റി വ്യക്തമാക്കി. അതിനാൽ ബന്ധപ്പെട്ട സ്ഥാപനങ്ങൾ അവസാന തീയതിക്ക് മുമ്പായി നികുതി നടപടികൾ പൂർത്തിയാക്കണമെന്ന് അധികൃതർ നിർദേശിച്ചു.

Unpaid School Fees: Father Ordered to Payകുട്ടികളുടെ സ്കൂൾ ഫീസിൽ കുടിശ്ശിക; ശിക്ഷയായി പിതാവ് തിരിച്ചടക്കേണ്ടത് വൻ തുക,വിധി അബുദബി കോടതിയുടേത്

UAE Drisya Staff Editor — September 5, 2026 · 0 Comment

Unpaid School Fees: Father Ordered to Pay അബുദബി: കുട്ടികളുടെ സ്വകാര്യ സ്കൂൾ ഫീസ് കുടിശ്ശിക വരുത്തിയ കേസിൽ പിതാവിനോട് 1,97,680 ദിർഹം അടയ്ക്കാൻ അബുദബി കൊമേഴ്‌സ്യൽ കോടതി ഉത്തരവിട്ടു. ഇതിന് പുറമെ, മടങ്ങിയ ചെക്ക് നൽകിയ ബാങ്ക് അക്കൗണ്ടിന്റെ ഉടമയായ സ്ത്രീ 1,42,800 ദിർഹത്തിന്റെ ബാധ്യതയിൽ പിതാവിനൊപ്പം സംയുക്ത ഉത്തരവാദിയായിരിക്കുമെന്നും കോടതി വ്യക്തമാക്കി. ഇരുവരും ചേർന്ന് സ്കൂളിന് 3,000 ദിർഹം നഷ്ടപരിഹാരവും നൽകണം.

കോടതി രേഖകൾ പ്രകാരം, സ്വകാര്യ സ്കൂളിൽ പഠിക്കുന്ന കുട്ടികളുടെ ട്യൂഷൻ ഫീസ് കൃത്യസമയത്ത് അടയ്ക്കുന്നതിൽ പിതാവ് വീഴ്ച വരുത്തുകയായിരുന്നു. തുടർന്ന് കുടിശ്ശിക തുകയുടെ ഒരു ഭാഗം നൽകുന്നതിനായി സ്കൂളിന് ചെക്ക് കൈമാറി. എന്നാൽ ബാങ്കിൽ സമർപ്പിച്ച ചെക്ക് പണമില്ലാത്തതിനാൽ മടങ്ങുകയായിരുന്നു.

APPLY NOW FOR THE LATEST VACANCIES

തുടർന്നുള്ള പരിശോധനയിലാണ് ചെക്ക് കേസിൽ ഉൾപ്പെട്ട സ്ത്രീയുടെ ബാങ്ക് അക്കൗണ്ടിൽ നിന്നാണ് നൽകിയതെന്ന് വ്യക്തമായത്. ഇതോടെ കുടിശ്ശിക ഫീസും നഷ്ടപരിഹാരവും ഈടാക്കുന്നതിനായി സ്കൂൾ മാനേജ്‌മെന്റ് കോടതിയെ സമീപിച്ചു.

അക്കൗണ്ട് സ്റ്റേറ്റ്‌മെന്റുകൾ, മടങ്ങിയ ചെക്കിന്റെ പകർപ്പ്, മുൻ ക്രിമിനൽ കേസിലെ വിധിയുടെ പകർപ്പ് എന്നിവ ഉൾപ്പെടെയുള്ള രേഖകൾ സ്കൂൾ കോടതിയിൽ തെളിവായി സമർപ്പിച്ചു.

കേസിൽ തനിക്ക് പങ്കില്ലെന്നും ചെക്ക് നൽകിയ അക്കൗണ്ട് തന്റേതല്ലെന്നുമുള്ള സ്ത്രീയുടെ വാദം കോടതി അംഗീകരിച്ചില്ല. സ്വന്തം ബാങ്ക് അക്കൗണ്ടിൽ നിന്നാണ് ചെക്ക് നൽകിയതെന്നും തുക അടച്ചതായി തെളിയിക്കുന്ന രേഖകൾ ഹാജരാക്കാൻ സാധിച്ചില്ലെന്നും ചൂണ്ടിക്കാട്ടിയാണ് കോടതി ഉത്തരവാദിത്തം നിശ്ചയിച്ചത്.

അതേസമയം, കുട്ടികളുടെ സ്കൂൾ ഫീസ് പൂർണമായി അടച്ചുതീർത്തതായി തെളിയിക്കുന്ന രേഖകൾ പിതാവിനും ഹാജരാക്കാൻ കഴിഞ്ഞില്ല. ഇതോടെയാണ് കുടിശ്ശികയായി കണക്കാക്കിയ 1,97,680 ദിർഹം പിതാവ് അടയ്ക്കണമെന്ന് കോടതി ഉത്തരവിട്ടത്. ഇതിൽ 1,42,800 ദിർഹം ചെക്ക് തുകയുമായി ബന്ധപ്പെട്ട ബാധ്യതയിൽ സ്ത്രീയും പിതാവിനൊപ്പം സംയുക്തമായി ഉത്തരവാദിയായിരിക്കും. ഇതിന് പുറമെ, സ്കൂളിന് 3,000 ദിർഹം നഷ്ടപരിഹാരം, കോടതിച്ചെലവുകൾ, 200 ദിർഹം നിയമപരമായ ഫീസ് എന്നിവയും ഇരുവരും സംയുക്തമായി വഹിക്കണമെന്നും കോടതി വിധിച്ചു.

വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

Mammootty Sharjah show : ഇന്ത്യൻ സിനിമയിലെ ഇതിഹാസ നടൻ, മമ്മൂട്ടിയുടെ അഞ്ച് പതിറ്റാണ്ട് നീണ്ട സിനിമാ യാത്ര ആഘോഷിക്കാൻ ഷാർജയിൽ ‘രാജകീയ’ ഷോ; ടിക്കറ്റ് 50 ദിർഹം മുതൽ

UAE Greeshma Staff Editor — September 5, 2026 · 0 Comment

Mammootty Sharjah show ഷാർജ: ഇന്ത്യൻ സിനിമയിലെ ഇതിഹാസ നടൻ മമ്മൂട്ടിയുടെ അഞ്ച് പതിറ്റാണ്ട് നീണ്ട സിനിമാ ജീവിതം ആഘോഷിക്കാൻ ഷാർജയിൽ പ്രത്യേക പരിപാടി. സെപ്റ്റംബർ 12ന് ഷാർജ എക്സ്പോ സെന്ററിൽ നടക്കുന്ന ‘രാജകീയ’ ഷോയിൽ മമ്മൂട്ടിക്കൊപ്പം നിരവധി പ്രമുഖ താരങ്ങളും ഗായകരും സംഗീതജ്ഞരും വേദിയിലെത്തും.

APPLY NOW FOR THE LATEST VACANCIES

മലയാള സിനിമയുടെ അഭിമാനമായ മമ്മൂട്ടിക്ക് ഈ വർഷം പത്മഭൂഷൺ ലഭിച്ചിരുന്നു. രാജ്യത്തെ പ്രമുഖ സിവിലിയൻ ബഹുമതികളിലൊന്നായ പത്മഭൂഷൺ ഉൾപ്പെടെ നിരവധി പുരസ്കാരങ്ങളാണ് അദ്ദേഹത്തെ തേടിയെത്തിയത്. 400-ലധികം സിനിമകളിൽ അഭിനയിച്ച മമ്മൂട്ടി മൂന്ന് തവണ ദേശീയ ചലച്ചിത്ര അവാർഡ് നേടിയിട്ടുണ്ട്. നിരവധി കേരള സംസ്ഥാന ചലച്ചിത്ര പുരസ്കാരങ്ങളും അദ്ദേഹത്തിന് ലഭിച്ചിട്ടുണ്ട്.

അഞ്ച് പതിറ്റാണ്ടുകളായി ഇന്ത്യൻ സിനിമയിൽ സജീവമായ മമ്മൂട്ടിയുടെ അഭിനയ ജീവിതത്തിനുള്ള ആദരവായാണ് ഷാർജയിലെ പരിപാടി സംഘടിപ്പിക്കുന്നത്. സെലിബ്രിറ്റികൾ, പിന്നണി ഗായകർ, സംഗീതജ്ഞർ എന്നിവർ മമ്മൂട്ടിയോടൊപ്പം വേദിയിലെത്തി അദ്ദേഹത്തിന്റെ സിനിമാ പാരമ്പര്യത്തിന് ആദരമർപ്പിക്കും.

പരിപാടിയുടെ ലൈനപ്പിൽ നിരവധി പ്രമുഖരുടെ പേരുകളാണ് ഉൾപ്പെടുത്തിയിരിക്കുന്നത്. ഹരിഹരൻ, അടൂർ ഗോപാലകൃഷ്ണൻ, സിദ്ദിഖ്, സ്റ്റീഫൻ ദേവസ്സി, മധു ബാലകൃഷ്ണൻ, അരവിന്ദ് വേണുഗോപാൽ, നിത്യ മാമ്മൻ, അനുശ്രീ അനിൽ കുമാർ, രമ്യ നമ്പീശൻ, ജ്യോത്സ്ന രാധാകൃഷ്ണൻ, അനു സിത്താര, രമേശ് പിഷാരടി, മിഥുൻ രമേശ് എന്നിവരാണ് പരിപാടിയിൽ പങ്കെടുക്കുന്നത്.

സെപ്റ്റംബർ 12ന് ഷാർജയിൽ

സെപ്റ്റംബർ 12ന് വൈകിട്ട് 6.30നാണ് ‘രാജകീയ’ ഷോ ആരംഭിക്കുക. വൈകിട്ട് 4 മണിക്ക് വേദിയുടെ വാതിലുകൾ തുറക്കും. പ്ലാറ്റിനംലിസ്റ്റിൽ ലഭിക്കുന്ന ടിക്കറ്റുകൾ റിസർവ് ചെയ്യാത്ത സീറ്റുകളാണ് വാഗ്ദാനം ചെയ്യുന്നത്.

ടിക്കറ്റ് നിരക്കുകൾ 50 ദിർഹത്തിൽ ആരംഭിച്ച് 1,000 ദിർഹം വരെയാണ്.