Kuwait fraud case : കുവൈറ്റ് സിറ്റി, ഡിസംബർ 4: ആഡംബര ബ്രാൻഡ് ഹാൻഡ്ബാഗുകൾ വാഗ്ദാനം ചെയ്ത് സ്ത്രീകളെ വഞ്ചിച്ച പ്രവാസി തട്ടിപ്പുകാരനെ ഹവല്ലി ഗവർണറേറ്റിലെ ക്രിമിനൽ ഇൻവെസ്റ്റിഗേഷൻ വിഭാഗം പിടികൂടി.

വാട്ട്സ്ആപ്പ് വഴി പ്രശസ്ത ബ്രാൻഡുകളിലെ ഹാൻഡ്ബാഗുകളുടെ ഭംഗിയുള്ള ചിത്രങ്ങൾ അയച്ച് കുറഞ്ഞ വിലക്ക് വിൽപ്പനയാണെന്ന് വിശ്വസിപ്പിച്ചായിരുന്നു തട്ടിപ്പ്. പണം ഇലക്ട്രോണിക് ട്രാൻസ്ഫർ വഴി കൈപ്പറ്റിയ ശേഷം വ്യാജ ഹാൻഡ്ബാഗ് നൽകുകയായിരുന്നു ഇയാളുടെ രീതി.

ഒരു സ്ത്രീ നൽകിയ പരാതിയിലാണ് അന്വേഷണം ആരംഭിച്ചത്. സോഷ്യൽ മീഡിയയിൽ കണ്ട പരസ്യത്തെ തുടർന്ന് അവൾ 650 ദിനാർ ‘WAMD’ ആപ്പ് വഴി അയച്ചു. പിന്നീട് ലഭിച്ച ബാഗ് വ്യാജമാണെന്ന് ബ്രാൻഡിന്റെ ഔദ്യോഗിക വിതരണ കേന്ദ്രം സ്ഥിരീകരിച്ചു. പരാതിക്കാരി പണം തിരികെ ആവശ്യപ്പെട്ടപ്പോൾ പ്രതി ഫോൺ ഓഫ് ചെയ്ത് ഒളിവിൽ പോകുകയായിരുന്നു.തുടർന്ന് നടത്തിയ രഹസ്യാന്വേഷണത്തിനൊടുവിലാണ് തട്ടിപ്പുകാരനെ പോലീസ് പിടികൂടിയത്. ഇയാളെതിരെ ‘വഞ്ചന’ കുറ്റം ചുമത്തി നിയമനടപടികൾ സ്വീകരിച്ചുവരികയാണ്.

കുവൈറ്റിലേക്ക് പറക്കും മുമ്പ് നിങ്ങളുടെ മരുന്നുകൾ പരിശോധിക്കണം, മറ്റുള്ളവരുടെ ബാ​ഗുകൾ വാങ്ങരുത്, യാത്രക്കാർക്ക് മുന്നറിയിപ്പ്

Kuwait Greeshma Staff Editor — December 5, 2025 · 0 Comment

banned medicines in Kuwait : സിറ്റി, ഡിസംബർ 4: കുവൈറ്റിലെ മയക്കുമരുന്ന് നിയമം (ഡിക്രി നിയമം 159/2025) സംബന്ധിച്ച് പൗരന്മാരെയും പ്രവാസികളെയും ബോധവൽക്കരിക്കാൻ പബ്ലിക് പ്രോസിക്യൂഷൻ പുതിയ അവബോധ കാമ്പെയ്ൻ ആരംഭിച്ചു. ഇതിന്റെ ഭാഗമായി എക്‌സ് (X) അക്കൗണ്ടിലൂടെ നിരവധി മുന്നറിയിപ്പുകൾ പ്രസിദ്ധീകരിച്ചു.

കുവൈറ്റിലേക്ക് യാത്ര ചെയ്യുന്നതിന് മുമ്പ് കൈവശം കൊണ്ടുപോകുന്ന മരുന്നുകൾ പരിശോധിക്കണമെന്ന് പബ്ലിക് പ്രോസിക്യൂഷൻ യാത്രക്കാരോട് അഭ്യർത്ഥിച്ചു. മറ്റു രാജ്യങ്ങളിൽ അനുവദനീയമായ ചില മരുന്നുകൾ കുവൈറ്റിൽ കുറിപ്പടി ഇല്ലാതെ നിരോധിതമാകാമെന്നും മുന്നറിയിപ്പ് നൽകി. പ്രത്യേകിച്ച് ചില ഉറക്ക ഗുളികകളും ഉത്കണ്ഠാ മരുന്നുകളും നിരോധിത വസ്തുക്കൾ ഉൾക്കൊള്ളുന്നതായിരിക്കാമെന്നും വ്യക്തമാക്കി.

മറ്റുള്ളവരുടെ ബാഗുകളും സാധനങ്ങളും കൈവശം എടുക്കരുതെന്നും പബ്ലിക് പ്രോസിക്യൂഷൻ മുന്നറിയിപ്പ് നൽകി. അത്തരം ബാഗുകളിൽ മയക്കുമരുന്നുകളോ നിരോധിത വസ്തുക്കളോ ഉണ്ടെങ്കിൽ അത് കൈവശം വച്ച വ്യക്തിക്കും നിയമനടപടി നേരിടേണ്ടിവരുമെന്ന് വ്യക്തമാക്കി.

മയക്കുമരുന്ന് ഉപയോഗിക്കുന്ന സ്ഥലങ്ങളിൽ ഉദ്ദേശപൂർവ്വം സാന്നിധ്യം പുലർത്തുന്നതും നിയമപരമായി കുറ്റകരമാണെന്ന് പബ്ലിക് പ്രോസിക്യൂഷൻ അറിയിച്ചു.

ആസക്തി റിപ്പോർട്ട് ചെയ്യുന്നത് ശിക്ഷയ്ക്കുള്ള വഴിയല്ല, ചികിത്സയ്ക്കുള്ള വഴിയാണെന്നും അധികൃതർ പറഞ്ഞു. കുടുംബാംഗങ്ങൾക്കും തൊഴിലുടമകൾക്കും ആരോഗ്യ സ്ഥാപനങ്ങൾക്കും ആസക്തി കേസുകൾ റിപ്പോർട്ട് ചെയ്യാൻ അവകാശമുണ്ടെന്നും, ഇത്തരം റിപ്പോർട്ടുകൾ രഹസ്യമായി കൈകാര്യം ചെയ്യുമെന്നും വ്യക്തമാക്കി. അറസ്റ്റ് ചെയ്യുന്നതിന് മുമ്പ് സ്വമേധയാ ചികിത്സ തേടുന്നവർക്ക് ശിക്ഷയിൽ നിന്ന് ഒഴിവുണ്ടെന്നും അറിയിച്ചു.

മയക്കുമരുന്ന് ഉപയോഗിക്കുന്നവരെ ചികിത്സാ കേന്ദ്രങ്ങളിലേക്ക് റഫർ ചെയ്യുന്നത് ശിക്ഷയല്ല, സംരക്ഷണ നടപടിയാണെന്നും പബ്ലിക് പ്രോസിക്യൂഷൻ അറിയിച്ചു. ശരിയായ ചികിത്സ ലഭിക്കാതിരിക്കുമ്പോൾ ഗുരുതര ആരോഗ്യ പ്രശ്നങ്ങളും അപകടകരമായ പെരുമാറ്റങ്ങളും ഉണ്ടാകാമെന്നും മുന്നറിയിപ്പ് നൽകി.

കുവൈറ്റിലെ ഏറ്റവും പുതിയ വാർത്തകൾ തത്സമയം അറിയാൻ
ഇപ്പോൾ തന്നെ ഫോളോചെയ്യു

കുവൈറ്റിൽ ടാക്സി മറയായി മയക്കുമരുന്ന് കടത്ത്; ഡ്രൈവർ അറസ്റ്റിൽ

Latest Greeshma Staff Editor — December 5, 2025 · 0 Comment

Kuwait drug arrest : കുവൈറ്റ് സിറ്റി, ഡിസംബർ 5: ഹവല്ലി സെക്യൂരിറ്റി ഡയറക്ടറേറ്റിന്റെ പട്രോളിംഗ് സംഘത്തിന്‍റെ പരിശോധനയിൽ മയക്കുമരുന്ന് കടത്തിയിരുന്ന ഒരു ടാക്സി ഡ്രൈവർ അറസ്റ്റിൽ. പ്രതിയുടെ കൈവശം വിൽപ്പനയ്ക്ക് തയ്യാറാക്കിയ 74 സാച്ചെറ്റ് മെത്താംഫെറ്റാമൈൻ കണ്ടെത്തി.

സാൽമിയ പ്രദേശത്ത് പട്രോളിംഗ് നടത്തുന്നതിനിടെ സംശയകരമായി കണ്ട ടാക്സി പരിശോധിക്കാൻ ശ്രമിച്ചപ്പോൾ ഡ്രൈവർ രക്ഷപ്പെടാൻ ശ്രമിച്ചു. എന്നാൽ ഉടൻ പിടികൂടി നടത്തിയ പരിശോധനയിൽ വാഹനത്തിനുള്ളിൽ ബാഗിൽ ഒളിപ്പിച്ച മയക്കുമരുന്ന് കണ്ടെത്തി.

സംശയം ഒഴിവാക്കാൻ ടാക്സി മറയായി ഉപയോഗിച്ച് പണത്തിന് മയക്കുമരുന്ന് വിതരണം ചെയ്തിരുന്നുവെന്ന് പ്രതി സമ്മതിച്ചു. പിടിച്ചെടുത്ത മുഴുവൻ മയക്കുമരുന്നും കണ്ടുകെട്ടി. തുടര്‍ അന്വേഷണത്തിനായി പ്രതിയെ ഡ്രഗ് കൺട്രോൾ ജനറൽ ഡിപ്പാർട്ട്‌മെന്റിന് കൈമാറി.

കുവൈറ്റിലെ ഏറ്റവും പുതിയ വാർത്തകൾ തത്സമയം അറിയാൻ
ഇപ്പോൾ തന്നെ ഫോളോചെയ്യു

വെള്ളിയാഴ്ച മുതൽ കുവൈത്തിൽ തണുപ്പ് ശക്തമാകും; മൂടൽമഞ്ഞിനും സാധ്യത

Kuwait Greeshma Staff Editor — December 5, 2025 · 0 Comment

Kuwait weather today : കുവൈത്ത് സിറ്റി, ഡിസംബർ 4: ഈ വാരാന്ത്യത്തിൽ കുവൈത്തിൽ പകൽ സമയം പൊതുവെ മിതമായ കാലാവസ്ഥയായിരിക്കും. വൈകുന്നേരങ്ങളിലും രാത്രികളിലും തണുപ്പ് അനുഭവപ്പെടും. ചില പ്രദേശങ്ങളിൽ നേരിയ മൂടൽമഞ്ഞിനും സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു.

രാജ്യം ഇപ്പോൾ ദുർബലമായ ഉയർന്ന മർദ്ദത്തിന്റെ സ്വാധീനത്തിലാണെന്നും, വെള്ളിയാഴ്ച മുതൽ താഴ്ന്ന മർദ്ദം അനുഭവപ്പെടുമെന്നും കാലാവസ്ഥാ വകുപ്പ് ആക്ടിംഗ് ഡയറക്ടർ ധീരാർ അൽ-അലി പറഞ്ഞു. ഇതോടെ വായുവിൽ ഈർപ്പം കൂടുകയും താഴ്ന്ന മേഘങ്ങൾ വർദ്ധിക്കുകയും ചെയ്യും. ചില സ്ഥലങ്ങളിൽ ചിതറിയ നേരിയ മഴയ്ക്കും സാധ്യതയുണ്ട്.

വെള്ളിയാഴ്ച പകൽ 25 മുതൽ 27 ഡിഗ്രി സെൽഷ്യസ് വരെ താപനില പ്രതീക്ഷിക്കുന്നു. തെക്കുകിഴക്കൻ ദിശയിൽ നിന്ന് മണിക്കൂറിൽ 8 മുതൽ 28 കിലോമീറ്റർ വരെ വേഗതയുള്ള കാറ്റ് വീശും. കടൽ നേരിയതോ മിതമായതോ ആയിരിക്കും. തിരമാലകൾ ഒരു മുതൽ മൂന്ന് അടിവരെ ഉയരമുണ്ടാകും.

വെള്ളിയാഴ്ച രാത്രി കാലാവസ്ഥ തണുത്തതായിരിക്കും. കാറ്റ് നേരിയതോ മിതമായതോ ആയിരിക്കും. ചില പ്രദേശങ്ങളിൽ വീണ്ടും മൂടൽമഞ്ഞ് രൂപപ്പെടാൻ സാധ്യതയുണ്ടെന്നും കാലാവസ്ഥാ വകുപ്പ് അറിയിച്ചു

കുവൈറ്റിലെ ഏറ്റവും പുതിയ വാർത്തകൾ തത്സമയം അറിയാൻ
ഇപ്പോൾ തന്നെ ഫോളോചെയ്യു

യാത്രക്കാർക്ക് ആശ്വാസം: കുവൈറ്റിലെ ട്രാവൽ ഹെൽത്ത് ക്ലിനിക്കുകളുടെ എണ്ണം വർധിപ്പിച്ചു

Uncategorized Greeshma Staff Editor — December 4, 2025 · 0 Comment

Kuwait Travel Health Clinics : കുവൈറ്റ് സിറ്റി, ഡിസംബർ 3: ഫർവാനിയ ആശുപത്രിയിൽ പുതിയ യാത്രാ ആരോഗ്യ ക്ലിനിക് ആരംഭിച്ചതോടെ കുവൈറ്റിലെ എല്ലാ ഗവർണറേറ്റുകളിലുമുള്ള ട്രാവൽ ഹെൽത്ത് ക്ലിനിക്കുകളുടെ എണ്ണം എട്ടായി ഉയർന്നു. യാത്രയുമായി ബന്ധപ്പെട്ട രോഗങ്ങൾ തടയുന്നതിനും ആവശ്യമായ വാക്സിനേഷനും ചികിത്സയും നൽകുന്നതിനുമുള്ള സേവനങ്ങൾ ശക്തമാക്കുന്നതിന്റെ ഭാഗമായാണ് പുതിയ ക്ലിനിക് തുറന്നതെന്ന് ആരോഗ്യ മന്ത്രാലയം അറിയിച്ചു.

പൗരന്മാർക്കും താമസക്കാർക്കും ഈ സേവനങ്ങൾ എളുപ്പത്തിൽ ലഭ്യമാക്കുക എന്നതാണ് ലക്ഷ്യം. യാത്രക്കാരുടെ സൗകര്യത്തിനായി പല ക്ലിനിക്കുകളും രാവിലെക്കും വൈകുന്നേരത്തിനുമായി രണ്ട് ഷിഫ്റ്റിലായാണ് പ്രവർത്തിക്കുന്നത്. ഇത് വഴി അപ്പോയിന്റ്മെന്റ് എടുക്കുന്നതും വാക്സിൻ എടുക്കുന്നതും കൂടുതൽ എളുപ്പമാകും.

യാത്രയ്ക്ക് പോകുന്നതിന് മുമ്പേ ട്രാവൽ ഹെൽത്ത് ക്ലിനിക്കുകൾ സന്ദർശിക്കണമെന്ന് മന്ത്രാലയം നിർദേശിച്ചു. പ്രത്യേകിച്ച് വിദേശരാജ്യങ്ങളിലേക്കും രോഗവ്യാപന സാധ്യത കൂടുതലുള്ള മേഖലകളിലേക്കും പോകുന്നവർ നിർബന്ധമായും ആവശ്യമായ വാക്സിനേഷനും ആരോഗ്യ ഉപദേശവും സ്വീകരിക്കണം.

ഓരോ രാജ്യത്തേക്കുള്ള യാത്രാ നിർദേശങ്ങളും വേണ്ട സേവനങ്ങളും അറിയാൻ ആരോഗ്യ മന്ത്രാലയത്തിന്റെ വെബ്‌സൈറ്റിലുള്ള പ്രത്യേക യാത്രാ ഭൂപടം പരിശോധിക്കാനും, സമീപത്തെ ട്രാവൽ ഹെൽത്ത് ക്ലിനിക്കുമായി ബന്ധപ്പെടാനും മന്ത്രാലയം പൊതുജനങ്ങളോട് അഭ്യർത്ഥിച്ചു.

കുവൈറ്റിലെ ഏറ്റവും പുതിയ വാർത്തകൾ തത്സമയം അറിയാൻ
ഇപ്പോൾ തന്നെ ഫോളോചെയ്യു

കുവൈറ്റിൽ ഫാർമസ്യൂട്ടിക്കൽ, പാരാമെഡിക്കൽ ജീവനക്കാരുടെ ഓൺ-കോൾ സമയം, അലവൻസുകൾ പുതുക്കി ; പുതിയ ഉത്തരവിറങ്ങി

Latest Greeshma Staff Editor — December 4, 2025 · 0 Comment

Kuwait Health Ministry order കുവൈറ്റ് സിറ്റി : ആരോഗ്യ മന്ത്രാലയത്തിലെ ഫാർമസ്യൂട്ടിക്കൽ, പാരാമെഡിക്കൽ വിഭാഗങ്ങളിലെ ജീവനക്കാരുടെ ജോലി ചുമതലകൾ, അലവൻസുകൾ, ബോണസുകൾ എന്നിവയിൽ മാറ്റം വരുത്തി ആരോഗ്യ മന്ത്രി ഡോ. അഹമ്മദ് അൽ-അവാദി ഉത്തരവ് പുറപ്പെടുവിച്ചു. ഭരണനിലവാരം മെച്ചപ്പെടുത്താനും പ്രവർത്തന കാര്യക്ഷമത വർധിപ്പിക്കാനുമാണ് ഈ തീരുമാനം.

പുതുക്കിയ ഉത്തരവനുസരിച്ച്, ജീവനക്കാരുടെ പ്രതിമാസ ഓൺ-കോൾ സമയം കുറഞ്ഞത് 30 മണിക്കൂറും പരമാവധി 48 മണിക്കൂറുമായി നിശ്ചയിച്ചു. ജോലി ചെയ്ത ഓൺ-കോൾ സമയത്തിന് മാത്രമേ അലവൻസ് ലഭിക്കൂ. വാർഷിക അവധി, അസുഖ അവധി തുടങ്ങിയ അവധിക്കാലത്ത് ഓൺ-കോൾ അലവൻസ് ലഭിക്കില്ല.

ഓൺ-കോൾ അലവൻസ് ഓവർടൈമിനോടോ ഷിഫ്റ്റ് അലവൻസിനോടോ ചേർത്ത് നൽകാനും അനുമതിയില്ല. ജോലി സമയവും ശമ്പളവും കർശനമായി നിയന്ത്രിക്കാൻ ഇതിലൂടെ സാധിക്കും.പ്രതിമാസ ഓൺ-കോൾ ഷെഡ്യൂൾ ബന്ധപ്പെട്ട വർക്ക് സെന്ററുകൾ തയ്യാറാക്കി അംഗീകരിക്കണം. ഈ ഷെഡ്യൂൾ “എൻജാസ്” സിസ്റ്റം വഴി സമർപ്പിക്കാനും ഔദ്യോഗിക രജിസ്റ്ററിൽ പകർപ്പ് സൂക്ഷിക്കാനും നിർദ്ദേശമുണ്ട്.

40 മുതൽ 120 ദിനാർ വരെ കൈക്കൂലി കൈപറ്റും ; സിവിൽ ഡാറ്റയിൽ കൃത്രിമം കാണിച്ച് താമസ വിലാസം മാറ്റി നൽകും , ഫർവാനിയയിൽ മൂന്ന് പേർ അറസ്റ്റിൽ

Kuwait Greeshma Staff Editor — December 4, 2025 · 0 Comment

Kuwait CID arrest : കുവൈറ്റ്: ഫർവാനിയ ഗവർണറേറ്റിലെ ക്രിമിനൽ ഇൻവെസ്റ്റിഗേഷൻ ഡിപ്പാർട്ട്‌മെന്റ് (CID) മൂന്ന് പേരടങ്ങുന്ന ഒരു വ്യാജരേഖ നിർമ്മാണ സംഘത്തെ പിടികൂടി. ഒരാൾ ഏഷ്യൻ പൗരനും രണ്ട് പേർ അറബ് പൗരന്മാരുമാണ്. വ്യാജ രേഖകൾ ഉണ്ടാക്കി സിവിൽ ഡാറ്റയിൽ കൃത്രിമം കാണിച്ച് താമസ വിലാസം മാറ്റുകയായിരുന്നു ഇവരുടെ പ്രധാന കുറ്റകൃത്യം.

ജലീബ് അൽ-ഷുയൂഖ്, ഫർവാനിയ എന്നീ പ്രദേശങ്ങളിലെ ചില വീടുകളുടെ ഓട്ടോമേറ്റഡ് നമ്പറുകൾ ദുരുപയോഗം ചെയ്ത് വ്യാജ പാട്ടക്കരാറുകളും രേഖകളും തയ്യാറാക്കി നിയമവിരുദ്ധമായി താമസ വിലാസം മാറ്റിയതാണ് ഇവരുടെ രീതി. ഒരു ഇടപാടിന് 40 മുതൽ 120 കുവൈറ്റ് ദിനാർ വരെ ഇവർ പിരിച്ചെടുക്കുന്നുണ്ടായിരുന്നു.

രഹസ്യ വിവരത്തിന്റെ അടിസ്ഥാനത്തിൽ CID പ്രത്യേക അന്വേഷണസംഘം രൂപീകരിച്ച് പ്രതികളുടെ നീക്കങ്ങൾ നിരീക്ഷിച്ചു. തുടർന്ന് നടത്തിയ ആസൂത്രിത ഓപ്പറേഷനിലൂടെയാണ് മൂവരെയും പിടികൂടിയത്.

പ്രതികളിൽ നിന്ന് 1,694 കുവൈറ്റ് ദിനാർ, പ്രിന്റിങ് മെഷീൻ, സ്റ്റോറേജ് ഡിസ്ക്, ക്യാമറ, വ്യാജ രേഖകൾ എന്നിവ പിടിച്ചെടുത്തു. ചോദ്യം ചെയ്യലിൽ തങ്ങൾ കുറ്റകൃത്യം ചെയ്തതായി പ്രതികൾ സമ്മതിച്ചു.

പിടിയിലായ പ്രതികളെയും പിടിച്ചെടുത്ത സാമഗ്രികളെയും തുടർ നിയമ നടപടികൾക്കായി ബന്ധപ്പെട്ട അധികാരികൾക്ക് കൈമാറി.

അമിരി ആശുപത്രിയിലേക്ക് പോകുന്നുണ്ടോ ? അറേബ്യൻ ഗൾഫ് സ്ട്രീറ്റ് ഇന്ന് ഈ സമയം മുതൽ പൂർണ്ണമായും അടക്കും കേട്ടോ..

Uncategorized Greeshma Staff Editor — December 4, 2025 · 0 Comment

Kuwait road closure : കുവൈറ്റ് സിറ്റി, ഡിസംബർ 4: കുവൈറ്റ് എഞ്ചിനീയേഴ്സ് സൊസൈറ്റിക്ക് സമീപമുള്ള കവലയിൽ നിന്ന് അമിരി ആശുപത്രിയിലേക്കുള്ള കവല വരെ അറേബ്യൻ ഗൾഫ് സ്ട്രീറ്റ് പൂർണ്ണമായി അടച്ചിടുമെന്ന് അധികൃതർ അറിയിച്ചു. ഡിസംബർ 4 വ്യാഴാഴ്ച വൈകുന്നേരം 6 മണി മുതലാണ് റോഡ് അടച്ചിടൽ ആരംഭിക്കുന്നത്. ഇത് ഡിസംബർ 7 ഞായറാഴ്ച രാവിലെ 6 മണി വരെ തുടരും.

റോഡ് അടച്ചിടുന്നതോടെ നിയുക്ത തൊഴിൽ മേഖലയിലുള്‍പ്പെടെ സമീപത്തെ നിരവധി കടൽത്തീര പ്രദേശങ്ങളിലെ ഗതാഗതവും ബാധിക്കും. പ്രദേശത്ത് നടക്കുന്ന വികസന, നവീകരണ പ്രവർത്തനങ്ങളുടെ ഭാഗമായാണ് ഈ നിയന്ത്രണം ഏർപ്പെടുത്തിയിരിക്കുന്നത്.

ഈ കാലയളവിൽ എല്ലാ വാഹനങ്ങളിലും യാത്ര ചെയ്യുന്നവർ ബദൽ വഴികൾ ഉപയോഗിക്കണമെന്ന് ഗതാഗത വകുപ്പ് അഭ്യർത്ഥിച്ചു. ഗതാഗതക്കുരുക്ക് ഒഴിവാക്കാനും യാത്ര സുഗമമാക്കാനും ട്രാഫിക് ഉദ്യോഗസ്ഥരുമായി സഹകരിക്കണമെന്നും ഗതാഗത നിയമങ്ങളും സുരക്ഷാ നിർദേശങ്ങളും കർശനമായി പാലിക്കണമെന്നും അധികൃതർ അറിയിച്ചു.