Uae gold price: ദുബൈ: രാജ്യാന്തര വിപണിയിലെ വിലക്കയറ്റവും അസ്ഥിരതയും തുടരുമ്പോഴും യുഎഇയിലെ സ്വർണ്ണ വിപണിയിൽ നിക്ഷേപകരുടെ ശക്തമായ മുന്നേറ്റം. ഉയർന്ന വില നൽകി ആഭരണങ്ങൾ വാങ്ങുന്നതിന് പകരം, കൂടുതൽ ലാഭകരമായ സ്വർണ്ണ ബാറുകളിലേക്കും നാണയങ്ങളിലേക്കും നിക്ഷേപകർ ചായുന്നതായി ദുബൈയിലെ പ്രമുഖ ജ്വല്ലറി ഉടമകൾ അഭിപ്രായപ്പെടുന്നു.

സ്വർണ്ണവിലയിലെ ചാഞ്ചാട്ടം ഉപഭോക്താക്കളെ പിന്തിരിപ്പിക്കുന്നില്ലെന്ന് മാത്രമല്ല, വിവേകത്തോടെ മാർക്കറ്റ് നിരീക്ഷിക്കുന്നUae gold price നിക്ഷേപകർ വിലയിടിവിനെ സ്വർണ്ണം വാങ്ങാനുള്ള അവസരമായാണ് കാണുന്നത്. ആഭരണങ്ങൾ വാങ്ങുമ്പോൾ നൽകേണ്ടി വരുന്ന പണിക്കൂലി (Making Charges) ഒഴിവാക്കി, 24 കാരറ്റ് ഗോൾഡ് ബാറുകളിലും നാണയങ്ങളിലും നിക്ഷേപം നടത്താനാണ് നിലവിൽ ആളുകൾ താല്പര്യം കാണിക്കുന്നത്. പ്രത്യേകിച്ചും 1 ഗ്രാം മുതൽ 10 ഗ്രാം വരെയുള്ള ചെറിയ ബാറുകൾക്കാണ് വിപണിയിൽ ഡിമാൻഡ് കൂടുതൽ.

“വില വർദ്ധനവ് ഉപഭോക്താക്കളെ കൂടുതൽ ചിന്താശീലരാക്കി. ആവേശം കൊണ്ട് സ്വർണ്ണം വാങ്ങുന്നതിന് പകരം ലാഭവിഹിതവും പരിശുദ്ധിയും നോക്കിയാണ് ഇപ്പോൾ തീരുമാനങ്ങൾ എടുക്കുന്നത്,” ദുബൈ ജ്വല്ലറി ഗ്രൂപ്പിന്റെ ചെയർമാൻ തൗഹിദ് അബ്ദുള്ള പറഞ്ഞു.

വിലയിലെ മാറ്റങ്ങൾ വിപണിയുടെ സ്വാഭാവിക പ്രക്രിയയായാണ് ഉപഭോക്താക്കൾ കാണുന്നത്. ഉത്സവങ്ങൾക്കും വിവാഹങ്ങൾക്കുമായി സ്വർണ്ണം വാങ്ങുന്നവർ വിലയിടിവിനായി കാത്തിരിക്കുകയാണെന്ന് ജോയ് ആലുക്കാസ് ഇന്റർനാഷണൽ എംഡിയായ ജോൺ പോൾ ആലുക്കാസ് അഭിപ്രയാപ്പെട്ടു.

ഉയർന്ന വില ഇപ്പോൾ പുതിയ സാധാരണ നിലയായി (New Normal) ഉപഭോക്താക്കൾ അംഗീകരിച്ചു കഴിഞ്ഞു. ആഭരണങ്ങൾക്കൊപ്പം തന്നെ സുതാര്യതയുള്ള നിക്ഷേപമെന്ന നിലയിൽ ബാറുകളോടുള്ള താല്പര്യം വർദ്ധിക്കുന്നുവെന്നും മലബാർ ഗോൾഡ് ഇന്റർനാഷണൽ എംഡി ഷംലാൽ മുഹമ്മദ് പറഞ്ഞു.

ദുബൈയിൽ എത്തുന്ന വിനോദസഞ്ചാരികളാണ് വിപണിയുടെ കരുത്തെന്നും റിപ്പോർട്ടുകൾ സൂചിപ്പിക്കുന്നു. കാൻസ് ജ്വല്ലറി എം.ഡി അനിൽ ധനക് വ്യക്തമാക്കുന്നത് അനുസരിച്ച്, ദുബൈയിലെ സ്വർണ്ണ വിപണിയിലെ 90-95 ശതമാനം ഉപഭോക്താക്കളും സഞ്ചാരികളാണ്. വിലയേക്കാൾ ഉപരി ദുബൈയിലെ മികച്ച ഡിസൈനുകളും വിശ്വാസ്യതയുമാണ് ഇവരെ ആകർഷിക്കുന്നത്.

ചുരുക്കത്തിൽ, സ്വർണ്ണവിലയിലെ വർദ്ധനവ് ആഭരണ വിപണിയെ ചെറിയ തോതിൽ ബാധിച്ചേക്കാമെങ്കിലും, സുരക്ഷിതമായ നിക്ഷേപമെന്ന നിലയിൽ സ്വർണ്ണത്തോടുള്ള പ്രിയം യുഎഇയിൽ പ്രതിദിനം വർദ്ധിച്ചു വരികയാണ്.

യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക

child dies in car accident;അബുദാബി ഷഹാമയ്ക്ക് സമീപമുണ്ടായ വാഹനാപകടം : ഒരു കുട്ടി കൂടി മരിച്ചു

child dies in car accident;അബുദാബി ഷഹാമയ്ക്ക് സമീപം മലയാളി കുടുംബം സഞ്ചരിച്ച വാഹനം മറിഞ്ഞുണ്ടായ അപകടത്തിൽ ഗുരുതരമായി പരിക്കേറ്റ് ചികിത്സയിലായിരുന്ന ഒരു കുട്ടി കൂടി ഇന്ന് മരിച്ചു.

മലപ്പുറം തിരൂർ തൃപ്പനച്ചി കിഴിശ്ശേരി പുളിയക്കോട് സ്വദേശി അബ്ദുൽ ലത്തീഫിന്റെയും ഭാര്യ വടകര കുന്നുമ്മക്കര സ്വദേശി റുക്‌സാനയുടെയും മകൻ അസ്സാം (8) ആണ് മരിച്ചത്. മറ്റ് മക്കളായ അഷസ് (14), അമ്മാർ (12), അയാഷ് (5) എന്നിവരും ഇവരുടെ വീട്ടിൽ സഹായത്തിനുണ്ടായിരുന്ന തിരൂർ ചമ്രവട്ടം സ്വദേശി ബുഷ്റയും കഴിഞ്ഞ ദിവസം മരിച്ചിരുന്നു.

Air India Express excess baggage offer പുതുവർഷ യാത്രക്കാർക്ക് ആശ്വാസം: ഗൾഫ്–ഇന്ത്യ യാത്രയ്ക്ക് എയർ ഇന്ത്യ എക്സ്പ്രസിന്റെ കുറഞ്ഞ നിരക്കിൽ അധിക ലഗേജ് ഓഫർ

Air India Express excess baggage offer പുതുവർഷ അവധിക്കാലത്തിന് ശേഷം ഗൾഫ് രാജ്യങ്ങളിൽ നിന്ന് ഇന്ത്യയിലേക്ക് മടങ്ങുന്ന പ്രവാസികൾക്ക് ആശ്വാസ വാർത്തയുമായി എയർ ഇന്ത്യ എക്സ്പ്രസ്. കുറഞ്ഞ നിരക്കിൽ അധിക ലഗേജ് (Excess Baggage) കൊണ്ടുപോകാൻ സഹായിക്കുന്ന പ്രത്യേകവും പരിമിതകാലവുമായ ഓഫറാണ് വിമാനക്കമ്പനി പ്രഖ്യാപിച്ചിരിക്കുന്നത്.

യു.എ.ഇ, ഖത്തർ, സൗദി അറേബ്യ, ഒമാൻ, കുവൈറ്റ്, ബഹ്‌റൈൻ എന്നിവിടങ്ങളിൽ നിന്ന് ഇന്ത്യയിലേക്ക് യാത്ര ചെയ്യുന്ന എല്ലാ യാത്രക്കാർക്കും ഈ ആനുകൂല്യം പ്രയോജനപ്പെടുത്താം. വിമാനത്താവളങ്ങളിൽ അധിക ലഗേജിന് ഈടാക്കുന്ന ഉയർന്ന നിരക്കുകൾ ഒഴിവാക്കി വലിയ സാമ്പത്തിക ലാഭം നേടാനാണ് ഈ പദ്ധതി ലക്ഷ്യമിടുന്നത്.

ഓഫറിന്റെ പ്രധാന ആനുകൂല്യങ്ങൾ

ഈ പ്രത്യേക ഓഫറിലൂടെ യാത്രക്കാർക്ക് 5 കിലോ അല്ലെങ്കിൽ 10 കിലോ അധിക ലഗേജ് മുൻകൂട്ടി ബുക്ക് ചെയ്യാനുള്ള സൗകര്യം ലഭിക്കും. സാധാരണയായി വിമാനത്താവളത്തിൽ നൽകേണ്ടിവരുന്ന അമിത ചെലവ് ഒഴിവാക്കി വളരെ കുറഞ്ഞ നിരക്കിൽ അധിക ലഗേജ് ഉറപ്പാക്കാൻ ഇതിലൂടെ കഴിയും.

മിക്ക എയർ ഇന്ത്യ എക്സ്പ്രസ് ഫെയറുകളിലും നിലവിൽ അനുവദിച്ചിരിക്കുന്ന 30 കിലോ ലഗേജിന് പുറമെ 10 കിലോ കൂടി ചേർക്കുന്നതോടെ, യാത്രക്കാർക്ക് ആകെ 40 കിലോ വരെ ലഗേജ് ഇന്ത്യയിലേക്ക് കൊണ്ടുപോകാൻ സാധിക്കും.

ബുക്കിംഗ്, യാത്രാ കാലാവധി

ബുക്കിംഗ് കാലാവധി:
2026 ജനുവരി 31 വരെ ടിക്കറ്റ് ബുക്ക് ചെയ്യുന്നവർക്ക് ഈ ഓഫർ ലഭ്യമാണ്.
യാത്രാ കാലാവധി:
2026 ജനുവരി 16 മുതൽ മാർച്ച് 10 വരെ യാത്ര ചെയ്യുന്നവർക്കാണ് ഈ ഇളവ് ബാധകമാകുന്നത്.

രാജ്യം തിരിച്ചുള്ള അധിക ലഗേജ് നിരക്കുകൾ

(5 കിലോ / 10 കിലോ സ്ലാബുകൾക്ക് – വളരെ കുറഞ്ഞ നിരക്കിൽ)

യു.എ.ഇ (UAE): AED 2
ഖത്തർ (Qatar): QR 2
സൗദി അറേബ്യ (Saudi Arabia): SAR 2
ഒമാൻ (Oman): OMR 0.2
കുവൈറ്റ് (Kuwait): KWD 0.2
ബഹ്‌റൈൻ

യുഎഇയിൽ ഇന്ന് മഴയ്ക്ക് സാധ്യത; ജനുവരി 8 വരെ അസ്ഥിര കാലാവസ്ഥയെന്ന് പ്രവചനം;മറ്റ് കാലാവസ്ഥ മുന്നറിയിപ്പ് ശ്രദ്ധിക്കുക

UAE Nazia Staff Editor — January 5, 2026 · 0 Comment

Weather alert in uae; അബുദാബി: യുഎഇയിൽ ഇന്ന് മഴയ്ക്ക് സാധ്യത. വടക്കൻ മേഖലയിൽ നേരിയ മഴ പ്രതീക്ഷിക്കാമെന്നാണ് കാലാവസ്ഥ പ്രവചനം. ആകാശം ഭാഗികമായി മേഘാവൃതം ആയിരിക്കും. ചില വടക്കൻ, കിഴക്കൻ പ്രദേശങ്ങളിൽ താഴ്ന്ന മേഘങ്ങൾ രൂപപ്പെടും. അബുദാബിയിലും ദുബായിലും കുറഞ്ഞ താപനില 19 ഡിഗ്രി സെൽഷ്യസ് ആയിരിക്കും.

ചില ഉൾപ്രദേശങ്ങളിലും പടിഞ്ഞാറൻ തീരപ്രദേശങ്ങളിലും രാത്രിയിലും ചൊവ്വാഴ്ച രാവിലെയും ഈർപ്പം ഉയരാൻ സാധ്യതയുണ്ട്. വടക്ക് പടിഞ്ഞാറ് മുതൽ വടക്ക് കിഴക്ക് വരെ നേരിയതോ മിതമായതോ ആയ കാറ്റ് വീശാൻ സാധ്യതയുണ്ട്.

ജനുവരി 8 വരെ രാജ്യ വ്യാപകമായി അസ്ഥിര കാലാവസ്ഥ ഉണ്ടാകാൻ ഇടയുണ്ടെന്നും ഇത് വിവിധ പ്രദേശങ്ങളെ ബാധിക്കുമെന്നും കാലാവസ്ഥാ വിദഗ്ധർ മുന്നറിയിപ്പ് നൽകി

UAE road accident യുഎഇയിൽ വാഹനാപകടം; സഹോദരങ്ങളായ മൂന്ന് കുട്ടികൾ അടക്കം നാലു മലയാളികൾ മരിച്ചു

UAE road accident യുഎഇയിൽ മലയാളി കുടുംബം സഞ്ചരിച്ച വാഹനം മറിഞ്ഞ് നാലുപേർ മരിച്ചു. അബുദാബി-ദുബൈ റോഡിലാണ് സംഭവം. മലപ്പുറം തിരൂർ തൃപ്പനച്ചി കിഴിശ്ശേരി സ്വദേശി അബ്ദുൽ ലത്തീഫിന്റെയും ഭാര്യ വടകര കുന്നുമ്മക്കര സ്വദേശി റുക്സാനയുടെയും മക്കളായ അഷസ് (14), അമ്മാർ (12), അയാഷ് (5) എന്നിവരും ഇവരുടെ വീട്ടുജോലിക്കാരി മലപ്പുറം ചമ്രവട്ടം സ്വദേശി ബുഷറയുമാണ് മരിച്ചത്.

ഇന്നലെ രാവിലെ അബുദാബി-ദുബൈ റോഡിൽ ഷഹാമയ്ക്ക് അടുത്താണ് അപകടം. അബ്ദുൽ ലത്തീഫും റുക്സാനയും അബുദാബി ശൈഖ് ശഖ്ബൂത്ത് ആശുപത്രിയിൽ തീവ്ര പരിചരണത്തിലാണ്. ദുബൈയിൽ താമസിക്കുന്ന കുടുംബം ലിവ ഫെസ്റ്റിവൽ കഴിഞ്ഞു മടങ്ങുമ്പോഴാണ് അപകടം ഉണ്ടായത്.

മരിച്ചവരുടെ മൃതദേഹങ്ങൾ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. യുഎഎയിൽ തന്നെ ഖബറടക്കാനുള്ള നടപടികൾ സ്വീകരിക്കുകയാണെന്ന് ബന്ധുക്കൾ അറിയിച്ചു.

അബുദാബി: യുഎഇയിൽ നാളെ മഴയ്ക്ക് സാധ്യത.

വടക്കൻ മേഖലയിൽ നേരിയ മഴ പ്രതീക്ഷിക്കാമെന്നാണ് കാലാവസ്ഥ പ്രവചനം. ആകാശം ഭാഗികമായി മേഘാവൃതം ആയിരിക്കും. ചില വടക്കൻ, കിഴക്കൻ പ്രദേശങ്ങളിൽ താഴ്ന്ന മേഘങ്ങൾ രൂപപ്പെടും. അബുദാബിയിലും ദുബായിലും കുറഞ്ഞ താപനില 19 ഡിഗ്രി സെൽഷ്യസ് ആയിരിക്കും.