Dubai rent:

ദുബായ്: ദുബായിൽ താമസിക്കുന്ന പ്രവാസികൾക്കും മറ്റ് വാടകക്കാർക്കും വലിയ ആശ്വാസമായി ദുബായ് ലാൻഡ് ഡിപ്പാർട്ട്‌മെന്റിന്റെ ‘സ്മാർട്ട് റെന്റൽ ഇൻഡക്സ്’ (Smart Rental Index). കെട്ടിടങ്ങളുടെ ഗുണനിലവാരവും സൗകര്യങ്ങളും കൃത്യമായി വിലയിരുത്തി തയ്യാറാക്കിയ ഈ ഔദ്യോഗിക സംവിധാനം നിലവിൽ വന്നതോടെ, വാടക പുതുക്കുമ്പോൾ തോന്നിയപോലെ തുക വർദ്ധിപ്പിക്കുന്ന ഉടമകളുടെ രീതിക്ക് തടയിടാൻ വാടകക്കാർക്ക് സാധിക്കുന്നു

അൽ ഖൂസിൽ താമസിക്കുന്ന ജാസിം മുഹമ്മദ് എന്ന വാടകക്കാരന്റെ അനുഭവം ഇതിന് ഉദാഹരണമാണ്. നിലവിൽ 56,700 ദിർഹം വാടക നൽകുന്ന അദ്ദേഹത്തോട് ഉടമ 63,000 ദിർഹമായി തുക ഉയർത്താൻ ആവശ്യപ്പെട്ടു. എന്നാൽ ജാസിം സ്മാർട്ട് റെന്റൽ ഇൻഡക്സ് പരിശോധിച്ചപ്പോൾ ആ കെട്ടിടത്തിൽ വാടക കൂട്ടാൻ അനുമതിയില്ലെന്ന് കണ്ടെത്തി. ഈ വിവരം ഉടമയെ അറിയിച്ചതോടെ ഉടൻ തന്നെ വാടക പഴയ തുകയിൽ തന്നെ നിലനിർത്താൻ ഉടമ തയ്യാറായി.

സ്മാർട്ട് ഇൻഡക്സിന്റെ പ്രത്യേകതകൾ:

കെട്ടിടത്തിന്റെ അറ്റകുറ്റപ്പണി, പാർക്കിംഗ് സൗകര്യം, ക്ലീൻലിനസ്, സ്ഥലം എന്നിവയെല്ലാം പരിഗണിച്ചാണ് ഇൻഡക്സ് തയ്യാറാക്കിയിരിക്കുന്നത്. വിപണിയിലെ ശരാശരി വാടകയും നിലവിലെ വാടകയും തമ്മിലുള്ള വ്യത്യാസം നോക്കിയാണ് വർദ്ധനവ് തീരുമാനിക്കുന്നത്. ഇത് ചിലപ്പോൾ 0 ശതമാനം മുതൽ പരമാവധി 20 ശതമാനം വരെയാകാം.

റിയൽ എസ്റ്റേറ്റ് വിദഗ്ധരുടെ അഭിപ്രായത്തിൽ, സ്മാർട്ട് ഇൻഡക്സ് വന്നതോടെ വാടകക്കാരും ഉടമകളും തമ്മിലുള്ള തർക്കങ്ങൾ കുറയുകയും സുതാര്യത വർദ്ധിക്കുകയും ചെയ്തിട്ടുണ്ട്. ദുബായ് മറീന പോലുള്ള ഉയർന്ന ഡിമാൻഡുള്ള സ്ഥലങ്ങളിൽ പോലും വാടക പുതുക്കുമ്പോൾ ഇൻഡക്സ് പ്രകാരം തുക കുറഞ്ഞ സംഭവങ്ങളുണ്ട്. 2026-ൽ ദുബായിലെ വാടകയിൽ നേരിയ വർദ്ധനവ് പ്രതീക്ഷിക്കുന്നുണ്ടെങ്കിലും, സ്മാർട്ട് ഇൻഡക്സ് ഉപയോഗിക്കുന്നതിലൂടെ നിലവിലുള്ള വാടകക്കാർക്ക് അനാവശ്യമായ വർദ്ധനവിൽ നിന്ന് രക്ഷപ്പെടാം.

വാടക പുതുക്കുന്നതിന് മുൻപ് ദുബായ് ലാൻഡ് ഡിപ്പാർട്ട്‌മെന്റിന്റെ ഔദ്യോഗിക വെബ്സൈറ്റോ ആപ്പോ വഴി ഇൻഡക്സ് പരിശോധിച്ച് കൃത്യമായ വിവരങ്ങൾ ശേഖരിക്കാൻ വാടകക്കാർ ശ്രദ്ധിക്കണമെന്ന് അധികൃതർ നിർദ്ദേശിക്കുന്നു

യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക 

child dies in car accident;അബുദാബി ഷഹാമയ്ക്ക് സമീപമുണ്ടായ വാഹനാപകടം : ഒരു കുട്ടി കൂടി മരിച്ചു

child dies in car accident;അബുദാബി ഷഹാമയ്ക്ക് സമീപം മലയാളി കുടുംബം സഞ്ചരിച്ച വാഹനം മറിഞ്ഞുണ്ടായ അപകടത്തിൽ ഗുരുതരമായി പരിക്കേറ്റ് ചികിത്സയിലായിരുന്ന ഒരു കുട്ടി കൂടി ഇന്ന് മരിച്ചു.

മലപ്പുറം തിരൂർ തൃപ്പനച്ചി കിഴിശ്ശേരി പുളിയക്കോട് സ്വദേശി അബ്ദുൽ ലത്തീഫിന്റെയും ഭാര്യ വടകര കുന്നുമ്മക്കര സ്വദേശി റുക്‌സാനയുടെയും മകൻ അസ്സാം (8) ആണ് മരിച്ചത്. മറ്റ് മക്കളായ അഷസ് (14), അമ്മാർ (12), അയാഷ് (5) എന്നിവരും ഇവരുടെ വീട്ടിൽ സഹായത്തിനുണ്ടായിരുന്ന തിരൂർ ചമ്രവട്ടം സ്വദേശി ബുഷ്റയും കഴിഞ്ഞ ദിവസം മരിച്ചിരുന്നു.

Air India Express excess baggage offer പുതുവർഷ യാത്രക്കാർക്ക് ആശ്വാസം: ഗൾഫ്–ഇന്ത്യ യാത്രയ്ക്ക് എയർ ഇന്ത്യ എക്സ്പ്രസിന്റെ കുറഞ്ഞ നിരക്കിൽ അധിക ലഗേജ് ഓഫർ

Air India Express excess baggage offer പുതുവർഷ അവധിക്കാലത്തിന് ശേഷം ഗൾഫ് രാജ്യങ്ങളിൽ നിന്ന് ഇന്ത്യയിലേക്ക് മടങ്ങുന്ന പ്രവാസികൾക്ക് ആശ്വാസ വാർത്തയുമായി എയർ ഇന്ത്യ എക്സ്പ്രസ്. കുറഞ്ഞ നിരക്കിൽ അധിക ലഗേജ് (Excess Baggage) കൊണ്ടുപോകാൻ സഹായിക്കുന്ന പ്രത്യേകവും പരിമിതകാലവുമായ ഓഫറാണ് വിമാനക്കമ്പനി പ്രഖ്യാപിച്ചിരിക്കുന്നത്.

യു.എ.ഇ, ഖത്തർ, സൗദി അറേബ്യ, ഒമാൻ, കുവൈറ്റ്, ബഹ്‌റൈൻ എന്നിവിടങ്ങളിൽ നിന്ന് ഇന്ത്യയിലേക്ക് യാത്ര ചെയ്യുന്ന എല്ലാ യാത്രക്കാർക്കും ഈ ആനുകൂല്യം പ്രയോജനപ്പെടുത്താം. വിമാനത്താവളങ്ങളിൽ അധിക ലഗേജിന് ഈടാക്കുന്ന ഉയർന്ന നിരക്കുകൾ ഒഴിവാക്കി വലിയ സാമ്പത്തിക ലാഭം നേടാനാണ് ഈ പദ്ധതി ലക്ഷ്യമിടുന്നത്.

ഓഫറിന്റെ പ്രധാന ആനുകൂല്യങ്ങൾ

ഈ പ്രത്യേക ഓഫറിലൂടെ യാത്രക്കാർക്ക് 5 കിലോ അല്ലെങ്കിൽ 10 കിലോ അധിക ലഗേജ് മുൻകൂട്ടി ബുക്ക് ചെയ്യാനുള്ള സൗകര്യം ലഭിക്കും. സാധാരണയായി വിമാനത്താവളത്തിൽ നൽകേണ്ടിവരുന്ന അമിത ചെലവ് ഒഴിവാക്കി വളരെ കുറഞ്ഞ നിരക്കിൽ അധിക ലഗേജ് ഉറപ്പാക്കാൻ ഇതിലൂടെ കഴിയും.

മിക്ക എയർ ഇന്ത്യ എക്സ്പ്രസ് ഫെയറുകളിലും നിലവിൽ അനുവദിച്ചിരിക്കുന്ന 30 കിലോ ലഗേജിന് പുറമെ 10 കിലോ കൂടി ചേർക്കുന്നതോടെ, യാത്രക്കാർക്ക് ആകെ 40 കിലോ വരെ ലഗേജ് ഇന്ത്യയിലേക്ക് കൊണ്ടുപോകാൻ സാധിക്കും.

---

ബുക്കിംഗ്, യാത്രാ കാലാവധി

• ബുക്കിംഗ് കാലാവധി:
  2026 ജനുവരി 31 വരെ ടിക്കറ്റ് ബുക്ക് ചെയ്യുന്നവർക്ക് ഈ ഓഫർ ലഭ്യമാണ്.
• യാത്രാ കാലാവധി:
  2026 ജനുവരി 16 മുതൽ മാർച്ച് 10 വരെ യാത്ര ചെയ്യുന്നവർക്കാണ് ഈ ഇളവ് ബാധകമാകുന്നത്.

രാജ്യം തിരിച്ചുള്ള അധിക ലഗേജ് നിരക്കുകൾ

(5 കിലോ / 10 കിലോ സ്ലാബുകൾക്ക് – വളരെ കുറഞ്ഞ നിരക്കിൽ)

• യു.എ.ഇ (UAE): AED 2
• ഖത്തർ (Qatar): QR 2
• സൗദി അറേബ്യ (Saudi Arabia): SAR 2
• ഒമാൻ (Oman): OMR 0.2
• കുവൈറ്റ് (Kuwait): KWD 0.2
• ബഹ്‌റൈൻ

യുഎഇയിൽ ഇന്ന് മഴയ്ക്ക് സാധ്യത; ജനുവരി 8 വരെ അസ്ഥിര കാലാവസ്ഥയെന്ന് പ്രവചനം;മറ്റ് കാലാവസ്ഥ മുന്നറിയിപ്പ് ശ്രദ്ധിക്കുക

UAE Nazia Staff Editor — January 5, 2026 · 0 Comment

Weather alert in uae; അബുദാബി: യുഎഇയിൽ ഇന്ന് മഴയ്ക്ക് സാധ്യത. വടക്കൻ മേഖലയിൽ നേരിയ മഴ പ്രതീക്ഷിക്കാമെന്നാണ് കാലാവസ്ഥ പ്രവചനം. ആകാശം ഭാഗികമായി മേഘാവൃതം ആയിരിക്കും. ചില വടക്കൻ, കിഴക്കൻ പ്രദേശങ്ങളിൽ താഴ്ന്ന മേഘങ്ങൾ രൂപപ്പെടും. അബുദാബിയിലും ദുബായിലും കുറഞ്ഞ താപനില 19 ഡിഗ്രി സെൽഷ്യസ് ആയിരിക്കും.

ചില ഉൾപ്രദേശങ്ങളിലും പടിഞ്ഞാറൻ തീരപ്രദേശങ്ങളിലും രാത്രിയിലും ചൊവ്വാഴ്ച രാവിലെയും ഈർപ്പം ഉയരാൻ സാധ്യതയുണ്ട്. വടക്ക് പടിഞ്ഞാറ് മുതൽ വടക്ക് കിഴക്ക് വരെ നേരിയതോ മിതമായതോ ആയ കാറ്റ് വീശാൻ സാധ്യതയുണ്ട്.

ജനുവരി 8 വരെ രാജ്യ വ്യാപകമായി അസ്ഥിര കാലാവസ്ഥ ഉണ്ടാകാൻ ഇടയുണ്ടെന്നും ഇത് വിവിധ പ്രദേശങ്ങളെ ബാധിക്കുമെന്നും കാലാവസ്ഥാ വിദഗ്ധർ മുന്നറിയിപ്പ് നൽകി

UAE road accident യുഎഇയിൽ വാഹനാപകടം; സഹോദരങ്ങളായ മൂന്ന് കുട്ടികൾ അടക്കം നാലു മലയാളികൾ മരിച്ചു

UAE road accident യുഎഇയിൽ മലയാളി കുടുംബം സഞ്ചരിച്ച വാഹനം മറിഞ്ഞ് നാലുപേർ മരിച്ചു. അബുദാബി-ദുബൈ റോഡിലാണ് സംഭവം. മലപ്പുറം തിരൂർ തൃപ്പനച്ചി കിഴിശ്ശേരി സ്വദേശി അബ്ദുൽ ലത്തീഫിന്റെയും ഭാര്യ വടകര കുന്നുമ്മക്കര സ്വദേശി റുക്സാനയുടെയും മക്കളായ അഷസ് (14), അമ്മാർ (12), അയാഷ് (5) എന്നിവരും ഇവരുടെ വീട്ടുജോലിക്കാരി മലപ്പുറം ചമ്രവട്ടം സ്വദേശി ബുഷറയുമാണ് മരിച്ചത്.

ഇന്നലെ രാവിലെ അബുദാബി-ദുബൈ റോഡിൽ ഷഹാമയ്ക്ക് അടുത്താണ് അപകടം. അബ്ദുൽ ലത്തീഫും റുക്സാനയും അബുദാബി ശൈഖ് ശഖ്ബൂത്ത് ആശുപത്രിയിൽ തീവ്ര പരിചരണത്തിലാണ്. ദുബൈയിൽ താമസിക്കുന്ന കുടുംബം ലിവ ഫെസ്റ്റിവൽ കഴിഞ്ഞു മടങ്ങുമ്പോഴാണ് അപകടം ഉണ്ടായത്.

മരിച്ചവരുടെ മൃതദേഹങ്ങൾ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. യുഎഎയിൽ തന്നെ ഖബറടക്കാനുള്ള നടപടികൾ സ്വീകരിക്കുകയാണെന്ന് ബന്ധുക്കൾ അറിയിച്ചു.