Greenpeace Report : ഫാസ്റ്റ്-ഫാഷൻ ബ്രാൻഡ് ഷെയിൻ മുൻപ് സുരക്ഷാ മാനദണ്ഡങ്ങൾ പാലിക്കുമെന്ന് ഉറപ്പ് നൽകിയിരുന്നെങ്കിലും, അവരുടെ നിരവധി ഉൽപ്പന്നങ്ങളിൽ അപകടകരമായ രാസവസ്തുക്കൾ കണ്ടെത്തിയതായി ഗ്രീൻപീസ് പുറത്തിറക്കിയ പുതിയ റിപ്പോർട്ട് പറയുന്നു.ഈ വർഷം ലബോറട്ടറികളിൽ നടത്തിയ പരിശോധനയിൽ, മുതിർന്നവർക്കും കുട്ടികൾക്കും വേണ്ടിയുള്ള 65 വസ്ത്രങ്ങൾ പരിശോധിച്ചു. ഇതിൽ 18 ഉൽപ്പന്നങ്ങളിൽ അപകടകരമായ രാസവസ്തുക്കൾ കണ്ടെത്തി. ചില രാസവസ്തുക്കൾ യൂറോപ്യൻ സുരക്ഷാ പരിധി കവിയുന്നവയാണ്.
റിപ്പോർട്ടിൽ പറയുന്നതനുസരിച്ച്, ഇവയിൽ എൻഡോക്രൈൻ തകരാറുകൾ, പ്രതിരോധശേഷി കുറയുന്നത്, ഹോർമോൺ പ്രശ്നങ്ങൾ, പ്രജനനക്ഷമതയിലെ കുറവ്, കുട്ടികളുടെ വളർച്ചയെ ബാധിക്കുന്ന ഘടകങ്ങൾ എന്നിവയുമായി ബന്ധപ്പെട്ട പദാർത്ഥങ്ങൾ ഉൾപ്പെട്ടിരുന്നു. കൂടാതെ ലെഡുപോലുള്ള ഘനലോഹങ്ങളും കണ്ടെത്തി. വിഷവസ്തുക്കൾ വസ്ത്രം ശരീരവുമായി ഇടപഴകുമ്പോൾ അല്ലെങ്കിൽ വിയർക്കുമ്പോൾ ശരീരത്തിലേക്ക് പ്രവേശിക്കാമെന്നും ഇത് കുട്ടികൾക്ക് കൂടുതൽ അപകടമാണെന്നും ഗ്രീൻപീസ് മുന്നറിയിപ്പ് നൽകി. ഇവ മലിനജലത്തിലേക്കും മണ്ണിലേക്കും ഭക്ഷ്യശൃംഖലയിലേക്കും ഇടപെടാൻ സാധ്യതയുണ്ടെന്നും റിപ്പോർട്ട് ചൂണ്ടിക്കാട്ടുന്നു.
ഷെയിൻ നൽകിയ മറുപടി
റിപ്പോർട്ട് പരിശോധിച്ച ശേഷം ആവശ്യമായ സുരക്ഷാ നടപടികൾ സ്വീകരിച്ചിട്ടുണ്ടെന്ന് ഷെയിൻ അറിയിച്ചു. അന്വേഷണം പൂർത്തിയാകുന്നത് വരെ, ആരോപണം നേരിടുന്ന എല്ലാ ഉൽപ്പന്നങ്ങളും യൂറോപ്യൻ യൂണിയൻ ഉൾപ്പെടെ ലോകമെമ്പാടുമുള്ള പ്ലാറ്റ്ഫോമുകളിൽ നിന്നു നീക്കം ചെയ്തിട്ടുണ്ടെന്നും കമ്പനി അറിയിച്ചു.
ബ്യൂറോ വെരിറ്റാസ്, ഇന്റർടെക്, എസ്ജിഎസ് എന്നീ അന്താരാഷ്ട്ര പരിശോധനാ ഏജൻസികളുമായി സഹകരിച്ച് നടത്തിയ പ്രാഥമിക പരിശോധനയിൽ, അവർ പരിശോധിച്ച ഉൽപ്പന്നങ്ങൾ യൂറോപ്യൻ മാനദണ്ഡങ്ങൾ പാലിക്കുന്നതാണെന്ന് കമ്പനി അവകാശപ്പെട്ടു.
റിപ്പോർട്ട് പ്രസിദ്ധീകരിക്കുന്നതിന് മുമ്പ് തങ്ങളോട് വിശദീകരണം തേടാതിരുന്നുവെന്നും, ചില ഉൽപ്പന്നങ്ങൾ ഇപ്പോഴും മറ്റ് ഇ-കൊമേഴ്സ് സൈറ്റുകളിൽ ലഭ്യമായിരിക്കുന്നുവെന്നതും ഷെയിൻ ചൂണ്ടിക്കാട്ടി.
ഫാഷൻ രംഗത്തെ സുരക്ഷാ മാനദണ്ഡങ്ങൾ ആഗോളതലത്തിൽ മെച്ചപ്പെടുത്താൻ സജീവമായ സംഭാഷണം നടത്തേണ്ടതുണ്ടെന്നും അവർ ആവശ്യപ്പെട്ടു.
എന്തൊരു ചേലാണ്’, നിറങ്ങൾ അണിഞ്ഞ് അൽ ബിദ പാർക്ക്; ലാന്റേൺ ഫെസ്റ്റിവൽ തുടങ്ങി
Latest Greeshma Staff Editor — November 27, 2025 · 0 Comment
Lantern Festival ദോഹ: ശൈത്യകാലത്ത് കുട്ടികൾക്കും കുടുംബാംഗങ്ങൾക്കും ഒന്നിച്ച് വിനോദ-ഉല്ലാസ പരിപാടികളൊരു ക്കിയും പ്രകാശ വിസ്മയ കാഴ്ചകളുമായും ലാൻ്റേൺ ഫെസ്റ്റിവലിന് അൽ ബിദ പാർക്കിൽ ഇന്ന് ആരംഭി ക്കും. സേഫ് ഫ്ലൈറ്റ് സൊലൂഷൻസ് സംഘടിപ്പിക്കുന്ന പരിപാടിയിൽ പുരാതന ചൈനീസ് കലകളിൽനി ന്ന് പ്രചോദനം ഉൾക്കൊണ്ട് നൂറുകണക്കിന് പ്രകാശിക്കുന്ന ശിൽപ രൂപങ്ങളാകും പ്രദർശിപ്പിക്കുക. ചൈ നയിലെ വെസ്റ്റേൺ ഹാൻ രാജവംശത്തിൻ്റെ കാലഘട്ടത്തിൽനിന്നാണ് പ്രകാശത്തിൻ്റെ ഉത്സവമായി ലാ ന്റേൺ ഫെസ്റ്റിവലിനു തുടക്കംകുറിക്കുന്നത്. സേഫ് ഫ്ലൈറ്റ് സൊലൂഷൻസ്, അൽ ബിദ പാർക്കുമായുള്ള സഹകരണത്തിലൂടെ നടത്തുന്ന ലാൻ്റേൺ ഫെസ്റ്റിവൽ 2026 മാർച്ച് 28 വരെ നീളും.
പരമ്പരാഗത ലാന്റേ്റേൺ ആർട്ടിൽ പ്രശസ്തരായ ഹെയ്തിയൻ കൾച്ചറുമായി സഹകരിച്ചാണ് ഫെസ്റ്റിവൽ ഒരുക്കുന്നത്. മൃഗങ്ങൾ, പ്ലാൻ്റ്സ്, കൾചറൽ ഐക്കണുകൾ എന്നിവയുടെ പ്രകാശിക്കുന്ന ശിൽപങ്ങൾ വി വിധ തീം സോണുകളിൽ പ്രദർശിപ്പിക്കും. കുട്ടികൾക്കായി ഇൻഫ്ലാറ്റബിളുകൾ, ആർക്കേഡ് ഗെയിമുകൾ എന്നിവയൊരുക്കി ഫാമിലി ഫൺ സോൺ സജ്ജമാണ്. കൂടാതെ, വൈവിധ്യമാർന്ന വിഭവങ്ങൾ ലഭ്യമാക്കി ഇന്റർനാഷനൽ ഫുഡ് കോർട്ടും സജ്ജീകരിക്കും. കല-സംസ്കാരിക പരിപാടികളും കുടുംബത്തോടൊ ന്നിച്ച് ചെലവഴിക്കാൻ വിനോദ പരിപാടികളും അൽ ബിദ പാർക്കിൽ ഒരുക്കിയിട്ടുണ്ട്. ലാൻ്റേൺ ഫെസ്റ്റിവ ലിൽ സന്ദർശകർക്ക് മുതിർന്നവർക്ക് 40 ഖത്തർ റിയാലും കുട്ടികൾക്ക് 25 റിയാലുമാണ് ടിക്കറ്റ് നിരക്ക്.
ഖത്തറിലെ ഏറ്റവും പുതിയ വാർത്തകൾ തത്സമയം അറിയാൻ
ഇപ്പോൾ തന്നെ ഫോളോചെയ്യു
Qatar Grand Prix 2025 transport : ഫോർമുല 1 ഗ്രാൻഡ് പ്രിക്സ്: ദോഹ മെട്രോയും ലുസൈൽ ട്രാമും സർവീസ് സമയം നീട്ടി
Qatar Greeshma Staff Editor — November 27, 2025 · 0 Comment
Qatar Grand Prix 2025 transport : ഫോർമുല 1 ഖത്തർ എയർവേയ്സ് ഖത്തർ ഗ്രാൻഡ് പ്രിക്സ് 2025 നടക്കുന്നതിനാൽ അടുത്ത മൂന്ന് ദിവസങ്ങളിൽ ദോഹ മെട്രോയും ലുസൈൽ ട്രാമും സർവീസ് സമയം നീട്ടുമെന്ന് അധികൃതർ അറിയിച്ചു.
സോഷ്യൽ മീഡിയയിൽ പുറപ്പെടുവിച്ച അറിയിപ്പിൽ പ്രകാരം പുതുക്കിയ സമയക്രമം ചുവടെപ്പറന്നതാണ്:
- നവംബർ 28, വെള്ളിയാഴ്ച: രാവിലെ 9 മുതൽ പുലർച്ചെ 1.30 വരെ
- നവംബർ 29, ശനിയാഴ്ച: രാവിലെ 5 മുതൽ പുലർച്ചെ 1.30 വരെ
- നവംബർ 30, ഞായറാഴ്ച: രാവിലെ 5 മുതൽ പുലർച്ചെ 2.30 വരെ
മൂന്നുദിവസങ്ങളിലും യാത്രക്കാർക്ക് കൂടുതൽ സമയം മെട്രോയും ട്രാമും ഉപയോഗിക്കാൻ സംവിധാനം ഏർപ്പെടുത്തിയിട്ടുണ്ട്.
അറബ് കപ്പ് 2025 : കത്താറയിൽ ഒരുങ്ങുന്നത് 45-ലധികം സാംസ്കാരിക കലാ പരിപാടികൾ
Latest Greeshma Staff Editor — November 27, 2025 · 0 Comment
Arab Cup 2025 ദോഹ, ഖത്തർ: 2025 ഡിസംബർ 1 മുതൽ 18 വരെ നടക്കുന്ന അറബ് കപ്പ് 2025 നോടനുബന്ധിച്ച് വിപുലമായ സാംസ്കാരിക, കലാ, പൈതൃക പരിപാടികൾ സംഘടിപ്പിക്കുന്നതായി കള്ചറൽ വില്ലേജ് ഫൗണ്ടേഷൻ – കത്താറ പ്രഖ്യാപിച്ചു.
കത്താറയിലെ വിവിധ വേദികളിലായി 45-ലധികം വൈവിധ്യമാർന്ന പരിപാടികൾ സംഘടിപ്പിക്കും. പങ്കെടുക്കുന്ന രാജ്യങ്ങളുടെ സംസ്കാരങ്ങളെ പരിചയപ്പെടുത്തിയും ടൂർണമെന്റിനോട് അനുബന്ധിച്ച് എത്തുന്ന ആയിരക്കണക്കിന് ആളുകളെ ആകർഷകമായ അനുഭവങ്ങളിലൂടെ സ്വാഗതം ചെയ്യുന്നതുമാണ് ലക്ഷ്യം.
കലയും സംസ്കാരവും ഒരുമിച്ചുള്ള ആഘോഷം
- സന്ദർശകർക്ക് കല, കായികം, സംസ്കാരം എന്നിവയുടെ സമന്വയത്തോടെ സമഗ്രമായ അനുഭവം നൽകുക,
- അറബ് സ്വത്വവും പ്രാദേശിക പൈതൃകവും ഉയർത്തിക്കാട്ടുക,
- രാജ്യങ്ങൾ തമ്മിലെ സാംസ്കാരിക സംവാദം ശക്തിപ്പെടുത്തുക
എന്നിവയാണ് പരിപാടികളുടെ പ്രധാന ലക്ഷ്യങ്ങൾ.
പ്രദർശനങ്ങളും ദിനസാധാരണ പരിപാടികളും
ഡിസംബർ 1 മുതൽ 18 വരെ കത്താറ കോർണിഷിൽ ഉച്ചയ്ക്ക് 1 മുതൽ രാത്രി 10 വരെ വിവിധ പ്രവർത്തനങ്ങൾ നടക്കും.
ഇതിൽ കലാപ്രകടനങ്ങൾ, നാടോടി നൃത്തങ്ങൾ, മത്സരങ്ങൾ, അറബ് രാജ്യങ്ങളിൽ നിന്നുള്ള നാടകങ്ങൾ എന്നിവ ഉൾപ്പെടുന്നു.
കെട്ടിടം 6, 19, 22, 47 എന്നിവിടങ്ങളിൽ ഫൈൻ ആർട്ട്, സ്റ്റാമ്പ് പ്രദർശനം, ഔദ് ചരിത്രം, “കളേഴ്സ് ഓഫ് ഖത്തരി ഹോസ്പിറ്റാലിറ്റി” തുടങ്ങിയ പ്രത്യേക പ്രദർശനങ്ങളും ഉണ്ടായിരിക്കും.
സംഗീത-നൃത്യ പരിപാടികൾ
- ഖത്തരി അർദ നൃത്തം
- അൽ-ജഹ്റ നാടോടി സംഘം
- കുവൈറ്റ് നാസർ ബു അവദ് സംഘം
- അഞ്ച് അറബ് രാജ്യങ്ങളിൽ നിന്നുള്ള നൃത്തസംഘങ്ങൾ
- ഒമാനി ഗായിക മറിയം അൽ-മുൻജിയുടെ സംഗീത സായാഹ്നം (ഡിസം 4–8)
- അൾജീരിയൻ ഓർക്കസ്ട്രയുടെ പ്രകടനം (ഡിസം 18)
കത്താറ കോർണിഷിൽ സൈനിക സംഗീത പ്രദർശനവും (ടാറ്റൂ) ഉണ്ടായിരിക്കും.
അറബ് ഓപ്പറ ഫെസ്റ്റിവൽ
ഡിസംബർ 8 മുതൽ 10 വരെ വൈകുന്നേരം 5 മുതൽ 8 വരെ കത്താറ ഓപ്പറ ഹൗസിൽ അറബ് ഓപ്പറ ഫെസ്റ്റിവൽ നടക്കും.
കുട്ടികൾക്കായി പ്രത്യേക പരിപാടികൾ
പങ്കെടുക്കുന്ന രാജ്യങ്ങളുടെ സംസ്കാരങ്ങളിൽ നിന്ന് പ്രചോദനം ഉൾക്കൊണ്ട് നിരവധി സംവേദനാത്മക കലാ വർക്ക്ഷോപ്പുകളും ചിത്രരചനാ മത്സരങ്ങളും ഒരുക്കിയിട്ടുണ്ട്.
ഡിസംബർ 16 മുതൽ 20 വരെ ഡ്രാമ തിയേറ്ററിൽ “കിംഗ് ഓഫ് ദി സ്റ്റേജ്” നാടകം അരങ്ങേറും.
ഔട്ട്ഡോർ തിയേറ്ററിൽ പാവകളുടെ പ്രദർശനവും കഥപറച്ചിലും ഉണ്ടായിരിക്കും.
ലോക അറബി ഭാഷാ ദിനം
ഡിസംബർ 17 ന് “ലാംഗ്വേജ് ഓഫ് ദി ലെറ്റർ ദാദ്” പരിപാടികളോടെ ലോക അറബി ഭാഷാ ദിനം കത്താറ ആഘോഷിക്കും.
കത്താറയുടെ ഈ വിപുലമായ പരിപാടികൾ എല്ലാ പ്രായക്കാരെയും ദേശീയതകളെയും ഒരുപോലെ ആകർഷിക്കുന്നതായിരിക്കുമെന്ന് സംഘാടകർ പറഞ്ഞു. കല, പൈതൃകം, കായികം എന്നിവയുടെ സമന്വയം ആസ്വദിക്കാൻ ആയിരക്കണക്കിന് സന്ദർശകരെ വരവേൽക്കാൻ കത്താറ ഒരുങ്ങുകയാണ്.
ഖത്തറിൽ ഈ വാരാന്ത്യം നിങ്ങൾക്ക് എങ്ങനെയൊക്കെ അടിച്ച് പൊളിക്കാം ? സംഗീതം, കായികം, വിനോദം, കായികമത്സരങ്ങൾ
Qatar Greeshma Staff Editor — November 27, 2025 · 0 Comment
Doha events November 2025 ദോഹ, ഖത്തർ: നവംബർ മാസം അവസാനിക്കുമ്പോൾ ദോഹയിൽ ഈ വാരാന്ത്യം ആവേശകരമായ ഇവന്റുകൾക്കാണ് വേദിയാകുന്നത്. എല്ലാ പ്രായക്കാരും ആസ്വദിക്കാവുന്ന സംഗീത പരിപാടികൾ, പ്രദർശനങ്ങൾ, കായിക മത്സരങ്ങൾ, വിനോദ പരിപാടികൾ എന്നിവയോടെ ദോഹ സന്ദർശകർക്കും സ്വദേശികൾക്കും ഒരുപോലെ പ്രത്യേക അനുഭവമാണ് ഒരുക്കുന്നത്.
നജ്വ കരം ലൈവ് – നവംബർ 28
ലെബനീസ് സൂപ്പർസ്റ്റാറായ നജ്വ കരം നവംബർ 28-ന് അൽ മയാസ്സ തിയേറ്ററിൽ ലൈവ് കോൺസർട്ടിനൊരുങ്ങുന്നു. രാത്രി 9 മുതൽ 11:50 വരെ നീളുന്ന പരിപാടിക്ക് വലിയ തിരക്കാണ് പ്രതീക്ഷിക്കുന്നത്.
ദോഹ ഇന്റർനാഷണൽ കോഫി എക്സിബിഷൻ – നവംബർ 27 മുതൽ 29 വരെ
ക്യുഎൻസിസിയിൽ നടക്കുന്ന കോഫി പ്രദർശനത്തിൽ 20-ലധികം രാജ്യങ്ങളിൽ നിന്ന് 250-ലധികം പ്രദർശകരാണ് പങ്കെടുക്കുന്നത്. മികച്ച കോഫി ഉൽപ്പന്നങ്ങളും ഉപകരണങ്ങളും ഒരിടത്ത് കാണാനുള്ള അവസരമാണ് ഇത്.
ടുണീഷ്യൻ നൈറ്റ്സ് – സംഗീത സായാഹ്നങ്ങൾ
അബ്ദുൽ അസീസ് നാസർ തിയേറ്ററിൽ നടക്കുന്ന “ടുണീഷ്യൻ നൈറ്റ്സ്” സീരിസിന്റെ ഭാഗമായി:
നവംബർ 27-ന് മുഹമ്മദ് ജെബാലി
നവംബർ 28-ന് ഫൗസി ബെൻ ഗാമ്ര
എന്നിവർ സംഗീത പ്രകടനങ്ങൾ അവതരിപ്പിക്കും.
ഫോർമുല 1 ഖത്തർ ഗ്രാൻഡ് പ്രിക്സ് – നവംബർ 28 മുതൽ 30 വരെ
ലുസൈൽ ഇന്റർനാഷണൽ സർക്യൂട്ടിൽ നടക്കുന്ന F1 ഖത്തർ ഗ്രാൻഡ് പ്രിക്സ് 2025 സീസണിലെ അവസാന സ്പ്രിന്റ് റേസാണ്. ലൂയിസ് ഹാമിൽട്ടന്റെ ഫെരാരി അരങ്ങേറ്റവും ആൻഡ്രിയ കിമി അന്റൊനെല്ലിയുടെ മെഴ്സിഡസ് എൻട്രിയും ശ്രദ്ധേയമാകും.
ബ്രൂക്ക് ഇവന്റുകൾ – മരുഭൂമി അനുഭവങ്ങൾ
2026 ജനുവരി 17 വരെ സ്ഫടിക മനോഹരമായ മരുഭൂമി ലക്ഷ്യസ്ഥാനമായ ബ്രൂക്കിൽ ഡൈനിംഗ്, ഗ്ലാമ്പിംഗ്, സാംസ്കാരിക പരിപാടികൾ ഉൾപ്പെടെ നിരവധി അനുഭവങ്ങൾ ലഭ്യമാകും. ടിക്കറ്റുകൾ 30 ഖത്തർ റിയാലിൽ നിന്ന് ആരംഭിക്കുന്നു.
സ്റ്റേജ് ഷോ: എലിയാനയും ദന അൽ മീറും – നവംബർ 28
ലുസൈൽ സിറ്റിയിലെ സോൺ 1 സ്റ്റേജിൽ പലസ്തീനിയൻ-ചിലിയൻ ഗായിക എലിയാനയും ഖത്തറി ഗായിക ദന അൽ മീരും ചേർന്ന് ഒരു മണിക്കൂർ നീളുന്ന തത്സമയ പരിപാടി അവതരിപ്പിക്കും.
FEI ഗ്രൂപ്പ് VII ഫൈനൽ – നവംബർ 27 മുതൽ 29 വരെ
അൽ ഷഖാബിലെ ലോംഗൈൻസ് ഇൻഡോർ അരീനയിൽ നടക്കുന്ന ഈ കുതിരസവാരി മത്സരത്തിൽ മിഡിൽ ഈസ്റ്റ്–വടക്കേ ആഫ്രിക്കയിലെ മുൻനിര റൈഡർമാർ പങ്കെടുക്കുന്നു.
സൂപ്പർനോവ – ഫിറ്റ്നസ് മത്സരം
അത്ലറ്റ്സ് യൂണിവേഴ്സിൽ നവംബർ 28–29 തീയതികളിൽ നടക്കുന്ന “സൂപ്പർനോവ” മത്സരത്തിൽ 12 ടീമുകൾ മൂന്ന് റൗണ്ടുകളിലായി മത്സരിക്കും. പ്രവേശനം സൗജന്യം.
കളർവേ മാരത്തൺ – നവംബർ 28
ആസ്പയർ സോണിൽ നടക്കുന്ന കളർ റണ്ണിൽ 1-20 കിലോമീറ്റർ വരെ വിവിധ ദൂരം ഉൾക്കൊള്ളുന്ന ഓട്ടമത്സരങ്ങളാണ്. എല്ലാ പങ്കാളികൾക്കും മെഡലും ഗിഫ്റ്റ് കിറ്റും ലഭിക്കും.
മോഹനദ് സയൻസ് ഷോ – നവംബർ 28
ലുസൈൽ മറീനയിൽ നടക്കുന്ന മോഹനദ് സയൻസ് ഷോ കുട്ടികൾക്കായി തത്സമയ ശാസ്ത്ര പരീക്ഷണങ്ങളും പഠനപരിപാടികളും അവതരിപ്പിക്കുന്നു.
ഡിഎഫ്എഫ് ഫിലിംസ് – നവംബർ 27 മുതൽ 29 വരെ
വിവിധ ലൊക്കേഷനുകളിൽ നടക്കുന്ന ദോഹ ഫിലിം ഫെസ്റ്റിവലിൽ അന്താരാഷ്ട്ര ചലച്ചിത്ര മത്സരങ്ങളും പ്രദർശനങ്ങളും നടക്കും. എല്ലാ പരിപാടികൾക്കും ഫിസിക്കൽ ടിക്കറ്റ് ആവശ്യമാണ്.
ഖത്തറിൽ ഇനി പൊടിപാറും കാറോട്ട പൂരം ; ഫോർമുല വൺ റേസിങ്ങിന് ഖത്തർ ഒരുങ്ങി
Qatar Greeshma Staff Editor — November 26, 2025 · 0 Comment
Qatar Formula 1 Grand Prix 2025 ദോഹ: മിന്നൽ വേഗത്തിൽ ചീറിപ്പായുന്ന കാറുകളുടെ പോരാട്ടമായ ഫോർമുല വൺ റേസിങ്ങിന് ഖത്തർ ഒരുങ്ങി. ഖത്തറിലെയും മേഖലയിലെയും കാറോട്ട പ്രേമികളുടെ വേഗപ്പൂരത്തിന് വെള്ളിയാഴ്ച ലുസൈൽ അന്താരാഷ്ട്ര സർക്യൂട്ടിൽ കൊടിയേറും. 2025ലെ ഫോർമുല വൺ ഖത്തർ ഗ്രാൻഡ് പ്രീ മത്സരങ്ങൾ 57 ലാപ്പുകളുള്ള, 308.6 കിലോമീറ്റർ സ്പ്രിന്റ് ഫോർമാറ്റിലാണ് നടക്കുക. പരിശീലന സെഷനുകൾ, സ്പ്രിന്റ് യോഗ്യത, സ്പ്രിന്റ് റേസ്, ഗ്രാൻഡ് ഫിനാലെ അടക്കമുള്ള മത്സരങ്ങൾ അരങ്ങേറും. 2025 സീസണിൽ ഫോർമുല വൺ സ്പ്രിന്റ് ഇവന്റുകൾ നടക്കുന്ന ആറ് വേദികളിൽ ഒന്നാണ് ഖത്തർ.
സീസണിന്റെ സമാപനവും ലുസൈൽ സർക്യൂട്ടിലാണ്. എഫ്.ഐ.എ ഫോർമുല വൺ വേൾഡ് ചാമ്പ്യൻഷിപ്പിന്റെ 75ാം വാർഷികാഘോഷവും ഇതോടനുബന്ധിച്ച് നടക്കും. 10 വർഷത്തേക്ക് ഫോർമുല വൺ റേസുകളിലൊന്നിന് ആതിഥേയത്വം വഹിക്കാനുള്ള കരാറിൽ ഖത്തർ നേരത്തേ ഒപ്പുവെച്ചിട്ടുണ്ട്.കളറാക്കാൻ വിനോദ പരിപാടികളുംദോഹ: ഫോർമുല വൺ ഖത്തർ ഗ്രാൻഡ് പ്രിക്സിനോടനുബന്ധിച്ച് ലുസൈൽ ഇന്റർനാഷനൽ സർക്യൂട്ടിൽ (എൽ.ഐ.സി) വിവിധ വിനോദ പരിപാടികൾ അരങ്ങേറും. നവംബർ 28ന് ഫാൻ സോൺ പരിപാടിയിൽ എല്ലാ പ്രായക്കാർക്കും വേണ്ടിയുള്ള വിനോദ പരിപാടികൾ ഉൾപ്പെടുത്തും. ലോകപ്രശസ്ത ബ്രിട്ടീഷ് ഗായകനും ഗാനരചയിതാവുമായ സീൽ അന്നേദിവസം ലൈവ് സ്റ്റേജ് പരിപാടി അവതരിപ്പിക്കും. കൂടാതെ, ഇന്ററാക്ടിവ് പരിപാടികൾ, മ്യൂസിക്, ഫാൻ സോൺ വേദിയിലെ വിനോദ പരിപാടികൾ, ഫോർമുല വൺ താരങ്ങളുമായി നേരിട്ട് സംവദിക്കാൻ അവസരം നൽകുന്ന എഫ് വൺ ഫാൻ ഫോറം എന്നിവ ഉൾപ്പെടെ വിവിധ പരിപാടികളാണ് ഇതോടനുബന്ധിച്ച് സംഘടിപ്പിക്കുന്നത്.
ഖത്തറിലെ സൂപ്പർ മാർക്കറ്റുകളിലും ഹോട്ടലുകളിലും മുനിസിപ്പാലിറ്റി മന്ത്രാലയത്തിന്റെ വിപുലമായ പരിശോധന തുടരുന്നു
Latest Greeshma Staff Editor — November 26, 2025 · 0 Comment
Qatar inspections : ദോഹ: ഡിസംബർ ഒന്നുമുതൽ ഖത്തർ ആതിഥേയത്വം വഹിക്കുന്ന ഫിഫ അറബ് കപ്പിന് മുന്നോടിയായി സൂപ്പർ മാർക്കറ്റുകളിലും ഹോട്ടലുകളിലും മുനിസിപ്പാലിറ്റി മന്ത്രാലയത്തിന്റെ നേതൃത്വത്തിൽ വിപുലമായ പരിശോധന കാമ്പയിൻ ആരംഭിച്ചു. ഭക്ഷ്യസുരക്ഷയും ഗുണമേന്മയും ഉറപ്പാക്കാൻ ലക്ഷ്യമിട്ടാണ് പരിശോധന നടത്തുന്നത്. രാജ്യത്തെ ജനങ്ങളുടെ ജീവിതനിലവാരവും ക്ഷേമവും വർധിപ്പിക്കാനും എല്ലാവർക്കും ആരോഗ്യകരവും സുരക്ഷിതവുമായ അന്തരീക്ഷം ഉറപ്പാക്കാനും ലക്ഷ്യമിട്ട് മുനിസിപ്പാലിറ്റി മന്ത്രി അബ്ദുല്ല ബിൻ ഹമദ് ബിൻ അബ്ദുല്ല അൽ അതിയ്യയുടെ നിർദേശങ്ങളുമായി ബന്ധപ്പെട്ടാണ് പരിശോധനയെന്ന് മന്ത്രാലയം വാർത്തക്കുറിപ്പിൽ വിശദീകരിച്ചു.
ഇതോടനുബന്ധിച്ച് ദോഹ മുനിസിപ്പാലിറ്റിയിൽ 156 ഹോട്ടലുകളെ ലക്ഷ്യമിട്ട് രണ്ട് ആഴ്ച നീണ്ടുനിൽക്കുന്ന പരിശോധനാ കാമ്പയിൻ ആരംഭിച്ചു. ഇതിനായി 30 ഇൻസ്പെക്ടർമാരെയാണ് നിയോഗിച്ചത്. ഭക്ഷ്യ സ്ഥാപനങ്ങൾ, സലൂണുകൾ, മസാജ് സെന്ററുകൾ എന്നിവിടങ്ങളിലാണ് കാമ്പയിൻ ശ്രദ്ധ കേന്ദ്രീകരിക്കുന്നത്. കൂടാതെ, ഭക്ഷണസാധനങ്ങൾ സുരക്ഷിതമാണെന്ന് ഉറപ്പാക്കാൻ സാമ്പിളുകൾ ശേഖരിച്ച് ലബോറട്ടറിയിൽ പരിശോധനകൾക്കായി അയക്കുന്നുണ്ട്. മുനിസിപ്പാലിറ്റി മന്ത്രാലയത്തിന്റെ നേതൃത്വത്തിൽ ദോഹയിൽ നടത്തിയ കാമ്പയിനിൽനിന്ന്പ്രധാന വിനോദസഞ്ചാര മേഖലകളായ സൂഖ് വാഖിഫ്, ദോഹ പോർട്ട്, പേൾ ഖത്തർ, മുശൈരിബ് ഡൗൺ ടൗൺ ദോഹ എന്നിവിടങ്ങളിലും പാർക്കുകളിലെയും പൊതുസ്ഥലങ്ങളിലെയും ഫുഡ് സ്റ്റാളുകളിലും മൊബൈൽ കാർട്ടുകളിലും 24 ഇൻസ്പെക്ടർമാരുടെ പങ്കാളിത്തത്തോടെ പരിശോധനകൾ നടക്കുന്നുണ്ട്. എല്ലാവർക്കും ആരോഗ്യകരവും സുരക്ഷിതവുമായ അന്തരീക്ഷം ഒരുക്കുന്നതിനായി അറബ് കപ്പ് ടൂർണമെന്റ് ദിവസങ്ങളിലുടനീളവും ദേശീയ ദിനാഘോഷ വേളകളിലും നിരീക്ഷണ കാമ്പയിൻ തുടരും.
അതേസമയം, അൽ റയ്യാൻ മുനിസിപ്പാലിറ്റിയിലും സുരക്ഷാ ഒരുക്കങ്ങളുടെ ഭാഗമായി വിനോദസഞ്ചാര കേന്ദ്രങ്ങളിലെ പരിശോധനകൾ ശക്തമാക്കിയിട്ടുണ്ട്.സന്ദർശകരും വിനോദസഞ്ചാരികളും കൂടുതലായി എത്തുന്ന റെസ്റ്റാറന്റുകൾ, ഹോട്ടലുകൾ, കടകൾ, മറ്റ് സ്ഥാപനങ്ങൾ എന്നിവയാണ് കാമ്പയിനിലൂടെ ലക്ഷ്യമിടുന്നത്. സേവനങ്ങളുടെ ഗുണമേന്മ വർധിപ്പിക്കുന്നതിനും പൊതുസുരക്ഷ നിലനിർത്തുന്നതിനും മെച്ചപ്പെടുത്തുന്നതിനുമുള്ള ശ്രമങ്ങളുടെ ഭാഗമായി, ഭക്ഷ്യസ്ഥാപനങ്ങളുമായി ബന്ധപ്പെട്ട് പരാതികൾ ഉണ്ടെങ്കിൽ റിപ്പോർട്ട് ചെയ്യണമെന്ന് മന്ത്രാലയം പൊതുജനങ്ങളോടും സന്ദർശകരോടും ആവശ്യപ്പെട്ടു`
