Kuwait water supply കുവൈത്ത് സിറ്റി: കുവൈത്തിലെ അബ്ദുള്ള അൽ മുബാറക് മേഖലയിലെ ചില പ്രദേശങ്ങളിൽ വെള്ളിയാഴ്ച (ഡിസംബർ 26) ജലവിതരണത്തിൽ താൽക്കാലിക തടസ്സം നേരിടാൻ സാധ്യതയുണ്ടെന്ന് വൈദ്യുതി–ജലം–പുനരുപയോഗ ഊർജ്ജ മന്ത്രാലയം അറിയിച്ചു.

വെസ്റ്റ് ഫുനൈറ്റീസ് ജലസംഭരണികളുമായി ബന്ധപ്പെട്ട വാട്ടർ നെറ്റ്‌വർക്കിൽ നിശ്ചയിച്ച അറ്റകുറ്റപ്പണികൾ നടക്കുന്നതിനാലാണ് ജലവിതരണത്തിൽ മാറ്റം വരുന്നത്. അറ്റകുറ്റപ്പണികൾ വെള്ളിയാഴ്ച രാത്രി 8 മണിക്ക് ആരംഭിച്ച് ഏകദേശം ഒരു മണിക്കൂർ നീണ്ടുനിൽക്കുമെന്നാണ് അറിയിപ്പ്.

ഈ സമയത്ത് അബ്ദുള്ള അൽ മുബാറക് പ്രദേശത്തെ ചില വീടുകളിൽ ജലവിതരണം കുറയുകയോ താൽക്കാലികമായി നിർത്തപ്പെടുകയോ ചെയ്യാം. ജലവിതരണ സംവിധാനത്തിന്റെ കാര്യക്ഷമത വർധിപ്പിക്കാനും ഭാവിയിൽ തടസ്സങ്ങൾ ഒഴിവാക്കാനും ലക്ഷ്യമിട്ടുള്ള പ്രവർത്തനങ്ങളാണിതെന്ന് മന്ത്രാലയം വ്യക്തമാക്കി.

അതേസമയം, നിവാസികൾ ആവശ്യമായ വെള്ളം മുൻകൂട്ടി സംഭരിച്ച് വയ്ക്കണമെന്ന് മന്ത്രാലയം നിർദേശിച്ചു. ജലവിതരണവുമായി ബന്ധപ്പെട്ട അടിയന്തര പ്രശ്നങ്ങൾ നേരിട്ടാൽ മന്ത്രാലയത്തിന്റെ ഏകീകൃത കോൾ സെന്റർ നമ്പർ 152-ൽ ബന്ധപ്പെടാം.

കുവൈത്തിൽ മനുഷ്യ കടത്ത് നടത്തുന്ന ഏഷ്യൻ സംഘം പിടിയിൽ ; 25 വിദേശ തൊഴിലാളികളെ രക്ഷപ്പെടുത്തി

Kuwait Greeshma Staff Editor — December 23, 2025 · 0 Comment

Kuwait human trafficking കുവൈത്ത് സിറ്റി: കുവൈത്തിൽ ഏഷ്യൻ വംശജർ നേതൃത്വം നൽകിയ മനുഷ്യക്കടത്ത് സംഘത്തെ ക്രിമിനൽ ഇൻവെസ്റ്റിഗേഷൻ ജനറൽ ഡിപ്പാർട്ട്‌മെന്റ് (CID) കണ്ടെത്തി തകർത്തു. വ്യാജരേഖ–കള്ളനോട്ട് അന്വേഷണം നടത്തുന്ന വിഭാഗത്തിന്റെ നേതൃത്വത്തിലാണ് നടപടി നടന്നത്.

ഫഹാഹീലിലെ “ബ്ലാക്ക് ഡെൻ ഓഫ് ഫഹാഹീൽ” എന്നറിയപ്പെടുന്ന സ്ഥലത്താണ് പോലീസ് റെയ്ഡ് നടത്തിയത്. ഇവിടെ നിന്ന് ഓടിപ്പോയ വീട്ടുജോലിക്കാരെ അനധികൃതമായി തടവിലാക്കി കഠിനാധ്വാനത്തിന് നിർബന്ധിച്ചിരുന്നതായി അന്വേഷണത്തിൽ കണ്ടെത്തി.

ഒരു താമസവീട് രഹസ്യ തടവറയായി മാറ്റിയാണ് സംഘം പ്രവർത്തിച്ചിരുന്നത്. ഇരുമ്പ് വാതിലുകളുള്ള മുറികളിൽ സ്ത്രീകളെ പൂട്ടിയിട്ടു, നിരന്തര നിരീക്ഷണത്തിലായിരുന്നു. കുടുംബങ്ങളുമായി ബന്ധപ്പെടാൻ അനുവദിച്ചിരുന്നത് സംഘാംഗങ്ങളുടെ മേൽനോട്ടത്തിൽ മാത്രമായിരുന്നു.

ഓടിപ്പോയ വീട്ടുജോലിക്കാർക്ക് സംരക്ഷണം നൽകുമെന്ന പേരിലാണ് സംഘാംഗങ്ങൾ ആളുകളെ ഇവിടെ എത്തിച്ചത്. പിന്നീട് താമസാനുമതി പ്രശ്നങ്ങൾ ചൂണ്ടിക്കാട്ടി ഇവരെ ജോലി ചെയ്യാൻ നിർബന്ധിച്ചു. ചിലരുടെ വീഡിയോകൾ ചിത്രീകരിച്ച് കുടുംബങ്ങൾക്ക് അയക്കുമെന്ന് ഭീഷണിപ്പെടുത്തിയാണ് അനുസരണം ഉറപ്പാക്കിയതെന്നും കണ്ടെത്തി.

റെയ്ഡിൽ 19 വനിതാ വീട്ടുജോലിക്കാരെയും ആറു പുരുഷന്മാരെയും രക്ഷപ്പെടുത്തി. ഇതിൽ ഒരുവളെ 2014 മുതൽ തടവിലാക്കി വച്ചിരുന്നതായും പോലീസ് വ്യക്തമാക്കി. സംഭവവുമായി ബന്ധപ്പെട്ട് ഏഷ്യൻ വംശജരായ ആറുപേരെ അറസ്റ്റ് ചെയ്തു. ഇവരിൽ നാല് സ്ത്രീകളും രണ്ട് പുരുഷന്മാരുമുണ്ട്.

അറസ്റ്റിലായ എല്ലാവരെയും തുടർനടപടികൾക്കായി പബ്ലിക് പ്രോസിക്യൂഷന് കൈമാറി. മനുഷ്യക്കടത്തിനെതിരെ ശക്തമായ നടപടി തുടരുമെന്നും, വിദേശ തൊഴിലാളികളുടെ സുരക്ഷ ഉറപ്പാക്കുമെന്നും അധികൃതർ അറിയിച്ചു.

ആരോഗ്യ ഇൻഷുറൻസ് ഫീസ് വർധന നിലവിൽ വരുന്നതിന് മുമ്പ് ഇൻഷുറൻസ് പുതുക്കാൻ പ്രവാസികളുടെ തിരക്ക്

Kuwait Greeshma Staff Editor — December 23, 2025 · 0 Comment

Kuwait health insurance fee കുവൈറ്റ് സിറ്റി: ആരോഗ്യ ഇൻഷുറൻസ് ഫീസ് വർധനയ്ക്ക് മുന്നോടിയായി ഓഫീസുകളിൽ തിരക്ക് സേവന ഫീസ് വർധിപ്പിക്കുന്നതിന് മുമ്പായി സേവനം പുതുക്കാൻ ആളുകൾ തിരക്കുകൂട്ടിയതിനെ തുടർന്ന്, കഴിഞ്ഞ രണ്ട് ദിവസത്തിനിടെ ആരോഗ്യ ഇൻഷുറൻസ് വകുപ്പ് ഏകദേശം 70,000 ഇടപാടുകൾ നടത്തി. ആഭ്യന്തര മന്ത്രാലയം നിശ്ചയിച്ച ആരോഗ്യ ഇൻഷുറൻസ് പുതുക്കൽ ഫീസ് ഇന്ന് മുതൽ 10 കുവൈറ്റ് ദിനാറിൽ നിന്ന് (KD) 20 ദിനാറായി വർധിപ്പിച്ചു. പുതിയ നിയമം പ്രാബല്യത്തിൽ വരുന്നതിന് മുമ്പ് കുറഞ്ഞ ഫീസ് പ്രയോജനപ്പെടുത്താൻ നിരവധി പേർ അപേക്ഷകൾ സമർപ്പിച്ചതാണ് തിരക്കിന് കാരണം.

ഇതിന്റെ ഭാഗമായി, രാജ്യത്തെ ആറ് ഗവർണറേറ്റുകളിലെ റെസിഡൻസി അഫയേഴ്‌സ് ഓഫീസുകളിൽ തിങ്കളാഴ്ച കനത്ത തിരക്കാണ് അനുഭവപ്പെട്ടത്. റെസിഡൻസി പുതുക്കൽ, കുടുംബ വിസ അപേക്ഷകൾ, നേരിട്ട് ഹാജരാകേണ്ട രേഖകൾ സമർപ്പിക്കൽ തുടങ്ങിയ കാര്യങ്ങൾക്കായി ആളുകൾ സേവന കേന്ദ്രങ്ങളിൽ എത്തിയതായി അധികൃതർ അറിയിച്ചു. റെസിഡൻസി പെർമിറ്റ് കാലാവധി തീരാനിരിക്കുന്നവർക്കും, മുമ്പ് ഓൺലൈനായി അപേക്ഷ നൽകി ബാക്കിയുള്ള നടപടികൾ നേരിട്ട് പൂർത്തിയാക്കാൻ അറിയിപ്പ് ലഭിച്ചവർക്കുമാണ് മുൻഗണന നൽകിയതെന്ന് അധികൃതർ വ്യക്തമാക്കി.

 കുവൈറ്റിൽ പ്രവാസികൾക്കുള്ള പുതിയ താമസ നിയമങ്ങൾ ഇന്ന് മുതൽ പ്രാബല്യത്തിൽ വരും

Kuwait Greeshma Staff Editor — December 23, 2025 · 0 Comment

Kuwait residency rules കുവൈറ്റ് സിറ്റി, ഡിസംബർ 22: വിദേശികളുടെ താമസവുമായി ബന്ധപ്പെട്ട പുതിയ എക്സിക്യൂട്ടീവ് ചട്ടങ്ങൾ ആഭ്യന്തര മന്ത്രാലയം പ്രഖ്യാപിച്ചു. 2025 ഡിസംബർ 23 മുതൽ പ്രാബല്യത്തിൽ വരുന്ന മന്ത്രിതല പ്രമേയം നമ്പർ 2249 അനുസരിച്ചാണ് ഈ മാറ്റങ്ങൾ നടപ്പാക്കുന്നത്.

പുതിയ ചട്ടങ്ങൾ റെസിഡൻസ് പെർമിറ്റുകൾ, എൻട്രി വിസകൾ, വിസിറ്റ് വിസകൾ, വീട്ടുജോലിക്കാർ, വിദേശ നിക്ഷേപകർ, പ്രവാസികളുടെ നവജാത ശിശുക്കളുടെ രജിസ്ട്രേഷൻ എന്നിവയെ സംബന്ധിച്ച വ്യവസ്ഥകൾ ഉൾക്കൊള്ളുന്നു.

പുതുക്കിയ നിയമങ്ങൾ പ്രകാരം, എല്ലാ എൻട്രി വിസകൾക്കും വിസിറ്റ് വിസകൾക്കും പ്രതിമാസം 10 കുവൈറ്റ് ദിനാർ (KD) ഫീസ് ഈടാക്കും. എല്ലാ വിസാ വിഭാഗങ്ങൾക്കും ഒരേ രീതിയിലുള്ള ഫീസ് സംവിധാനം ഇതോടെ നിലവിൽ വരും.

വീട്ടുജോലിക്കാർക്ക് താമസ പെർമിറ്റ് ഉള്ളവർക്ക് നാല് മാസത്തിൽ അധികം സമയം കുവൈറ്റിന് പുറത്തു തുടരാൻ പാടില്ല. ഈ കാലയളവ് കടന്നാൽ, സ്പോൺസർ ഔദ്യോഗിക എക്സിറ്റ് പെർമിറ്റിന് അപേക്ഷിക്കാത്ത പക്ഷം, താമസ പെർമിറ്റ് റദ്ദാക്കും. പുതിയ ചട്ടങ്ങൾ പ്രാബല്യത്തിൽ വരുന്നതിന് മുമ്പ് രാജ്യം വിട്ടവർക്കു ഇത് ബാധകമല്ലെന്ന് മന്ത്രാലയം അറിയിച്ചു.

പ്രവാസികളുടെ നവജാത ശിശുക്കളുടെ രജിസ്ട്രേഷനായി നാല് മാസത്തെ ഇളവ് അനുവദിച്ചിട്ടുണ്ട്. ഈ സമയപരിധി കഴിഞ്ഞാൽ, ആദ്യ മാസത്തിൽ പ്രതിദിനം 2 KD പിഴയും, തുടർന്ന് രജിസ്ട്രേഷൻ പൂർത്തിയാകുന്നതുവരെ പ്രതിദിനം 4 KD പിഴയും ഈടാക്കും.

വീട്ടുജോലിക്കാർക്കും സമാന വിഭാഗങ്ങൾക്കുമുള്ള വിസയ്ക്ക് തൊഴിലാളിയുടെ പ്രായം 21 വയസ്സിന് താഴെയോ 60 വയസ്സിന് മുകളിലോ ആയിരിക്കരുതെന്ന് പുതിയ ചട്ടങ്ങൾ വ്യക്തമാക്കുന്നു. പ്രത്യേക സാഹചര്യങ്ങളിൽ തൊഴിലുടമയുടെ അഭ്യർത്ഥന പ്രകാരം വിസ അനുവദിക്കും.

അതേസമയം, വിദേശ നിക്ഷേപകർക്കായി പുതിയ റെസിഡൻസ് എൻട്രി വിസയും അവതരിപ്പിച്ചു. കുവൈറ്റ് ഡയറക്ട് ഇൻവെസ്റ്റ്മെന്റ് പ്രൊമോഷൻ അതോറിറ്റിയുടെ (KDIPA) ശുപാർശ പ്രകാരമാണ് വിസ നൽകുക. യോഗ്യരായ നിക്ഷേപകർക്ക് 15 വർഷം വരെ സാധാരണ താമസ പെർമിറ്റ് അനുവദിക്കാമെന്നും മന്ത്രാലയം അറിയിച്ചു.

നിയമപരമായ വ്യക്തത ഉറപ്പാക്കുക, ഭരണകാര്യക്ഷമത വർധിപ്പിക്കുക, താമസ നടപടിക്രമങ്ങൾ കുവൈറ്റിന്റെ നിയമ സംവിധാനവുമായി കൂടുതൽ ഏകീകരിക്കുക എന്നിവയാണ് പുതിയ ചട്ടങ്ങളുടെ ലക്ഷ്യമെന്ന് ആഭ്യന്തര മന്ത്രാലയം വ്യക്തമാക്കി.

 Kuwait കുവൈറ്റിൽ ഇലക്ട്രോണിക് റെസിഡൻസി സേവനങ്ങൾ താൽക്കാലികമായി നിർത്തിവയ്ക്കും

Latest Greeshma Staff Editor — December 22, 2025 · 0 Comment

electronic residency services Kuwait കുവൈറ്റ് സിറ്റി: സാങ്കേതിക നവീകരണ പ്രവർത്തനങ്ങളുടെ ഭാഗമായി കുവൈറ്റിലെ എല്ലാ ഇലക്ട്രോണിക് റെസിഡൻസി സേവനങ്ങളും താൽക്കാലികമായി നിർത്തിവയ്ക്കുമെന്ന് ആഭ്യന്തര മന്ത്രാലയം അറിയിച്ചു.

2025 ഡിസംബർ 22 തിങ്കളാഴ്ച രാത്രി 10 മണി മുതൽ ഡിസംബർ 23 ചൊവ്വാഴ്ച പുലർച്ചെ 2 മണി വരെ നാല് മണിക്കൂർ സമയത്തേക്ക് ഓൺലൈൻ റെസിഡൻസി സേവനങ്ങൾ ലഭ്യമാകില്ല. ഇലക്ട്രോണിക് സംവിധാനങ്ങളുടെ അറ്റകുറ്റപ്പണികളും സാങ്കേതിക വികസനവും നടത്തുന്നതിനായാണ് സേവനങ്ങൾ നിർത്തിവയ്ക്കുന്നത്.

ഡിജിറ്റൽ ഇൻഫ്രാസ്ട്രക്ചർ മെച്ചപ്പെടുത്താനും സിസ്റ്റത്തിന്റെ കാര്യക്ഷമതയും സ്ഥിരതയും വർധിപ്പിക്കാനുമുള്ള ശ്രമങ്ങളുടെ ഭാഗമായാണ് ഈ നടപടി. ഉയർന്ന സാങ്കേതിക നിലവാരം ഉറപ്പാക്കുന്നതിനും ഭാവിയിൽ കൂടുതൽ വിശ്വസനീയമായ സേവനങ്ങൾ നൽകുന്നതിനുമാണ് നവീകരണങ്ങൾ ലക്ഷ്യമിടുന്നത്.

സേവനം നിർത്തിവയ്ക്കുന്ന സമയത്തിന് മുമ്പ് അത്യാവശ്യമായ ഓൺലൈൻ റെസിഡൻസി ഇടപാടുകൾ പൂർത്തിയാക്കണമെന്ന് മന്ത്രാലയം പൊതുജനങ്ങളോട് അഭ്യർത്ഥിച്ചു. നവീകരണ കാലയളവിൽ സഹകരിക്കുന്നതിന് പൊതുജനങ്ങൾക്ക് മന്ത്രാലയം നന്ദിയും അറിയിച്ചു.

രാജ്യത്തെ പൗരന്മാർക്കും താമസക്കാർക്കും സുരക്ഷിതവും കാര്യക്ഷമവുമായ ഇലക്ട്രോണിക് സേവനങ്ങൾ നൽകാനുള്ള പ്രതിബദ്ധത തുടരുമെന്ന് ആഭ്യന്തര മന്ത്രാലയം വ്യക്തമാക്കി.

കുവൈറ്റിൽ ​ഗാർഹിക തൊഴിലാളികൾക്ക് ബാങ്ക് അകൗണ്ട് നിർബന്ധമാക്കുന്നു ; ശമ്പളം ഇനി അകൗണ്ട്കൾ വഴി

Kuwait Greeshma Staff Editor — December 22, 2025 · 0 Comment

Kuwait domestic workers salary bank payment കുവൈറ്റിലെ ലക്ഷക്കണക്കിന് ഗാർഹിക തൊഴിലാളികൾക്ക് ശമ്പളം കൃത്യസമയത്ത് ലഭിക്കുന്നുവെന്ന് ഉറപ്പാക്കാൻ അധികൃതർ കർശന നടപടികൾ സ്വീകരിച്ചു. തൊഴിലാളികൾക്ക് ബാങ്ക് അക്കൗണ്ടുകൾ തുറക്കാനും ശമ്പളം നേരിട്ട് ബാങ്ക് വഴി നൽകാനും സെൻട്രൽ ബാങ്ക് ഓഫ് കുവൈറ്റ് ബാങ്കുകൾക്കും തൊഴിലുടമകൾക്കും നിർദ്ദേശം നൽകി.

കുവൈറ്റിൽ നിലവിൽ ഏകദേശം 7.57 ലക്ഷം ഗാർഹിക തൊഴിലാളികളുണ്ട്. ശമ്പളം നൽകുന്നതുമായി ബന്ധപ്പെട്ട പരാതികളും തർക്കങ്ങളും വർധിച്ചതിനെ തുടർന്നാണ് പുതിയ തീരുമാനം. ശമ്പളം ബാങ്ക് വഴി നൽകുന്നതിലൂടെ തൊഴിലാളിയുടെയും തൊഴിലുടമയുടെയും അവകാശങ്ങൾ സംരക്ഷിക്കാൻ കഴിയുമെന്ന് അധികൃതർ വ്യക്തമാക്കി.

ബാങ്ക് രേഖകൾ ശമ്പളം നൽകിയതിന്റെ തെളിവായി ഉപയോഗിക്കാനാകുമെന്നും, ഇതുവഴി ഭാവിയിൽ ഉണ്ടാകാവുന്ന സാമ്പത്തിക തർക്കങ്ങൾ ഒഴിവാക്കാൻ സാധിക്കുമെന്നും കുവൈറ്റ് യൂണിയൻ ഓഫ് ഡൊമസ്റ്റിക് ലേബർ ഓഫീസസ് മേധാവി ഖാലിദ് അൽ ദഖ്‌നാൻ പറഞ്ഞു.

കുറഞ്ഞ വരുമാനമുള്ള തൊഴിലാളികൾക്കും ഗാർഹിക ജോലിക്കാർക്കും ബാങ്ക് അക്കൗണ്ട് തുറക്കുന്നതിനുള്ള നടപടികൾ ലളിതമാക്കാൻ ബാങ്കുകളോട് സെൻട്രൽ ബാങ്ക് ആവശ്യപ്പെട്ടു. വിവിധ രാജ്യങ്ങളിൽ നിന്നുള്ള തൊഴിലാളികളെ പരിഗണിച്ച് പല ഭാഷകളിലും ബാങ്കിംഗ് സേവനങ്ങൾ നൽകാനും നിർദ്ദേശിച്ചിട്ടുണ്ട്.

ശമ്പളം ബാങ്ക് വഴി കൃത്യമായി നൽകാത്ത തൊഴിലുടമകൾക്കും സ്ഥാപനങ്ങൾക്കും എതിരെ പിഴ ഉൾപ്പെടെയുള്ള നിയമനടപടികൾ സ്വീകരിക്കുമെന്ന് അധികൃതർ അറിയിച്ചു.

തൊഴിലാളികളുടെ അവകാശങ്ങൾ സംരക്ഷിക്കുന്നതിനും സാമ്പത്തിക സുതാര്യത ഉറപ്പാക്കുന്നതിനും ഈ തീരുമാനം സഹായകരമാകുമെന്ന് പ്രതീക്ഷിക്കുന്നു. പണമായി ശമ്പളം നൽകുന്നതിലെ അപകടങ്ങൾ കുറയ്ക്കാനും വിദേശത്തേക്ക് പണം അയയ്ക്കുന്നതിൽ കൂടുതൽ സുരക്ഷ ഉറപ്പാക്കാനും പുതിയ സംവിധാനം സഹായകരമാകും.

പൊലീസ് ഉദ്യോഗസ്ഥനെന്ന പേരിൽ വിവരങ്ങൾ തേടി തട്ടിപ്പ്; പ്രതി പിടിയിൽ

Kuwait Greeshma Staff Editor — December 22, 2025 · 0 Comment

Kuwait cyber crime scam കുവൈത്ത് സിറ്റി: കുവൈത്ത് പൊലീസിന്റെ സൈബർ ക്രൈം വിഭാഗത്തിലെ ഉദ്യോഗസ്ഥനാണെന്ന് വ്യാജമായി അവകാശപ്പെട്ട് പൊതുജനങ്ങളെ കബളിപ്പിക്കാൻ ശ്രമിച്ച ഒരാളെ പൊലീസ് അറസ്റ്റ് ചെയ്തു. സൈബർ വിഭാഗത്തിൽ ജോലി ചെയ്യുന്ന അഹമ്മദ് അബ്ദുള്ള അൽ-അൻസി എന്ന ഉദ്യോഗസ്ഥനാണെന്ന് പരിചയപ്പെടുത്തി ഇയാൾ ആളുകളെ സമീപിക്കുകയായിരുന്നു.

അന്വേഷണത്തിൽ, സിവിൽ ഐഡി ഉൾപ്പെടെയുള്ള പ്രധാന രേഖകൾ കൈപ്പറ്റാനും പൊതുജനങ്ങളുടെ ചിത്രങ്ങൾ പകർത്താനും ഇയാൾ ശ്രമിച്ചതായി കണ്ടെത്തി. ഔദ്യോഗിക നടപടിക്രമങ്ങളെക്കുറിച്ച് വ്യക്തമായ അറിവില്ലാത്ത സാധാരണക്കാരെ ഭയപ്പെടുത്തി, അധികാരഭാവത്തിൽ സംസാരിച്ചാണ് തട്ടിപ്പ് നടത്താൻ ശ്രമിച്ചതെന്നും പൊലീസ് അറിയിച്ചു. കുവൈത്ത് പൊലീസിന്റെ പ്രവർത്തന രീതികളെക്കുറിച്ചുള്ള അറിവില്ലായ്മ മുതലെടുത്തായിരുന്നു ഇയാളുടെ ശ്രമം.

സംഭവത്തെ തുടർന്ന് ആഭ്യന്തര മന്ത്രാലയവും സൈബർ സുരക്ഷാ വിഭാഗവും പൊതുജനങ്ങൾക്ക് ജാഗ്രതാ നിർദേശം നൽകി. കുവൈത്ത് പൊലീസ് ഒരിക്കലും ഫോൺ കോളുകളിലൂടെയോ വാട്സാപ്പ് പോലുള്ള സാമൂഹിക മാധ്യമങ്ങളിലൂടെയോ വ്യക്തിഗത വിവരങ്ങളോ രേഖകളോ ഫോട്ടോകളോ ആവശ്യപ്പെടാറില്ലെന്ന് അധികൃതർ വ്യക്തമാക്കി.

പൊലീസിന്റെ പേരിൽ ലഭിക്കുന്ന സംശയാസ്പദമായ സന്ദേശങ്ങളെയും ഫോൺ കോളുകളെയും തട്ടിപ്പായി തിരിച്ചറിയണമെന്ന് ആഭ്യന്തര മന്ത്രാലയം ജനങ്ങളോട് ആവശ്യപ്പെട്ടു. മന്ത്രാലയത്തിൽ നിന്നുള്ള എല്ലാ ഔദ്യോഗിക അറിയിപ്പുകളും സമൻസുകളും ‘സഹേൽ’ എന്ന സർക്കാർ ആപ്പ് വഴിയുമാത്രമാണ് ലഭ്യമാകുക. ഇതിന് പുറമെ, അംഗീകൃതവും നേരിട്ടുള്ളതുമായ ഔദ്യോഗിക ചാനലുകൾ വഴിയേ മാത്രമേ പൊലീസ് ജനങ്ങളുമായി ബന്ധപ്പെടുകയുള്ളൂ എന്നും അധികൃതർ അറിയിച്ചു. കുവൈറ്റിലെ വാർത്തകൾ വിരൽത്തുമ്പിൽ എത്താൻ ചാനൽ ഫോളോചെയ്യൂ

വിദേശത്ത് നിന്ന് കുവൈത്തിലേക്ക് മരുന്നുകൾ കൊണ്ടുവരൽ: പുതിയ നിയമങ്ങൾ പ്രഖ്യാപിച്ചു

Latest Greeshma Staff Editor — December 22, 2025 · 0 Comment

Kuwait medicine rules കുവൈത്ത് സിറ്റി, ഡിസംബർ 21:വിദേശരാജ്യങ്ങളിൽ നിന്ന് കുവൈത്തിലേക്ക് എത്തുന്ന രോഗികൾ കൊണ്ടുവരുന്ന ലഹരിമരുന്നുകളും മാനസികാവസ്ഥയെ ബാധിക്കുന്ന (സൈക്കോട്രോപിക്) മരുന്നുകളും സംബന്ധിച്ച് ആരോഗ്യ മന്ത്രി ഡോ. അഹമ്മദ് അൽ-അവാദി പുതിയ മന്ത്രിതല ഉത്തരവ് പുറത്തിറക്കി.

പുതിയ ഉത്തരവ് പ്രകാരം, രാജ്യത്ത് എത്തുന്ന രോഗികൾക്ക് ചികിത്സയ്ക്കായി പരമാവധി 15 ദിവസത്തേക്കുള്ള ലഹരിമരുന്നുകൾ (നാർക്കോട്ടിക് ഡ്രഗ്സ്) കൊണ്ടുവരാൻ അനുവാദമുണ്ട്. കൂടാതെ, മാനസിക രോഗ ചികിത്സയ്ക്കുള്ള സൈക്കോട്രോപിക് മരുന്നുകൾ ഒരു മാസത്തേക്കുള്ള അളവിൽ വരെ കൊണ്ടുവരാനും അനുമതി നൽകും.

എന്നാൽ, ഇത്തരം മരുന്നുകൾ കൊണ്ടുവരുന്നവർ മെഡിക്കൽ റിപ്പോർട്ട് അല്ലെങ്കിൽ ഡോക്ടറുടെ മരുന്ന് കുറിപ്പ് (പ്രിസ്ക്രിപ്ഷൻ) കുവൈത്തിൽ എത്തുന്ന സമയത്ത് കസ്റ്റംസ് വിഭാഗത്തിന് സമർപ്പിക്കണം. ഈ രേഖകൾ യാത്രയ്ക്കുമുമ്പ് തന്നെ വിദേശത്തുള്ള കുവൈത്ത് ആരോഗ്യ ഓഫീസിലോ അല്ലെങ്കിൽ ആ രാജ്യത്തെ കുവൈത്ത് എംബസിയിലോ നിന്ന് സാക്ഷ്യപ്പെടുത്തിയതായിരിക്കണം.

സാക്ഷ്യപ്പെടുത്തിയ രേഖകൾ ഉള്ള പക്ഷം, മരുന്നുകൾ കസ്റ്റംസ് വകുപ്പിൽ നിന്ന് ഉടൻ തന്നെ വിട്ടുനൽകും. രേഖകൾക്ക് സാക്ഷ്യം ഇല്ലെങ്കിൽ, ആവശ്യമായ അംഗീകാരം ലഭിക്കുന്നതുവരെ മരുന്നുകൾ വിട്ടുനൽകില്ലെന്നും ഉത്തരവിൽ വ്യക്തമാക്കുന്നു.

ഉത്തരവിൽ നിശ്ചയിച്ച അളവിൽ മരുന്നുകൾ കൊണ്ടുവരുന്ന സാഹചര്യത്തിൽ, മറ്റേതെങ്കിലും അധിക വകുപ്പുകളുടെ അനുമതി ആവശ്യമില്ലെന്നും ആരോഗ്യ മന്ത്രാലയം അറിയിച്ചു. കുവൈറ്റിലെ വാർത്തകൾ വിരൽത്തുമ്പിൽ എത്താൻ ചാനൽ ഫോളോചെയ്യൂ

ആരോഗ്യ ഇൻഷുറൻസ് ഫീസ് വർധന: പ്രതിവർഷം 200 മില്യൺ ദിനാർ വരുമാനം പ്രതീക്ഷിക്കുന്നുവെന്ന് ആരോഗ്യമന്ത്രാലയം

Kuwait Greeshma Staff Editor — December 21, 2025 · 0 Comment

Health insurance, expatriates ആരോഗ്യ ഇൻഷുറൻസ് ഫീസിൽ വരുത്തിയ പുതുക്കലിലൂടെ പ്രതിവർഷം 200 മില്യൺ ദിനാറിന് മുകളിലുള്ള വരുമാനം ലഭിക്കുമെന്ന് ആരോഗ്യ മന്ത്രാലയം അറിയിച്ചു. വിദേശികൾക്കായുള്ള ആരോഗ്യ ഇൻഷുറൻസ്, ഹെൽത്ത് ഗ്യാരന്റി സംബന്ധിച്ച നിയമത്തിന്റെ നിർവ്വഹണ ചട്ടങ്ങൾ ആരോഗ്യ മന്ത്രി ഡോ. അഹ്മദ് അബ്ദുൽ വഹാബ് അൽ അവാദി പുറത്തിറക്കിയതോടെയാണ് ഈ പ്രഖ്യാപനം. പുതിയ വിദേശികളുടെ താമസ നിയമം ഡിസംബർ 23 മുതൽ പ്രാബല്യത്തിൽ വരുന്നതിനൊപ്പം തന്നെ ഈ ചട്ടങ്ങളും നടപ്പാക്കുമെന്ന് മന്ത്രാലയം വ്യക്തമാക്കി.
പുതിയ ക്രമീകരണങ്ങൾ സർക്കാർ ആശുപത്രികളിലേക്കുള്ള സമ്മർദ്ദം കുറയ്ക്കാനും, സ്വകാര്യ ആരോഗ്യ ഇൻഷുറൻസ് മേഖലയെ ശക്തിപ്പെടുത്താനും സഹായിക്കുമെന്ന് അധികൃതർ പറഞ്ഞു.

അതേസമയം, ആരോഗ്യ ഇൻഷുറൻസ് നടപടികളിൽ സമഗ്രമായ ഡിജിറ്റൽ സംവിധാനവും നടപ്പാക്കുന്നുണ്ട്. ആരോഗ്യ മന്ത്രാലയവും ആഭ്യന്തര മന്ത്രാലയവും തമ്മിൽ ഇലക്ട്രോണിക് ബന്ധം സ്ഥാപിക്കുന്നതിലൂടെ സർക്കാർ വകുപ്പുകളിലെ ഏകോപനം മെച്ചപ്പെടുകയും നടപടിക്രമങ്ങൾ ലളിതമാകുകയും സേവനങ്ങളുടെ കാര്യക്ഷമത വർധിക്കുകയും ചെയ്യുമെന്ന് മന്ത്രാലയം വ്യക്തമാക്കി.

കുവൈത്തിൽ വിദേശികൾക്കുള്ള ആരോഗ്യ ഇൻഷുറൻസ് ഫീസ് പുതുക്കി; ഡിസംബർ 23 മുതൽ പുതിയ നിരക്കുകൾ പ്രാബല്യത്തിൽ

Latest Greeshma Staff Editor — December 21, 2025 · 0 Comment

Kuwait expat health insurance fees കുവൈത്ത്: വിദേശികൾക്കായുള്ള ആരോഗ്യ ഇൻഷുറൻസ് സംബന്ധിച്ച പുതിയ ചട്ടങ്ങൾ കുവൈത്ത് ആരോഗ്യമന്ത്രി ഡോ. അഹമ്മദ് അൽ-അവാദി പുറത്തിറക്കി. 1999-ലെ നിയമം നമ്പർ 1നും അതിലെ ഭേദഗതികൾക്കും കീഴിലുള്ള എക്‌സിക്യൂട്ടീവ് ചട്ടങ്ങളാണ് മന്ത്രാലയം പ്രസിദ്ധീകരിച്ചത്.കുവൈറ്റിലെ വാർത്തകൾ വിരൽത്തുമ്പിൽ എത്താൻ ചാനൽ ഫോളോചെയ്യൂ

പുതിയ ചട്ടങ്ങൾ പ്രകാരം, താമസ അനുമതിയ്ക്കോ സന്ദർശക വിസയ്ക്കോ അപേക്ഷിക്കുന്ന എല്ലാ വിദേശികൾക്കും ആരോഗ്യ ഇൻഷുറൻസ് നിർബന്ധമാക്കും. ഇതിനായി നിശ്ചയിച്ചിരിക്കുന്ന ഫീസുകളും വിജ്ഞാപനത്തിൽ വ്യക്തമാക്കിയിട്ടുണ്ട്.

താമസത്തിനുള്ള വിവിധ എട്ട് തരത്തിലുള്ള എൻട്രി പെർമിറ്റുകൾക്ക് 5 കുവൈത്ത് ദിനാർ ഫീസ് ഈടാക്കും. കർഷക തൊഴിലാളികൾ, മത്സ്യത്തൊഴിലാളികൾ, മേച്ചൽ തൊഴിലാളികൾ (റാഞ്ച് തൊഴിലാളികൾ) എന്നിവർക്കുള്ള ഇൻഷുറൻസ് ഫീസ് 10 കുവൈത്ത് ദിനാറായിരിക്കും.

ഈ ചട്ടങ്ങൾ ഡിസംബർ 23 മുതൽ പ്രാബല്യത്തിൽ വരുമെന്ന് മന്ത്രാലയം അറിയിച്ചു.

വിദേശികൾക്കുള്ള ആരോഗ്യ ഇൻഷുറൻസ് (ഹെൽത്ത് ഇൻഷുറൻസ്/ഗ്യാരണ്ടി) സംബന്ധിച്ച വിശദമായ പുതിയ ഫീസ് ഘടന കുവൈത്ത് സർക്കാർ പുറത്തിറക്കി. 1999-ലെ നിയമം നമ്പർ 1-ന്റെ ഭേദഗതികൾ പ്രകാരമുള്ള എക്‌സിക്യൂട്ടീവ് ചട്ടങ്ങളിലാണ് പുതിയ നിരക്കുകൾ വ്യക്തമാക്കിയിരിക്കുന്നത്. ഡിസംബർ 23 മുതൽ ഇവ പ്രാബല്യത്തിൽ വരും.

താമസത്തിനുള്ള എൻട്രി വിസകൾ – 5 ദിനാർ

താഴെ പറയുന്ന 8 തരത്തിലുള്ള താമസ എൻട്രി വിസകൾക്ക് 5 കുവൈത്ത് ദിനാർ ഫീസ് ഈടാക്കും:

സർക്കാർ മേഖലയിലെ ജോലി

സ്വകാര്യ മേഖലയിലെ ജോലി

വ്യാപാരമോ വ്യവസായമോ നടത്തൽ

കുടുംബാംഗങ്ങളോടൊപ്പം താമസം

പഠനം

വിദേശ നിക്ഷേപകൻ

താൽക്കാലിക സർക്കാർ കരാർ

എണ്ണമേഖലയിലെ താൽക്കാലിക ജോലി

സന്ദർശക വിസകൾ – 5 ദിനാർ

സ്വകാര്യ മേഖലയിലെ ഇൻഷുറൻസ് സംവിധാനപ്രകാരം 9 തരത്തിലുള്ള സന്ദർശക വിസകൾക്ക് 5 ദിനാർ ഫീസ്:

സർക്കാർ സന്ദർശനം

വ്യാപാര സന്ദർശനം

കുടുംബ സന്ദർശനം

സ്വകാര്യ സന്ദർശനം

ചികിത്സയ്ക്കുള്ള സന്ദർശനം

മൾട്ടിപ്പിൾ എൻട്രി വിസ

ടൂറിസം

കായിക പ്രവർത്തനങ്ങൾ

സാംസ്കാരിക / സാമൂഹിക പരിപാടികൾ

മറ്റ് ചില വിസകൾ – 5 ദിനാർ

ട്രാൻസിറ്റ് വിസ

ട്രക്ക്, ബസ് ഡ്രൈവർമാരുടെ എൻട്രി വിസ

അടിയന്തര എൻട്രി വിസ

പുതുതായി ഉൾപ്പെടുത്തിയ എൻട്രി വിസ

താമസ ആരോഗ്യ ഇൻഷുറൻസ് – 100 ദിനാർ

താഴെ പറയുന്ന 10 വിഭാഗങ്ങൾക്കാണ് 100 ദിനാർ ഇൻഷുറൻസ് ഫീസ്:

സർക്കാർ ജോലി

സ്വകാര്യ മേഖല ജോലി

വിദേശ പങ്കാളി

വിദേശ നിക്ഷേപകൻ

വിദേശ വിദ്യാർത്ഥികൾ

സ്വയം സ്പോൺസർ ചെയ്യുന്നവർ

വിദേശ സ്വത്ത് ഉടമകൾ

നിയമവിരുദ്ധ താമസക്കാർ (പുതിയ പാസ്പോർട്ട് നേടിയവർ)

മതപണ്ഡിതർ, ഇമാമുമാർ

പുതുതായി ഉൾപ്പെടുത്തിയ താമസം

പ്രത്യേക തൊഴിലാളികൾ – 10 ദിനാർ

സ്വകാര്യ മേഖലയിലെ താഴെ പറയുന്ന തൊഴിലാളികൾക്ക് 10 ദിനാർ മാത്രം:

കൃഷിത്തൊഴിലാളികൾ

മത്സ്യത്തൊഴിലാളികൾ

ഒട്ടകവും ആടും വളർത്തുന്നവർ

ഡയറി കമ്പനികളിലെ തൊഴിലാളികൾ

ഗൃഹതൊഴിലാളികൾ

കുവൈത്ത് കുടുംബങ്ങളിൽ ആദ്യ മൂന്ന് ഗൃഹതൊഴിലാളികൾക്ക് ഫീസ് ഇല്ല. നാലാമത്തെയും അതിന് ശേഷമുള്ളവർക്കും 10 ദിനാർ ഫീസ് ഈടാക്കും.

കുടുംബാംഗങ്ങളോടൊപ്പം താമസം – 100 ദിനാർ

ഭാര്യ, മക്കൾ, മറ്റ് ആശ്രിതർ എന്നിവർക്കുള്ള താമസത്തിനും 100 ദിനാർ ഫീസ് ബാധകമാണ്. ഇതിൽ സർക്കാർ/സ്വകാര്യ മേഖല ജീവനക്കാർ, വിദ്യാർത്ഥികൾ, വിദേശ നിക്ഷേപകർ, ഗൾഫ് വനിതകളുടെ കുടുംബാംഗങ്ങൾ, ഡിപ്ലോമാറ്റുകളുടെ ഗൃഹതൊഴിലാളികൾ എന്നിവരും ഉൾപ്പെടുന്നു.

ഫീസ് ഒഴിവാക്കിയ 9 വിഭാഗങ്ങൾ

താഴെ പറയുന്നവർക്ക് ഇൻഷുറൻസ് ഫീസ് ഒഴിവാക്കിയിട്ടുണ്ട്:

കുവൈത്ത് പൗരന്മാരുടെ വിദേശ ഭാര്യമാർ

കുവൈത്ത് പൗരന്റെ വിധവകളും വിവാഹമോചിതരും (മക്കളുള്ളവർ)

കുവൈത്ത് പൗരന്മാരുടെ വിദേശ മക്കൾ

കുവൈത്ത് പൗരന്മാരുടെ മാതാപിതാക്കൾ

കുവൈത്ത് വനിതകളുടെ വിദേശ മക്കൾ

കുവൈത്ത് കുടുംബത്തിലെ മൂന്ന് ഗൃഹതൊഴിലാളികൾ വരെ

ഡിപ്ലോമാറ്റിക് ദൗത്യങ്ങളും ഔദ്യോഗിക പ്രതിനിധി സംഘങ്ങളും

നിയമവിരുദ്ധ താമസക്കാർ (കേന്ദ്ര ഏജൻസിയുമായി ഏകോപിച്ച്)

വിദേശ നവജാത ശിശു (നാല് മാസം വരെ)

ആരോഗ്യ ഇൻഷുറൻസിന്റെ കാലാവധി ആഭ്യന്തര മന്ത്രാലയം നൽകുന്ന വിസയും താമസാനുമതിയും അനുസരിച്ചായിരിക്കുമെന്നും പാസ്പോർട്ടിന്റെ കാലാവധിയുമായി ബന്ധമില്ലെന്നും ചട്ടങ്ങളിൽ വ്യക്തമാക്കിയിട്ടുണ്ട്.