Uae summer holiday beach: ചൂട് ഇങ്ങെത്തി!!ഈ വേനൽകാലത്ത് കുടുംബങ്ങൾക്ക് ഉല്ലാസിക്കാൻ പറ്റിയ യുഎഇയിലെ ബീച്ചുകൾ ഇതാ
Uae summer holiday beach: യുഎഇയിലെ ബീച്ചുകൾ ശുചിത്വവും സുരക്ഷയും ഉറപ്പാക്കിയതോടൊപ്പം കുടുംബങ്ങൾക്കായി വിനോദത്തിനും വിശ്രമത്തിനും പൂർണ സൗകര്യങ്ങൾ ഒരുക്കിയിരിക്കുന്നു. കുട്ടികൾക്ക് കളിക്കളങ്ങളും, മുതിർന്നവർക്കുള്ള ജല വിനോദങ്ങളും, ഫുഡ് കോർട്ടുകളും പാർക്കിംഗ് സൗകര്യങ്ങളും ഈ ബീച്ചുകളെ എല്ലാവർക്കും പ്രിയപ്പെട്ടതാക്കുന്നു. ചിലത് സൗജന്യവും ചിലത് ചുരുങ്ങിയ ഫീസോടുകൂടിയവയുമാണ്, എന്നാൽ ആധുനിക സൗകര്യങ്ങൾ നൽകിയിരിക്കുന്ന ഈ ബീച്ചുകൾ വൈകുന്നേര സമയങ്ങളിൽ കുടുംബസമേതം സമയം ചെലവഴിക്കാനും മികച്ച പിക്‌നിക് അനുഭവങ്ങൾ സ്വന്തമാക്കാനും ഏറ്റവും അനുയോജ്യമായ ഇടങ്ങളാണ്.വേനൽക്കാലം ദുബായിൽ ആഘോഷമാക്കാൻ,ദുബായ് സർക്കാർ മീഡിയ ഓഫീസിന്റെ ക്രിയേറ്റീവ് വിഭാഗമായ ബ്രാൻഡ് ദുബായ് പുറത്തിറക്കിയ ‘Dubai’s Summer Activities’ ഗൈഡ് തീർച്ചയായും സഹായകമാകും. ഈ ഗൈഡിൽ ഉൾപ്പെടുത്തിയിരിക്കുന്ന 11 ബീച്ചുകളും വിശ്രമത്തിനും വിനോദത്തിനും അനുയോജ്യമായ അന്തരീക്ഷം ഒരുക്കുന്നവയാണ്. മനോഹരമായ കടൽക്കര, ആധുനിക സൗകര്യങ്ങൾ, സുരക്ഷിതത്വം – എല്ലാം ഉറപ്പ്. ചെറിയ കായികപ്രവർത്തനങ്ങൾ മുതൽ കുടുംബത്തോടൊപ്പം കടൽക്കരയിൽ ആസ്വദിക്കാവുന്ന സായാഹ്നങ്ങൾ വരെ ഇവിടെ സജ്ജമാണ്. ഇത് ഏത് പ്രായത്തിലുള്ള ആസ്വാദകരുടെയും പ്രിയപ്പെട്ടയിടമായി മാറുകയാണ്.
കൂടാതെ മറ്റ് ആകർഷണങ്ങൾ അതായത് വാട്ടർ പാർക്ക് ഇൻഡോർ തീം പാർക്ക് എന്നിവയും ഇവിടെ ഒരുക്കിയിട്ടുണ്ട്. ഈ വിവരങ്ങളുടെ വിശദമായും വിവരങ്ങളും ഇത് കൃത്യമായി എഴുതിയിട്ടുണ്ട്. കൂടാതെ ഇവിടെ രാത്രികാലങ്ങളിൽ നീന്താനുള്ള സൗകര്യവും വായനക്കാർക്ക് ലൈബ്രറി സൗകര്യവും ഒരുക്കിയിട്ടുണ്ട്. ഇത് മറ്റ് ബീച്ചുകളിൽ നിന്ന് വിനോദസഞ്ചാരികൾക്ക്
1. കൈറ്റ് ബീച്ച്
ബുർജ് അൽ അറബിന്റെ കാഴ്ചകൾ ആസ്വദിക്കാൻ കഴിയുന്ന 2.4 കിലോമീറ്റർ വിസ്തൃതിയുള്ള ബീച്ചാണ് ജുമൈറയിലെ കൈറ്റ് ബീച്ച്. ഇവിടെ കൈറ്റ് സർഫിംഗ് ഏരിയ, ജോഗിംഗ് ട്രാക്ക്, ബോർഡ്‌വാക്ക് തുടങ്ങിയ കായിക സൗകര്യങ്ങൾ ഒരുക്കിയിട്ടുണ്ട്. കൂടാതെ കുട്ടികൾക്കായി കളിസ്ഥലങ്ങളും പ്രായമായവർക്ക് ബീച്ച് ആക്സസുമുണ്ട്. സാഹസികത ഇഷ്ടപെടുന്ന ആളുകൾ ആണെങ്കിൽ. നീന്തൽ പ്രദേശങ്ങളിൽ നിന്ന് അകലെ സുരക്ഷിതമായ മേഖലകളിൽ ജെറ്റ്-സ്കീയിംഗ്, ബനാന ബോട്ട് റൈഡുകൾ പോലുള്ള മോട്ടോർ വാട്ടർ സ്‌പോർട്‌സുകൾ എന്നിവയുമുണ്ട്.
2. ജുമൈറ ബീച്ച് 1
നീന്തലിനായി പൂർണ്ണമായും നീക്കിവച്ചിരിക്കുന്ന ഈ ബീച്ചിൽ 1,350 മീറ്റർ നീളമുള്ള ഒരു ജോഗിംഗ് ട്രാക്കും ഒരുക്കിയിട്ടുണ്ട്. അതിനാൽ ദിവസവും നിരവധി ആളുകളാണ് ഇവിടെ എത്താറുള്ളത്. എന്നാൽ കുട്ടികളെക്കാൾ മുതിർവന്നർക്ക് അനുയോജ്യയമായ ഒരു സ്ഥലം എന്നാണ് പൊതുവെ പറയപ്പെടുന്നത്.
3. ജുമൈറ ബീച്ച് 2
ഓപ്പൺ ജിം, ജോഗിംഗ് ട്രാക്ക്, ബോർഡ്‌വാക്ക് എന്നിവ വാഗ്ദാനം ചെയ്യുന്ന ജുമൈറ 2 ബീച്ചിൽ ബീച്ചിൽ ലോഞ്ചുകൾ, കളിസ്ഥലങ്ങൾ, യുവാക്കൾക്കും മുതിർന്നവർക്കും ആക്സസ് കോറിഡോറുകൾ എന്നിവയും സജ്ജീകരിച്ചിട്ടുണ്ട്. കൂടാതെ വായനയെ ഇഷ്ടപ്പെടുന്നവർക്ക് ഇവിടെ എല്ലാ പ്രായക്കാർക്കുമുള്ള പുസ്തകങ്ങളുള്ള ഒരു ബീച്ച് ലൈബ്രറിയും ഒരുക്കിയിട്ടുണ്ട്.
4. ജുമൈറ ബീച്ച് 3
1,980 മീറ്റർ വിസ്തീർണ്ണമുള്ള ഈ ബീച്ചിൽ കൈറ്റ് സർഫിംഗ് ഏരിയ, ജോഗിംഗ് ട്രാക്ക്, ബോർഡ്‌വാക്ക്, ജിം ഉപകരണങ്ങളുള്ള ഫിറ്റ്‌നസ് സോണുകൾ എന്നിവ ഉൾപ്പെടുന്നു. സൂര്യാസ്തമയം ആസ്വദിക്കാനോ വിനോദ മത്സ്യബന്ധനത്തിനോ അനുയോജ്യമായ ഇരിപ്പിടങ്ങളുള്ള 125 മീറ്റർ നീളമുള്ള ‘ഹാപ്പിനെസ് പ്ലാറ്റ്‌ഫോം’ എന്നെ ഒരു സ്പോട്ട് ഒരുക്കിയിട്ടുണ്ട്.
5. ഉമ്മു സുഖീം ബീച്ച് 1 , 2
615 മീറ്റർ വിസ്തൃതിയുള്ള ഈ രണ്ട് ബീച്ചുകളിലും പ്രത്യേക നീന്തൽ, സർഫിംഗ് ഏരിയകൾ, ജോഗിംഗ് ട്രാക്ക്, പൊതു ലോഞ്ചുകൾ, അത് മുതിർന്ന ആളുകൾക്കും പ്രായമായവർക്കും പ്രവേശന ഇടനാഴികൾ എന്നിവയുണ്ട്. ഇതിന്റെ സമീപത്ത് തന്നെയാണ് ഉം സുഖീം പാർക്ക് സ്ഥിതിചെയ്യുന്നത്.
Comments (0)