കുവൈറ്റിലെ വാർത്തകൾ അറിയാൻ ഇപ്പോൾ തന്നെ ഫോളോ ചെയ്യൂ

Kuwait inactive companies removal കുവൈറ്റ് സിറ്റി, ഡിസംബർ 30: കുവൈറ്റിലെ ആഭ്യന്തര മന്ത്രാലയം ജീവനക്കാരുടെ ഇടയിൽ മയക്കുമരുന്നുകളുടെയും സൈക്കോട്രോപിക് മരുന്നുകളുടെയും ഉപയോഗം കണ്ടെത്തുന്നതിനായി റാൻഡം പരിശോധനകൾ ആരംഭിച്ചു. ക്രിമിനൽ എവിഡൻസ് ജനറൽ ഡിപ്പാർട്ട്മെന്റിന്റെ നേതൃത്വത്തിലാണ് പരിശോധനയുടെ ആദ്യ ഘട്ടം നടത്തിയത്.

ജോലിസ്ഥല അച്ചടക്കം ശക്തിപ്പെടുത്തുകയും സുരക്ഷാ മേഖലകളിൽ ഉത്തരവാദിത്തപരമായ പെരുമാറ്റം ഉറപ്പാക്കുകയും ചെയ്യുന്നതിന്റെ ഭാഗമായാണ് ഈ നടപടി. പോലീസ് സ്പോർട്സ് ഫെഡറേഷൻ ചെയർമാൻ ബ്രിഗേഡിയർ ജനറൽ ഷെയ്ഖ് മുബാറക് അലി യൂസഫ് അൽ-സബാഹ്, ഡെപ്യൂട്ടി ചെയർമാൻ, ബോർഡ് അംഗങ്ങൾ, മറ്റ് ഫെഡറേഷൻ ഉദ്യോഗസ്ഥർ എന്നിവരും പരിശോധനയിൽ ഉൾപ്പെട്ടതായി മന്ത്രാലയം അറിയിച്ചു.

ആഭ്യന്തര മന്ത്രാലയത്തിലെ എല്ലാ വിഭാഗങ്ങളെയും ഉൾപ്പെടുത്തി, 2025-ലെ മയക്കുമരുന്നുകളും സൈക്കോട്രോപിക് വസ്തുക്കളും നിയന്ത്രിക്കുന്ന നിയമം (നമ്പർ 159) നടപ്പിലാക്കുന്നതിന്റെ ഭാഗമായാണ് പരിശോധനകൾ നടക്കുന്നത്. പ്രമോഷൻ, നിയമനം, മേൽനോട്ടം, അന്വേഷണം തുടങ്ങിയ കാര്യങ്ങളുമായി ബന്ധപ്പെട്ടും ഇത്തരം പരിശോധനകൾ തുടരുമെന്ന് മന്ത്രാലയം വ്യക്തമാക്കി.

സുരക്ഷിതവും നിയമപരവുമായ തൊഴിൽ അന്തരീക്ഷം ഉറപ്പാക്കുന്നതിനും ജീവനക്കാരുടെ സന്നദ്ധതയും അച്ചടക്കവും വർധിപ്പിക്കുന്നതിനുമാണ് ഈ നീക്കമെന്നും ആഭ്യന്തര മന്ത്രാലയം അറിയിച്ചു.

ഭാര്യയെയും കുട്ടികളെയും ആക്രമിച്ചു; ഭർത്താവ് 15,000 കെഡി നഷ്ടപരിഹാരം നൽകണം : കോടതി

Latest Greeshma Staff Editor — December 31, 2025 · 0 Comment

കുവൈറ്റിലെ വാർത്തകൾ അറിയാൻ ഇപ്പോൾ തന്നെ ഫോളോ ചെയ്യൂ

Wife and Children Assault ഭാര്യയെയും കുട്ടികളെയും ശാരീരികമായി ആക്രമിച്ച കേസിൽ ഭർത്താവ് ഭാര്യയ്ക്ക് 15,000 കുവൈത്ത് ദിനാർ നഷ്ടപരിഹാരം നൽകണമെന്ന് സിവിൽ കോടതി ഉത്തരവിട്ടു. ഇതിനൊപ്പം, പബ്ലിക് പ്രോസിക്യൂഷൻ മുമ്പ് അവസാനിപ്പിച്ചിരുന്ന കേസ് വീണ്ടും തുറക്കാനും കോടതി നിർദേശിച്ചു.

ഭാര്യ പബ്ലിക് പ്രോസിക്യൂഷനിൽ നൽകിയ പരാതിയെ തുടർന്നാണ് കേസ് ആരംഭിച്ചത്. പിന്നീട് ഭർത്താവ് അനുരഞ്ജനം വാഗ്ദാനം ചെയ്തതിനെ തുടർന്ന് അവൾ പരാതി പിൻവലിച്ചിരുന്നു. എന്നാൽ പിന്നീട് ഭർത്താവ് വാഗ്ദാനങ്ങൾ ലംഘിക്കുകയും ഭാര്യയെ വീട്ടിൽ നിന്ന് പുറത്താക്കുകയും ചെയ്തു.

കോടതിയിൽ വാദത്തിനിടെ, സ്ത്രീയുടെ അഭിഭാഷക ഹവ്റ അൽ-ഹബീബ് ഭർത്താവ് ഭാര്യയുടെ വിശ്വാസം വഞ്ചിച്ചുവെന്ന് വ്യക്തമാക്കി. കള്ളവാഗ്ദാനങ്ങൾ നൽകിയ ഒരാളെ വിശ്വസിക്കാൻ കഴിയില്ലെന്നും അവർ ചൂണ്ടിക്കാട്ടി. ഇതിനെ തുടർന്ന് നഷ്ടപരിഹാരം അനുവദിക്കണമെന്നും കേസ് വീണ്ടും തുറക്കണമെന്നും അഭിഭാഷക ആവശ്യപ്പെട്ടു. കോടതി ഈ ആവശ്യങ്ങൾ അംഗീകരിച്ചു.

ശാരീരിക ആക്രമണം ഏതൊരു മതവും അംഗീകരിക്കാത്ത ഗുരുതര കുറ്റകൃത്യമാണെന്നും ഇത് നിയമപരമായി ശിക്ഷാർഹമാണെന്നും കോടതി നിരീക്ഷിച്ചു. ഭർത്താവിന്റെ ക്ഷമാപണത്തിലും വാഗ്ദാനങ്ങളിലും വിശ്വസിച്ചാണ് ഭാര്യ പരാതി പിൻവലിച്ചതെന്നും, അത് പാലിക്കാതിരുന്നത് അദ്ദേഹത്തെ നിയമപരമായി ഉത്തരവാദിയാക്കിയെന്നും കോടതി വ്യക്തമാക്കി.

പുതുവത്സരാഘോഷം ; കുവൈത്തിൽ കർശന സുരക്ഷ; 112 എമർജൻസി സേവനം സജ്ജം

Kuwait Greeshma Staff Editor — December 31, 2025 · 0 Comment

കുവൈറ്റിലെ വാർത്തകൾ അറിയാൻ ഇപ്പോൾ തന്നെ ഫോളോ ചെയ്യൂ

Kuwait New Year security കുവൈറ്റ് സിറ്റി: പുതുവത്സരാഘോഷങ്ങളോട് അനുബന്ധിച്ച് സുരക്ഷ ശക്തമാക്കിയതായി ആഭ്യന്തര മന്ത്രാലയം അറിയിച്ചു. ആഭ്യന്തര മന്ത്രാലയത്തിലെ സെൻട്രൽ ഓപ്പറേഷൻസ് സെക്ടറിലെ റിപ്പോർട്ട്സ് വിഭാഗം ഡയറക്ടർ കേണൽ അബ്ദുല്ല സാലിം അൽ-ലമീ പറഞ്ഞു.

പൗരന്മാരുടെയും പ്രവാസികളുടെയും സുരക്ഷ ഉറപ്പാക്കാനും രാജ്യത്തിന്റെ മൊത്തത്തിലുള്ള സുരക്ഷ ശക്തിപ്പെടുത്താനും ലക്ഷ്യമിട്ടുള്ള സമഗ്ര തയ്യാറെടുപ്പ് പദ്ധതിയാണ് നടപ്പാക്കുന്നതെന്ന് അദ്ദേഹം വ്യക്തമാക്കി. ഒരു ടെലിവിഷൻ അഭിമുഖത്തിലാണ് അദ്ദേഹം ഇതുസംബന്ധിച്ച വിശദാംശങ്ങൾ അറിയിച്ചത്.

മന്ത്രാലയത്തിലെ എല്ലാ വിഭാഗങ്ങളും ബന്ധപ്പെട്ട സർക്കാർ ഏജൻസികളുമായി ചേർന്ന് ഏകോപിപ്പിച്ചാണ് സുരക്ഷാ ക്രമീകരണങ്ങൾ ഒരുക്കിയിട്ടുള്ളത്. സുരക്ഷാ സംഭവങ്ങളും മാനവിക അടിയന്തര സാഹചര്യങ്ങളും വേഗത്തിൽ കൈകാര്യം ചെയ്യാൻ സംവിധാനങ്ങൾ സജ്ജമാണെന്നും അദ്ദേഹം പറഞ്ഞു.

112 എമർജൻസി ഹെൽപ്‌ലൈൻ വഴിയെത്തുന്ന എല്ലാ പരാതികളും അതീവ ഗൗരവത്തോടെ പരിഗണിക്കുമെന്ന് കേണൽ അൽ-ലമീ വ്യക്തമാക്കി. ഈ സേവനം വർഷം മുഴുവൻ 24 മണിക്കൂറും പ്രവർത്തിക്കുന്നതാണ്.

പ്രതീക്ഷിക്കുന്ന ജനക്കൂട്ടങ്ങൾ നിയന്ത്രിക്കുന്നതിനായി വിശദമായ പദ്ധതിയുടെ അടിസ്ഥാനത്തിൽ സുരക്ഷാ പട്രോളുകളും ട്രാഫിക് പട്രോളുകളും വിന്യസിച്ചിട്ടുണ്ടെന്ന് അദ്ദേഹം അറിയിച്ചു. ഇതിലൂടെ ഗതാഗതം സുതാര്യമാക്കാനും പൊതുസുരക്ഷയെ ബാധിക്കുന്ന സംഭവങ്ങൾ ഒഴിവാക്കാനും സാധിക്കും.

സെൻട്രൽ ഓപ്പറേഷൻസ് സെക്ടറിന് കീഴിലുള്ള റിപ്പോർട്ട്സ് വിഭാഗം അവധിയില്ലാതെ പ്രവർത്തിക്കുന്ന വിഭാഗമാണെന്നും വർഷംതോറും ഏകദേശം 3.6 ലക്ഷം സുരക്ഷാ, മാനവിക പരാതികൾ കൈകാര്യം ചെയ്യുന്നതായും അദ്ദേഹം പറഞ്ഞു. സുരക്ഷാ പ്രശ്നങ്ങൾ, സഹായ അഭ്യർത്ഥനകൾ, മെഡിക്കൽ അടിയന്തരാവസ്ഥകൾ എന്നിവ ഇതിൽ ഉൾപ്പെടുന്നു.

2024-ൽ മാത്രം 112 ഹെൽപ്‌ലൈൻ വഴി 32 ലക്ഷം കോളുകൾ ലഭിച്ചതായും കേണൽ അൽ-ലമീ വ്യക്തമാക്കി. എല്ലാവരും സുരക്ഷാ ഏജൻസികളുമായി സഹകരിക്കണമെന്നും, സുരക്ഷാ-ട്രാഫിക് ഉദ്യോഗസ്ഥരുടെ നിർദ്ദേശങ്ങൾ പാലിക്കണമെന്നും, അടിയന്തര സാഹചര്യം ഉണ്ടാകുമ്പോൾ മടിക്കാതെ 112-നെ ബന്ധപ്പെടണമെന്നും അദ്ദേഹം അഭ്യർത്ഥിച്ചു.

കുവൈറ്റിൽ ഇനി കുറച്ച് നാൾ വൈകിയെ നേരം വെളുക്കൂ, പകലുകൾക്ക് നീളം കുറയും, പോരാത്തതിന് കൊടും തണുപ്പും

Kuwait Greeshma Staff Editor — December 30, 2025 · 0 Comment

കുവൈറ്റിലെ വാർത്തകൾ അറിയാൻ ഇപ്പോൾ തന്നെ ഫോളോ ചെയ്യൂ

Kuwait cold weather കുവൈറ്റ് സിറ്റി: കുവൈറ്റിൽ കടുത്ത തണുപ്പ് ശക്തമാകുന്നതിന്റെ സൂചനയായി അൽ-മുറബ്ബാനിയ സീസണിലെ മൂന്നാമത്തെയും അവസാനത്തെയും നക്ഷത്രമായ ‘അൽ-ഷുല’ ഉദിച്ചതായി അൽ-ഉജൈരി സയന്റിഫിക് സെന്റർ അറിയിച്ചു. ഇതോടെ വരും ദിവസങ്ങളിൽ താപനില ഇനിയും താഴുമെന്നും രാത്രികൾ കൂടുതൽ നീളുമെന്നും അധികൃതർ വ്യക്തമാക്കി.

ജനുവരി 2 മുതൽ ആരംഭിക്കുന്ന അൽ-ഷുല കാലഘട്ടം 13 ദിവസം തുടരും. ഈ സമയത്ത് വർഷത്തിലെ ഏറ്റവും വൈകിയ സൂര്യോദയമാണ് ഉണ്ടാകുക. ജനുവരി ആദ്യവാരം രാവിലെ 6.43ന് സൂര്യൻ ഉദിക്കുകയും വൈകുന്നേരം 5.01ന് തന്നെ അസ്തമിക്കുകയും ചെയ്യും. ഇതോടെ രാത്രി സമയം ഏകദേശം 13 മണിക്കൂർ 42 മിനിറ്റ് ആയി വർധിക്കും.

‘ജ്വാല’ എന്നർത്ഥമുള്ള അൽ-ഷുല എന്ന പേര് വൃശ്ചിക രാശിയിലെ തേളിന്റെ വാലിനോട് സാമ്യമുള്ള രണ്ട് പ്രകാശമുള്ള നക്ഷത്രങ്ങളെ സൂചിപ്പിക്കുന്നതാണ്.

മരുഭൂമി പ്രദേശങ്ങളിൽ താപനില കൂടുതൽ താഴാൻ സാധ്യതയുള്ളതിനാൽ പൊതുജനങ്ങൾ ജാഗ്രത പാലിക്കണമെന്ന് അധികൃതർ മുന്നറിയിപ്പ് നൽകി. പുലർച്ചെ സമയങ്ങളിൽ മഞ്ഞുവീഴ്ചയും പുകമഞ്ഞും അനുഭവപ്പെടാം. അൽ-ഷുല കാലഘട്ടം അവസാനിക്കുന്നതോടെ അൽ-മുറബ്ബാനിയ സീസൺ പൂർത്തിയാകുകയും കുവൈറ്റ് ശൈത്യകാലത്തിന്റെ അടുത്ത ഘട്ടത്തിലേക്ക് കടക്കുകയും ചെയ്യും.

കുവൈത്തിൽ മരുന്നുകളുടെ വിലയിൽ വൻ കുറവ്: 1,654 മരുന്നുകൾക്ക് ഇളവ്, ജിസിസിയിൽ ഏറ്റവും കുറഞ്ഞ നിരക്ക്

Kuwait Greeshma Staff Editor — December 30, 2025 · 0 Comment

Kuwait medicine price reduction : കുവൈത്ത് സിറ്റി: കുവൈത്തിലെ ആരോഗ്യമേഖലയിൽ വലിയ മാറ്റങ്ങൾ വരുത്തി മരുന്നുകളുടെ വിലയിൽ വൻ കുറവ് പ്രഖ്യാപിച്ചു. 2024 മെയ് മുതൽ 2025 ഡിസംബർ വരെ രാജ്യത്ത് 1,654 മരുന്നുകളുടെയും ഫാർമസ്യൂട്ടിക്കൽ ഉൽപ്പന്നങ്ങളുടെയും വില കുവൈത്ത് ആരോഗ്യ മന്ത്രാലയം കുറച്ചതായി അധികൃതർ അറിയിച്ചു. ഇതോടെ ജിസിസി രാജ്യങ്ങളിൽ ഏറ്റവും കുറഞ്ഞ നിരക്കിൽ മരുന്നുകൾ ലഭിക്കുന്ന രാജ്യമായി കുവൈത്ത് മാറി.

കാൻസർ, പ്രമേഹം, രക്തസമ്മർദ്ദം, കൊളസ്ട്രോൾ, ആസ്ത്മ തുടങ്ങിയ ദീർഘകാല രോഗങ്ങൾക്കുള്ള മരുന്നുകൾ, ആന്റിബയോട്ടിക്കുകൾ എന്നിവയും വിലകുറച്ച പട്ടികയിൽ ഉൾപ്പെടുന്നു. മന്ത്രാലയത്തിന്റെ പുതിയ തീരുമാനമനുസരിച്ച് ചില മരുന്നുകൾക്ക് 78.5 ശതമാനം വരെ വിലക്കുറവ് ലഭിച്ചിട്ടുണ്ട്.

സ്വദേശികൾക്കും പ്രവാസികൾക്കും കുറഞ്ഞ ചെലവിൽ മികച്ച ചികിത്സാ സൗകര്യങ്ങൾ ഉറപ്പാക്കുകയാണ് സർക്കാർ ഇതിലൂടെ ലക്ഷ്യമിടുന്നത്. മരുന്നുകളുടെ ഗുണനിലവാരം നിലനിർത്തുന്നതിനൊപ്പം വില നിയന്ത്രിക്കാൻ ഡ്രഗ് പ്രൈസിംഗ് കമ്മിറ്റിയുടെ തുടർച്ചയായ മേൽനോട്ടം ഉണ്ടാകുമെന്നും ആരോഗ്യ മന്ത്രാലയം വ്യക്തമാക്കി.

പുതിയ വിലകൾ സ്വകാര്യ ഫാർമസികളിലും പ്രാബല്യത്തിൽ വരുന്നതോടെ ആയിരക്കണക്കിന് സാധാരണക്കാരായ ജനങ്ങൾക്കും പ്രവാസികൾക്കും ഇത് വലിയ ആശ്വാസമാകും.