വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

Iran Earthquake:(ദുബായ്): തെക്കൻ ഇറാനിൽ ഞായറാഴ്ച രാവിലെ ശക്തമായ ഭൂചലനം അനുഭവപ്പെട്ടു. റിക്ടർ സ്കെയിലിൽ 5.3 തീവ്രതയാണ് രേഖപ്പെടുത്തിയത്. എന്നാൽ ഈ ഭൂചലനം യുഎഇയെ ബാധിച്ചിട്ടില്ലെന്ന് ദേശീയ കാലാവസ്ഥാ നിരീക്ഷണ കേന്ദ്രം (NCM) ഔദ്യോഗികമായി അറിയിച്ചു.

യുഎഇ സമയം ഇന്ന് (ഞായർ) രാവിലെ 8:11-നായിരുന്നു ഭൂചലനം രേഖപ്പെടുത്തിയത്. ഭൗമോപരിതലത്തിൽ നിന്ന് 10 കിലോമീറ്റർ ആഴത്തിലാണ് ഇതിന്റെ പ്രഭവകേന്ദ്രം.

ഇറാനിൽ ഭൂചലനം ഉണ്ടായെങ്കിലും യുഎഇയിൽ ഇതിന്റെ പ്രത്യാഘാതങ്ങൾ ഒന്നും തന്നെ ഉണ്ടായിട്ടില്ലെന്നും, കെട്ടിടങ്ങൾക്കോ ജനങ്ങൾക്കോ നാശനഷ്ടങ്ങൾ റിപ്പോർട്ട് ചെയ്തിട്ടില്ലെന്നും അധികൃതർ വ്യക്തമാക്കി. ഇറാനിലുണ്ടാകുന്ന ഭൂചലനങ്ങളുടെ പ്രകമ്പനം സാധാരണയായി യുഎഇയുടെ വടക്കൻ മേഖലകളിൽ അനുഭവപ്പെടാറുണ്ടെങ്കിലും, ഇത്തവണ അത്തരം റിപ്പോർട്ടുകളൊന്നും ലഭിച്ചിട്ടില്ല. ജനങ്ങൾ ആശങ്കപ്പെടേണ്ട സാഹചര്യമില്ലെന്ന് എൻസിഎം (NCM) പ്രസ്താവനയിൽ അറിയിച്ചു.

Ramadan Offers; ഓഫർ ഓഫർ ഓഫർ!!! യുഎഇയിൽ റമദാൻ ഷോപ്പിംഗ് അടിച്ചുപൊളിക്കാം;ഒരു ദിർഹം മുതൽ വില,ഉൽപ്പന്നങ്ങൾക്ക് 70 ശതമാനം വരെ ഓഫറുകൾ

Ramadan Offers; ദുബൈ: വിശുദ്ധ റമദാൻ മാസത്തിന് മുന്നോടിയായി യുഎഇയിലെ പ്രമുഖ റീട്ടെയിൽ സ്ഥാപനങ്ങൾ വൻതോതിലുള്ള വിലക്കിഴിവ് പ്രഖ്യാപിച്ചു. ആയിരക്കണക്കിന് ഉൽപ്പന്നങ്ങൾക്ക് 70 ശതമാനം വരെ ഇളവുകളാണ് പ്രഖ്യാപിച്ചിരിക്കുന്നത്. ചില ഉൽപ്പന്നങ്ങൾക്ക് ഒരു ദിർഹം മുതലാണ് വില ആരംഭിക്കുന്നത്.

ഫെബ്രുവരി 18-നോ 19-നോ റമദാൻ വ്രതാരംഭം കുറിക്കുമെന്നാണ് പ്രതീക്ഷിക്കുന്നത്. ഇതിന് മുന്നോടിയായി ഭക്ഷണപദാർത്ഥങ്ങൾ, വീട്ടുപകരണങ്ങൾ, ഇലക്ട്രോണിക്സ്, വസ്ത്രങ്ങൾ എന്നിവയ്ക്കാണ് ഓഫറുകൾ നൽകുന്നത്.

പ്രധാന ഓഫറുകൾ ഇങ്ങനെ:

* അബുദാബി കോഓപ്പറേറ്റീവ് സൊസൈറ്റി (ADCOOP): 4,000-ത്തിലധികം ഉൽപ്പന്നങ്ങൾക്ക് 60 ശതമാനം വരെ ഇളവ് നൽകാനായി 20 ദശലക്ഷം ദിർഹത്തിന്റെ ക്യാമ്പയിനാണ് ഇവർ ഒരുക്കിയിരിക്കുന്നത്. 99 ദിർഹം, 149 ദിർഹം നിരക്കുകളിൽ റമദാൻ എസൻഷ്യൽ ബോക്സുകളും ലഭ്യമാക്കും. കൂടാതെ 30,000 ഇഫ്താർ മീലുകളും വിതരണം ചെയ്യും.

* ലുലു ഹൈപ്പർമാർക്കറ്റ്: 5,500-ലധികം ഉൽപ്പന്നങ്ങൾക്ക് 65 ശതമാനം വരെ ഇളവ് ലുലു പ്രഖ്യാപിച്ചു. കൂടാതെ 300 അത്യാവശ്യ സാധനങ്ങൾക്ക് വിലക്കയറ്റം ഉണ്ടാകാത്ത വിധം ‘പ്രൈസ് ഫ്രീസ്’ (Price Freeze) ഏർപ്പെടുത്തിയിട്ടുണ്ട്. ഡേറ്റ്സ് ഫെസ്റ്റിവൽ, ഹെൽത്തി റമദാൻ തുടങ്ങിയ പ്രത്യേക പദ്ധതികളും ലുലുവിനുണ്ട്.

* അൽ മായ സൂപ്പർമാർക്കറ്റ്: തിരഞ്ഞെടുത്ത ഉൽപ്പന്നങ്ങൾക്ക് 25 മുതൽ 40 ശതമാനം വരെ ഇളവ് നൽകും. റമദാൻ കാലത്ത് രാത്രികാലങ്ങളിൽ ഉപഭോക്താക്കളുടെ തിരക്ക് വർദ്ധിക്കുന്നത് പരിഗണിച്ച് ‘മിഡ്‌നൈറ്റ് ഡിസ്കൗണ്ട്’ പദ്ധതിയും ഇവർ അവതരിപ്പിച്ചിട്ടുണ്ട്.

* ഓൺലൈൻ പ്ലാറ്റ്‌ഫോമുകൾ: പ്രമുഖ ഓൺലൈൻ വ്യാപാര സൈറ്റായ ‘നൂൺ’ (Noon) 70 ശതമാനം വരെ ഇളവ് പ്രഖ്യാപിച്ചു. നിത്യോപയോഗ സാധനങ്ങൾ ഒരു ദിർഹം മുതൽ ലഭ്യമാകും. ‘ആമസോൺ’ (Amazon) ഫെബ്രുവരി 14 വരെ വൻ വിലക്കിഴിവ് വാഗ്ദാനം ചെയ്യുന്നു. ബാങ്ക് കാർഡുകൾ ഉപയോഗിക്കുന്നവർക്ക് അധിക ഡിസ്കൗണ്ടുകളും ആമസോൺ നൽകുന്നുണ്ട്.

റമദാൻ കാലത്ത് കുടുംബങ്ങൾക്ക് സാമ്പത്തിക ഭാരം കുറയ്ക്കുന്നതിനും മിതമായ നിരക്കിൽ ഗുണമേന്മയുള്ള സാധനങ്ങൾ ലഭ്യമാക്കുന്നതിനുമാണ് ഈ പദ്ധതിയെന്ന് വിവിധ റീട്ടെയിൽ ഗ്രൂപ്പുകളുടെ മേധാവികൾ അറിയിച്ചു. സൂപ്പർമാർക്കറ്റുകൾക്ക് പുറമെ ഓൺലൈൻ പ്ലാറ്റ്‌ഫോമുകളും വൻതോതിലുള്ള ഓഫറുകളുമായി രംഗത്തുള്ളത് പ്രവാസികൾക്കും സ്വദേശികൾക്കും ഒരുപോലെ ആശ്വാസമാകും.